ސުޕްރީމް ކޯޓުގެެ ފޯނަކުން އަލީ ހަމީދުގެ ދެ ބޭފުޅުންނަށް 2،200ރ. ޓްރާންސްފާ ކުރި: ދައުލަތް

ކްރިމިނަލް ކޯޓުގައި އިއްޔެ އޮތް އަޑުއެހުމަކަށް ފަނޑިޔާރު އަލީ ހަމީދު ހާޒިރު ކުރަނީ. - ފޮޓޯ: ހުސެއިން ވަހީދު/ މިހާރު

މުހައްމަދު ޔާމީން، މިހާރު

28 މެއި 2018 - 16:05

ސުޕްރީމް ކޯޓުގެ ފޯނަކުން، އެ ކޯޓުގެ ފަނޑިޔާރު އަލީ ހަމީދުގެ ދެ ބޭފުޅުންނަށް 2،200ރ. ޓްރާންސްފާ ކުރި ކަމަށް ދައުލަތުން ކްރިމިނަލް ކޯޓުގައި މިއަދު ބުނެފި އެވެ.

ސަރުކާރުގެ އެއްޗެއް އަމިއްލަ ފައިދާ އަށް ބޭނުން ކުރެއްވި ކަމަށް ބުނެ، ދައުލަތުން ފަނޑިޔާރު އަލީ ހަމީދަށް ކުރާ ދައުވާގައި ބުނެފައި ވަނީ ސުޕްރީމް ކޯޓުގެ މޮބައިލް ނަންބަރަކުން އޭނާގެ ދެ ބޭފުޅުންނަށް ޑިސެމްބަރު 2010 އިން ފެށިގެން އޭޕްރީލް 2011 ގެ ނިޔަލަށް 2،200ރ. ޓްރާންސްފާ ކޮށްފައިވާ ކަމަށެވެ.

ފަނޑިޔާރު އަލީ ހަމީދަށް މި ދައުވާ ސާބިތުވެއްޖެ ނަމަ، ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ ދަށުން ދެވޭނެ އެެންމެ ބޮޑު އަދަބަކީ ތިން އަހަރުގެ ޖަލު ހުކުމެއް ނުވަތަ، ގޭބަންދަށް ނުވަތަ އަރުވާލުމެވެ.

މިއަދު ބޭއްވި އިބްތިދާއީ އަޑުއެހުމުގައި، މައްސަލަ ބައްލަވާ ގާޒީ އަހުމަދު ހައިލަމް ވަނީ މައްސަލައިގެ ލިޔުންތައް ފަނޑިޔާރު އަލީ ހަމީދަށް ލިބިވަޑައިގެންފައިވޭތޯ އާއި ދައުވާ ސާފުތޯ ސުވާލު ކުރައްވައިފަ އެވެ. އަލީ ހަމީދު އިށީނދެވަޑައިގެެން އިންނަވައި، ވިދާޅުވީ ލިޔުންތައް ލިބިވަޑައިގެންފައިވާ ކަމަށާއި ދައުވާ "ވަރަށް ސާފު" ކަމަށެވެ.

މީގެ އިތުރުން، ވަކީލަކު އައްޔަން ކުރުމަށް ކިހާ ދުވަހެއް ބޭނުންތޯ ސުވާލު ކުރުމުން އަލީ ހަމީދު ވިދާޅުވީ، މިދުވަސްކޮޅު މޫސުން ވަރަށް ގޯސްވެފައި، ކަނޑުދަތުރުފަތުރު ކުރުމަކީ އުނދަގޫ ކަމެއް ކަމަށެވެ. އެހެންވެ، ވަކީލަކު އައްޔަން ކުރަން 10 ދުވަސް ބޭނުންވާ ކަމަށް އޭނާ ވިދާޅުވި އެވެ.

