އޯކިޑް މަގުގައި ހުންނަ މީޑިއާނެޓް ސޭލްސް ސެންޓަރު: ވޯލްޑް ކަޕްގެ މެޗުތައް މީޑިއާނެޓުގެ ޕްލެޓްފޯމުން ފެންނާނެ ކަމުގެ ޔަގީންކަން އެ ކުންފުނިން ދޭ.
08 ޖޫން 2018 - 02:41
24 comments
އަންނަ ބުރާސްފަތި ދުވަހު ރަޝިޔާގައި ފަށާ މި އަހަރުގެ ވޯލްޑް ކަޕްގެ މެޗުތައް މީޑިއާނެޓުގެ ޕްލެޓްފޯމްގައި ބަލައިލުމުގެ ފުރުސަތު ނުލިބިދާނެ ކަމަށް ބަޔަކު މީހުން އަޑު ފަތުރައި، ޝައްކު އުފެއްދި ނަމަވެސް އެ ވާހަކަތަކުގެ އެއްވެސް ހަގީގަތެއް ނެތް ކަމަށް އެ ކުންފުނިން އިއްޔެ ބުނެފި އެވެ.
މީޑިއާނެޓުން އެހެން ބުނިއިރު، ވޯލްޑް ކަޕްގެ މެޗުތައް ސޮނީ ޕިކްޗާސްގެ ޗެނަލްތަކުން ދައްކަން ރާއްޖޭގެ ކޭބަލް ޓީވީ އޮޕަރޭޓަރުންނާ އެކު މިހާތަނަށް އެއްބަސްވުމަކަށް ނާދެވޭ ކަމަށް ދައުލަތުގެ މީޑިއާ ހިންގާ ކުންފުނި، ޕީއެސްއެމުން ކުރިން ވަނީ ބުނެފަ އެވެ.
ސޮނީން ވަނީ ޕީއެސްއެމަށް ވޯލްޑް ކަޕްގެ މެޗުތައް ބްރޯޑްކާސްޓް ކުރުމުގެ ރައިޓްސް ދީފަ އެވެ. އަދި ޕީއެސްއެމުން މިދިޔަ ބުދަ ދުވަހު ނެރުނު ނޫސްބަޔާނެއްގައި ބުނެފައި ވަނީ ރާއްޖޭގައި ވޯލްޑް ކަޕް ދެއްކުމުގެ ރައިޓްސް ލިބިފައިވާ ހަމައެކަނި ފަރާތަކީ އެ ކުންފުނި ކަމަށެވެ.
ނަމަވެސް، ޕީއެސްއެމްގެ އެ ބަޔާނާ ގުޅިގެން، ރާއްޖޭގައި ފުޅާ ދާއިރާއެއްގައި ކޭބަލް ޓީވީގެ ޚިދުމަތް ދޭ މީޑިއާނެޓުން ނެރުނު ނޫސްބަޔާނެއްގައި ވަނީ އެކަމަށް ރައްދު ދީފަ އެވެ.
މީޑިއާނެޓުން ބުނީ ވޯލްޑް ކަޕްގެ މެޗުތައް މި ސަރަހައްދުގެ ގައުމުތަކަށް ފޮނުވައި ދިނުމުގެ ރައިޓްސް އޮންނަ ސޮނީ ޕިކްޗާސްގެ ޗެނަލްތައް މީޑިއާނެޓުގެ ޕްލެޓްފޯމްގައި ރާއްޖެ އަށް ރީބްރޯޑްކާސްޓް ކުރުމަށް ސޮނީއާ އެކު ސައްހަ އެއްބަސްވުމެއް ހަދާފައިވާ ކަމަށެވެ.
"މިގޮތުގެ މަތިން، ސޮނީ ޕިކްޗާސް ނެޓްވޯކުގެ ޗެނަލްތަކުން ފޮނުވާ އެހެން ވެސް ބޮޑެތި ކުޅިވަރު މުބާރާތްތައް ފެންނަ ފަދައިން، މި އަހަރުގެ ވެސް ފީފާ ވޯލްޑް ކަޕް 2018ގެ މެޗުތައް ސޮނީ ޓެން 2 އަދި ސޮނީ ޓެން 3 އިން، މީޑިއާނެޓުގެ ޕްލެޓްފޯމް މެދުވެރިކޮށް ފެނިވަޑައިގަންނަވާނެ އެވެ،" ހަގީގަތް އޮޅުން ފިލުވައި ދިނުމަށް ނެރުނު ބަޔާނުގައި މީޑިއާނެޓުން ބުންޏެވެ.
