އެއް ދުވަހުން ލައިސަންސް ނެގޭ މުއްދަތު އިތުރުކޮށްފި

ލައިސެންސް ނެގުމަށް ގިނަ ބަޔަކު ކިޔޫ ހަދާފަ، އެ ޕްރޮގުރާމުގެ މުއްދަތު ވަނީ އިތުރުކޮށްފަ-- ފޮޓޯ: ހުސައިން ވަހީދު/މިހާރު

އަހުމަދު ސާއިލް އަލީ، މިހާރު

28 މެއި 2018 - 14:24

އެއްގަމު އުޅަނދު ދުއްވުމުގެ ލައިސަންސް އެއް ދުވަހުން ދޭ ޕްރޮގްރާމްގެ މުއްދަތު އަންނަ ބުރާސްފަތި ދުވަހުގެ ނިޔަލަށް އިތުރުކޮށްފައިވާ ކަމަށް އިކޮނޮމިކް މިނިސްޓްރީން މިއަދު ބުނެފި އެވެ.

މިދިޔަ ހުކުރު ދުވަހު ފެށި "އެއް ލަކިން މަށަށް ލައިސަންސް" ޕްރޮގްރާމް ކުރިއަށް ގެންދަން ކުރިން ނިންމާފައި ވަނީ މިރޭގެ ނިޔަލަށެވެ. މިހާތަނަށް ދެ ރޭ ބޭއްވި އެ ޕްރޮގްރާމްގައި 3،000 އަށް ވުރެ ގިނަ މީހުން ބައިވެރި ވެފައިވާއިރު، 746 މީހުންނަށް ވަނީ ލައިސެންސް ވަނީ ދީފަ އެވެ.

އިކޮނޮމިކް މިނިސްޓްރީގެ ޑެޕިއުޓީ މިނިސްޓަރު އަބްދުﷲ މުހައްމަދު މިއަދު ވިދާޅުވީ، ލައިސެންސް ޕްރޮގްރާމްގެ މުއްދަތު އަންނަ ބުރާސްފަތި ދުވަހުގެ ނިޔަލަށް އިތުރުކޮށް، ދުވާލަކު 200 މީހުންނަށް ޚިދުމަތް ދިނުމަށް ނިންމާފައިވާ ކަމަށެވެ.

މާދަމާ އިން ފެށިގެން ކޮންމެ ދުވަހެއްގެ ހަވީރު 4:00 އިން 5:00 އަށް 200 ޓޯކެން ނަމްބަރު ސޯޝަލް ސެންޓަރުން ދޫކުރުމަށް ވަނީ ނިންމައިފަ އެވެ.

ޑްރައިވިން ލައިސެންސް އެއް ދުވަހުން ދިނުމުގެ ޕްރޮގްރާމްގައި، ސައިކަލްގެ އިތުރުން ކާރާއި ޕިކަޕްގެ ލައިސެންސް ވެސް ނެގެ އެވެ.

އެ ޕްރޮގްރާމްގައި، ފޯމު ހުށަހަޅާ ރޭ ތިއަރީ އަދި ޑްރައިވިން ޓެސްޓް ހަދައި ފާސްވުމުން ހަމަ އެ ރޭ ލައިސެންސް ދެ އެވެ. އަދި އާންމުކޮށް ހަދާ ޓެސްޓަށް ވުރެ މި ޓެސްޓްތައް ފަސޭހަ އެވެ.

ދަތުރުފަތުރު އިކޮނޮމިކް މިނިސްޓްރީ ޑްރައިވިން ލައިސަންސް ޓްރާންސްޕޯޓް އޮތޯރިޓީ

9 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ

28 May 2018

ކުރިން ފާސްވި މީހުންނަށް ލައިސަންސް ނުލިބި އޭގެ މާފަހުން ޓެސްޓް ހަދާ ފާސްވިމީހުންނަ ލައިސަންސް ލިބޭ ކަމީ ވަރަށް ބޮޑު ބޭއިންސާފެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

28 May 2018

ރޯދައިގެ ކުރިން ތިއަރީ އަދި ދުއްވުމުގެ ޓެސްޓުން ފާސްވެ 20މެއި ގައި ލައިސަން ކާޑަށް އެދި ފޯމު ލީމިހެއްގެ ލައިސަންސް އަދިވެސް ނުލިބޭ. އެއްލަކިން ކުރިއަށްދާއިރު ޓްރާންސްޕޯޓްގެ ދުވަހީ މަސަތްކަތްތައް ހުއްޓާލެއްވީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

28 May 2018

ތިކަމުގެ ސަބަބުން ރާއްޖޭގެ ލައިސަންސްއަށް އޮންނަ އިތުބާރު ގެއްލި ބޭރު ގައުމުތަކުގައި ރާއްޖޭގެ ލައިސަން ބޭނުން ނުކުރެވޭހިސާބަށް ހިގައިދާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނާ

28 May 2018

މިހާރުވެސް އަވަށްޓެރި ބައެއް ގައުމުތަކުން އެކަމާ ވިސްނަމުން ދަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަލީ

28 May 2018

ރޯދައިގެ ކުރިން ތިއަރީ އަދި ދުއްވުމުގެ ޓެސްޓުން ފާސްވެ 20 މެއިގައި ލައިސަން ކާޑަށް އެދި ފޯމުލީ މީހުންނަށް އަދިވެސް ލައިސަން ކާޑެށް ނުލިބޭ އެއްލަކިން ނިމެންދެން ޓްރާންޕޯޓްގެ ހުރިހާ ކަމެއް ހުއްޓާލީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްސާ

28 May 2018

ދެން ކިތައް ދުވަހުންނޯ އެއްދުވަސްވާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

28 May 2018

ސާބަހޭ މިނިސްޓަރ ސައީދައް ތިހުރީ މިހާރު ހިންގުން މެކުހުގަ ތިގޮތައް އޮޑި އަޑިޔަށް ދަންދެން ހިފަހައްޓާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަފުށީ ދާއިރާ

28 May 2018

ލައިސަންސް ނަގާމީހުން ގިނަވީމަ ސައިކަލު ވިކޭލެއް އިތުރުވޭ. ސައިކަލު އިތުރުވި ވަރަކަށް އިސްޓިކާ ޖެހުން ގިނަވޭ. އިސްޓިކާ ޖެހުން ގިނަވި ވަރަކަށް ދައުލަތުގެ އާމްދަނީ އިތުރުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

28 May 2018

ރޭވެސް ޓްރާސްފޯޓް ސަރަހަންދުގެ ވަށައިގެން ހުރި މަގުތައް ބަންދުކޮށް މުޅި ސަރަހަންދު ޖޭމްވެ އެއާރފޯޓާއި ރިސޯޓްތަކުގެ ފެރީތަކަށް އެތަންބަޔަކު ނުދެވި ރުޅިގަދަވެފަ ތިބި. ދުންވަން ދަސްކޮށްދޭ ތަނެއް އޮވޭ އެތަނުގަ ތި ފްރޮގުރާމް ހިންގަބަލަ.