އިދިކޮޅު އިއްތިހާދުގެ ރަނިންމޭޓުކަން، ޖޭޕީގެ ޑެޕިއުޓީ ލީޑަރު ޑރ. ހަސަން، ފައިސަލްއާ މިއަދު ހަވާލު ކޮށްދެއްވަނީ.---ފޮޓޯ: ނިޝާން އަލީ/މިހާރު
24 ޖުލައި 2018 - 19:45
8 comments
މި އަހަރުގެ ރިޔާސީ އިންތިޚާބުގައި ވާދަކުރައްވާ އިދިކޮޅު އިއްތިހާދުގެ ކެންޑިޑޭޓު އިބްރާހިމް މުހައްމަދު ސޯލިހް (އިބޫ) ގެ ރަނިންމޭޓްކަން ފައިސަލް ނަސީމްއާ ޖުމްހޫރީ ޕާޓީން ރަސްމީކޮށް މިއަދު ހަވާލުކޮށްފި އެވެ.
އިދިކޮޅު ފަރާތްތަކުގެ ރަނިންމޭޓަކު ކަނޑައަޅަން ޖުމްހޫރީ ޕާޓީގެ ކައުންސިލް ގައި މި މަހުގެ 13 ވަނަ ދުވަހުގެ ރޭ ބޭއްވި އިންތިޚާބު 15 ވޯޓުން ކާމިޔާބު ކުރައްވާފައިވާ ފައިސަލްއާ ރަނިންމޭޓުކަން ރަސްމީކޮށް ހަވާލުކުރީ އެ ޕާޓީގެ މައި އޮފީހުގައި ބޭއްވި ޚާއްސަ ރަސްމިއްޔާތެއްގަ އެވެ. ކާށިދޫ ދާއިރާގެ މެމްބަރު ފައިސަލްއާ ރަނިންމޭޓު ކަމުގެ ލިޔުން ހަވާލުކޮށްދެއްވީ ޖުމްހޫރީ ޕާޓީ ވަގުތީ ގޮތުން ހިންގުމާ ހަވާލުވެ ހުންނެވި، ޑެޕިއުޓީ ލީޑަރު ޑރ. ހުސެއިން ރަޝީދު ހަސަނެވެ.
ރަނިންމޭޓުކަމާ ރަސްމީކޮށް ހަވާލުވެވަޑައިގަތުމަށް ފަހު، ވާހަކަ ދައްކަވަމުން ފައިސަލް ވިދާޅުވީ، ސެޕްޓެމްބަރު 23 ގައި ބާއްވާ ރިޔާސީ އިންތިޚާބު ކާމިޔާބު ކުރުމަށް ފަރުދީ ފެންވަރުގައި ރައްޔިތުން މަސައްކަތް ކުރުމަށް އެދިވަޑައިގަންނަވާ ކަމަށެވެ. އަދި ވިދާޅުވީ އޭނާ މަސައްކަތް ކުރައްވާނީ އިދިކޮޅު ކޯލިޝަންގެ މަގުސަދާ އެއްގޮތަށް ކަމަށެވެ.
މިއަދުގެ ބައްދަލުވުމުގައި ފައިސަލް ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"އަޅުގަނޑު އިރާދަކުރެއްވިއްޔާ ދެމިހުންނާނީ ކޯލިޝަންގެ މަގްސަދާ އެކު 23 ސެޕްޓެމްބަރު ވާ ދުވަހު ރައްޔިތުން އެދޭ ބަދަލު ގެނައުމަށްޓަކައި ވަރަށް ކެރިގެން، ތައްޔާރަށް،" ޖުމްހޫރީ ޕާޓީގެ ކައުންސިލް މެމްބަރު ފައިސަލް ވިދާޅުވި އެވެ.
އޭނާ ވަނީ ޕީޕީއެމްގެ ކެންޑިޑޭޓް، ރައީސް އަބްދުﷲ ޔާމީން ބަލިކުރުމަށް ރައްޔިތުންނަށް އޮތް ފުރުސަތުގެ ބޭނުން ކުރުމަށް ގޮވާލައްވައިފަ އެވެ.
"އަޅުގަނޑުމެން ގަބޫލު ކުރަން ޖެހޭނެ ފުރުސަތަކީ މާ ގިނަ ގިނައިން ލިބޭނެ އެއްޗެއް ނޫންކަން. ފުރުސަތަކީ މަދުން ލިބޭ އެއްޗެއް. އެހެން ނަމަވެސް ވިސްނުންތެރި މީހުން އަބަދު ވެސް ބަލާނީ ފުރުސަތުގެ ބޭނުން ހިފައި، ރައްޔިތުން އެދޭ ބަދަލެއް ގެނައުމަށް،" ފައިސަލް ވިދާޅުވި އެވެ.
