އެންސީޓީސީން ކުރިން ބޭއްވި ނޫސްވެރިންގެ ބައްދަލުވުމެއް: ސީރިއާގައި އުޅެނިކޮށް މަރާލި ޒުބައިރުގެ މަރުގެ މައުލޫމާތު ކަށަވަރު ކުރަމުންދާ ކަމަށް އެންސީޓީސީން ބުނޭ --ފޮޓޯ: ހުސެއިން ވަހީދު/މިހާރު
24 ޖުލައި 2018 - 22:53
20 comments
ޓެރަރިސްޓް ޖަމާއަތެއް ކަމަށްވާ އިސްލާމިކް ސްޓޭޓް (އައިއެސް) އާ ގުޅިގެން ސީރިއާގައި ހަނގުރާމަ ކުރަމުން ދަނިކޮށް މަރާލި އަހުމަދު ޒުބައިރު، އެ ގައުމަށް ދިޔައީ އޭނާގެ ދެ ދަރިންނާއި އަނބިމީހާ ވެސް ގޮވައިގެން ކަމަށް ރާއްޖޭގެ ނޭޝަނަލް ކައުންޓަ ޓެރަރިޒަމް ސެންޓަރު (އެންސީޓީސީ) އިން މިރޭ ބުނެފި އެވެ.
ސީރިއާގައި ހަނގުރާމަ ކުރަމުން ދަނިކޮށް، އައިއެސްގެ ގޮތްޕެއް ކަމަށް ނުސްރާ ފްރަންޓް ގްރޫޕުން ހައްޔަރު ކުރުމަށް ފަހު، ބޯ ބުރިކޮށްލައިގެން މަރައިލީ ވ. މެޑެލްޖެހިގޭ އަހުމަދު ޒުބައިރެވެ.
އޭނާ މަރައިލި ޚަބަރު މީޑިއާތަކުން މިއަދު ރިޕޯޓް ކޮށްފައި ވަނިކޮށް ކައުންޓާ ޓެރަރިޒަމް ސެންޓަރުން ނެރުނު ބަޔާނެއްގައި ވަނީ ޒުބެއިރަކީ ހަރުކަށި ފިކުރުތަކަށް ތަބާވެ، އެ ފަދަ ފިކުރުތައް ފިތުރަން މަސައްކަތް ކުރި ކަމުގެ ރެކޯޑް އޮތް މީހެއް ކަމަށެވެ. އަދި ޒުބެއިރަކީ ސީރިއާގައި ހިނގަމުންދާ ހަނގުރާމާގައި ބައިވެރިވުމަށް ރާއްޖޭ ދޫކޮށް ދިޔަ މީހުންގެ ލިސްޓުގައި ހިމެނޭ މީހެއް ކަމަށާއި އޭނާއާ އެކު އޭނާގެ ދެ ދަރިންނާއި އަނބިމީހާ ގެންގޮސްފައިވާ ކަމަށް ވެސް ކައުންޓާ ޓެރަރިޒަމް ސެންޓަރުން ބުންޏެވެ.
"މީނާގެ މަރާ ބެހޭގޮތުން ލިބިފައިވާ މައުލޫމާތުތަކުގެ ސައްހަކަން ކަށަވަރު ކުރުމާއި މީނާއާ މެދު ކަންތައް ހިނގާފައިވާ ގޮތް ފުރިހަމަ އަށް ދެނެގަތުމަށްޓަކައި ކަމާބެހޭ ފަރާތްތަކާ ގުޅިގެން ނޭޝަނަލް ކައުންޓާ ޓެރަރިޒަމް ސެންޓަރުން މި ގެންދަނީ މަސައްކަތް ކުރަމުންނެވެ،" ބަޔާނުގައި ވެ އެވެ.
