ކުރީގެ ފުޓްބޯޅަ ކުޅުންތެރިޔާ ބައްޓޭ: އޭނާ ވަގުތުން ދޫކޮށްލަން ވަނީ އަމުރުކޮށްފައި -- ފޮޓޯ: އައްޑޫ އޮންލައިން
03 އޯގަސްޓް 2016 - 13:07
16 comments
ވަގު ޑޮލަރު ގެންގުޅުނު ކަމުގެ ތުހުމަތުގައި ބ. އޭދަފުށިން ހައްޔަރުކުރި ކުރީގެ ފުޓްބޯޅަ ކުޅުންތެރިޔާ އަހުމަދު ޒާހިރު (ބައްޓޭ) ހައްޔަރުކުރީ ގާނޫނާ ޚިލާފަށް ކަމަށް ކަނޑައަޅައި، އޭނާ ދޫކޮށްލަން ހައި ކޯޓުން މިއަދު އަމުރުކޮށްފި އެވެ.
ކުރިން ކްލަބް ވެލެންސިއާ އަށާއި ގައުމީ ޓީމަށް ކުޅުން ބައްޓޭ ވަގު ޑޮލަރު ގެންގުޅުނު ކަމަށް ތުހުމަތުކުރެވޭ މައްސަލާގައި އޭނާ 10 ދުވަހަށް ބަންދުގައި ބަހައްޓަން އޭދަފުށީ ކޯޓުން ނެރުނު އަމުރު ބާތިލްކޮށް، އޭނާ ދޫކޮށްލަން ހައި ކޯޓުން މިއަދު އަމުރު ކުރިޔަސް ދަށު ކޯޓުުގެ އަމުރުގެ މުއްދަތު މިހާރު އޮތީ ހަމަވެފަ އެވެ.
ބައްޓޭގެ ބަންދަށް އިތުރު ހަތް ދުވަސް އޭދަފުށީ ކޯޓުން އިއްޔެ އިތުރުކޮށްފައިވިޔަސް ހައި ކޯޓުގެ ހުކުމުގައި އަންގާފައިވަނީ ވަގުތުން އޭނާ ދޫކޮށްލުމަށެވެ.
ބައްޓޭގެ ބަންދުގެ މުއްދަތު އިތުރުކުރި މައްސަލަ އޭނާގެ ފަރާތުން އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައި ވަނީ އޭނާ ހައްޔަރުކުރީ ގާނޫނާ ޚިލާފަށް، ކޯޓު އަމުރެއް ނެތި ކަމަށެވެ. ކޯޓު އަމުރެއް ނެތި މީހަކު ހައްޔަރުކުރެވޭނީ ގާނޫނުއަސާސީގައި ބުނެފައިވާ އިސްތިސްނާ ހާލަތްތަކުގެ ތެރޭގައި ކަމަށް ވާއިރު ކޯޓު އަމުރެއް ނެތި އޭނާ ހައްޔަރުކުރީ އެފަދަ ހާލަތެއް އޮވެގެން ކަމަށް ނުބެލެވޭ ކަމަށް ވެސް ހައި ކޯޓުގެ ހުކުމުގައިވެ އެވެ.
ކޯޓު އަމުރެއް ނެތި މީހަކު ހައްޔަރުކުރެވޭނީ ކުށެއް ކުރަނިކޮށް ފެންނަ ހިނދު ނުވަތަ ކުށެއް ކުރަން އުޅޭ ކަމަށް ގަބޫލުކުރެވިގެން ނުވަތަ ކުށެއް ކޮށްފި ކަމަށް ގަބޫލުކުރެވިގެން ކަމަށް ވާއިރު ބައްޓޭ ހައްޔަރުކުރީ އެފަދަ ހާލަތެއްގައި ނޫން ކަމަށް އެ ހުކުމުގައިވެ އެވެ. އެގޮތުން އެތައް ދުވަހެއް ކުރިން އޭނާ އަށް ފާރަލަމުން ފުލުހުން އައިސްފައިވުމުން ކޯޓު އަމުރެއް ހޯދުމުގެ ފުރުސަތު ފުލުހުންނަށް އޮތްކަން އެނގޭ ކަމަށް ވެސް ހުކުމުގައިވެ އެވެ.
