ހުޅުމާލޭ ހޮސްޕިޓަލްގައި ބޭއްވި ހަފްލާއެއްގެ ތެރެއިން ހެލްތް މިނިސްޓަރު އަބްދުﷲ ނާޒިމް އާއި އެމިނިސްޓްރީގެ ވެރިން-- ފޮޓޯ: މިހާރު
11 ޖޫން 2018 - 16:24
80 comments
ނުރައްކާތެރި ގިނަ އެކްސިޑެންޓްތަކެއް މިހާރު ހިނގަމުން ދާ ހުޅުމާލޭގައި ހުރި ސަރުކާރުގެ ހޮސްޕިޓަލްގައި އަވަސް ފަރުވާ ދޭން ވެންޓިލޭޓަރެއް ނެތް ކަމަށް އެ ތަނުން މިއަދު ބުނެފި އެވެ.
މިދިޔަ ހޮނިހިރު ދުވަހުގެ ރޭ ހުޅުމާލޭގައި ހިނގި ނުރައްކާތެރި އެކްސިޑެންޓުގައި މަރުވި، މުހައްމަދު ސޮބާހް ހުސެއިން 24، އަށް ވެންޓިލޭޓަރުން ފަރުވާދިނުމަށް ޑޮކްޓަރުން ލަފާ ދިން ނަމަވެސް ހުޅުމާލޭ ހޮސްޕިޓަލުގައި އޮޓޮމެޓިކް ވެންޓިލޭޓަރެއް ނެތެވެ. އެކަމަކު އެވަގުތު ދެވެން އޮތް އަވަސް ފަރުވާ އެ ޒުވާނާއަށް ދިން ކަމަށް އެ ހޮސްޕިޓަލުން ބުނެ އެވެ.
އެ ހޮސްޕިޓަލުން އިތުރު ފަރުވާއެއް ދެވެން ނެތުމުން ހޮސްޕިޓަލުން ނިންމީ ސޮބާހަށް އިތުރު ފަރުވާ ދިނުމަށް އޭޑީކޭ ހޮސްޕިޓަލަށް ފޮނުވުމަށެވެ. ނަމަވެސް އާއިލާ އިން ބޭނުންވެގެން ސޮބާހް ގެންދިޔައީ ޓްރީ ޓޮޕް ހޮސްޕިޓަލަށެވެ. ސޮބާހު މަރުވީ ޓްރީ ޓޮޕް ހޮސްޕިޓަލްގައި ފަރުވާ ދެމުން ދަނިކޮށެވެ.
ވެންޓިލޭޓާ އަކީ ނޭވާލާން އުނދަގޫވާ ނަމަ ނުވަތަ އަމިއްލަ ޒާތުގައި ނޭވާ ނުލެވޭ ނަމަ ނޭވާ ލާން އެހީވެދޭ މެޝިނެކެވެ. ނޭވާ ނުލެވޭ ހާލަތުގައި ތިބޭ މީހުންގެ ފުއްޕާމޭގެ މަސައްކަތް އެ މެޝިނުން ކޮށްދެ އެވެ. އޭގެ ސަބަބުން އެ މީހެއްގެ ހަށިގަނޑަށް އޮކްސިޖަން ލިބި ބަލި ފަސޭހަވެ އެވެ.
ހުޅުމާލޭ ހޮސްޕިޓަލް ހިންގާ އާސަންދަ ކުންފުނީގެ މީޑިއާ އޮފިޝަލް މިއަދު ވިދާޅުވީ އެ ހޮސްޕިޓަލްގައި އޮޓޮމެޓިކް ވެންޓިލޭޓަރެއް ނެތުމުން ބަލި މީހުން އެހެން ހޮސްޕިޓަލްތަކަށް ބަދަލުކުރަނީ ކަމަށެވެ.
ހުޅުމާލޭ ހޮސްޕިޓަލް--
"އަޅުގަނޑުމެން އަވަސް ފަރުވާ ދެން. އިތުރު ފަރުވާ ދޭން ޖެހޭ ނަމަ [އެހެން ހޮސްޕިޓަލަކަށް] ޓްރާންސްފާ ކުރަނީ،" މީޑިއާ އޮފިޝަލް ވިދާޅުވި އެވެ.
ހުޅުމާލޭ ހޮސްޕިޓަލުން އިތުރު ފަރުވާއަށް އާންމުކޮށް ފޮނުވަނީ އައިޖީއެމްއެޗަށާއި އޭޑީކޭ ހޮސްޕިޓަލަށެވެ. ސީ އެމްބިއުލާންސްގައި ބަލި މީހާ ކަނޑުމަގުން ހުޅުމާލެ އިން މާލެ ގެންނައިރު ހޮސްޕިޓަލާ ހަމައަށް ދިއުމަށް 15 މިނިޓާއި 20 އަކަށް މިނިޓު ހޭދަވެ އެވެ. ހުޅުމާލޭގައި ހުންނަ ޓްރީޓޮޕް ހޮސްޕިޓަލްގެ އަގު ބޮޑުކަމުން އެތަނުން ފަރުވާ ހޯދުމަކީ ގިނަ ބަޔަކަށް ދަތިކަމެކެވެ.