ސީރިއާ އަށް ހަނގުރާމަ ކުރަން ގޮސްފައިވާ ދިވެހިންގެ އަދަދު 50 އާ ގާތްކުރާނެ ކަމަށް ސަރުކާރުން ކުރިން ބުނެފައި ވެ އެވެ. އެކަމަކު، އިދިކޮޅު ސިޔާސީ ފަރާތްތަކުން ބުނަމުން ގެންދަނީ ބޭރު ހަނގުރާމަތަކުގައި ބައިވެރިވާ ދިވެހިންގެ އަދަދު 250 އަށް އަރާނެ ކަމަށެވެ.
ޓެރަރިޒަމްގެ ގާނޫނު މިހާރު އޮންނަ ގޮތުން ބޭރުގައި ހިނގާ ހަނގުރާމައެއްގައި ބައިވެރިވުމަކީ ނުވަތަ ބައިވެރިވާން އުޅުމަކީ ވެސް ދިގުު މުއްދަތުގެ ޖަލު ހުކުމް އަންނަ ކުށެކެވެ. ހަނގުރާމަ ކުރަން ގޮސް އުޅެނިކޮށް އަދި ހަނގުރާމަތަކުގައި ބައިވެރިވުމަށް ފަހު ރާއްޖެ އައިސްފައިވާ ބައެއް ދިވެހިންގެ މައްޗަށް ޝަރީއަތް ދަނީ ހިނގަމުންނެވެ. އަދި ބައެއް މީހުން ސީރިއާ އަށް ދާން އުޅެނިކޮށް ވެސް އަތުލައިގަނެ، ވަނީ ދައުވާ އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮނާ
25 July 2018
މޮޅެތި ނަން ކިޔާފަ....މޭމަތީގަ 24ކުލައިގެ ކުލަފޮއްޓެއް ތަތްކޮއްގެން ހަމައެކަނި މުސާރަ ކާލަ ކާލަ އުމުރު ތި ހުސްކޮށްލީ.....ކަމެއް ވާއިރެއް ބުނާނެ އޭނަ ދިޔައީ އެގެޔަށް ގާޑިޔަލެއް ބަލައޭ.....މީނަ ދިޔައީ ހަވާދު ފުނޑާށޭ.......
ވެރިޔާ
25 July 2018
ސީރިއާ އަށް ހަނގުރާމަ ކުރަން ދިވެހިން ނުދާނެ .
ނަމެއް
25 July 2018
އަދިވެސް މައުމޫނުއާއި ފާރިޝް އަދި އަންނި ކަހަލަ މީހުންނަށް ޓެރަރިސްޓްގެ ލަގަބު ދީގެން އެބަހުގެ މާނަވެސް އޮޅުވާލައިގެން ތިބޭ. އޭރުން ތިތަނުގެ ބޭނުން ފުރިހަމަ ގޮތުގަ ހިފޭނެ.
މޫރު
25 July 2018
އާބާދީގެ ނިސްބަތުން ގިނަ ބަޔަކު ހައްދުފަނައަޅާ ބައިނަލް އަޤވާމިގޮތުން ޓެރަރިޒަމްގެ ތެރެއަށް ވަދެ. ރައްޔިތުން ބިކަ ވަމުންދަނީ. އަވަސްއަވަހަށް ބޮޑެތި ކައުޓަރ ޓެރަރިޒަމް ބައްދަލުވުންތައް ބާއްވާ އައްޑަނަތައް ބޮޑެތި ބޭފުުޅުންނަށް ދިނުމުން މިފަދަ މައްސަލަތަކަށް ހައްލު ހޯދޭނެބާ.
