ރޯދަ މަހު މާލޭގައި ކުނި ނަގާނީ ރޭގަނޑު 8:00 އާއި ދަންވަރު 12:00އާ ދެމެދު :ވެމްކޯ

ވެމްކޯގެ މުވައްޒަފުންތަކެއް މާލޭގެ ގެއަކުން ކުނި ގެންދިއުމުގެ މަސައްކަތްކުރަނީ: ރޯދަމަހު ގޭގެއިން ކުނި ނަގާނީ ރޭގަނޑު.

14 މެއި 2018 - 21:14

މި ހަފުތާގައި ފަށާ މި އަހަރުގެ ރޯދަ މަހު މާލެ އާއި ހުޅުމާލެ އަދި ވިލިމާލޭގެ ގޭގެ އިން ކުނި ނަގާނީ ރޭގަނޑު 8:00 ން ދަންވަރު 12:00 ދެމެދު ކަމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ކަމަށް ހަމަޖައްސައިފި އެވެ.

ކަލަންޑަރުގައިވާ ގޮތުން މި އަހަރުގެ ރޯދަ މަސް އަންނަ ބުދަ ދުވަހު ފަށާއިރު، މާލެ އާއި ހުޅުމާލެ އާއި ވިލިމާލޭގެ އިތުރުން އައްޑު އާއި ފުވައްމުލަކުގެ ގޭގެ އިން ކުނި ގެންދާނެ ގަޑިތައް ވެމްކޯ އިން މިއަދު ވަނީ އިއުލާން ކޮށްފަ އެވެ.

ރޯދަ މަހު މާލެ އާއި ވިލިމާލެ އަދި ހުޅުމާލޭގެ ގޭގެއިން ރޭގަނޑު އެކަނި ކުނި ނެގާ ގޮތަށް ވެމްކޯ އިން ހަމަޖެއްސި ނަމަވެސް މާލެ ސަރަހައްދުގައި ވިޔަފާރިކުރާ ތަންތަނުން ކުނި ގެންދާނީ ހެނދުނު 10:00 ން ހަވީރު 3:30 އަށް އަދި ރޭގަނޑު 10:00 ން ދަންވަރު 3:30 އަށެވެ.

ރޯދަ މަހު ކުނި ނަގާ ގަޑިތައް:

- މާލެ، ހުޅުމާލެ، ވިލިމާލޭގެ ގޭގެ އިން ކުނި ނަގާނީ ރޭގަނޑު 8:00 އިން ދަންވަރު 12:00 އަށް.

- މާލެ، ހުޅުމާލެ، ވިލިމާލޭގައި ވިޔަފާރި ކުރާ ތަންތަނުން ކުނި ގެންދާނީ ހެނދުނު 10:00 އިން ހަވީރު 3:30 އަދި ރޭގަނޑު 8:00 އިން މެންދަމު 3:30 އަށް.

- އައްޑޫގެ ގޭބީސީތަކުންނާއި ވިޔަފާރި ކުރާ ތަންތަނުން ކުނި ގެންދިއުން: ހެނދުނު 10:00 އިން ހަވީރު 3:30 އަށް އަދި ރޭގަނޑު 8:00 އިން ދަންވަރު 12:00 އަށް.

- ފުވައްމުލަކުގެ ގޭބީސީތަކުންނާއި ވިޔަފާރި ކުރާ ތަންތަނުން ކުނި ގެންދިއުން: ހެނދުނު 10:00 އިން ހަވީރު 3:30 އަށް.

މާލެ ސަރަހައްދުގެ އިތުރުން އައްޑޫގެ ގެތަކުން ކުނި ނަގާ ގަޑިއަކީ ހެނދުނު 10:00 އިން މެންދުރު ފަހު 3:30 އަށެވެ، އަދި ރޭގަނޑު 8:00 ން ދަންވަރު 12:00 އާ ދެމެދު ވެސް އައްޑޫގެ ގެތަކުން ކުނި ނަގާ ގޮތަށް ވަނީ ހަމަޖައްސައިފަ އެވެ. ފުވައްމުލަކުގެ ގެތަކުން ކުނި ނަގާ ގަޑިއަކީ ހެނދުނު 10:00 ން ހަވީރު 3:30 އަށެވެ.

ވެމްކޯ އިން ވަނީ މާލެ އާއި ހުޅުމާލެ، ވިލިމާލެ، އައްޑޫ އަދި ފުވައްމުލަކާއި ތިލަފުށީގައި އެ ކުންފުނިން ގާއިމް ކޮށްފައިވާ ސައިޓް ހުޅުވާނެ ގަޑިތައް ވެސް ރޯދަ މަހާ ދިމާކޮށް ބަދަލުކޮށްފަ އެވެ.. އެގޮތުން މާލެ އާއި ވިލިމާލެ އަދި ހުޅުމާލޭގެ ކުނި އުކާ ސައިޓް ހުޅުވާފައި ހުންނާނީ ހުކުރު ދުވަސް ފިޔަވައި އެހެން ދުވަސްތަކުގައި ހެނދުނު 10:00 އިން ހަވީރު 5:00 އަށެވެ. މާލޭގެ ސައިޓް ރޭގަނޑު 7:30 ން ދަންވަރު 3:00 އަށް ހުޅުވާފައި ހުންނައިރު ވިލިމާލެ އާއި ހުޅުމާލޭގެ ސައިޓް ހުޅުވާފައި ހުންނާނީ ރޭގަނޑު 7:30ން ދަންވަރު 2:00 އަށެވެ.

