ރަސްފަންނުގައި ކޮރަލް ބްލެވާޑްގެ ނަމުގައި ހަދާ ބިލްޑިންގްތަކުގެ ތަފުސީލް ރައީސް ޔާމީނަށް އަރުވަނީ: މިތަނުގައި 350 އެޕާޓްމަންޓް ހަދަން ނިންމާފައިވޭ. ފޮޓޯ: ރައީސް އޮފީސް
22 ޖުލައި 2018 - 22:27
61 comments
ސިންގަޕޫރުގެ ޗަންހުއާ ކޮންސްޓްރަކްޝަން ކުންފުނިން މާލޭގެ ރަސްފަންނުގައި ހަދާ މަތީ ފެންވަރުގެ ފްލެޓް ހިމެނޭ ހަތަރު ޓަވަރުގެ ބިންގާ ރައީސް އަބްދުﷲ ޔާމީން މިރޭ އަޅުއްވައިދެއްވައިފި އެވެ.
ކޮރަލް ބްލެވާޑްގެ ނަމުގައި ރަސްފަންނު ސަރައްދުގައި ފިހާރަތަކާއި ކުޅިވަރު ކުޅޭ ތަންތަނާއި 350 އެޕާޓްމަންޓް ހިމެނޭ ހަތަރު ޓަވަރުގެ ބިންގާ އެޅުމަށް ބޭއްވި ރަސްމިއްޔާތުގައި ރައީސް ޔާމީންގެ އިތުރުން ހައުސިން މިނިސްޓަރު ޑރ. މުހައްމަދު މުއިއްޒާއި އެހެން ބައެއް ވަޒީރުން ބައިވެރިވެވަޑައިގެންނެވި އެވެ.
ރަސްފަންނު މިކްސްޑް ޔޫޒް ޑިވެލޮޕްމަންޓް ޕްރޮޖެކްޓްގެ ދަށުން ހަދާ ހަތަރު ޓަވަރުގައި ހުންނާނީ 25- 28 ބުރި އެވެ. އެކަމަކު މީގެ ކުރިން ހައުސިން މިނިސްޓްރީން ބުނެފައި ވަނީ އެ ތަނުގައި ހަދަނީ 25 ބުރީގެ ހަތަރު ޓަވަރު ކަމަށެވެ.
މަތީ ފެންވަރުގެ ފްލެޓް ހިމެނޭ ހަތަރު ޓަވަރު ރަމްޒު ކޮށްދޭ މޮޑެލް ރައީސް ޔާމީނަށް މިރޭ އަރުވަނީ.---ފޮޓޯ: ރައީސް އޮފީސް
ޗަންހުއާ އަކީ އައިޖީއެމްއެޗްގެ 25 ބުރީގެ އިމާރާތް ވެސް އަޅަމުން އަންނަ ކުންފުންޏެވެ. އެ ކުންފުންޏާ މިދިޔަ އަހަރުގެ ޖުލައި މަހު އެ ޕްރޮޖެކްޓް ހަވާލު ކުރީ ބިޑަށް ހުޅުވާލައިގެން އެކަށީގެންވާ ބަޔަކު ކުރިމަތިނުލުމުން ހަތަރު ވަނަ ފަހަރަށް ހުޅުވާލުމަށް ފަހު ކަމަށް ހައުސިން މިނިސްޓްރީން ކުރިން ބުނެފައިވެ އެވެ.
އެ ފްލެޓް އަޅަން ނިންމާފައި ވަނީ ރަސްފަންނުގެ ހުޅަނގު ކަންމަތީގައި ކުރިން އޮތް ބީޖީ ދަނޑުން ފެށިގެން ސޯޝަލް ސެންޓަރުގެ ނެޓްބޯޅަ ދަނޑާ ދެމެދުގައި އޮންނަ ސަރަހައްދުގަ އެވެ. އެ މަސައްކަތް ކުރިޔަށް ގެންދަން އެ ސަރަހައްދުން ދުއްވާ އެއްޗިއްސަށް ނުވަދެވޭ ގޮތަށް މިހާރު ވަނީ ބަންދުކޮށްފަ އެވެ.
މަތީ ފެންވަރުގެ ފްލެޓް ހިމެނޭ ހަތަރު ޓަވަރު ހިމެނޭ އިމާރާތުގެ މޮޑެލް.---ފޮޓޯ: ރައީސް އޮފީސް
ހައުސިން މިނިސްޓްރީން ބުނެފައި ވަނީ 25 ބުރީގެ ހަތަރު ޓަވަރު އަޅާ ނިންމަން ޖެހެނީ 2020ގެ ނިޔަލަށް ކަމަށެވެ. އަދި އެ ތަނުގައި ހަދާ ހަތަރު ޓަވަރުން 120 ފްލެޓް ސަރުކާރަށް ދޭނެ ކަމަށް ވެސް އެ މިނިސްޓްރީން ބުންޏެވެ.
