ފައިނުގައި އެއާޕޯޓު އަޅަން ގިނަ ބަޔަކު ނިހާޔަތަށް ބޭނުންވޭ: އާދަމް ޝަރީފް

ފައިނުގައި ތާސްބައި ކުޅުމަށް ހާއްސަކޮށްގެން ހަދާފައި ހުރި ތަނެއްގައި ތިބެ ބަޔަކު ތާސްބައި ކުޅެނީ.---މިހާރު ފޮޓޯ: ހުސައިން ވަހީދު

މުހައްމަދު ޔާމީން، މިހާރު

11 ޖޫން 2018 - 12:31

47 comments

ރ. ފައިނުގައި އެއާޕޯޓު އެޅުމަކީ ރަށުގެ ގިނަ ބަޔަކު ނިހާޔަތަށް ބޭނުންވާ ކަމެއް ކަމަށް އެ ރަށަށް އުފަން ޑިފެންސް މިނިސްޓަރު އާދަމް ޝަރީފް އުމަރު ރޭ ވިދާޅުވެއްޖެ އެވެ.

އާބާދީގައި 500 މީހުން އުޅޭ ފައިނުގައި އެއާޕޯޓަކާ ސިޓީ ހޮޓަލެއް އެޅުމަށް ސަރުކާރުން ވަނީ އަށް މިލިއަން ޑޮލަރު (123 މިލިއަން ރުފިޔާ) އައިލެންޑް އޭވިއޭޝަނާ ހަވާލުކޮށްފަ އެވެ. އައިލެންޑް އޭވިއޭޝަންގެ އަމާޒަކީ މި މަޝްރޫއުގެ ފުރަތަމަ ފިޔަވަހި އެއް އަހަރު ތެރޭގައި ނިންމައި އެއާޕޯޓު ހުޅުވުމެވެ.

އެއާޕޯޓާއި ސިޓީ ހޮޓާ މަޝްރޫއުގެ ދަށުން އިތުރު ތަންތަން އެޅުމުގެ ކުރެހުން

އާދަމް ޝަރީފް ފޭސްބުކްގައި ވިދާޅުވީ ފައިނުގައި އެއާޕޯޓު އެޅުމަށް އެ ރަށުގެ މެޖޯރިޓީ ރައްޔިތުން އިންތިހާ އަށް ބޭނުންވާ ކަމަށެވެ. އޭނާ ވިދާޅުވި ގޮތުގައި އެއާޕޯޓު އެޅުމަށް މީގެ 26 އަހަރު ކުރިން ސަރުކާރުން ރާވާފައިވާ އިރު، އެކަން ކުރަން ދެކޮޅުހަދަނީ މަދު ބައެއް ކަމަށެވެ.

Fainu gai hadaa airport aa medhu ves kanboduvun thakeh

The most trusted news source in the Maldives

Mihaaru

އާދަމް ޝަރީފް ލިޔުއްވި ޕޯސްޓު.

"އައިލެންޑް އޭވިއޭޝަން އިން ފައިނުގައި ބޭއްވި ބައްދަލުވުމުގައި ވަރަށް ގިނަ ބަޔަކު ހާޒިރުވި. ކަންބޮޑުވުން ފާޅުކުރީ ތިން ކުއްޖަކު. އެ ވެސް ކުރެހުން އޮތް ގޮތުން،" އާދަމް ޝަރީފް ވިދާޅުވި އެވެ.

ޑިފެންސް މިނިސްޓަރު އާދަމް ޝަރީފް.-- ފޮޓޯ: ނިޝާން އަލީ/ މިހާރު

އާދަމް ޝަރީފް ވިދާޅުވި ގޮތުގައި އެ ބައްދަލުވުމަކީ ރަށު ކައުންސިލުން ވެސް ބައިވެރިވި ބައްދަލުވުމެކެވެ. ކައުންސިލްގެ ބަހެއް ނުހޯދައި ބައެއް މީޑީއާތަކުން ފަތުރަމުން ދަނީ މަދު ބަޔަކު ބޭނުންވާ ގޮތް ކަމަށް އޭނާ ވިދާޅުވި އެވެ. މިނިސްޓަރު އެހެން ވިދާޅުވި އިރު، "މިހާރު" ން އިއްޔެ އާއި މިއަދު ފައިނުގެ ކައުންސިލް މެމްބަރުންނަށް ތަކުރާރުކޮށް ގުޅުމުން ވެސް ފޯނަށް ޖަވާބެއް ނުދެއްވަ އެވެ.

