ޕްރޮސެކިއުޓާ ޖެނެރަލް ބިޝާމް އަދި ތުރުކީގެ ޕްރޮސެކިއުޓާ ޖެނެރަލް މެހްމަތު އެއްބަސްވުމުގައި ސޮއިކުރައްވަނީ.-- ފޮޓޯ: ޕީޖީ އޮފީސް
17 ޖުލައި 2018 - 15:09
1 comments
އެއްބާރުލުން ދިނުމާ ބެހޭ އެއްބަސްވުމެއްގައި، ޕްރޮސެކިއުޓާ ޖެނެރަލް (ޕީޖީ) އޮފީހާއި ތުރުކީގެ ޖެނެރަލް ޕްރޮސިކިއުޝަން އޮފީސް އޮފް ދަ ސުޕްރީމް ކޯޓް އޮފް އެޕީލް އިން މިއަދު ސޮއިކޮށްފި އެވެ.
ރަސްމީ ދަތުރެއްގައި ތުރުކީއަށް ވަޑައިގެން އުޅުއްވާ ޕީޖީ އާއިޝަތު ބިޝާމް ވަނީ ތުރުކީގެ އަންކާރާގައި ހުންނަ ޖެނެރަލް ޕްރޮސިކިއުޝަން އޮފީހުގައި ބޭއްވި ރަސްމިއްޔާތެއްގައި ތުރުކީގެ ޕްރޮސިކިއުޓާ ޖެނެރަލް މެހްމަތު އަކާސާއާ ބައްދަލުކުރައްވައި އެއްބަސްވުމުގައި ސޮއިކުރައްވައިފަ އެވެ.
ޓެރަރިޒަމާއި ކޮރަޕްޝަންގެ ކުށްތަކާއި ބައިނަލްއަގުވާމީ ޖިނާއީ ކުށްތަކާއި އިންސާނީ ވަގުފާރިއާ ގުޅުން ހުރި ދާއިރާ އިން އެ އެއްބަސްވުމުގެ ދަށުން އެއްބާރުލުން ދޭނެ އެވެ. އޭގެ އިތުރުން މަސްތުވާތަކެތީގެ ވިޔަފާރިއާ އިކޮނޮމިކްސް ކްރައިމްސް އަދި ކޮމްޕިއުޓާ ކްރައިމްސްގެ ދާއިރާއިން ދެ ގައުމުން އެއްބާރުން ދޭން ވަނީ އެއްބަސްވެފަ އެވެ.
ޕީޖީ އޮފީހުން ބުނީ އެއްބާރުލުން ދިނުމުގެ އިތުރުން މައުލޫމާތު ބަދަލުކުރުމާއި ދެ ގައުމުގެ ޕްރޮސިކިއުޝަންގެ މުވައްޒަފުންނަށް ތަމްރީނު ދިނުން ހިމެނޭ ކަމަށް ޕީޖީ އޮފީހުން ބުންޏެވެ.
އެއްބަސްވުމުގައި ސޮއިކުރެއްވުމަށްފަހު ދެ ގައުމުގެ ޖިނާއީ އަދުލުގެ ނިޒާމާއި ޕްރޮސިކިއުޝަން ސާވިސްގެ މެންޑޭޓާ ގުޅޭ ގޮތުން އެ ދެ ބޭފުޅުން މަޝްވަރާކުރައްވާފައި އެވެ.
ޕީޖީ ބިޝާމް ތުރުކީއަށް ކުރައްވާ މި ދަތުރުގައި އެ ގައުމުގެ ޖަސްޓިސް މިނިސްޓަރާ ވެސް ބައްދަލުކުރައްވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްالله
17 July 2019
ތުރުކީންނަކީ މީހުން ހައްޔަރުކޮށް، އަނދަގޮޑި ޖަހައި، އުލު ބައިންދާ، ކުދި އަނިޔާ ކުރާ ބައިގަނޑެއް. މީގެ 100 ވަރަކަށް އަހަރުކުރިން، ކުށެއް ނެތް އެތައް މިލިޔަން އާމީނިއަން މީހުން، ކަމަކާނުލާ މެރިބައެއް އެއީ. ކުށްވެރިން. މިހާރުވެސް، ސައިޕްރަސް އަށް ގައިރުގާނޫނީކޮށް އަރާ، ގަދަކަމުން ވެރިކޮށްގެން އުޅޭ ބައެއް. އެފްރިކާގެ ކަޅުމީހުންގެ އެތައް މިލިޔަން މީހުން ހޯޖާކޮށްގެން އަޅުންގެ ގޮތުގަވެސް ގެންގުޅުނު. ނުލަފާ، ޖައްބާރު ބައިގަނޑެއް.