އެ ކުންފުނިން ބުނިގޮތުގައި، މި އަހަރު މުޅިން އަލަށް ގެނެސްދޭ އަލްޓްރާ ހައިޑެފިނިޝަން (ޔޫއެޗްޑީ) ކޮލިޓީ (4ކޭ) ކޮލިޓީގެ މެޗުތައް ސޮނީ ޓެން 2ގެ ޔޫއެޗްޑީ ޗެނަލް އިން ފޮނުވާއިރު، އެކަމަށް ޚާއްސަ ކޮށްގެން މީޑިއާނެޓުން ތައާރަފް ކުރާ ޔޫއެޗްޑީ ސަޕޯޓްކުރާ 580އެމް ޑިކޯޑަރު މެދުވެރިކޮށް 4ކޭ މެޗުތައް ބެލުމުގެ ފުރުސަތު ލިބޭނެ އެވެ.
މީޑިއާނެޓުގެ އިތުރުން، ރާއްޖޭގައި ކޭބަލް ޓީވީގެ ޚިދުމަތް ދޭ ދިރާގުން ވެސް ބުނެފައި ވަނީ ވޯލްޑް ކަޕްގެ މެޗުތައް އެ ކުންފުނިން ދައްކާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައްކަވާހަކަ
09 June 2018
ތީ ވަރަށް އުފާވެރި ހަބަރެއް! ތިޔަ ޕީއެސްއެމް އިން ވޯލްޑުކަޕުގެ ފައިނަލް މެޗް އޮންނަ ވަގުތުގަ ވެސް މެޑަމްގެ އިވެންޓެއް އޮވެއްޖެއްޔާމުން ފައިނަލް މެޗު ނުދައްކާ ދައްކާނީ މެޑަމްގެ އިވެންޓު..
މޮޑަފްް
08 June 2018
މީޑިޔާނެޓުން ސާފުކޮށްދީބަލަ އަޅެ ޔޫއެޗްޑީ ޗެނެލް އައްޑޫއަށް ދޫކުރާނެތޯ.
ޖަމަލޭ
08 June 2018
ރިއާސީ އިންތިހާބުން ވާގޮތަކުން ވަޒީފާ ގެއްލިދާނެތީ ޚަލީލުނެންނަށް މޮޔަގޮވެނީ ކީއްކުރާނީ.
ހަލީލު
08 June 2018
މިފަހަރު ގޮވާނެ އަތައް.
ޖޭޖޭ
08 June 2018
ޚާލީލު މީ "ހާރުދަން" ޕްރޮގްރާމެއްނެން ސަމާސާ ކުރަން ނުއުޅޭ.
ޢިބޫ
08 June 2018
ސޮނީ ޕިކްޗަރސް އިން ދެކޮޅުން ލާރިކަނީތަ؟
ސޮނީ
08 June 2018
ކޮބާ މައްސަލައަކީ؟ އެމީހުންނަށް 100 އިތުރު ކުންފުންޏަށްވެސް ސަބްލައިސެންސް ކުރެވޭނެ.
މަޑިފުށި
08 June 2018
ޔާމީނުގެ ޓީވީ ބަލާކަށް މަށެއް ނެތިން.
މަޖާ
08 June 2018
އެެއުޅުނީ އެކަން ނުވެގެން. މިހާރު ނެތް އެބަލާނެ މީހެއް.