"ހުޅުމާލެ އަކީ އެތައް ހާސް ބަޔަކު [ގާތްގަނޑަކަށް 70،000 މީހުން] އުޅޭ ތަނެއް. ގިނަ އެކްސިޑެންޓްތައް ހިނގާ އަވަށެއް. އެހެންވީމަ ވެންޓިލޭޓާއެއް ހުރުމަކީ މަސްޓެއް،" އަވަސް ފަރުވާ ދިނުމުގައި ދިގު މުއްދަތެއް ހޭދަކޮށްފައިވާ ޑޮކްޓަރަކު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަނ
13 June 2018
ގައުމު ހަލާކުކޮށް ފުނޑާލައިފި، ރައްޔަތުން ބިކަހާލުގައި ޖައްސާ ނިންމާފި، އަދިވެސް މަށައް ހެޔޮ ވެފަ ތިބޭ ރައްޔަތުންނެ ހޭލާ
ޝުކުރުވެރިވަން
13 June 2018
މީހުން ރުޅި އަރުވަން
ޔޫތެއް
12 June 2018
އަދިވެސް އެއްލަކިން ލައިސެންސް! ދިވެހިން ސިޔާސީ ވެގެން ގޮސް ހަލާކު މިވަނީ. ދިވެހިން ގެ މުސްތަގުބަލާ ގުޅިފައިވާ ޔޫތް ސިޓީ ސަރުކާރު އާސަންދަ ހޮސްޕިޓަލް ގައި ވެންޓިލޭޓަރ އެއް ނެތް. ލަދުން ބޯހަލާކު. އަދިވެސް ވީ ދެލަކި ޗޫ ކިޔާފަ ޕްރޮގުރާމް ހިންގާފަ ދުއްވަން ނޭނގުނަސް ބަރިބަރިއައް ލައިސެންސް ނަގައިދޭންވީ! ނަސީބެއްނު ދެލަކިން ޕައިލެޓު ލައިސެންސް ނުދޭކަން!
ބލާލަބަލަ.....
12 June 2018
އީދު ސަލާމް ކުރަނީ ރަސްރަނީގަޔޯލަ އަނެއްކާ އެހާ ހަރަދުދާނެ.. އެއަށްވުރެ މާރަގަޅެއްނު އެހަރަދުނުކޮށް ވެންޓިލޭޓަރުކަހަލަ ތަކެތި ހޯދިއްޔާ...
ޙަދިޔާ
12 June 2018
ކޮބާ ހަދިޔާއެއްދެމާ
އާދަނު
12 June 2018
ހާސްނުވޭ. އީދު ދުވަހު ރަސްރަނި ބަގީޗާއަށް ވެންޓިލޭޓަރު ވެހޭނެ.
ހާލަތު
12 June 2018
ވިންޓަ ތީމް ޕާކް އީދު ދުވަހު ހުޅުވަނީ!!؟؟
ދެކޭމީހާކިޔާމީހާ
12 June 2018
އެވެންޓިލޭޓަރުވީ ރައީސް ޔާމީންގެ ސަޕްރައިޒު މެނިފެސްޓޯގަ. އެހެންވެ އެތާނގަ އެނެތީ! ބަލަންތިބޭ! އެސަޕްރައިޒު އަންނައިރު ކޮންމެގެޔަކަށް ޑޮކްޓަރެއްދިންގޮތަށް ކޮންމެމީހަކަށް ކޮނޑުގައަޅުވާލާ ދަބަހެއްކަހަލަ ވެންޓިލޭޓަރެއްދޭނެ. ޝަކުވާނުކޮށް އުންމީދު ކަނޑާނުލާ!
އަހޫ
12 June 2018
ހުރިހާ ކަމަކައްވުރެ ބޮޑަށް ސިޔާސީ ކަން ކަން އިސް ކުރީމަ ފެންނާނެ ހައެތި ފެންނަމުން މިދަނީ. ބޮޑެތި އެތައް ޕްރޮޖެކްޓެއް ހިންގާ އިރު ސިއްހީ ނިޒާމް އޮތީ ފެއިލް ވެފަ. އެމް އާރް އައި އެއް ހަދަން 3މަސް ދުވަސް މަޑުކުރަން ޖެހޭ. މީ ލަދުވެތި ވާން ޖެހޭ ކަމެއް. )':
rekibeyya
12 June 2018
މި ރާއްޖޭގެ ސަރުކާރުން ކުރާ ހުރިހާކަމެއް ހުރީ ތިޔާހެން. ކޮންކަމެއް ފުރިހަމަ ކޮށްފަ ހުރީ؟