ކުނި ވެމްކޯ މާލެ ރޯދަ މަސް 2018 އައްޑޫ ފުވައްމުލައް

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނެރު

15 May 2018

ކަމަކުނުދޭ 21:30 އިން 12:30 އަށް ހަދާ އެވެރިންވެސް ރޯދަމަހު ތަރާވީސް ނަމާދު ކުރަން ވާނެ އެއްނުދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

15 May 2018

ވެމްކޯ ތިޔައީ އަހަރެންނަސްޖެހިފައިވާ ބޮޑު މުސީބާތެއް. ގަވާއިދުން ކޮންމެދުވަހަކު ކުންޏެއް ނުނަގާ. ކޮންމެރެއަކުވެސް 11ޖަހަންކައިރިވީމަ ތިބުނަ ވެމްކޮއަކަ ގުޅައި މިރޭ އަދި ކުނި ނުނަގާކަން އަންގަން. އެކަމަކު ކުނިނަގާކަށްނާދޭ. އަނެއްދުވަހުވެސް ފަސްހަފަރު ގުޅާގެންވެސް ނުނަގާ. ބުނާނެ ނަގާލެވޭތޯ މިބަލަނީއޭ. ރޭގައިވެސް ކުނި ނުނަގާ. މިއަދު ގުޅީމާ މީހަކުފޮނުވާގެން ނަގާފި. ބަރާބަރަށް ބިލް ދައްކަން ކޮންމެމަހަކުވެސް. ބިލްގެ މެސެޖް ލިބޭތާ 3ދުވަހުގެތެރޭގައި ހުންނާނީ ބިލްދައްކާފަ. އެކަމަކު ގަވާއިދުން ކޮންމެދުވަހަކު ކުނިނަގާގޮތަށް އެއްބަސްވެގެން ލިޔުމެއްގައި ސޮއިކޮށްގެން ރަޖިސްޓަރީކުރީ. އެކަމަކު ކުނިނަގުވަންމިޖެހެނީ އެތަަކެއްފަހަރުގުޅާ އެތާތިބޭ އޮޕަރޭޓަރުންނަށް ހެޓަކަށްބަވާލީމާ. ޒޯނުގެސްޕަވައިޒަރެއްވެސް ހުރެޔޯ؟ އޭނާ ގުޅަން ނަންބަރެއްވެސްދީފާބުނި ކުނިނެގުންލަސްވަންޏާގުޅާށޭ. އެކަމަކު އެނަންބަރަކުން ފޯނެއްނުނަގާ. މީހަލަތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިދާން

15 May 2018

ތިހާ ދިގު ލިޔުން މިއޮށް މެންދުރު ގަޑީ ކިއާހިތެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫއެންއައި

14 May 2018

ވެމްކޯ އިން މާލެ އިން ކުނި ނަގާ ގަޑި ތަކަކީ އެއީ ރޭގަނޑު 8 އިން ފެށިގެން ރޭގަނޑު 12 އާއި ދެމެދު ވުން އެއީ އެންމެ ރަނގަޅު ކަމެކޭ އެކަމަކު ވިޔަފާރި ކުރާ ތަންތަނުން އެނޫން ގަޑި ތަކުގައި ކުނި ނަގާ ގޮތަށް ހަމަ ޖެއްސުން އެއީ ރަނގަޅު ކަމެކޭ. ވެމްކޯ އިން އެބަޖެހޭ ވީއައިޕީ ސާރވިސް ފަދަ އެކްސްޕްރެސް ސާރވިސް އެއް މާލެ އަށް ތައާރަފް ކުރަން ވީއައިޕީ ސާރވިސްގެ ދަށުން ކޮންމެ ގެބިސީ އަކުން ދުވާލަކު 3 ފަހަރު ނުވަތަ 2 ފަހަރު ކުނި އުކާލެވޭނެއޭ އެކަމަކު އަގު ބޮޑު ވާނެއޭ އެއިރުން މިފަދަ ޕެކޭޖްސް ތައް ވެސް ވެމްކޯ އިން އެބަޖެހޭ ހިސާބު ހަދައިގެން ބަލަން އަބަދުވެސް ވިޔަފާރި އަކީ ޑައިވަރސިފައި ކުރަން ޖެހޭ އެއްޗެއް އެގޮތުން ނޮލެޖް އުނގެނުމުގައި ވެސް ނޮލެޖް ވެސް ޖެހޭނެއޭ ޑައިވަރސިފައި ކުރަން އެއިރުންނޭ ދުނިޔެ ބިނާ ކުރެވޭނީ. ޔޫ އެން އައި ވީއާރ ޑްރީމިންގް ފޯރ ދަ ވޮންޑަރސް އޮފް ދަ ވޯލްޑް އިން ދިސް ޖާރނީ ވީއާރ ކޮމްޕޭނިއަންސް ވައި ޝުޑް ވީ ސްޓިކް ވަން ވޭ އޯއް އޯއް އޯއް ޓެލްމީ ވައި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮރެންޖްބެރީ

14 May 2018

ކުނި ނަގާމީހުންނަށްވެސް ޖަމާއަތުގައި އިޝާ ނަމާދާ ތަރާވީހް ނަމާދުކޮށްލާނެ ވަގުތު ކޮޅެއް ދޭނެނަމަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

14 May 2018

ބަލަގަ މޮޔަޔާ، މަސައްކަތަކީވެސް ހަމަ އަޅުކަމެކޭ، އަދި ޚާއްސަކޮށް މިފަދަ ބުރަ މަސައްކަތް، ތަރާވިސް ނުކުރެވުނުކަމުގައިވިއަސް ރޭގަނޑު އަޅުކަމުގައި އުޅެވޭނެ ދޯ. އިރު އަރަންދެން އަޅުކަމުގައި އުޅެފަ، ދުވާލި ރަގަޅަށް ނިދި ހަމަ ކޮށްލެވޭނެ.