ފައިނުގެ އެއާޕޯޓު މަޝްރޫއާ ދެކޮޅަށް މިއަދު އަޑު އުފުލަނީ.-- މިހާރު ފޮޓޯ
03 ޖުލައި 2018 - 15:52
29 comments
ރ. ފައިނުގައި ހަދާ ޑޮމެސްޓިކް އެއާޕޯޓާ ގުޅޭ ކަންބޮޑުވުންތައް ހިއްސާކޮށް ކަމާ ބެހޭ ފަރާތްތަކަށް މިއަދު އެ ރަށުގެ ބަޔަކު ޕެޓިޝަނެއް ޓޫރިޒަމް މިނިސްޓްރީއަށް ހުށަހަޅައިފި އެވެ.
ގާތްގަނޑަކަށް 400 އެއްހާ މީހުންގެ އާބާދީއެއް އޮންނަ އެ ރަށުގެ 140 މީހެއްގެ ސޮޔާ އެކު ތައްޔާރުކުރި އެ ޕެޓިޝަން ވަނީ އެ މިނިސްޓްރީގެ އިތުރުން އައިލެންޑް އޭވިއޭޝަނާއި އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) އަދި ޔުނިވާސަލް އެންޓަޕްރައިޒަސް އަށް ހުށަހަޅަން ވެސް ވަނީ ނިންމައިފަ އެވެ.
މި ޕްރޮޖެކްޓް ހިންގަނީ ކުރިޔަށް އޮތް ތަނުގައި އެ ކުންފިން އެއާޕޯޓް މެދުވެރިކޮށް ދަތުރުކުރާނެ މީހުންގެ ޓިކެޓަށް ވާ ފައިސާ އެޑްވާންސްގެ ގޮތުގައި ޔުނިވާސަލް އާއި ސްރީ ލަންކާގެ ކުންފުންޏެއް ކަމަށް ވާ އެއިޓްކަން ސްޕެންސް އިން އައިލެންޑް އޭވިއޭޝަނަށް ދީގެންނެވެ. އެ އަތޮޅުގައި މި ދެ ކުންފުނީގެ ރިސޯޓްތައް ހިމެނެ އެވެ.
މި އެއާޕޯޓް ހަދާ ހިންގަން ހަވާލުކޮށްފައި ވަނީ އައިލެންޑް އޭވިއޭޝަންއާ އެވެ.
ޕެޓިޝަން ތައްޔާރުކުރުމުގައި އިސްކޮށް ހަރަކާތްތެރިވާ މުހައްމަދު ވަހީދު ބުނީ އެއާޕޯޓު ޕްރޮޖެކްޓާ ގުޅޭ މައުލޫމާތު އެ ރަށުގެ ރައްޔިތުންނަށް ހިއްސާނުކުރާ ކަމަށެވެ. އެހެންވެ އެކަމާ ރަށުގެ ރައްޔިތުން ކަންބޮޑުވާ ކަމަށް އޭނާ ބުންޏެވެ.
އޭނާ ބުނިގޮތުގައި ފައިނުގެ އާބާދީގެ ބޮޑު ބައެއް އާމްދަނީ ހޯދަނީ ދަނޑުވެރިކަން ކޮށްގެންނެވެ. ނަމަވެސް އެ ޕްރޮޖެކްޓާ އެކު ރަށުގެ ދަނޑުތަކާއި ހުސް ބިންތައް ގެއްލިގެން ދާނެ ކަމަށް އޭނާ ބުންޏެވެ.
ޕެޓިޝަން ހުށަހެޅުމަށް ފަހު، އެކަމުގައި އިސްކޮށް ހަރަކާތްތެރިވާ މުހައްމަދު ވަހީދު ނޫސްވެރިންނާ މިއަދު ވާހަކަދައްކަނީ -މިހާރު ފޮޓޯ
"ރަށު ރައްޔިތުންނަކީ ދިރިއުޅުމަށްޓަކައި ދަނޑުވެރިކަން ކުރާ ބައެއް. މިހާރު އޮތް ކުރެހުމުގެ ގޮތުން ވިއްޔާ އެ ހުރިހާ ދަނޑުބިންތަކެއް ވެސް އެބަދޭ. ރަށަކީ ފުދޭވަރަކަށް ބޮޑު ވަލެއް އޮތް ރަށެއް. ކުރެހުމަށް ބަލަންޏާ މުޅި ވާ ނައްތާލެވިގެންދާނެ. އެތަނުގައި ހުރި ރައްޔިތުންގެ ރުއްގަހާއި އަދި ރައްޔިތުންނާ ގުޅުން ހުރި ތަންތަން، އެ ތަންތަނާ ގުޅުން ހުރި އެއްވެސް މީހަކާ ވެސް ނެތް މަޝްވަރާކޮށްފައެއް ނެތް،" ވަހީދު ބުންޏެވެ.
