ތޮއްޑޫން ގެނައި ކަރާތަކެއް ދޯންޏަކުން ބާލައިގެން މާރުކޭޓަށް ގެންދަނީ: ބާޒާރުގައި ކަރަލުގެ އަގު އަންނަނީ ދަށްވަމުން.
22 މެއި 2018 - 13:16
6 comments
ކަރާ ހެއްދުމަށް މަޝްހޫރު އއ. ތޮއްޑޫން ގެންނަ ކަރަލުގެ އަދަދު އިތުރުވެ، މާލޭގެ ބާޒާރުގައި ކަރާ ކިލޯއެއްގެ އަގު 20ރ. އަށް ދަށްވެއްޖެ އެވެ.
މި ރޯދަމަސް ފެށުނުއިރު، ދަތުރުވެރިންގެ މާރުކޭޓުން ކަރާ ކިލޯއެއް ވިއްކީ 30ރ. އަށެވެ. އަދި އޭގެ ފަހުން 40ރ. އަށް އެރުމަށް ފަހު މިހާރު އަގު އަންނަނީ މަޑުމަޑުން ދަށްވަމުންނެވެ.
ތޮއްޑޫ ކައުންސިލްގެ މެމްބަރު ހަސަން އަބްދުﷲ މިއަދު ވިދާޅުވީ، މަދުވެގެން ދުވާލަކު 25 ޓަނުގެ ކަރާ މާލެ އަށް ފޮނުވާ ކަމަށެވެ. އަދި މާލޭގެ ބާޒާރަށް ބޭނުންވާ އަދަދަށް ކަރާ ފޮނުވަން މަސައްކަތް ކުރާ ކަމަށް ވެސް އޭނާ ވިދާޅުވި އެވެ.
"އެހެން ބާވަތްތައް ވެސް ކޮންމެ ދުވަހަކު މާލެ ގެންދޭ،" ހަސަން ވިދާޅުވި އެވެ.
ތޮއްޑޫގެ އިތުރުން، ގިނަ އަދަދަކަށް މާލެ އަށް ކަރާ ގެންނަ ކ. ކާށިދޫ ކައުންސިލްގެ ރައީސް އަލީ ސުލްތާން ވިދާޅުވީ، މި ފަހަރު ރޯދައާ ދިމާކޮށް ކަރާ ގެންނަ އަދަދު މަދު ކަމަށެވެ. އޭގެ ސަބަބެއް ކަމަށް ވިދާޅުވީ މޫސުން ގޯސްވެ ކަރާ ދަނޑުތައް ހަލާކުވުން ކަމަށް ވެސް އޭނާ ވިދާޅުވި އެވެ.
"އެހެން އަހަރުތަކަށް ވުރެ ދަށްކޮށް މިފަހަރު އުޅެނީ. ވިއްސާރަވެ ދަނޑުތައް ވަރަށް ބޮޑަށް ހަލާކުވި،" ސުލްތާން ވިދާޅުވި އެވެ.
އޭނާ ވިދާޅުވި ގޮތުގައި، ރޯދައާ ދިމާކޮށް ތަރުކާރީ އާއި މޭވާގެ ބާވަތްތައް ހައްދަން 700 ދަނޑު ތޮއްޑޫން ދޫކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްއުސްތާޛު ދަންނަނުދަން
23 May 2018
ކިތަންމެ އަގުބޮޑަކަސް ގަންނާނަން، ފައިސާ އެބަހުރި އަގުބޮޑޭ ކިޔާމީހުން ،ކަދުރުކައިގެން ތިބޭ..ފެނާ އެކު
ޕޮގުބާ
23 May 2018
ނުގަނޭ ނުގަނޭ ނުގަނޭ ނުގަނޭ ކަރާފަނި ނުބުޔަކަސް ރޯދަހިފޭނެ ރަށްޔިތުން ފެލަނީ ތިކަހަލަ ވިޔަފާރި ވެރިން ސަރުކާރެއްނޫން ކުރުނބައެއް 25 ރ އާއި 50 ރ އާއި ދެމެދުއަގަކަށް ވިއްކަނީ ސަރުކާރަކުންނޫން ވެމްކޯއިން ކުރުނބައެއް ވިއްކީ 10 ރ ކާޓެއް5ރ ހިލޭ އެއްޗެހިދޭ ސަރުކާރެއް އޮންނަ ގައުމެއް މިދުނިޔޭގަވެސް ނޯންނާނެ އެފަދަސަރުކާރެއް ދުވަހަކުވެސް ވުޖޫދަކަށް ނާންނާނެ
ބާއިމުޙައްމަދު
22 May 2018
ރާއްޖެތެރޭ މީހުން ބޭނުންގޮތެއް ނުހެދޭނެ..ހަހަހަ ހިހިހި
ހެހެ
22 May 2018
ރޯދައިގެ ކުރިން އަގަށް ލިބުނު ދުވަހަކުން ގަނަނާނަން ވިޔަފާރިވެރިންގެ މަޅީގައި އަހަރެން ނުޖެހޭނަން. ކަރާފީވީމަ ގެއްލުންވާނީ ވިޔަފާރިވެރިންނަށް. އަހަރެމެން ކަރާފަނި ނުބުޔަސް ބަނޑަކަށް ނުޖެހޭނެ
އެކްސް ހަލީލް
22 May 2018
އަދިވެސް ނުގަންނާނަން، ހޭލުންތެރި ދިވެހިން ސާބިތުކަންމަތީ މި ތިބީ، އަގުބޮޑުކުރީމަ ބޯއިކަޓްކުރާ ގޮތަށް
ހަސަންފުތު
22 May 2018
15 ރުފިޔާއައް ތިރި ވަންދެން މި މަޑުކުރަނީ ..