ފުޑް ކޯޓު ރަސްމީކޮށް ހުޅުއްވައި ދެއްވުމަށް ފަހު، ރައީސް ޔާމީނާއި އެމަނިކުފާނުގެ ބައެއް އަރިސް ބޭފުޅުން، ފުޑް ކޯޓެއްގައި ސައިފޮދަކަށް އިށީނދެވަޑައިގެން.---ފޮޓޯ: ރައީސް އޮފީސް
23 ޖުލައި 2018 - 22:40
59 comments
މާލޭގެ ހުޅަނގު ދެކުނު ހާބަރު ސަރަހައްދުގައި ޒަމާނީ ފެންވަރަށް ހަދާފައި ފުޑް ކޯޓްތައް "ރާވެރިބޭ ކޮއްތުވެނި" ގެ ނަމުގައި ރައީސް އަބުދުﷲ ޔާމީން މިރޭ ހުޅުއްވައިދެއްވައިފި އެވެ.
ތިން ސައިޒެއްގެ ކެފޭތައް ހުންނަ އެފުޑް ކޯޓުތައް މިރޭ ރަސްމީކޮށް ހުޅުވި ނަމަވެސް މޭ މަހުން ފެށިގެން އެ ތަންތަނުން އަންނަނީ ހިދުމަތް ދެމުންނެވެ. ފުޑް ކޯޓްތައް ހުޅުވުމުގެ ރަސްމިއްޔާތުގައި ރައީސް ޔާމީންގެ އަރިހުގައި ރައްޔިތުންގެ މަޖިލީހުގެ ރައީސް އަބްދުﷲ މަސީހާއި މިނިސްޓަރުން ތިއްބެވި އެވެ.
މި ރަސްމިއްޔާތުގައި އެ ސަރަހައްދުގެ ރުކަކުން ޒުވާން ރާވެރިއެއް ފައިބައި، އެތަނަށް އައިސްފައިވާ ތަރައްގީއާ މެދު ހައިރާންވެގެން އުޅޭ މަންޒަރު ތަމްސީލަކުން ދެއްކި އެވެ. އަދި ހަތަރު ޒުވާނަކު ރައީސްގެ ހިދުމަތަށް ޒުވާނުންގެ ނަމުގައި ޝުކުރު އަދާކުރި އެވެ.
ފުޑް ކޯޓު ރަސްމީކޮށް ހުޅުއްވައި ދެއްވުމުގެ ހަފުލާގައި ރައީސް ޔާމީނާއި ދައުލަތުގެ ބައެއް އިސްވެރިން މިރޭ ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް
ރަސްމިއްޔާތުގައި ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވީ މީގެ ކުރިން އެ ސަރަހައްދަކީ "ހަޑިކޮށް" ދޫކޮށްލާފައި އޮތް ތަނެއް ކަމަށެވެ. އެތަން ތަރައްގީކޮށް "ރާވެރިބޭ މައިޒާން" ކިޔާ ޕާކަކާއި ފުޑް ކޯޓުތައް ހެދީ ރައީސް ޔާމީންގެ ލަފާގެ މަތިން ކަމަށް މުއިއްޒު ވިދާޅުވި އެވެ.
"މިތަން ތަރައްގީވެގެން ދިއުމުން ވަރަށް ހިތް ހަމަޖެހިގެން އާއިލާތަކާއި އާއިލާތަކުގެ ހުރިހާ މެމްބަރުންނަށް. އާދެ ކުޑަ ކުދިންނާ އެކީގައި މިސަރަހައްދުގައި ވަގުތު ހޭދަކޮށްލެވޭނެ. ސަބަބަކީ މިތަނުގެ ތެރޭގައި މިވަނީ ޕާކެއް ތަރައްގީ ކުރެވިފައި. ޕާކްގައި ކުޑަކުދިން އުޅޭއިރު ކެފޭގައި އާއިލާ އެހެން މެމްބަރުންނަށް ވަގުތު ހޭދަ ކުރެވޭނެ،" މިނިސްޓަރު ވިދާޅުވި އެވެ.