ސަރުކާރުން ނިންމާފައިވަނީ އެއާޕޯޓާ އެކު ސިޓީ ހޮޓަލާއި މެޑިކަލް ސެންޓަރަކާއި ބައެއް ކަހަލަ ސާޖަރީތަކުން ރިކަވާ މީހުންނަށް ހިދުމަތް ދޭ ފެސިލިޓީއަކާއި އައިލެންޑް އޭވިއޭޝަންގެ މަތިންދާބޯޓުތަކަށް ހާއްސަ ހޭންގަރަކާއި މުވައްޒަފުން ތަމްރީނުުކުރާނެ ތަނެއް ވެސް އެ ރަށުގައި ހެދުމަށެވެ. ހުސް ބިންތަކުގެ އިތުރުން ރަށުގެ ފަޅުން ހަތަރު ހެކްޓަރުގެ ސަރަހައްދެއް ހިއްކަން ވެސް ވަނީ ނިންމާފަ އެވެ.
ސަރުކާރުން ބުނާ ގޮތުގައި އަންނަ މަހުގެ ތެރޭގައި އެއާޕޯޓްގެ މަސައްކަތް ފަށާނެ އެވެ.
އަށް މިލިއަން ޑޮލަރު (123 މިލިއަން ރުފިޔާ) ހަރަދުކޮށްގެން ހަދާ އެއާޕޯޓު މަޝްރޫއު ނިމުމުން އެ ރަށުގައި 80 އަށް ވުރެ ގިނަ ވަޒީފާ އުފެދޭނެ ކަމަށް އައިލެންޑް އޭވިއޭޝަނުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްމި
04 July 2018
ފައިނު މީހުންތޯ ނުވަތަ ސިޔާސީ މީހުންތޯ ތިކަމާއި ދެކޮޅު ހަދަންވީ؟
ބޭބެ
04 July 2018
އެއަރޕޯޓް އެޅީމާ ކާކައްތައް މޮޅީ؟ ބިމުގެ އަގުއަރައިގެން ދާނީ ހަމަ ފައިނުގެ، ސިޔާސީ ވެެގެން ވާނުވާ އޮޅިފައި....
ނޫސް ކިޔާމީހާ
04 July 2018
ހަމަ ކޮށްފަ ނުކުރާނެ ކަމެއް ނުހުންނާނެ
އުއްދަނޑި އިބްރާހިމް
04 July 2018
މި އެއަރޕޯޓްގެ ނަމުންވެސް މިޤައުމު ފަހުރުވެރިވާނެ " ސަތަރު އިންޓަރނޭޝަން އެއަރޕޯޓް " ދެން ކޮންކަމަކާތޯ ތިއުޅުއްވަނީ... އާއިލާ ބޭފުޅުންނާއެކު ތިޔަ އުޅެނީ 10 މީހުންވެސް ހަމަނުވެގެން.. އަދިވެސް ރ. އަތޮޅު ކައުންސިލަށް ދައްކަންޖެހޭ ފައިސާ ވަނީ ނުދައްކާ.... ކާފައި ދައްކަންޖެހޭ ފައިސާ ނުދައްކާ ރައްކަވީ... އެވަރުގެ މީހަކު މިތެޅިފޮޅެނީ... އުއްދަނޑި
ނޫސް ބަލާމީހާ
04 July 2018
މިކަމުގައި މިއުޅޭ ކުއްޖާގެ މައްޗަށް ވާޖިބަށް ހުރަސް އެޅުމާއި ޓެރަރިޒަމްގެ ދަޢުވާ ނުކުރާނެބާ .
ޔައްލެ
04 July 2018
400 މީހުންގެ އާބާދީގެ ތެރެއިން 18 މަތީ އާބާދީއަކީ ކޮބާ އަދި ސޮއި ކުރި މީހުންގެ ތެރެއިން 18 އަހަރުން މަތީ ކިތައް މީހުން ތިބި؟ އޭރުން ޕަސަންޓު އިނގޭނީ ދޯ.
