އެންމެ ފިކްސްޑް ލައިނެއް ބަހައްޓަނީ ބޭކާރު ލައިންތައް ކަނޑާލަން: ފިނޭންސް މިނިސްޓްރީ

ސަރުކާރުގެ ގިނަ އޮފީސްތަކެއް ހިންގާ ވެލާނާ ބިލްޑިން: ކޮންމެ އޮފީހެއްގައި ވެސް އެންމެ ފިކްސްޑް ލައިނެއް ބަހައްޓައި ފެކްސްގެ ހިދުމަތް ހުއްޓާލަން ވަނީ އަންގާފައި -- ފޮޓޯ/މިހާރު

28 ޖޫން 2018 - 22:21

12 comments

ސަރުކާރުގެ އޮފީސްތަކާއި މިނިވަން މުއައްސަސާތަކުގައި އެންމެ ޓެލެފޯން ފިކްސްޑް ލައިނެއް ބަހައްޓަނީ ބޭކާރު ލައިންތައް ކަނޑާލަން ކަމަށް ފިނޭންސް މިނިސްޓްރީން މިއަދު ބުނެފި އެވެ.

ސަރުކާރުގެ އޮފީސްތަކާއި މިނިވަން މުއައްސަސާތަކުގައި ބޭނުންކުރާ ޓެލެފޯން ފިކްސްޑް ލައިންތަކުގެ ތެރެއިން، ކޮންމެ ތަނެއްގައި ވެސް އެއް ލައިން ބެހެއްޓުމަށް ފަހު، ދެން ހުރިހާ ފިކްސްޑް ލައިންތައް ކަނޑާލަން ފައިނޭންޝަލް ކޮންޓްރޯލަރު ފާތިމަތު ރަޒީނާ ވަނީ އަންގަވައިފަ އެވެ.

ދައުލަތުގެ މުއައްސަސާތަކަށް މިދިޔަ އަންގާރަ ދުވަހު ފޮނުއްވި ސިޓީއެއްގައި އޭނާ އަންގަވާފައި ވަނީ ފޯން ލައިންގެ އިތުރުން ފެކްސްގެ ހިދުމަތް ހުއްޓާލަން ވެސް ރައީސް އޮފީހުން ނިންމާފައިވާ ކަމަށެވެ.

އެކަމާ ގުޅޭގޮތުން "މިހާރު"އާ ވާހަކަ ދައްކަވަމުން ފިނޭންސް މިނިސްޓްރީގެ މީޑިއާ އޮފިޝަލަކު ވިދާޅުވީ، ފޯނު ލައިންތައް މަދުކުރަން އެންގީ ޚަރަދު ކުޑަކުރުމުގެ ގޮތުން ކަމަށެވެ. އެ ގޮތަށް ނިންމިޔަސް، ޚިދުމަތް ހޯދުމަށް އިދާރާތަކަށް ގުޅޭނެ ކަމަށް އޮފިޝަލް ވިދާޅުވި އެވެ.

އޭނާ ވިދާޅުވި ގޮތުގައި ފޯން ލައިން މަދުކުރުމުން އޮފީސްތަކުން ދެން ބޭނުން ކުރާނީ އެންމެ ނަމްބަރެއް ކަމެއް އަދިއެއް ނުނިންމަ އެވެ. އެ ކަމާ ގުޅޭ މަޝްވަރާތައް އަންނަނީ ކުރަމުން ކަމަށް ވިދާޅުވި އެވެ.

ދައުލަތުގެ ފައިނޭންޝަލް ކޮންޓްރޯލަރު ވަނީ ސަރުކާރުގެ އޮފީސްތަކާއި މިނިވަން މުއައްސަސާތަކުގައި އެންމެ ޓެލެފޯން ފިކްސްޑް ލައިނެއް ބެހެއްޓުމާއި ފެކްސް ލައިންތައް ކަނޑާލުމުގެ ކަންކަން ނޭޝަނަލް ސެންޓާ ފޯ އިންފޮމޭޝަން ޓެކްނޮލޮޖީ (އެންސީއައިޓީ) އަދި ދިރާގާ ގުޅިގެން ކުރުމަށް އަންގަވައިފަ އެވެ. އެ މަސައްކަތް ކޮށް މި މަސް ނިމުމުގެ ކުރިން އެންގުމަށް ވެސް އެ ސިޓީގައި ވަނީ ވިދާޅުވެފަ އެވެ.

