ހައި އެޗީވާސް ސްކޮލަޝިޕް 36 ދަރިވަރަކަށް ދީފި

ހައި އެޗީވާސް ސްކޮލަޝިޕް ލިބުނު ދަރިވަރަކަށް، އެޑިއުކޭޝަން މިނިސްޓަރު ޑރ. އާއިޝަތު ޝިހާމް (ކ) މިރޭ ލިޔުން ހަވާލުކޮށްދެއްވަނީ.-- ފޮޓޯ: އެޑިއުކޭޝަން މިނިސްޓްރީ

އާސިމާ ނިޒާރު، މިހާރު

11 ޖުލައި 2018 - 22:43

5 comments

އޭ ލެވެލް އިމްތިހާނުން ފަސް މާއްދާއިން އޭ ހޯދި 36 ދަރިވަރަކަށް ހައި އެޗީވާސް ސްކޮލަޝިޕް މިރޭ ދީފި އެވެ.

މިދިޔަ އަހަރުގެ އޮކްޓޯބަރު/ނޮވެމްބަރު މަހު އޭ ލެވެލް ހެދި ދަރިވަރުންގެ ތެރެއިން 41 ދަރިވަރަކު ހައި އެޗީވާސް ސްކޮލަޝިޕަށް ޝަރުތު ހަމަވެ އެވެ. ނަމަވެސް އެޑިއުކޭޝަން މިނިސްޓްރީން ހުޅުވާލި ފުރުސަތަށް ކުރިމަތިލާފައިވަނީ އޭގެ ތެރެއިން 36 ދަރިވަރެކެވެ.

ހައި އެޗީވާސް ސްކޮލަޝިޕް ލިބުނު ދަރިވަރުންނަށް ލިޔުން ހަވާލުކޮށްދެއްވީ އެކަމަށްޓަކައި ތާޖުއްދީން ސްކޫލުގައި ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ.

އެ ރަސްމިއްޔާތުގައި މިނިސްޓަރު ވަނީ، ސްކޫލު މަރުުހަލާގައި ދަރިވަރުން ހޯދި ފަދަ ރަންވަނަތައް، މަތީ ތައުލީމުގައި ވެސް ހޯދައި ގައުމަށް ހިދުމަތް ކޮށްދިނުމަށް އެދިވަޑައިގެންފަ އެވެ. އަދި ކިޔަވަން ލިބުނު ފުރުސަތުގެ ބޭނުން ރަނގަޅަށް ހިފުމަށް ވެސް ނަސޭހަތްތެރިވެވަޑައިގެންނެވި އެވެ.

އެ ސްކޮލަޝިޕުން ކިޔެވޭނީ ސާކް ގައުމުތަކުގެ އިތުރުން މެލޭޝިޔާ އާއި ތައިލެންޑާއި ޕިލިޕީންސް އަދި ޗައިނާ އިންނެވެ. ނަމަވެސް އެ ގައުމުތަކުގައި ދަރިވަރަކު ކިޔަވަން ބޭނުންްވާ ކޯހެއް ނުހިންގާ ނަމަ އެހެން ގައުމަކުން ވެސް މަތީ ތައުލީމް ހާސިލް ކުރުމުގެ ފުރުސަތު ލިބެ އެވެ. އެކަމަކު އެއީ ޑިޕާޓްމަންޓް އޮފް ހަޔަ އެޑިއުކޭޝަންގެ ލިސްޓުގައި ހިމެނޭ ގައުމުތަކަށް ވުރެ އަގު ހެޔޮ ނުވަތަ އެއްވަރުގެ ހަރަދުތަކެއް ހިނގާ ނަމަ އެވެ.

މިިދިޔަ އަހަރުން ފެށިގެން ސަރުކާރުން އަންނަނީ އޭ ލެވެލް އިން މަތީ ނަތީޖާ ހޯދާ ދަރިވަރުންނަށް ދެ ސްކޮލަޝިޕެއް ދެމުންނެވެ. އެއީ ހައި އެޗީވާސްގެ އިތުރުން ރައީސުލްޖުމްހޫރިއްޔާގެ ސްކޮލަޝިޕެވެ. ދުނިޔޭގެ ކޮންމެ ގައުމަކުން ވެސް ކިޔެވޭ ގޮތަށް އޮންނަ ރައީސްގެ ސްކޮލަޝިޕް މިދިޔަ އަހަރުން ފެށިގެން ދެމުން އަންނަނީ ފަސް މާއްދާ އިން އޭ ސްޓާ ހޯދާ ދަރިވަރުންނަށެވެ.

ރައީސްގެ ސްކޮލަޝިޕް މިފަހަރު ލިބިފައިވަނީ ހަ ދަރިވަރުންނަށެވެ.