އިޚްސާލް
04 July 2018
ރައްޔުތުން ބޭނުން ނުވާނަމަ ނުކުރާނީ، ރަށްރަށުގެ ފަޅު ކޮންނަން ފެށި ދުވަސްވަރު އެކަމާ ދެކޮޅަށްވެސް ބަޔަކު ވާހަކަ ދެއްކިއެވެ. ފާޚާނާ ހޮޅި އަޅައިގެން ފެންފޮދު ބޭރުކުރާތީ އެކަމާ ދެކޮޅަށްވެސް ވާހަކަ ދައްކައެވެ.
މޯލްޑިވިއަން
04 July 2018
ބަލަ ތިޔަ މީހުންގެ ތެރޭގައި އިސްކޮށްތިހުރީ އެމްޑީޕީގެ އެކްޓިވިސް މީހެކެވެ. ފައިނު މީހެއްކަމަކު ރަށަށް އެއްވެސް އިރެއްގައި ތަރައްޤީއެއް ގެންނަން މަސައްކަތް ކޮށްދީފައިވާ މީހެއްނޫނެވެ. އެމްޑީޕީގެ ދައުރުގައިވެސް ރަށް ކަމެއްކޮށްދޭން މަސައްކަތެއްކޮށްދިން މީހެއްނުނެވެ. ސަރުޚާރުން ރައްޔިތުންނަށް ލުއިކަމެއް ގެނެސްދޭތީވެ އެކަމާ ހަސަދަވެރިވެގެން އުޅެނީއެވެ.
ހޮޓްކިންގ
04 July 2018
އަހަރެމެންނަކީ ރ. އަލިފުށީމީހުން. އާބާދީވެސް ކުޑައެއްނޫން. ރަށްކައިރީގައި އެއާޕޯޓެއް އެޅެން އެންމެ ކައިރީގައިވެސް އޮތީ ރ. ވާދޫ ފަޅު. ވާދޫއަކީ ވަރަށް ބޮޑު ފަޅަކާއިއެކު އިތުރަށް މީހުންއާބާދުކުރެވިދާނެ ރަށެއް. ރ. އަތޮޅުގެ ދެކެނު ބިތުގައި އެވަނީ ހުރިހާ ރިސޯޓެއް ހަދާފައި. އުތުރު ބިތުގައި ރިސޯޓެއްވެސް ނެތް. ރިސޯޓް ހަދާނެ ރަށެއްވެސް ނެތް. އޭގެ ނަތީޖާއަކީ އަލިފުށީ، ވާދޫ، ރަސްގެތީމު އަނގޮޅިތީމުފަދަ ރަށްތަކުގެ މީހުންނަށް ދުވަހަކުވެސް ރަށްކައިރީގައި ޓޫރިޒަމްގެ އެއްވެސް ވަޒީފާއެއްގައި އުޅުމުގެ ފުރުސަތު ނެތޭ. ނަމަވެސް ވާދޫ ފަޅުގެ އުތުރުކޮޅުގައި އެބައޮތް ރިޒޯޓް ހަދާނެ ޖާގަވެސް. މިއީ ފަޅުހިއްކައިގެން ރިޒޯޓް ހަދާ ޒަމާނަކަށްވާއިރު ކީތޯވީ އަޅުގަނޑުމެންގެ ހައްގުގައި އެފަދަ ރިސޯޓަކާއި އެއާޕޯޓެއް ވާދޫ ފަޅުގައި ހެދިއްޔާ.
ބުންޔާމީން
04 July 2018
އިރާދަކުރެއްވިއްޔާ ހަދާދޭނަށް . ހެޔޮދުޢާކުރޭ.
އިނގުރައިދޫ މީހެއް
04 July 2018
މުޙައްމަދު ވަޙީދޫ.. ކޮއްކޯ! މި ސަރުކާރުން ކުރައްވާ ކަމަކަށް ވާތީ ތި ގޭ ކުދިންނާއި ޢުމަރު މަނިކު ގޯތި ކުދިންނަށް ހަޖަމް ނުވެގެން ތި އުޅެނީ. ކޮއްކޮ އަކީ އެމްޑީޕީ ގެ ހާޑް އެކްޓިވިސްޓެއް. ތަރައްޤީ ވާން ނޭދެނީ ދޯ؟