ސިނަމާލެ ފްލެޓުގެ ސީލިންގުން ފެން ލީކުވަނީ: ސިނަމާލެ، މާލޭހިޔާ ފްލެޓްތަކާމެދު ކައުންސިލުން އިހުމާލުވެފައިވާ ކަމަށް މިނިސްޓަރު ތުހުމަތު ކުރެއްވި-- މިހާރު ފޮޓޯ
23 ޖޫން 2018 - 12:40
24 comments
ސިނަމާލެ އާއި މާލޭހިޔާ ފްލެޓްތަކުގައި ދިރިއުޅޭ މީހުންނާ މެދު މާލޭ ސިޓީ ކައުންސިލުން ވަރަށް ބޮޑަށް އިހުމާލު ވެފައިވާ ކަމަށް، ހައުސިން މިނިސްޓަރު ޑރ. މުހައްމަދު މުއިއްޒު ތުހުމަތު ކުރައްވައިފި އެވެ.
ރައީސް އަބްދުﷲ ޔާމީންގެ ރިޔާސީ ކެމްޕޭންގައި، މާލޭގެ ބައެއް ގެ ތަކަށް އިއްޔެ ޒިޔާރަތް ކުރެއްވުމަށް ފަހު، މުއިއްޒު ކުރެއްވި ޓްވީޓެއްގައި ވިދާޅުވީ ސިޓީ ކައުންސިލުން، ފްލެޓްތަކުގެ މީހުންނާ މެދު އިންތިހާ ދަރަޖަ އަށް އިހުމާލުވެފައިވާ ކަން، އެ ތަންތަނަށް ވަޑައިގަތުމުން އެނގިވަޑައިގެންފި ކަމަށެވެ.
އަދި އިދިކޮޅު އެމްޑީޕީީގެ ބާރުގެ ދަށުގައި އޮތް ކައުންސިލަކުން، ރައްޔިތުންނާ މެދު އެހާ އިހާނެތިކޮށް ކަންތައްތައް ކުރަނީ ކީއްވެތޯ މިނިސްޓަރު މުއިއްޒު ސުވާލު ކުރެއްވި އެވެ.
Sinamale,Male Hiyaa flat thakuge rayyithun arihah ziyaarai kurumun engigen dhanee MaleCityCouncil ge belumuge dhashugaivaa e flat thakah CityCouncil in ihmaal vefaivaa inthihaa dharaja. Rayyithunnah ehaa ihaanethikoh MDPge baarhdhashugai oi Council in kanthah kuranee keevvebaa?
— Dr.Mohamed Muizzu (@MMuizzu) June 23, 2018
އޭނާގެ އެ ޓުވީޓަށް ރައްދު ދެއްވަމުން، ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ކުރެއްވި ޓުވީޓެއްގައި ވިދާޅުވީ، ފްލެޓްތަކަށް އަލަށް ވަޑައިގަތުމުން މިނިސްޓަރު މުއިއްޒަށް ލައްކަ ކަންކަން ފެނިވަޑައިގެންފި ކަމަށެވެ. އެކަމަކު، އެތަނުގެ ފުރާޅާއި ވެއްޓެން ކައިރިވެފައި ހުރި ބެލްކަނިތަކާއި ތަނބުތައް ވެސް އަދި ބަލަން ޖެހޭ ކަމަށް ޝަމާއު ވިދާޅުވި އެވެ.
އޭނާ ވިދާޅުވިގޮތުގައި، ފްލެޓާ ގުޅޭގޮތުން ވަރަށް ގިނަ ސިޓީތައް މިނިސްޓަރު މުއިއްޒަށް ވަނީ ފޮނުވައިފަ އެވެ. އެކަމަކު، އެކަމާ އެއްވެސް ވަރަކަށް އަޅާނުލެއްވި ކަމަށް ޝަމާއު ވިދާޅުވެ އެވެ.
"ބާރުތައް މުށަށް ލައިގެން އެމްސީސީ [މާލޭ ސިޓީ ކައުންސިލް] އޮބި އެޅީ ސަރުކާރުން،" އެމްޑީޕީގެ އަޣުލަބިއްޔަތު އޮންނަ މާލޭ ސިޓީ ކައުންސިލްގެ ގިނަ މަސައްކަތްތައް ހައުސިން މިނިސްޓްރީގެ ދަށަށް ބަދަލުކޮށްފައިވާކަން ފާހަގަ ކުރައްވައި އޭނާ ވިދާޅުވި އެވެ.