ނަމަވެސް، ދައުލަތުގެ ވަކީލް ވިދާޅުވީ މާޗް 16، 2016 ގައި އެންޓި ކޮރަޕްޝަން ކޮމިޝަން (އޭސީސީ) އަށް ދިން ބަޔާނުގައި ވަކީލަކު އައްޔަން ކުރަން ބޭނުން ނުވާ ކަމަށް ވިދާޅުވެ، ފަނޑިޔާރު އަލީ ހަމީދު ބަޔާން ދެއްވާފައިވާ ކަމަށެވެ. އެެކަމަކު، ގާޒީ ހައިލަމް ވަނީ ވަކީލަކު އައްޔަން ކުރަން އަލީ ހަމީދަށް 10 ދުވަސް ދޭން ނިންމަވައިފަ އެެވެ.

މި މައްސަލައިގެ އަޑުއެެހުން ގާޒީ ހައިލަމް ނިންމާލެއްވީ، ދެން އޮންނަ އަޑުއެހުމެއްގައި ވަކީލަކާ އެކު، ވަޑައިގަންނަވާއިރު، ދައުވާ އަށް ޖަވާބުދާރީވެވަޑައިގަތުމަށް އެދިވަޑައިގެެންފަ އެވެ.

ފަނޑިޔާރު އަލީ ހަމީދާއި އުއްތަމަ ފަނޑިޔާރު އަބްދުﷲ ސައީދަށް ދައުވާކުރާ އިތުރު މައްސަލަތަކެއް ވެސް ކްރިމިނަލް ކޯޓުގައި ދަނީ ހިނގަމުންނެވެ. އެގޮތުން، ޓެރަރިޒަމްގެ ދައުވާ އާއި ރިޝްވަތު ހިފުމުގެ ދައުވާގެ އިތުރުން އަދުލު އިންސާފު ގާއިމްކުރަން ހުރަސް އެޅުމުގެ ދައުވާއެއް ވެސް އެ ދެ ބޭފުޅުންގެ މައްޗަށް ދައުލަތުން ކުރެ އެވެ.

މީގެ އިތުރުން، ފަނޑިޔާރުންނަށް ނުފޫޒު ފޯރުވި މައްސަލާގައި އަލީ ހަމީދަށް އެއް އަހަރާއި ހަތަރު މަހާއި 24 ދުވަހުގެ ޖަލު ހުކުމެއް ވަނީ ކްރިމިނަލް ކޯޓުން އިއްވައިފަ އެވެ. އަލީ ހަމީދަށް އިއްވި ޖަލު ހުކުމް އިސްތިއުނާފް ކުރުމާ ގުޅިގެން އެ މައްސަލައިގެ ޝަރީއަތް ހައި ކޯޓުގައި ވަނީ ފަށައިފަ އެވެ.

ކުށްކުރުން ކްރިމިނަލް ކޯޓް ސުޕްރީމް ކޯޓް ކުރީގެ ފަނޑިޔާރު އަލީ ހަމީދު

11 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފު ހާ

29 May 2018

ކަލޯގަޔާ ! 2000 ރުފިޔާ އޭ! އެހެންވިއްޔާ ފުރާޅުނަގައިގެން ނުވަނިއްޔާ ދެރައެއްނު. ދައުލަތަށް ކިހާބޮޑު ގެއްލުމެއް. ޝުކުރިއްޔާ ރައީސް! އަޅުގަނޑުގެ ވޯޓު ރައީސަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮފީ

29 May 2018

މިއީ އެއްކަލަ ކޮފީ އެޅުނު މައްސަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