މީގެ އިތުރުން އޭނާ ހައްޔަރުކުރީ ވަގު ޑޮލަރު ގެންގުޅެނިކޮށް ނުވަތަ އެތެރެކުރަނިކޮށް ނޫން ކަމަށާއި އޭނާ ހައްޔަރުކުރިއިރު އޭނާ އަތުން ނުވަތަ އޭނާއާ ގުޅުން ހުރި ތަނަކުން ވެސް ވަގު ޑޮލަރު ފެނިފައިނުވާ ކަމަށް އެ ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަގުބަގު
03 August 2016
އެސޮރު ކިހިނެއްބާ ވަގު ޑޮލަރު އުފެއްދީ.. ކާކުބާ ދިނީ.. އަތަކު ނެތޯ ހައްޔަރު ކުރިއިރަކު.. ހާދަ އެހެންކަހަލަ ވާހަކަޔެކޭދޯ. ކޮބާތަ ހެކިވެރިން؟
ނޯ
03 August 2016
ހައްހައްހާ!!!!!!!!! މިއޮތީވާ ރާއްޖެއެއް!
ތެދު
03 August 2016
ބައްޓޭއަކީ އިސްލާމިކް މިނިސްޓަރ ޑރ.ޒިޔާދު ބާގިރުގެ ބޭބެ.... މެޑަމއގެ ކްލޯސް މީހެއް... ޝައްކެތް އޮތްކަމެއް ނޫންތާ، ބައްޓޭ ދޫކޮށްލަން ޖެހޭނެކަން.... ނޫނީ، ފަހަރުގަ ގާޒީ އިސްތިއުފާ ދޭންޖެހިދާނެ....
ޢިބްރާހިމް
03 August 2016
ފުލުހުން މަސައްކަތް ކުރުމުގެ ބޭނުމެއްނެއް. ފުލުހުންގެ މުއައްސަސާ ނަން ހަޑިވަނީ. ޢެއްވެސް ރައްޔިތަކަށް ހަގީގަތެއްނޭގޭ. ޙަމަ އެކަނި ސިޔާސީ މީހުން މިގައުމުގާ އުޅެންވީ. ޕޮލިހުން ތިބޭނިކަމެއްނެއް. ޥަރައް ސަލާން ސިޔާސީ މީހުންނަށް
އަސްތާ
03 August 2016
ތިދެން އިނގޭ ކަމެއްނުނު މާކުރިުންވެސް، މެޑަމްގެ އަރިސްބޭފުޅެކޯ... ދެން އޯކޭ އެއްނު.
އަލިބެ
03 August 2016
ދެންވެސް ފުލުހުން ބުނާނެ އޭނާ ހައްޔަރުކުރީ ފުލުހުންގެ ޤާނޫނުން ފުލުހުންނަށް ލިބިދޭ ބާރުގެ ދަށުންކަމަށް.
ާދަޑޭ
03 August 2016
ބައްޓޭ އަކީ މެޑަމްގެ އަރިސް މީހެއް. މުޅި ބ އަތޮޅު އެންމެން އެކަން ދަންނާނެ! ދެން ހައިކޯޓުން ދޫކޮށްލީމަ ހައިރާނެއް ނުވޭ!
ގުއި ސައްޕެ
03 August 2016
އަހަރެމެން މިތިބެނީ މިކަހަލަ އާޓިކަލްތައް ކިޔާލާފަ ލަދުން ދެފައި ކައިރިކޮށްލަންވެސް ނުކެރިފަ.... ބޭލިފުށީ ފަގީރު ކޮޔަށް ދިމާވި ކަމެއްނަމަ ބރން ހަންނެގީސް ކަންކަށަވަރު...
ކޮމެންޓޭ
03 August 2016
ދެން ފައިސާ އާ ނުފޫޒު އޮންނަ މީހެއްވިއްޔާ މިކަހަަ ހުކުން އަންނާނެ. ޤާނޫނުގެ ދެއަކުރު ދޭތެރެއިންވެސް ސަލާމަތްވާނެ. ދެރަ ނިކަމެތިން ކޮފީ ސަމުސަލެއް ނެގިއަސް ހަމަ އޮންނަ އެންމެ ބޮޑު ހުކުން ކުރަންވާނެ.
ތުއްޕުޅު
03 August 2016
މީތަ ދިވެހި ފުލުހުންގެ ހުރި ގާބިލް ކަމަކީ؟...."މީގެ އިތުރުން އޭނާ ހައްޔަރުކުރީ ވަގު ޑޮލަރު ގެންގުޅެނިކޮށް ނުވަތަ އެތެރެކުރަނިކޮށް ނޫން ކަމަށާއި އޭނާ ހައްޔަރުކުރިއިރު އޭނާ އަތުން ނުވަތަ އޭނާއާ ގުޅުން ހުރި ތަނަކުން ވެސް ވަގު ޑޮލަރު ފެނިފައިނުވާ ކަމަށް އެ ހުކުމުގައިވެ އެވެ."