ފައިނުގެ ބައެއް މީހުންގެ ކަންބޮޑުވުން ފާޅުކުރަނީ އެއާޕޯޓާއި ސިޓީ ހޮޓާ އެޅުމަށް ފައިނުގެ ބޮޑު ބައެއް ނަގަން ނިންމާފައިވާ ކަމަށް ބުނެ އެވެ. ކުރެހުުމުގައިވާ ގޮތުން، ރަށުގެ ބިމުގެ ގާތްގަނޑަކަށް ތިން ބައި ކުޅަ ދެ ބައި ނަގަ އެވެ. އެއާޕޯޓު ހަދަން ފައިނުން ހަތަރު ހެކްޓަރުގެ ސަރަހައްދެއް ހިއްކަން ނިންމާފާއިވާ އިރު، އެ ބިމުގައި އައިލެންޑް އޭވިއޭޝަންގެ ޓްރެއިނިން ސެންޓަރަކާއި ކާގޯ ވިލެޖެއް ވެސް ތަރައްގީ ކުރާނެ އެވެ.

Fainu airport alhan Island Aviation ah havaalukoffi

The most trusted news source in the Maldives

Mihaaru

ރ. އަތޮޅުގައި އޮންނަ އެންމެ ރީތި ރަށުން ވާހަކަ ދެއްކި ބައެއް މީހުން ބުނީ އެއާޕޯޓު އެޅުމުގެ ސަބަބުން، ދަނޑުވެރިކަން ކުރުން ހުއްޓުމަކަށް އަންނާނެ ކަމަށެވެ. އަދި ބިން ނެތުމުގެ ސަބަބުން އެ ރަށު މީހުންނަށް ގޯތި ލިބުމުގައި ބޮޑެތި ދަތިތަކާ ކުރިމަތިވާނެ ކަމަށް ވެސް އެ މީހުން ބުންޏެވެ.

ނަމަވެސް، އެނގިފައިވާ ގޮތުގައި އެއާޕޯޓު އެޅުމުން އެ ރަށުގައި ދަނޑުވެރިކަން ކުރާ މީހުންނަށް އެކަން ކުރުމަށް އެކަށީގެންވާ ސަރަހައްދެއް ލިބޭނެ އެވެ. އަދި ރަށުގެ މީހުންނަށް ގޯތި ދޫ ކުރުމުގައި ވެސް އެއްވެސް ދައްޗެއް ކުރިމަތި ނުވާނެ ކަން "މިހާރު" އަށް ވަނީ އެނގިފަ އެވެ.

ސަރުކާރުން ބުނީ ފައިނުގައި އެހާ ބޮޑު މަޝްރޫއެއް ހިންގަން ނިންމީ، އެއީ ރިސޯޓުތައް ހިންގާ ސަރަހައްދަކަށް ވުމުގެ އިތުރުން ރ. އަތޮޅަކީ ބޮޑު އާބާދީއެއް އޮންނަ އަތޮޅަކަށް ވާތީ އެވެ. ރ. އަތޮޅުގެ އާބާދީ އަކީ 24،000 އެވެ.

ފައިނުގެ ބައެއް މީހުން ކަންބޮޑުވުން ފާޅު ކުރާތީ މިނިސްޓަރު ޝަރީފް ވަނީ މިދިޔަ ހޮނިހިރު ދުވަހު، ފައިނަށް ވަޑައިގެން، އާއްމުންނާ ބައްދަލު ކުރައްވައިފަ އެވެ. އަދި މަޝްރޫއުގެ ކުރެހުމަކީ އަދި ފައިނަލް ނޫން ކަމަށާއި ރައްޔިތުން އެދޭ ބަދަލުތައް ގެންނާނެ ކަމަށް ވިދާޅުވެފައިވާ ކަމަށް، އެ ރަށުގެ މީހުން ބުނެ އެވެ.