"ފޯނު ލައިންތައް މަދުކުރަން އެންގިޔަސް އެކަމަށް އަދި ގޮތެއް ނުނިންމާ. އޮފީހުގެ ރަސްމީ ނަމްބަރަށް ގުޅައިގެން، ކަމާ ގުޅޭ އެހެން ޑިޕާޓްމަންޓުތަކަށް ކޯލް ޕާސް ކުރެވޭނެ. އެ ކަހަލަ ގޮތަކަށް މަޝްވަރާ ކުރަމުން އަންނަނީ،" ފިނޭންސް މިނިސްޓްރީގެ އޮފިޝަލް ވިދާޅުވި އެވެ.

"ވަރަށް ގިނަ ފަހަރަށް ހުރޭ ނުގުޅޭ ނަމްބަރުތައް ވެސް. އެހެންވެ އެކަހަަލަ ބޭކާރު ހަރަދުތައް ކުޑަކުރުން މަގުސަދަކީ."

ދައުލަތުގެ އެއް އޮފީހުން އަނެއް އޮފީހަށް ސިޓީ އާއި ލިޔުންތައް ފޮނުވުމުގައި ފެކްސްގެ ބަދަލުގައި މިހާރު ބޭނުންކުރަނީ އީ-ގަވަމެންޓް ނުވަތަ ޖެމްސް ސިސްޓަމެވެ. އެކަމަކު، ކޮންމެވެސް ވަރަކަށް އަދިވެސް ފެކްސް ފޮނުވަ އެވެ.

Komme ofeehakah emme fixed line eh, Fax line thah ves kandaalanee

The most trusted news source in the Maldives

Mihaaru

ފިނޭންސް މިނިސްޓްރީ ރައީސް އޮފީސް ދިވެހި ސަރުކާރު އެންސީއައިޓީ ފައިނޭންޝަލް ކޮންޓްރޯލާ ސަރުކާރު އޮފީސްތައް މިނިވަން މުއައްސަސާތައް

12 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަތްނެތްކުއްޖާ

30 June 2018

ތަޖުރިބާ ނެތް ބަޔަކު ދަޢުލަތެއް ހިންގަން ހަވާލު ވެވުނީމާ ވާނެގޮތް މި ފެންނަނީ. 2018 ގެ ވޯޓު ލާ ނިމުމުން ބުނާނެ ޙަރަދު ތައް ބޮޑުވާތީ ކޮންމެ ސަރުކާރު އޮފީހެއްގައި ތިބެންޖެހޭނީ ގިނަވެގެން 10 މުޥައްޒަފުން ކަމަށް. މިހިރީ ރައްޔިތުން ނަށް ރާކަނި މަސް ކާން ދެވިފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިމީހާ

29 June 2018

މަށަށް ފެންނަނީ ހުރިހާ ވެރިންގެ މޯބައިލް ފޯނުތައް ކަނޑާލަން. މިހާތަނަށް އޮޑިޓް ރިޕޯޓްތަކުން ފެންނަން އޮތީ މޯބައިލް ފޯނުތަކުގެ ބިލުތައް ބޮޑުވެފައި އޮތްތަން. ޚަރަދު ކުޑަވާނީ ކަނޑާލުމަށްފަހު ވޯކީޓޯކީ ސެޓުތަކެއް ދިނީމާ. ޓޯކީ ސަރުދާރު ނަމަކަށް ކިޔައިގެން އުޅުނު ބޭފުޅަކު މިހާރުވެސް ދުނިޔޭގައި އެބަހުންނެވި. އެބޭފުޅާ އެތައް މަސައްކަތެއް ކުރެއްވިއިރުވެސް މިކަހަލަ އަގުބޮޑު ފޯނެއް ނުގެންގުޅުއްވާ. ގެންގުޅުއްވީ ޓޯކީއެއް. އެއިން ފުދުނު. ޚަރަދުކުޑަކުރަން ކުރަންވީ ކަމަކީ ވެރިންގެ މޯބައިލް ފޯނުތައް ކަނޑާލާފައި ޓޯކީ ދޭންވީ. މިހާރު ބެލިޔަސް ތިޔަ ފޯނުތަކަށް ދާ ޚަރަދަރަށްވުރެ މޯބައިލް ފޯނުތަކުގެ ބިލު ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނަސީމް

29 June 2018

އެބުނަނީ އެންމެ ނަމްބަރެކޭ ބަހައްޓާނީ. ބައިވަރު (އެތަނަކައް ބޭނުންވާވަރައް) ލައިން އަޅަންޖެހޭނެ، ސަރވިސް އެއް ދެންޏާމުން. އެއީ، ސަރވިސް ރަގަޅު ވާނެކަމެއް، ކުރަން އެނގިގެން ކޮއްފިއްޔާމުން. އެކަމަކު، ދުންމާރީން ކުރަން އުޅެންޏާމުން، މިކަން ބޮއްސުންލާނި، 3 މިނިޓް ތެރޭގަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ފާރޫގު

29 June 2018

‫ދައުލަތުގެ އިގުތިސާދީ ދުވެލި މެކުހަށްޖަހާފައި ހުރި އިރު މުވާސަލާތީ ރޮނގުން ފަހަތަށް ފިޔަވަޅުއެޅުމަކީ ކޮންކަހަލަ ކަމެއްކަން ނޭނގުނު. ޚިދުމަތަށް ބުރޫނާރާނަމަ އެންމެ ރަނަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

29 June 2018

ހުރިހާ ވޯކީޓޯކީ ތަކާއި ރޭޑިޔޯ ޓެލެފޯނު ސެޓްތައް ނައްތާލީމަ 3 ނޮވެމްބަރ ގަ ވީގޮތް ހަނދާންވޭތޯ؟ ސަރުކާރުގެ އޮފީހަށް ފެކްސް އެއް ނުފޮނުވި ފޯނެއް ނުކުރެވި ނިކަމެތި ރައްޔިތުމީހާ ދެން ހަދާނީ ކިހިނެއްބާ؟ މިހާރުވެސް ކިތަންމެ ލައިނެއް ހުޢްޓަސް ފޯނުކޮށްކޮށް މީހަކު ވަރުބަލިވާއިރުވެސް އެ ފޯނަކަށް ޖަވާބެއް ނުދޭ. މާދަން ނިންމަފާނެ، ކަރުދާހުގެ ޚަރަދު ކުޑަކުރަން ސިޓީ ފޮނުވުން ނިމުނީއޭ. ދެން ޓްވީޓް ކުރާށޭ. އަނެއް ދުވަހު ބުނާނެ ކަރަންޓު ޚަރަދާ މުއައްޒިފުންގެ މުސާރަ ބޮޑުކަމުން އޮފީސް ބަންދުކުރަން ނިންމާ ކޮންމެ މުވައްޒިފަކު ވެސް ގޭގައި ނުވަތަ މަގުމަތީގައި ނުވަތަ ކެފޭގައި ތިބެ ފޯނުން އޮފީސް ހިންގާށޭ. އޭރުން އެވީ ފުރިހަމަ ތަރައްޤީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޖެންޓް ފެކްސް

28 June 2018

ޓޫރިޒަމް މިނިސްޓްރީ އިން ޓްރަވެލް އެޖެންސީ ރަޖިސްޓްރީ ކޮށްދޭއިރު ފެކްސް މެޝިން ނެތި ރަޖިސްޓްރީކޮށް ނުދިނުންވެސް ނިމުމަކަށް ގެންނަވާނެ ކަމައް އުއްމީދު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދު

28 June 2018

ބޭެރު ނަރުހުންނަކީި ކޮންޓުރެކުޓު މުވައްޒަފުން ހުރިހާ ބަންދު ދުވަހެއް އޯޓީ ހެސްކިޔާފަ ސިވިލް ސާވަންޓުންނާއި އެއްގޮތަށް. ލިބެން ނުވެސްޖެހޭ އެއްޗެހި ދިނުން ހުއްޓާލަބަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމިން

28 June 2018

ކޮންޓްރެކްޓް މުވައްޒަފުންވިޔަސް އިތުރުގަޑީ މަސައްކަތްކުރުވީމަ އޯޓީ ދޭންޖެހޭ. ބައެއް ދިވެހިންނައް ދަސްވެފަހުރީ ކަމެއްނުކޮއް އޯޓީ ހޯދަން . އެެހެންވީމަ ތިކަހަލަ ވިސްނުން ތި އަންނަނީ