މާލޭގެ ހުޅަނގު ދެކުނު ހާބަރު ސަރަހައްދުގައި ޒަމާނީ ފެންވަރަށް ހަދާފައި ފުޑް ކޯޓްތައް ރަސްމީކޮށް މިރޭ ހުޅުއްވައި ދެއްވުމަށް ފަހު، ރައީސް ޔާމީން އެ ތަންތަން ބައްލަވާލައްވަން ވަޑައިގަންނަވަނީ.---ފޮޓޯ: ރައީސް އޮފީސް
ގާތްގަނޑަކަށް 30 މިލިޔަން ރުފިޔާ ހަރަދުކޮށްގެން އާ ހާބަރު ސަރަހައްދުގައި އެސްޓީއޯ އިން ހެދީ ތިން ސައިޒެއްގެ ކެފޭތަކެވެ. އޭގެ ތެރޭގައި ހިމެނެނީ 960 އަކަފޫޓުގެ ތަންތަނާއި 1،260 އަކަފޫޓު އަދި 1،660 އަކަފޫޓުގެ ކެފޭތަކެވެ. އެތަންތަން އަމިއްލަ ފަރާތްތަކަށް ކުއްޔަށް ދޫކޮށްފައިވާއިރު ގިނަ ތަންތަނުން ދަނީ ހިދުމަތް ދެމުންނެވެ.
ހުދު ސަތަރިން ހިޔާކޮށް ހުޅުވާލެވިފައިވާ ގޮތަަކަށް ޑިޒައިންކޮށްފައިވާ އެކެފޭ ތަކަކީ ދުންފަތުގެ އިސްތިއުމާލު ކުރުން މަނާ ތަންތަނެވެ.
މީގެ ކުރިން އެކި ޑިޒައިންތަނަށް އަމިއްލަ މީހުން އެތަންތަން ހަދައި ހިދުމަތް ދިންއިރު ސާފު ތާހިރުކަމުގެ މައްސަލަ ވަރަށް ބޮޑަށް ދިމާވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހުޖަން
24 July 2018
އަލަށް ހުޅުވާ މަޝްހޫރު ހުރިހާ ތަނެއްވެސް ހުރީ ހަމަ އެކަނި މަހުޖަނުންނަށް އަތްފޯރާ ފަށުގައި ކަމަށް ފާހަގަ ކުރެވޭ.
އަންމަޑޭ
24 July 2018
ހުޅުލެ އާއި މާލޭގެ ފުޑު ކޯޓް ތަކުގެ ބައެއް ވެރީން ފޮޓޯ އިން ފެންނަ ނީއެވެ. ހިދުމަތް ހޯދަން ދާ މީހުނަށް ފެންނާނީއެހެން ވެރިއެކެވެ. ތިޔަ ތަންތަނައް ނުދާން ނިންމައިފީމެވެ.
ވަހީދުބެ
24 July 2018
މިވަރަށް އޭކޭ47 ނުފެނޭ ޔާސިރު އަރަފާތު މާލެއައި ދުވަހުވެސް.
އުމަރުބެ
24 July 2018
ވަރަށް ފުރިހަމަ ތަހްގީގެއް ހިންގޭނެ ތިޔަތަންތަނާއި ބެހޭގޮތުން، ކޮންބައެއްތޯ އަޑީގައިތިބީ، ކިހިނެއް ހިންގުނު ޕްރޮޖެކްޓެއްތޯ؟ އަދި އެސްޓީއޯއިން ނަގާފައި ކުރިން ތިޔަތަނުގެ ކެފޭތަށް ހިންގި މީހުންނާއި ތިޔަ ފުޑްކޯޓްތަށް ހަވާލުކުރެވޭނެ
ޚިޔާލް123
24 July 2018
މިފުޓްކޯޓަކީ ވަރަށް ހިއްގައިމު މާހައުލެކެވެ، މިތަނަށް މިގެނައި ބަދަލް ބަލައިގަންނަންޖެހެއެވެ، އެކަމަކުވެސް ފުޑްކޯޓެއްގެ އިންތިޒާމްތަށް ވަކިވަކިން ހުރުމުން ކަސްޓަމަރުންނަށް ބޭނުން އެއްޗެއް ޗޫސްކުރަން އުދގޫވެއެވެ، އަޅުގަނޑު އިންތިޒާރު ކޮއްގެން ހުރީ، ބޭރުގައުމު ތަކުގައިހެން އެއްތަނުން ޖޫސްތައްޓެއް އަނެއްތަނުން ބަތްކޮޅެއް ސިލެކްޓް ކޮއްލައިގެން ބޭނުން ތަނެއްގައި އިށީދެލައިގެން ސާރވިސްލިބޭނެ ކަމަށެވެ، އެހެން ނަމަވެސް މިފަދަ ކޮންސެޕްޓަށް ހުންނަ ފުޑްކޯޓްތަށްވެސް ބޭރުގައުމުތަކުގައި ހުރެއެވެ، ސްޓްރަކްޗަރ ހެދިއިރު ވިއްސައިރަ ދުވަސްތަކަށް ބަލައިގެން ޑިޒައިން ފަރުމާކުރިނަމަ މިތަން ވަރަށް ފުރިހަމަވީހެއެވެ، ދެން އޮތީ ސިގިރޭޓް ބުއިމުގެ މައްސަލައެވެ، ވިސްނަންވީ އެއްވަކީ ސިގިރޭޓް ކޮމިއުނިޓީއަށްވެސް ކޮންމެވެސް އުސޫލެއްގެ ދަށުން އެކަން ކުރެވޭނެ ގޮތް ހަދައިފައި ބެހެއްޓުމެވެ. އަދި ތަނުގެތެރޭގައި ސިގިރޭޓް ބުއިން މަނާކޮޢް އެކަން އިމްޕްލިމެންޓް ކުރުމެވެ.