އެތަނުގައި ހަތަރު ޓަވަރު ހަދާ އިރު 40 ޕަސެންޓް ގްރީން އޯޕަން ސްޕޭސްގެ ގޮތުގައި އޮންނަން ޖެހެ އެވެ. އަދި ބިލްޑިންތަކުގައި ހަތަރު ފްލޯގެ ޕާކިން ސްޕޭސް ހަދާއިރު 500 ކާރާއި 300 ސައިކަލް ޕާކުކުރެވޭނެ ޖާގަ ވެސް އޮންނާނެ އެވެ. އެ ތަނުން ސަރުކާރަށް ދޭ 120 ފްލެޓް ވިއްކަން ހަމަޖެހިފައި ވަނީ ކޮންޓްރޯލް އަގެއްގައި ކަމަށް ހައުސިން މިނިސްޓްރީން ކުރިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭކާރު
23 July 2018
މިހާވަރަށް ތޮއްޖެހިފަ މީހުން އުޅޭނެ ތަނެއް ނެތިގެން އުޅޭއިރުވެސް އަދިވެސް ޓެކްސް ޕޭޔަރުންގެ ފައިސާއިން ބާކީހުރި ކުޑަ ބިންކޮޅުގަވެސް އަޅަންވީ ލަގްޒަރީ އެޕާޓްމެންޓްސްތަ؟. ތި ގަންނާނީ މިހާރުވެސް ބިން ހުރި އުޅޭނެތަން ހުރި މުއްސަނދިން. ގަނެފަ އެމީހުން އިތުރަށް މުއްސަނދިވާން ބޮޑުއަގުގަ އާންމުންނަށް ކުއްޔަށްދޭނީ. ތިއީ ބޮލެއްހުރި ވިސްނޭ އާދައިގެ ރައްޔިތުން އެއްގޮތަކަށްވެސް ތާއީދު ކުރަންވީކަމެއް ނޫން.
ސައިޚް
23 July 2018
ބިންގާ އެޅިދާނެ، ދިވެހިންނައް ފޮޓޯއިން ރީތިކުރެހުން ދެއްކިދާނެ، ހަރާންވާނެ ވާނެކަމެއް، ވޯޓަށް ކުރާކަންތައް ނުދާނެ ކުރިއަކަށް، ތީ ހުސް މަކަރު. ވޯޓެއް ނުދޭނަން، އެކަކުވެސް ނުދޭތި ވޯޓް.
މަންޑޭލާ
23 July 2018
ޔާމިނަކީ ފުލެޓު އަޕްޕަ.
ޝޮކްތެރަޕީ
23 July 2018
ޔާމިނަ މިރާއްޖެ ތަރައްގި ކުރަންއެގެނީ އެޔަކީ ބަޔަކުހަސަދަވާން ޖެހޭ ވަރުގެކަމެއްނުން. ނަޝީދަ އެގެނީ މިރައްޖެ ހަލަބޮލިކުރަން.
ޗަންޗޮންޗުން
23 July 2018
ޗަންހުވާ އައް ތީޔަ ޕުރޮޖެކްޓު ލީބުނީ ސަރުކާރުގެ ކޮން ޓެންޑަރ ޕުރޮސެސް އަކުންތޯ..؟
ކޮލެޖް ބޯއީ
23 July 2018
ތޮއްޖެހިފައިވާ މާލެ އިތުރަށް ތޮއް ޖައްސަނީ. ތޮއްޖެހިފައިވާ މާލޭ މީހުންނަށް ހުޅަނގު ފަރާތުން ލިބޭ ވައިރޯޅި ވެސް ބަންދުކޮށްލަނީ.
އަބްދުއްލާ
23 July 2018
ހުރީހަމަ މިރާއްޖޭގަ ތުނިޔަ ބަލާބަލަ 2011 އާ 2012 ގެ ނޫސްތައް ބިންވިއްކަން ނޫޅޭތޯ ބިންވިއްކާނުލާތޯ . މިރާއްޖޭގަ ނޫޅޭ މީހުނަށް ނޭގިދާނެ.
ރައްޔަތުމީހާ
23 July 2018
ތިތަން ހަދަން ޚަރަދުކުރަނީ ކިތަށް މިލިޔަންތޯ ބަލަންޖެހެ. އަދި ޗަންހުއާ ކޮންސްޓްރަކްޝަން ކުންފުނި، ކޮރަލް ބްލެވާޑް، މިކްސްޑް ޔޫޒް ޑިވެލޮޕްމަންޓް ޕްރޮޖެކްޓް މިފަދަ ނަންނަން ކިޔާފަ ވާނުވާއެއްނޭގި ރައްޔަތުން ދަރުވާލަނީ. މިމުޅި ސަރަޙައްދު ދިނީ ކިތަށް އަހަރަށްތޯ މިވެސް ރައްޔަތުން ބަލަން ޖެހެ.
ޕިނޯކިއޯ
23 July 2018
"500 ކާރުގެ ޕާކިން ސްޕޭސް" މިތަންކޮޅުން މީ ކޮންބަޔަކަށް ދޭންވެގެން ހަދާތަނެއްކަން ހާމަވެއްޖެ..
އައިސް
23 July 2018
ތިވެސް 2013 ގެ ވައުދެއް؟