ކަދުރު ބަހާ ފާތޭ
25 July 2018
ހަނގުރާމަ އަށް ދާން އުޅުނު ކަމަށް ތުހުމަތު ކުރެވޭ މީހަކު ޖަލު ބަންދުން ދޫކޮށްލައިފި؟ ސީރިއާގެ ދާޚިލީ ހަނގުރާމައިގައި ބައިވެރިވާން އެ ގައުމަށް ދާން އުޅުނު ކަމަށް ތުހުމަތު ކުރެވޭ މީހަކު ޖަލު ބަންދުން ދޫކުރުމަށް ކްރިމިނަލް ކޯޓުން މިދިޔަ ހޯމަ ދުވަހު އަމުރު ކޮށްފި އެވެ. ރ. ކަނދޮޅުދޫ ކަށިމާގޭ، އަލީ ޝަފީގު ބަންދުން ދޫކުރަން ކޯޓުން މި އަމުރުކުރީ، އޭނާ ކުރިން ގޭ ބަންދަށް ބަދަލުކުރުމުން، ބަންދުގެ ޝަރުތާ ޚިލާފު ވެގެން އަލުން ޖަލަށް ގެންގޮސްފައި ވަނިކޮށެވެ. މިއީ ޝަފީގު ބަންދުން ދޫކޮށްލި ތިން ވަނަ ފަހަރެވެ. މި ފަހަރު ދޫކޮށްލާފައި ވަނީ މާލޭ ބަންދަށެވެ. ޝަފީގަކީ 2007 ވަނަ އަހަރު ސަލްޓަން ޕާކުގައި ގޮއްވާލި ބޮން ހެދުމުގައި ބައިވެރިވި ކަމަށް ވެސް ތުހުމަތު ކުރި މީހެކެވެ. އެކަމަކު، އެ މައްސަލައިގައި އޭނާގެ މައްޗަށް ކުރި ދައުވާ ސާބިތެއް ނުވި އެވެ. https://mihaaru.com/news/39569 ކީކޭ ދެން ބުނާނީ؟؟؟؟؟
ސަބްނަމް
25 July 2018
ދީނަށް ޓަކާ ކުރެވުނު ކަމެއް ނޫން.
ޙުސެން
25 July 2018
ކައުންޓަރ ޓެރަރިޒަމް ކިޔާބަޔަކުވެސް ތިބޭދެއްތޮ. ތިވަރަށް އެނގޭއިރު ޒުބޭރުގެ ޕާސްޕޯޓު ނުހިފެހެއްޓީ ކީއްވެހޭ. ޓެރަރިޒަމާ ދިވެހިސަރުކާރު ގުޚުވެނީ މިހެންވާތީ.
ޖުންޓީ
25 July 2018
ތުރުކީގެ އިމިގުރޭޟަން އިން ޒުބޭރުމެން ހައްޔަރުކުރިކަން ދިވެހި ފުލުހުންއައް އިނގޭނެ އާއިލާއިން މަސައަކަތް ކުރި އެކަމު ރާއްޖެއައް ގެނެވުނު ކަމަކައް ނުވި އެއާއިލާ ދިރިއުޅުނީ ވިލިމާލޭގަ ޒުބޭރުވެސް އަނބިމީހާވެސް އަދި ޒުބޭރު މަންމަވެސް އަހަރުތަކެއް ކުރިން ޕާކިސްތާން އައް ޖިހާދައް ދިޔަކަންވެސް ދިވެހި ފުލުހުންއައް ރަނގަޅއް އިނގޭނެ މިކަމުގަ ފުލުހުންގެ އިހުމާލް ކުޑައެއްނޫން..
އަލީ ނާޒިމް
25 July 2018
ނޫން. ފުލުހުންގެ ކަމެއް ނޫން. އެއީ ދިވެހިންގެ ގައުމުގަ، ދިވެހިން ކުރުވާ ކަމެއް. ލާރިއައް. އަމިއްލަ އެދުމަކައް. އެންމެނައްވެސް އެނގޭ މިކަމައް ލާރި އޮއްސާ މީހުން. އެކަކައްވެސް ބުނާކައް ނުކެރޭ. އެއީވެސް ކަމެއް ވެގެން. ފުލުހުން، އަދި ސިފައިން މަތި ނުކުރޭ. އެއީ ހިޔަޅުންތަކެއް، އަޑީގައި ތިބެގެން، ގަމާރުންތަކެއް، ލައްވާ ކުރުވާކަމެއް!