ހުސެއިނީ
24 July 2018
ދުންފަތުގެ އިސްތިއުމާލް ކުރުން މަނާ ކަމަށް ބުނަނީ އެކަމަކު ބަރާބަރަށް ސިގިރެޓްބޮއި އެތަނުގަ ކިހިނެއްވާކަމެއްމީ.
އަބްދުއްﷲ
24 July 2018
އެއްތަނެއް އެކި ނަންނަމުގައި ހުޅުވުމުގެ ރެކޯޑް ހަމަގައިމުވެސް ކާފަދަރިންނަށް އެނގެނީ ޔާމީނުގެނަން . މާދަމާ އެފާރު ތަޅާލާފައި އަނެއްދުވަހު ހުޅުވަމާ ރައިވެރިބޭ ވެރިކަމުގެ އެންމެގިނަދުވަހުން ހެދުނު ބިނާ މިނަމުން ނިންމާލަމާ
ހުސްނާ1234
24 July 2018
އެހެން ގައުމު ތަކުގެ ފުޑް ކޯޓްތަކުގަ އަތްދޮވެ ފާހާނާކޮށް ހެދޭ ގޮތަށް ހުންނާތީ މިގައުމުގެ ފުޑްކޯޓުތައް އޭގެ އަނެއްކޮޅު ވާރޭ ވެހެންޏާ އެތާކު މަޑުކޮށްލަން އުދަނގޫ މެހީ އުނދަގޫ އެހާ ބޮޑު އަގުތައް ހެސްކިޔާފަ ބޮޑު
ހަސަންމަނިކުފާނު
24 July 2018
ސާބަހޭ މަނިކްފާނު! ތިޔައީ ނަމޫނާ ވެރިއެއް! ތަރައްގީގެ ބާނީއެއް! ޔާމިން 20 - 30 އަހަރު ބަހައްޓައިފިނަމަ ސިންގަޕޫރް ނަހަދާނެއެކައްޗަކަށްވެސް! އެމަނިކް ފާނުގެ ވިސްނުންފުޅުހުރީ 2 ދައުރު! ވަރަށް ސާފު! ނަމޫނާ ދައްކަވާނެ!
ރަދީފް
24 July 2018
ސާބަހޭ ރައީސް ޔާމިން.ކޮންގައުމެއްގެ ރައީސެއްތޯ ދަނީ ކެފޭ ހުޅުވަން ، އިންޖީނުގޭ ހުޅުވަން ރިބަން ކަނޑަން އަދި އިމާރާތެއް އަޅާނަމަ ބިންގާ އަޅަން.ލޮލް
ފޭސް
24 July 2018
ކަލޭމެންގެ ރައީސް މާކަރީ ހޮޓަލުގަ އެއްޗެއް ކަޅެއް ޖަހަން އޮވޭ މުޅި ޕްރޮޓޮކޯލް ފުނޑާލާފަ. ކޮންގައުމެއްގެ ރައީސް އެހެން އުޅެނީ.
ރަދީފް
24 July 2018
ފޭސް ބުނަންތަ ވާހަކައެއް.އަހަރެންގެ ރައީސެއް ނުހުންނާނެ.ތިބުނާ ރައީސް ހުވާކުރެއްވިއިރު މާކަރީ ހޮޓަލެއް ނުވެސް ހުންނާނެ.ވަރަށް ހިތުގަ ޖެހިއްޖެ ދޯ މަގޭ ކޮމެންޓްގެ ސަބަބުން.ލަދުކޮބާ؟؟ވ.ވެދުން