އިކޫ333
08 June 2018
ޕީއެސްއެމް ތިއުޅެނީ ފެންވަރާއި ތިމާމެންގެ ރައިޓްސް އޮޅިގެން....ޕީއެސްއެމް އަށް ދިނީ އެކްސްކްލޫސިވް ރައިޓްސް އެއްނޫން...ރީބްރޯޑްކާސްޓިން ލައިސަންސް...ތި ލައިސަންސް އޮވޭ ދިރާގާއި މީޑިއާނެޓް އަތުގަ މާކުރިންވެސް....ދެން ކޮކާކޯލާއިން ވޯލްކަޕް އިޝްތިހާރު ކުރާނެ ލޯގޯވެސް ބޭނުންކުރާނެ ޕީއެސްއެމް ކިތަންމެ ވަރުދެއްކިއަސް...ކޮކާކޯލާއަކީ ފީފާގެ ޕާޓްނާރ އެއް....ވޯލްކަޕްގެ އެންމެ ޒަމާންވީ ޓައިޓްލް ސްޕޮންސަރ....އިކްރާމުމެންނަށް ހީވަނީ ފަޔަށް ހިނިއަރައިގެން އުޅޭހެން...
މޮޑަފްް
08 June 2018
ޕީއެސްއެމް އަށް ލިބުނު ލައިސަންސްގަ އޮތްތަ އެކްސްކްލޫސިވްކޮށޭ ޖަހާފަ. އެހެން ނެތިއްޔާ ސޮނީން އެމީހުން ބޭނުންވާ ބަޔަކަށް އޮންނާނީ ލައިސަންން ދީފަ. ޢޭގަ ހިމެނޭ ދިރާގުޓީވީ އާ މީޑިޔާނެޓުވެސް.
ހާމަ333
08 June 2018
ޕީއެސް އެމްއަކީ ހަމައެކަނި ލަސެންސް ބްރޯޑްކާސްޓާއެއްނޫން....އިކްރާމާއި ހަލީލްގެ އަތަށް ބޯޅަ ތިގޮވަނީ....ދެންވެސް މޭފުއްޕާފަ ފޮނިވާހަކަ ނުދައްކާތިބޭ...ވަރަށް ވެދުން...
ހެންޑެލި
08 June 2018
ސޮނީން ޕީއެސްއެމަށް ވޯލްޑް ކަޕްގެ މެޗުތައް ބްރޯޑްކާސްޓް ކުރުމުގެ ރައިޓްސް ދީފައޮތް ވާހަކަޔާ ރާއްޖޭގައި ވޯލްޑް ކަޕް ދެއްކުމުގެ ރައިޓްސް ލިބިފައިވާ ހަމައެކަނި ފަރާތަކީ ޕީއެސްއެމް ކަމަށް ކިޔާލަ ކިޔާލާ ނޫސްބަޔާންތައް ނެރެ ނެރެ ހަމަ ތިބެން ޖެހޭނި. ވޯލްޑްކަޕްގެ އޮފިޝިއަލް ސްޕޮންސަރ ކަމަށްވާ ކޮކާކޯލާ އިން ހިންގި ޕްރޮމޯސަނަލް އިވެންޓްތައް ރާއްޖޭގައި ހުއްޓުވީ ކޮން ރައިޓްސް އެއް ޕީއެސްއެމް އަށް ލިބިފަ އޮވެގެންބާ؟ މީގެ ކުރިންވެސް އަހަރުމެން ވޯލްޑްކަޕް ބެލީ ޕީއެސްއެމްގެ ޗެނަލްތަކަކުން ނޫން، އަދި އަމްދުން ޕްރެޒެންޓަރ އަޒްމީން ޓީވީ އަށް އަރައިގެން ދައްކާ ތާކުންތާކު ނުޖެހޭ ވާހަކަތައް އަޑުއަހާކަށްވެސް އަހަރުމެން ބޭނުމެއްނޫން. ވޯލްޑްކަޕުގެ މީޑިއާ ރައިޓްސްއޭ ނުކިޔާ ގަލޮޅު ދަނޑުގަ ކުޅޭ ފުޓުބޯޅަ މެޗުތައް ދެއްކިއްޔާ މާތާހިރުވާނެ، ރާއްޖެތެޜ ރައްރަށުގަ ތިބި ކްލަބްތަކުގެ ސަޕޯޓަރުން އެތިބީ އެމީހުން ސަޕޯޓްކުރާ ޓީމުތައް ކުޅޭ މެޗްތައް ބެލޭނެ ގޮތެއް ނެތިފަ. ޔެސް ޓީވީ އާ ޓީވީއެމް ގޮވައިގެން މަހަށްދޭބަލަ.