ބޮޑެތި މަރާމާތުތަކެއް ބޭނުންވާ މާލޭ ހިޔާ އާއި ސިނަމާލޭ ފްލެޓްތައް ބެލެހެއްޓުން ސިޓީ ކައުންސިލާ ހަވާލު ކޮށްފައިވާއިރު، އެ ފްލެޓްތަކުގެ މެއިންޓަނަންސް ކަންތައްތައް ވަނީ އަމިއްލަ ކުންފުންޏަކަށް ދޫކޮށްފަ އެވެ.
Alah dhiyaima lakka kankan fenijje dhehthoa.Adhi furaalhaa,ehen thanthanves bahlavaalaathi.Vehten kairi vefahuri balcony thakaa, thanbuthahves eba jehey balan. Manikufaanah flat aa gulhey varah gina sitee fonuvin.Alhaaves nuli. Baaruthah mushah laigen MCC obi elhy mi sarukaarun👹 https://t.co/iqB0jSam36
— Shamau Shareef (@schamau) June 23, 2018
މާލޭހިޔާ ފްލެޓްތަކުގެ ލިފްޓު ހަލާކުވުމާއި ވިއްސާރަ ދުވަސްވަރު ސީލިންގުން ފެން ލީކުވުން ފަދަ މައްސަލަތައް ވަރަށް ގިނައިން ދިމާވެ އެވެ.
އެ ކަންކަމާ ގުޅޭގޮތުން ސިޓީ ކައުންސިލުން ކުރިން ބުނެފައި ވަނީ ފުލެޓްތައް މަރާމާތު ކުރުމަށް އެކަށޭނަ ބަޖެޓް ނުލިބުމާއި ސަރުކާރުގެ ކަމާބެހޭ އިދާރާތަކުގެ އެއްބާރުލުން ނުލިބުމުގެ ސަބަބުން މައްސަލަތައް ހައްލު ކުރުމަށް ދަތިވެފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުﷲ
25 June 2018
މައުސޫމް. ހައުސިން މިނިސްޓަރު ގާތު އަހަރެން އަހާލާނީ މަގާމްގަ ތިހޭދަވީ 8 އަހަރު ތެރޭ ކިތައް ފުލެޓް އެޅިއްޖެތޯ.؟؟
ލޮލީޖާ
25 June 2018
ކައުންސިލުން އިހުމާލުވެފައިވާކަމަށް ތިކައުންސިލްގެ 2017 ވަނަ އަހަރުގެ އަހަރީ ރިޕޯޓުން ހާމަވޭ. ރިޕޯޓުގައި ބުނެފައި އެބަވޭ މާލޭ ސިޓީ ކައުންސިލުން ތިޔަ ފްލެޓްތަކުގެ މަސައްކަތްތައް ޙަވާލުކޮށްފައިވާ ކުންފުނިން އަލިފާން ނިއްވާ ނިޒާމް ރަނގަޅުކުރުމުން އެނިޒާމު އެމް.އެން.ޑީ.އެފް އިން ޗެކްކުރުމަށްފަހު ކަނތައްތކަެއް ރަނގަޅުކުރުމަށް ސިޓީކައުންސިލަށް އެންގުމުން ސިޓީ ކައުންސިލުން އެކަން ކުންފުންޏަށް އެންގިނަމަވެސް، އެކަންކަން ރަނގަޅުކޮށްފައިނުވާކަމަށް. އެހިސާބުން، އެކޮންޓްރެކްޓަރާ ވާހަކަދައްކައިގެން ޙައްލު ނުވެއްޖެނަމަ، ޤާނޫނީ ފިޔަވަޅު ނާޅައި އޮތީ ކީއްވެތޯ؟ ދެން ދަތުރު ފަތުރުކުރުމަށް 2017 ގައި 78530.14 ރުފިޔާ؟ ކައުންސިލްގެ ބޭނުމުގަ ވިލިމާލެ އަދި ހުޅުމާލެއަށް ދަތުރުކުރަން އަހަރަކު މިވަރު ދޭތޯ؟ މިއީ ދުވާލަކަށް 215 ރުފިޔާ. ކޮންކަމެއްތޯ ކުރަނީ؟ ގައިމު އަމިއްލައަށް އެބައޮތް ބުނެފަ ތިމަންނަމެންގެ މައި ޒިންމާއަކަށް އޮތީ ވިހާ މަރުވާ ބެލެހެއްޓުމޭ. ހަމަ މިވަރަށް ދަތުރުކުރަންޖެހޭތޯ؟ ކޮން ބޭނުމެއްގައިތޯ؟
16 މިލިއަން
25 June 2018
16 މިލިއަންގެ ބަޖެޓުން މާލޭ ސިޓީ ކައުންސިލުން ކީއްތަ ތިކުރަނީ؟
ޕޮކަންޑިމޭން
24 June 2018
ސިމާއުމެންގެ ވަޒީފާއަކީ ސްކައިޕް ރައިސްގެ ވީޑިއޯ ކޯލްތައް ހިފައިގެން ސައިހޮޓާތަކަށް ހިނގުން. ރައްޔިތުންނަށް ކޮށްދިން ހިދުމަތެއް ހަރާން.
