ރައީސް ޔާމީން އިންޑިއާއަށް ކުރެއްވި ރަސްމީ ދަތުރުފުޅެއްގައި އިންޑިއާގެ ބޮޑުވަޒީރު މޯދީ (ކ)އާ ސަލާމްކުރައްވަނީ.
13 އޯގަސްޓް 2018 - 10:42
55 comments
އަންނަ މަހު 23 ގައި އޮންނަ ރިޔާސީ އިންތިހާބުގެ ކުރިން ރާއްޖެ ޑިމޮކްރަސީގެ މަގަށް ރުޖޫއަވެ، އަދުލު އިންސާފުގެ ދާއިރާގެ މިނިވަންކަން ކަށަވަރުކުރަން ޖެހޭނެ ކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެ އެވެ.
ޓައިމްސް އޮފް އިންޑިއާ އަށް އީމެއިލް މެދުވެރިކޮށް ދެއްވި އިންޓަވިއުއެއްގައި މޯދީ ވިދާޅުވީ ރާއްޖޭގެ ސިޔާސީ މައްސަލަތަކަކީ ބައިނަލް އަގުވާމީ މައިދާނުގައި ކަންބޮޑުވާ މައްސަލައަަކަށް ވެފައިވާ ކަމަށެވެ.
"އުންމީދަކީ އަންނަ ރިޔާސީ އިންތިހާބުގެ ކުރިން ދައުލަތުގެ މުއައްސަސާތައް ގާނޫނާ އެއްގޮތަށް ހިންގައި ދެފުށް ފެންނަ މިނިވަން އަދި އިންސާފުވެރިކަމާ އެކު ޝަރުއީ ނިޒާމް ހިންގުމަށް ފުރުސަތުދޭނެ ކަމަށް،" މޯދީ ވިދާޅުވި އެވެ.
މިނިވަންކަމާ އެކު ރިޔާސީ އިންތިހާބު ބޭއްވޭނީ މި މާހައުލު ގާއިމުކޮށްގެން ކަމަށް މޯދީ ވިދާޅުވި އެވެ.
ސިޔާސީ ނުވަ ބޭފުޅަކު މިނިވަންކުރަން އަމުރުކޮށް ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ނެރުނު އަމުރާ ގުޅިގެން ކުއްލި ނުރައްކަލުގެ ހާލަތު އިއުލާންކޮށް، ސިޔާސީ މަސްރަހުގައި ހިނގި ކަންތައްތަކާ މެދު އިންޑިއާއިން ކަންބޮޑުވުން ފާޅުކޮށްފައިވެ އެވެ. އަދި އެ އަމުރުގައިވާ ކަންތައްތައް ތަންފީޒުކުރަން އެ ގައުމުން ތަކުރާރުކޮށް ގޮވާލާފައިވެ އެވެ. އަދި އިންޑިއާއިން އެ ގޮތަށް ގޮވާލުމުން ދެ ގައުމުގެ ދެމެދުގައި ނުތަނަވަސްކަން އުފެދި، ސިޔާސީ ގުޅުމަށް ބުރޫއަރާފައިވެ އެވެ.
މޯދީ އިންޑީއާގެ ބޮޑުވަޒީރުކަމާ ހަވާލުވެވަޑައިގެންނެވުމަށްފަހު މިހާތަނަށް ރާއްޖެއަށް ވަޑައެއް ނުގަންނަވަ އެވެ.
ރާއްޖެ އާއި އިންޑިއާއާ ދެމެދު ގުޅުން ގޯސްވެފައި ވާއިރު އިންޑިއާގެ ވާދަވެރި ޗައިނާއާ ރާއްޖޭގެ ގުޅުން ވަނީ ވަރަށް ބޮޑަށް ބަދަހިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ..ކޮބާ
13 August 2018
ބައްލަވާ.... ގުޅުން ގޯސްވީމާ ފޮނުވާލަން ޖެހޭ 50 މީހެއްގެ ވާހަކަ އެބަ ދެކެވޭ.. ގުޅުން ރަނގަޅު އިރު އެމީހުން ލައްވާ ސިޔާދަތު ދަމަހައްޓަން ބޭނުން ކުރުން ރަނގަޅު...ހައިރާނެއް ނޫން ވަނީ.. އޮރިޔާން ވާކަހަލަ އަރަތެއް...
އަންކަލޯ
13 August 2018
އަހާާރުމެން ބޭނުމީ ދެފުށެއްނޫން ހަފުއް ފެންނަން، އެ އެބަފެނޭ މިހާރު. ކަލޭ އުޅޭ މުސްލިމުން މެރޭތޯ
އިބުރާހިމް68
13 August 2018
އިންޑިޔާގައޮތްކިހަލަ ޑިމޮކްރަސީއެއް މިގައުމަކަށް ބޭނުމެއްނުވޭ. އަދި އަންނިމެން ބޭނުންވާކަހަލަ ދޮންމީހުން އުލޭކަހަލަ ދިމޮކޮރަސީ އެއްވެސް ނުމެނޫންމެއެވެ. އަހުރެމެން ބޭނުމީ އިސްލާމިކް ޑިމޮކްރަސީއެވެ.