ރ. އަތޮޅު ދިވެހި ސަރުކާރު އައިލެންޑް އޭވިއޭޝަން ސިވިލް އޭވިއޭޝަން ރ. ފައިނު ސަރަހައްދީ އެއާޕޯޓްތައް އާދަމް ޝަރީފް (ލޯކަލް ގަވަމަންޓް މިނިސްޓަރު)

47 ކޮމެންޓް, 75 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

12 June 2018

ރަށުގެ އާބާދީގެ %1 ފޮޓޯގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮނާ

12 June 2018

ކޮމެއްޓުތައް ވަރަށް މަޖާ.ހީހީހަލާކު. އެކަމަކުވެސް ފައިނުގައި އެއަރ ޕޯޓް އަޅާނެ. އަޅުގަނޑު މިއެއަރޕޯޓު އަޅާވާހަކަ މީގެ 16 ވަރަކަށް އަހަރު ކުރިން އަޑު އެހިން. އެހެންނަމަވެސް އޭގެ މާފަހުން އަޑުވިފައިވާ އެއަރޕޯޓެއްގައި މަސައްކަތް މިޙާރު މިކުރަނީ . ކިހާފަސޭހަ. ތިޔަހުރެހުން އެހާ ފުރިހަމައެއްނޫން. ކުޑަ ބަދަލެއް ގެނެސްފިނަމަ ވަރަށް ފުރިހަމަ ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫސޭ

12 June 2018

ރަށްރަށުގައި ކުރަން ފަށާފައި ހުއްޓާލާފަ ހުރި މަސައްކަތްތައް ނިއްމޭތޯ ބަލާބަލަ. ކުޑަކުޑަ ވ.އަތޮޅުގަ ފެށިއެއްވެސް މަސައްކަތެއް ނިމުނީކީ ނޫން. 2 ރަށެއްގެ ފާލަން ހުއްޓިފަ. ފުޓްސެލް ދަނޑުތައް ހުއްޓިފަ. ބަނދަރެއް ހުއްޓިފަ. ރަނގަޅަށް އޮތް ބަނދަރެއް މި ސަރުކާރުން ހަލާކު ކޮށްލައިފި. އެހެންވީމާ ތިޔަ ފައިސާތަކުން މިކަންކަން ނިއްމަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދުރީސް

12 June 2018

ޔާމިން އިތުރު ދައުރަކަށް ހޮވިއްޖެއްޔާ ކަނޑުގަ ދުއްވާ އުޅަނދުތައް އެހެލަން ޖެހިދާނެ. މިހާރު ވެސް ކޮންމެ 2 އަތޮޅެއް ދޭތެރޭ އެއާޕޯޓެއް އެޅޭތޯ އެ ބައްލަވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބިރު

12 June 2018

ރ އަތޮޅުގައި އެއާޕޯރޓެއް އޮއްވާ އެ އަތޮޅުގައި އިތުރު އެއާޕޯރޓެއް އެޅުމަކީ ބޭކާރު ކަމެއް. އެތާ ކައިރި ރައްރަށަށް ދާން ފަސޭހަ ވިޔަސް ނުވަތަ ވޯޓު ހޯދަން ކުރާ ކަމެއް ވިޔަސް މީ ބޭކާރު ހަރަދެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭ384ު

11 June 2018

ކޮސްއަނގަނުތަޅާ ތިއެއާޕޯރޓެެއް އަޅާބަލަ, ކާކުތަބުނީ އަޅާނެކަމެއްނެތޭ! ހިތާމައަކީ 15މިނެޓުން ދެވޭހިސާބުގަ އެއާޕޯރޓެއްއޮއްވަ 500އާބާދީ ރަށެއްގަ އެއާޕޯރޓްއަޅަންޖެހޭ ސަބަބެއް ވިސްނަވިސްނާ ނޭނގުނުކަމުން، ބޮންބުރޯގެ ކިނޯޅަހާ ފައިނާ އިނގުރައިދޫ 3ރަށް ބުރިޖުއަޅާ ގުޅާލަވެސްދޭނަމޭ އަދިބުނާނެ، އެހެންވީމަ ހަކުރުބޯޓުތަށް ރާއްޖެއަށް އައުންވެސް ގިނަވާނެ، ޝުކުރިޔާ ރ.ޔާނު އެކަމު 2018ގަ ވޯޓެއްނުލިބޭނެ ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުނބޯ

11 June 2018

އާބާދީ 500؟ އެއާޕޯޓެއް އަޅައިގެންވިޔަސް ތިރަށުގަތިބި މީހުންތައް މަތިންދާ ބޯޓަކަށް އަރުވާފަ ހިޖުރަ ކުރުވަން އެބަޖެހޭ އެހެންތާކަށް. ކީއްކުރަން ބައްވާ 500 އެށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުނަދޫ ރަހާ