ޤައުމު
24 June 2018
އެމް.ޑީ.ޕީ ވެރިކަން ނިމުނީ 3 އަހަރުން. މުއިއްޒު މިހާރު މިނިސްޓަރަކަށް ހުންނަތާވެސް އޭގެ ދެގުނައަށްވުރެ ގިނަ ދުވަސްވީ! ކީއްވެތޯ އިހުމާލުވީ! ކީއްވެތޯ މާލެ ސިޓީ ކައުންސިލް ނުކުޅެދުންތެރި ތަނަކަށް ހެދީ؟ މިއަދު މިހިން ގޮވަންތޯ؟ މިއީ ދިވެހިން ނިދާފަ ތިބި 30 އަހަރެއްނޫން...ޖަސްޓް ސެއިންގ
ހަމަ ތިއުސޫލުން
25 June 2018
ހަމަ ތި އުސޫލުން ބުނަންޏާ، ކައުންސިލްގަތިބި ބައެއް މެމްބަރުން އެތާ ތިބޭތާ 8 އަހަރުވެއްޖެ. އެތަން ބެލެހެއްޓުމުގެ ޒިންމާ މާލޭ ސިޓީ ކައުންސިލާ ހަވާލުކުރީ އިއްޔެއަކު ނޫން. ފްލެޓުތަކުގެ ޙާލަތު ގޯސްވީވެސް އިއްޔެއަކު، މިއަދަކު ނޫން.
ކުޑައަލީ
24 June 2018
ބިއްލޫރި ކޮށްޓެއްގައި އިންނަވައިގެން އެހެން މީހުންނާ ދިމާލަށް އޮއްގާ އުކައްވަނީ ދެއްތޯ؟
ކާޖާ
23 June 2018
މުއިއްޒުގެ ކަމަކީ އަބަދުވެސް ކޮންމެވެސް މީހެއްގެ ބޮލަށް ކަޑާލުން. މީނާ މި މަގާމުގައި ހުންނަތާ މިހާރު 7 އަހަރު ވެއްޖެ.
ޙުސެން
23 June 2018
މުއިއްޒު އެތަނަށްދިޔައީ ކީއްކުރަން.
އެދުވަސް
23 June 2018
ތިޔަ ސިނަމާލެ ގައި އުޅޭމީހުން ފުރަތަަމަ ކުލި ދައްކަމުން ނުގެންދާކަމަށްވަނީ ، އިމާރާތް ބާވީ އޭ ކިޔާފަ އެހެންވީމަ ކަމެއް ދިމާވާއިރަށް ކުލި ނުދައްކާ ތިބިވެންޔާ ދުވަހަކުވެސް ހައްލެއްނުގެނެވޭނެ އިންތިހާބު ކައިރިވާވަރަކަށް ސަމާހު މެންނަށް ތިންތަނުގައި ހުރި ހުރި ލޯވަޅެއް ފެންނާނެ މި ހުރިހާދުވަހު ހަކަތިބެފަ ނޫހަކަށް އިންޓަވިއުދެނީ ނޫންތޯ އަޅުގަޑަށް އިގިގެން މިބުނީ ކުލި ނުދައްކާ މީހުން އުޅޭ ނަަމަވެސް ކަރަންޓް ބިލާ ފެންބިލު ދައްކަން ޖެހެނީ ކަޑާލާތީ ،، ނަމަވެސް ހައުސިންގ މިނިސްޓުރީގެ ކަންޖޫސް ކަމުން ކުލި ނުދެއްކިޔަސް ކިތައްމެ ބޮޑު ގެއްލުމެންތަަނަށް ދިނަސް އޯކޭ،،،
ބީކޭކޭ
23 June 2018
މިދައުރުގެ ފަސްއަހަރު ނިމެން ދެތިންމަސް މުއިޒު ކޮންތާކުތޯ ތިއުޅުއްވީ! މުއިޒްއައް މާލޭސިޓީ ކައުންސިލެއް ވުޖޫދުގަވާކަން އިނގުމުން ހިތައްއަރަ އެއީހަމަ އެ މުއީޒުބާއޭ؟ މުއީޒު މެންނައް ބުނެލަން އޮތީ ސިޓީކައުންސިލޭ އިހުމާލޭ ކިޔަސް ވޯޓެއް ނުލިބޭނެކަން!!!!