ތައުލީމް އެޑިއުކޭޝަން މިނިސްޓްރީ ކިޔަވާކުދިން އޭލެވެލް ގަދަ ދިހައެއް ޑރ. އައިޝަތު ޝިހާމް (ސޯޝަލް އެންޑް ފެމިލީ)

5 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޯމް މިނިސްޓަރު

12 July 2018

ރައީސުލް ޖުމްހޫރިއްޔާގެ އެވޯޑަކީ މީގެ އެތަކެއް އަހަރު ކުރިން ދެމުން އަންނަ އެއްޗެއް. ދުނިޔޭގެ ކޮންމެ ގައުމަކުން ކިޔަވަން ފުރުސަތު ލިބޭ މި ސްކޮލަޝިޕް ދޭތާ 30 އަހަރު ވެދާނެ. އެކަމަކު ކުރިން މި ސްކޮލަޝިޕް ދެނީ 5 މާއްދާއިން އޭ ހޯދާ ހުރިހާ ދަރިވަރުންނަށް. މި ސަރުކާރުން ކުރި ކަމަކީ އަދަދު މަދު ކުރަން ވެގެން އޭ ސްޓާ އަށް އެކަނި ރައީސް ގެ ސްކޮލަޝިޕް ދީފަ ދެން ތިބި ކުދިންނަށް އެމީހުން ބުނާ ވަކި ގައުމު ތަކުން ކިޔަވަން ފުރުސަތު ދެނީ. އެވެސް ލިމިޓެޑް ގޮތަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްވޭއޭ

12 July 2018

ހައި އެޗީވާސް ސްކޮލަޝިޕް 36 ދަރިވަރަކަށް ދީފި ނަމަ އެކަމަކީ އެއީ މަމެން އުފާ ކުރާ ކަމެކޭ މަމެން އުއްމީދު ކުރަމޭ މިކަން ކަން ސަރުކާރުން ޑެޑް ސީރިއަސް ކޮށް ވިސްނާނެ ކަމަށް. މިރާއްޖޭގައި އެބަތިއްބޭ 50 ހާހާއި ގާތް ކުރާ އަދަދަކަށް ގަވާއިދާއި ޚިލާފަށް މަސައްކަތް ކުރާ ބަންގާޅީން މިމީހުން ހޯދުމުގެ މަސައްކަތަކީ އެއީ އިމިގްރޭޝަން އިން ކުރަން ޖެހޭ މަސައްކަތަކަށް ވާއިރު އެމެން ހޯދުމުގެ މަސައްކަތް ނުކޮށް ކޮންމެ ބަންގާޅީ އަކު މަހު މުސާރަ 8 ހާހުން 9 ހާހުން ކިޔާއިރު މިމެން ލައްވާ ގަވާއިދާއި ޚިލާފަށް މަސައްކަތް ކުރުވަނީ ވެސް އިދިކޮޅު އެންމެ ބޮޑު ޕާރޓީ އަށް ނިސްބަތްވާ މީހުންނެވެ. ކަން މިހެން ހުުރުމުން މިފަދަ ކަންކަން އެބަޖެހޭ މިސަރުކާރުން ރިޔާސީ އިންިތޚާބާއި ކުރިމަތި ލުމުގެ ކުރިން މިކަން ހައްލު ކުރާނެ ގޮތުގެ ރޯޑް މެޕެއް އެކުލަވާލަން. އެނޫން ނަމަ ތިޔާ ހައިއެޗީވާރސް އިން ނަށް ދޭނެ ވަޒީފާ އެއް ދެން ނޯންނާނެ ރާއްޖެ އަކު މިގޮތަށް އިމިގްރޭޝަން އިން ކަންކަން ކުރާ ނަމަ. މިކަން ވާނީ ޕޮލިހަށް އިމިގްރޭޝަން އަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަހިތާމަ

12 July 2018

އެންމެ މޮޅެތި ކުދިންނަށް ކިޔަވަން މިދާންޖެހެނީ ތައުލީމީގޮތުން އެންމެ ފެންވަރު ދަށް ގައުމުތަކަށް. އެންމެ ކުޑަމިނުން ސިންގަޕޫރވެސް ތިލިސްޓްގަ ނުހިމެނޭ. ތީ ގައުމުގެ ކުރިމަގު ހަލާކުކުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޑަފި

12 July 2018

އައި އެމް ސޮރީ. އެކަމް މިއީ އެއްމެ މޮޅެތި ކުދިންނެއް ނޫން ދެއްތޯ؟ އެއްމެ މޮޅެތިކުދިންނަ 5 އޭސްޓާ ހޯދައިގެން އިނގިރޭސި ވިލާތައް ދިއުމުގެ ފުރުސަތު އެއޮތީ ހުޅުވާ ލެވިފަ. އެންމެ ފަސް އޭސެޓު ގެނެސްގެން އުޅޭ ކުދިންނަށް އެއްމެ ދުރައްވެސް ދިއުން ޑިޒާވްވަނީ މެލޭޝިއާއައް. އެހާ މޮޅު ނަތީޖާއެއްނޫން އެއީ އެޑެކްސެލް މާދާތަކުން 3 އޭ ގެނައުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

11 July 2018

އެންމެ ށަަރަފުވެރި ސްކޮލަށިޕަކީ ރައީސް އެދެއްވާ ދުނިޔޭގެ ކޮންމެ ގައުމަކަށް ދެވޭ ސްކޮލަށިޕް.އޭރުން ދުނިޔޭގެ އެންމެ ށަރަފުވެރި ޔުނިވާސިޓީތަކުގައި ކިޔަވަން ފުރުސަތު ލިބުނީ.