11 June 2018

އުތުރުގައި ބައިނަލް އަގްވާމީ އެއަރޕޯޓެއް ހެދުނިއްޔެއް ނޫން. އުތުުރުގެ އެންމެ ރީތި ތަންތަން ހަލާކު ކޮށްލައިފި. އަދި އެއީ އެންމެ ބޮޑު ތަންތަން. އަހަރެމެން ބޮރޯޝަރެއް ހަދާނަމަވެސް ކުޅުދުއްފުށީ ކުޅިއާ ށ. ފުނަދޫ ކުޅި ނުޖަހާ ނުދާނެ. އެއީ ހިތާ ރޫހު. އުތުރުގެ. ޔާމީނު އަހަރެމެންނަށް ތިޔަ ދިނީ ހާދަ ބޮޑު ލަނޑެކޭ. ދެކުނުގައި ނަސީބަކުން އީދި ގިލި ކުޅިއާ ފުވައްމުލަކު ސަލާމަތްވެއްޖެ. ގައުމުގައި އިނގިރޭސިން އެއަރޕޯޓް ނޭޅިނަމަ ޔާމީނަށް އެއަރޕޯޓް އަޅަން އެންމެ ކަމުދާނީ އީދިގިލި ކުޅީގައި ކަން ކަށަަވަރު. ވަރަށް ބޮޑަށް ޝުކުރިއްޔާ. އަދި ދަމުން އެދަނީ 115 ޕެކެޓް ތަރައްގީވެސް ދީފައި. އަންނަނީ ޓަނުން. ދުވަހަކުވެސް މާފެއް ނެތް. މުޅި އުތުރު ހިތް ހަލާކު ކޮށްލައިފި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯނިބެ ކުޑައަލީ

11 June 2018

ކޮންމެހެންވެސް ތިރީތި ޗާލުހިއްގައިމު ރަށް ހަލާކުކޮއްލާ އާދަނ ބުނާފޮތައް 2 ފޫޓުން 2 ފޫޓުން ނަމަވެސް ފައިނު އާބާދީގެ ކޮންމެގޭބިސީއަކަށް އެއާރޕޯޓެއް އަޅަންވާނެ. އަނެއްކާ މިހާރު މިއުޅޭ ކައްޕި ރައްޔިތުން ނޫނެކޭބުނާ ކަންތައް ވަރައްކުރާހިތުންކުރާނެ. ތި އެއާރޕޯޓައް ޖައްސާނެ ބޯތުގަނޑެއް ނެތަސް އިރުވައިމޫސުމުގަ ދޮންދޫނި ޖައްސަން ނަމަވެސް ތި ފައިނުގަ ޖެހޭނެ އެއާރޕޯތެއް އަޅާ، އަދި ރައްޖޭގެ ކޮންމެދެމަފިރިޔަކައް އެއާރޕޯޓެއް އަޅާ އެއްލަކިން ޕޮރޮގުރާމެއް ހިންގާ 50،000 ވަރަކައް ކުދިންނައް ބޯޓުދުއްވުމުގެ ލައިސަންސްވެސް ދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެކޮންމެ

11 June 2018

ކޮންމެ ރަށެއްގެ ބަޔަކުވެސް ބޭނުންވާނެ އެރަށެއްގަ އެއާޕޯޓެއް އޮތުމަށް، އޭގެ މާނަޔަކީ ގިނަ ދިވެހި ރައްޔިތުން އެކަމަށް ބޭނުންވެއެކޭނޫން. 2 މީހުން އުޅޭ ރަށެއް 2 މީހުންގެ ބޭނުންމަށް މުޅިއުމުރަށް ހަލާކުކޮށްލުމަށްވުރެ، އެ 2 މީހުން އެރަށުން ބޭލުންވެސް މާ ބުއްދިވެރި. ގުދުރަތުން ލިބިފައި ތިވާ ރީތިކަން ވަގުތީ ބޭނުމަކަށް ހަލާކުކޮށްލީމަ އަންނަން އޮތް ޖީލު ހިތާމަކުރާނެ. މިހާރުވެސް ރާއްޖޭގެ ގިނަ ރަށްރަށުން 90ގަ ފެނުނު ގުދުރަތީ ރީތިކަމެއްނެތް، ކޮންކުރީޓްއަޅާގެން 30 މީހުން ހަމަނުވާ ރަށްރަށުގަ ހެދިބަނދަރުތަކުން ވީކޮން ފައިދާއެއް.