"ދިވެހިރައްޔިތުންގެ ކައިރިން އަޅުގަނޑު އެދެނީ ދިވެހި ރައްޔިތުންގެ ހައްގު ގައި އަދި މުޅި ދިވެހި ގައުމުގެ ހައްގު ގައި ވަކިވަކި ފަރުދުންގެ ލެވެލްގަ އާއި މުޅި ޓީމުގެ ލެވެލްގަ އާއި ކޯލިޝަންގެ ލެވެލްގައި ކުރެވެން ހުރި ހުރިހާ މަސައްކަތެއް ކޮށް މި ކަންތައްތައް ކާމިޔާބު ކުރަން،" އޭނާ ވިދާޅުވި އެވެ.
މި އަހަރުގެ ރިޔާސީ އިންތިހޚާބު ގައި ވޯޓުލުމުގެ ހައްގު 263،000 މީހުންނަށް ލިބޭއިރު، ރާއްޖެ އަދި ބޭރުގެ ބައެއް ގައުމުތަކުގައި 483 ވޯޓުފޮށި ބަހައްޓާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯލިޓަނަ
25 July 2018
ކޯލިޝަނަކީ އެމްޑީލީ ޖޭޕީ އެކަނި ދެއްތޯ؟ އަދާލަތު ޕާޓީއަކީ ބައެއް ނޫންތޯ؟ އަދާލަތުގެ ރައީސަކީ މަހުޖަނަކަށް ނުވީމާ ބާކީވީ ހެން ހީވޭ. އަސްލު ރާއްޖޭގެ ކިންގްމޭކަރ އަކީ މިދިޔަ ދެ އިލެކްޝަންގައިވެސް އަދާލަތު. މިހާރު އެކަމަކު މިއޮތީ އަދާލަތު ޕާޓީ ކުޑަކަކޫ ޖައްސާ މަހުޖަނުންގެ އަތްދަށުކޮށް ބަނދެވިފައި.
ޢިބަ
24 July 2018
ދިވެހިން ކުރިއަރާނީ ތެދުވެރިކަމާއެކު ވިސްނުން ތެރިކަމާއެކު ވޯޓުލުމުގެ ފަރުދީ ވާޖިބު އަދާކޮށް ގައުމު ހަމަމަގަށް އަޅުވަން މަސައްކަތް ކުރާ މީހުންގެ ފަހަތުގަތިބެގެން
ކިއްލިބާޝާ
24 July 2018
އެއްވަނައަށް އައި ފައިސަލަށް ޗެންޕިއަންކުމުގެ ތަށި ދިންއިރު ދެވަނައަށް އައި އަލީ ހިސައިންއަށް ރަނަރަޕް ތަށިވެސް ދިންނަމަ ވަރަށް ސަޅިވީސް.
އައިކާންޓް
24 July 2018
އިދިކޮޅު ރަނިންމޭޓުކަން ފައިސަލްއާ ރަސްމީކޮށް ހަވާލުކޮށްފި ނަމަ އެއީ މަމެން އުފާ ކުރާ ކަމެކޭ އެކަމަކު ޖޭޕީ މިހާރު އޮތީ ދެ ފެކްޝަން އަކަށް ބެހިފައޭ މަމެން ބުނަން ނެތީމު ދޯ އައި ކާންޓް ޓެލް ޔޫ ދަ ޑީޓެއިލްސް އޮފް އަވަރ އެޕަލް ޕައި ޕްރޮގްރާމް...
ޑޮކްޓަރުންގެ ސިޓީ / އައްޑޫ ސިޓީ
24 July 2018
ލާމަރުކަޒީ ނިޒާމް ގެ ފިކުރަށް އިޖާބަދޭ އެމްޑީޕީގެ ރިޔާސީ ކެންޑިޑޭޓް އިބޫގެ ރަނިންގމޭޓް ފައިސަލް ނަސީމް އަށް އަހަރުމެން އައްޑޫ، މުލައް އަދި ހުވަދޫ އެއްކޮށް ފުރިހަމައަށް ތާއީދުކޮށް މުޅި ދެކުނު ވޯޓް އެމްޑީޕީއަށް އަޅާނެ. . . . . އަހަރުމެންނަކީ އިބޫ އަދި ފައިސަލްގެ ކިބައިން ބޭސް ސިޓީއަށް ކަރަންޓްބިލް ދެއްކުމަށް ފުލެޓް ހޯދުމަށް އެދި ސަލާންޖަހާނެ ބައެއްނޫން، . . . . އަހަރުމެން އިބޫ ފައިސަލްގެ ޖޯޑަށް ވޯޓްދެނީ “އަދުލުވެރިކަމާއި އެކު ދައުލަތުގެ މުއްސަނދިކަން ހިއްސާކުރުމުގެ ފުރުސަތު ރައްޔިތުންނަށް ދިނުމަށާއި، ލާމަރުކަޒީ ބާރުވެރިކަންދޫކޮށް އަހަރުމެން ހަމައިސްކޮޅަށްތެދުވެ މިނިވަންކަމާއި އެކު މުދާހޯދާ މުދާ އަމިއްލަކުރުމުގެ ބާރުވެރިކަން ދިނުމަށްއެދި” ފަހަރެއްގައިވެސް ތިއިން މީހެއް ނުވަތަ ޕާޓީގެ ފަރާތުން އެއްޗެއް ބޭނުންްވެގެނެއްނޫން.