ހަސަނު2
25 July 2018
އަދިވެސް ފުލުހުން ދޯ ގޯހީ؟ ރާއްޖެ ގެންނާނެ ކަމެއް ނެތް ތިކަހަލަ މީހުންނެއް. އެކަމަކު އޭނަގެ ދެކުދިން ތިކަމުން އެބަ ސަލާމަތް ކުރަން ޖެހޭ... ބައެއް މީހުން މޮޔަވީމާއި މިގެންދަނީ ގުރައިދޫއަށް.. އަނެއް ބައި މީހުން މިދަނީ ސީރިޔާއަށް އަމެއްލައަށް މަރުވާން ނޫނީ އެހެން މީހުން މުސްލިމުން މަރަން..
ފަހުދު
25 July 2018
އަނބިމީހާވެސް ގޮވައިގެން؟ ދެންމިހާރު ޖާރިޔާއެއްގެ ގޮތުން ދީނަށްނަސްރު ދެވޭނެ. މިގައުމުވެސް ސީރިޔާއަށް ހަދަންބޭނުންވާ ބަޔަކު މިތާދެދީނެއް އޮންނަކަމަށް ހަދައިގެން އުޅެނީ. ޢެމީހުންގެ މަގުސަދަކީ އަހުލީ ހަނގުރާމައެއް މިތާފެށުން. ދެންތިބިބަޔަކު އުޅެނީ ވައްކަމާ ފަސާދައާންމުކޮށްގެން ރައްޔިތުންގެ މެދުގައި ރުޅިވެރިކަން އިތުރުކުރަން.
ޔާނު
25 July 2018
ނޫނޭވާ %100 މުސްލިމުންގެ ނަމުގަ މިއުޅޭ މީހުންގެ ޖާހިލުކަން ހާދަ ބޮޑޭ ދޯ. ހިޖުރަ އާއި، ޖިހާދު މީ މި ގައުމުގަ ކިޔަވަދޭ އެއްޗެއްނޫންވީމަ ޖާހިލުން ގިނަވާނެ. ދެން ތިބެގެން ހަޅޭލަވާނެ.
ފަތިސް
25 July 2018
ރަސޫލާ ސައްލައްލާހު އަލައިހި ވަސައްލަމް އަށް ލޯބި ނުވުމަށް ބާރު އަޅާ ފިކުރު މުޅި ދުނިޔެއިން ފޮހެލާންދޭވެ. އާމީން.
މަންމަ
24 July 2018
މިމީހުންމިއީ މަރުވީމަ އެކަން އަންގަން ތިބޭބައެއްތަ. މިކަން ހުޓުވުމުގެ އެއްވެސް ޒިންމާއެއް ނެތީތަ. އެންސީޓީސީ އަކީ މަޢުލޫމާތު ފަތުރާ ނޫސްއިދާރާއެއްތަ.
ބައްޕަ
25 July 2018
ނެޝަނަލް ކައުންޓާ ޓެރަރިޒަމް ސެންޓަރު ވަރަށް ބިޒީކޮށް އުޅެނީ ޓެރަރިޒަމްގެ ދައުވާ އުފުލައިފާވާ ސިޔާސީ ފަރާތްތަކުގެ މައްސަލަތަކުގައި. މައުމޫނާއި ފާރިސްއާއި އުއްތަމަ ފަނޑިޔާރާ އަލީ ހަމީދުމެންގެ "ޓެރަރިޒަމް" ގެ އަމަލުތައް ހުއްޓުވާފަ ވަގުތެއްވެގެންދޯ ސީރިޔާއަށް ހަނގުރާމައަށް ދާމީހުންގެ ކަންކަމާ އުޅެވޭނީ؟