29 May 2018

2010 އިން 2011 އަށް ހިންގި ކޮރަޕްޝަންގެ ޢަމަލެއް ކަމަށް މިއޮތީ ލިޔެފަ. އޭގެ 7 ނުވަތަ 8 އަހަރު ފަހުންތޯ ދަޢްވާ މިކުރަނީ. ކުކުޅު މަޅި ނުވަތަ ބިސްމަޅި ދުއްވަނީ މިހެންތޯ؟ ދެން ކޮބަޔޯ އަސްލު ހައްޔަރު ކުރެވުނު މައްސަލަ އަކީ؟ ހެކި ނެތީތޯ ނުވަތަ ހަމަ ރޯދަ ކުރުކުރުން ޕްރޮގްރާމްގައި އަންނަކަހަލަ ފުލޯކު ވާހަކަ އެއްތޯ؟ 2016 ގައި މި މައްސަލައިގެ ދަޢްވާ އުފުލައި ފަނޑިޔާރު ޢަލީ ޙަމީދު ޖޭއެސްސީ ތެރެއިން ޤަވާޢިދާއި އެއްގޮތަށް ސަސްޕެންޑް ކޮށް ޝަރީޢަތް ނުހިންގީ ކީއްވެބާ؟ އެއީ، އޭރު "ފައިދާ" ހުރީ ދޫކޮށްފަ ބެހެއްޓުމުންކަން ފަޅާއެރި ސިއްރު ހެކިންގެ ބަހުން ވެސް އެއޮތީ ވަރަށް ސާފުކޮށް އެނގެންތާ! މިއަދު ބޭނުން ކެނޑުނީ ނުވަތަ "ޑިމާންޑް" ތަންކޮޅެއް ބޮޑީ. މުޖައްރިބު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގުފުޅާޓިނު

29 May 2018

2010ން 2011ށް އަލީހަމީދު އިންނެވީ ސުޕްރީމް ކޯޓުގަބާ! ފަނޑިޔާރުން ގެންގުޅުއްވާ މޯބައިލް ފޯނަކީ އެކޯޓެއްގެ މިލްކިއްޔާތަކީބާ!، ނޫނީ ސުޕްރީމްކޯޓުގެ ލޭންޑްލައިނަކުން އެބުނާ ޓްރާންސްފާއެއް ކުރީބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

29 May 2018

ޑިސެމްބަރު 2010 އިން ފެށިގެން އޭޕްރީލް 2011 ގެ ނިޔަލަށް 2،200ރ. ޓްރާންސްފާ ކޮށްފައިވާ ކަން އެނގުނީ 1 ފެބްރުއަރީ 2018ގަ އަމުރު ނެރުނީމަތޯ، ސާބަހޭ ތިޔަ އަނބުރާ ގޭސްގަނޑަށް، ލަދު ދެއްތޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

29 May 2018

8 އަހަރު ފަހުން، 1 ފެބްރުއަރީ 2018 ގައި ސަރުކާރު ހިތް ނޭދޭ އަމުރެއް ނެރުމުގައި ބައިވެރިވެފައިވާތީ ކުރާ ދައުވާތަކެއް ކަން ވަަރަށް ސާފު، ދައުލަތު ފައިސާ އަމިއްލަ ބޭނުމުގައި ބޭނުންކުރުމަކީ ގޯހެއް، 2،200 ވާހަކަ މިދެކެވެނީ، ސަރުކާރުންގެ ވެރިން މިއަދު ނަހަމަގޮތުގައި ދައުލަތުގެ ވަސީލަހަތް ތަށް ބޭނުންކޮށްގެން އެބައިމީހުންގެ ކެމްޕޭން ކުރުން އަދި މާގޯސް، އޭގެ ވަރަށް ފުރިހަމަ މިސާލއެއް، ޕީއެސްއެމް އިން ހަމަ އެކަނި ސަރުކާރުގެ ވެރިންއަރުވައިގެން އަދި ފާޑުފާޑުގެ ކެމްޕޭން ލަވަފަދަ އެއްޗެހި ދެެއްކުން. އަދި އަލީ ހަމީދުގެ މި މައްސަލަ ދަރުކާރުގެ މެޖޯރިޓީއޮތް ޖޭއެސްސީގައި އަހަރުތަކެއް ވަންދެން ބާވާފަ މިހާރު ދައުވާ ކުރާތީ ސަރުކާރުގެ ނިޔަތް ވަރަށް ގޯސް.