މުލައް ހުވަދޫ ބްރީޑް
25 July 2018
އަވަށްޓެރި ގައުމަކުން މި ދިވެހި ރާއްޖެމީ އެމީހުންގެ ބައެއްކަމަށް ގަބޫލުކުރާފަދައިން، ޒަމާނެއްގައި ފުވައްމުލަކަށް "އައްޑޫ މުލައް" ކީ ކަމަކު މުލައް ހުވަދޫ ރައްޔިތުންނާދޭތެރޭގައި އައްޑޫ މީހުން ގެންގުޅޭ ނަސްލީ އިމްތިޔާޒް ފަދަ ތަފާތުކުރުން، ކޮންމެ ހެން ވޯޓް ބޭނުންވީމާ، މާ ގާތްކުރާނެކަމެއްނެތެވެ. ކާބަފައިން ބުނާގޮތުން ނަމަ، އައްޑޫގައި އިގިރޭސިންތިބިއިރު، މުލައް އަދި ހުވަދޫ މީހުން ގަމު ހޮސްޕިޓަލަށް ގޮސް ދުވަސްކޮޅަކު މަޑުކޮށްލަން ޖެހިއްޖެނަމަ، ކަލޭމެން ދިން ދެވަނަ ދަރަޖައިގެ މެހެމާނު ދާރީ ހަދާކޮށްލުން ވެސް ރަގަޅެވެ. މީގެ އިތުރުން މަޝްހޫރު ހުވަދޫ ގަޑުބަޑަށް ވެސް މުލައް، ހުވަދޫ ވެއްދީ ކަލޭމެންނެވެ. ވީމާ، އަހަރުމެން، ތީ ކަލޭމެންކަން އަބަދުވެސް ހަދާން ބަހައްޓާނަމެވެ!
ރައްޔިތުން
24 July 2018
ބަޔަކު ފަސާދަ ވެއްޖެނަމަ އެބަޔެއްގެ މައްޗަށް ނުބައި ނުލަފާ ވެރިން ލައްވައެވެ. މީކީ ރޮކެޓްސައިންސެއް ނޫން. ފަސާދަނުވާ ބަޔަކު ވެރިން ހޮވާނީ އަމާނާތްތެރިކަމާ އިންސާފާ ތަގްވާއަށް ބަލާފައި. ފަސާދަ ވެފައިވާ ބަޔަކު ވެރިން ހޮވާނީ ދޭ ޜިޝްވަތާ ގާބިލްކަމެއް ނެތަސް ދެވޭ ބޮޑެތި މަގާމާ ނުހައްގު މަންފާއަށް ބަލާފައި. 2ވަނަ ކަމަށް ބެލީމާ ޖައްބާރުން އެބައެއްގެ ތެރެއަށް ވެރިވާން ލަހެއްފަހެއް ނުވާނެ. ހޮވާނީ އެންމެ ގިނަ ރިޝްވަތު ދިން މީހާ. ގައުމު ސަލާމަތްވާން އޮތީ ފުރަތަމަ ތިމާ އިސްލާހުވެގެން! ތިމާ ރިޝްވަތަށް ނުވިކި އިންސާފާ ހައްގުގެ މަގަށް މަސައްކަތްކޮށްގެން.
ބޯ ހަލާކު
25 July 2018
އާނ ރަގަޅު ތިޔަ ދައްކަނީ 2008 ގައި ވެރިކަން ލިބުމުން ގައުމުގެ އިގުތިސާދު ފުޑުފުޑުކޮއްލާ، ހިންދު ކަރައިގެ ވިޔަފާރި ކުންފުންޏަކަށް އަހަރުމެންގެ މައި ވައިގެ ދޮރާށިދީ އަދި ނުވިތާކަށް ތިމަންނާގެ މީހުންނަށް ނޫނީ ހުރި ނުލަފާކަން ދައްކާލާނެކަން ޕަބްލިކް ޓީވީގައި ބުނިމީހާގެ ވާހަކަދޯއެވެ؟