ފަޅުވެރިން
13 August 2018
އިސްލާޙްވާންޖެހޭ ބަޔަކީ އިންޑިއާ! ރާއްޖޭގެ ކަންކަން އިޞްލާޙް ކުރަން ގޮވުމުގެ އެއްވެސް ޙައްޤެއް ހައިސިއްޔަތެއް އިންޑިއާއަކަށް ނެތް! ލާއިންސާނީ ކާސްޓް ސިސްޓަމްގެ ދަށުން އެއްބައި އިންސާނުންނަށް ހުރިހާ ޙައްޤެއް ލިބިފައިވާއިރު، އަނެއްބައި އިންސާނުންނަށް ޖަނަވާރުންނަށް ލިބިފައިވާ ޙައްޤުތައްވެސް ލިބިފައި ނެތް! އަނިޔާވެރި ޑައުރީ ނިޒާމްގެ ދަށުން މަޢުޞޫމް އަންހެނުންގެ، ނުވަތަ އެމީހުންގެ ޢާއިލާގެ އަތުން ބޮޑެތި ޢަދަދުން ފައިސާ ނެގުމަކީ ޢާންމުކަމެއް! އަންހެން ދަރިއަކު ހުރުމުން ޢާއިލާއިން އުފުލަންޖެހޭ ބުރަތަކުގެ ސަބަބުން، ދެމަފިރިންނަކީވެސް ތަޢުލީމީ މީހުން ކަމަށްވާއިރުވެސް، އަންހެން ކުއްޖަކާއިގެން ބަނޑުބޮޑު ވެއްޖެނަމަ ދަރިވެއްޓުން ހަމަ ހުއްޓުމެއް ނެތި ދަނީ ކުރިއަށް! ގެރިމަސްކާ މުސްލިމުން މެރުމަށް ހުއްޓުމެއް ނެތް! މިފަދަ ދަށު ދަރަޖައިގެ ބަޔަކު އެހެން މީހުންނަށް ކިޔައިދޭނެ އެއްޗެއް ނުހުންނާނެ!!
ދިވެހިރާއްޖެ
13 August 2018
ޢިންޑިޔާއިން ބޭނުން ވިޔަސް އިނޑިޔާގެ ރަށެއްގެ ގޮތުގައި އެއޮންނަ ނޯތު ސެންޓެނެލީސް (ދިވެހިން ކިޔާ މިނިކާ ރާއްޖެ) އައް ވާކަށް ދިވެހިން ނޭނދޭ. ފުރަތަމަ އެތަނަށް ޑެމޮކްރަސީ ގެނެބަލަ. https://youtu.be/42oZ-sWG7Zg
އީމަން
13 August 2018
އިންޑިއާގެ ބޮޑުވަޒީރު ނަރެންދުރަ މޯދީއަށް ވެދުންސަލާމަށްފަހު ދަންނަވަމެވެ. އިންޑިއާގާ ތުއްތު އަހެން ކުދިންނާ ޅަފުރާއިފެ އަންހެން ކުދިން އިއްފަތް ފޭރޭ ފަރާތްތަކުގެ ސިޔާސަތު ހިމާޔަތް ނުކޮށް، ގައުމަށް ހަގީގީ ރައްކާތެރިކަން، އެމެން ފަގީރު ނިކަމެތި މީހާއަށް ގައުމުގެ ހިމާޔަތް އިހުސާސް ކުރެވުން، ވަރައް މުހިންމު ކަމެއް ގޮތުގައި ބަލައިގަތުމަށް އިންޑިއާގެ ބޮޑުވަޒީރު ނަރެންދުރަ މޯދީއަށް އެދި ދެންނެވީމެވެ.
އިބް
13 August 2018
ޗީފް މިނިސްޓަރަކަށްހުރެ ގުޖުރާތުގައި ގަތުލުއާއްމު ހިންގައި މުސްލިމުން މެރުމުގެ އަޑީގަ ހުރީ މޯދީ. ފުރަތަމަ އިންތިޚާބުގެ ކުރިން ގުޖުރާތު ރައްޔިތުންނަށް އިންސާފު ހޯދައިދީ!
ހޮޓްކިންގ
13 August 2018
މޯދީއެވެ. ފުރަތަމަކަމަކަށް އިންޑިއާގެ ކުޑަކުދިންނާއި އަންހެނުން ސަލާމަތް ކުރާށެވެ. އޭގެ ފަހުގައި ތިމާގެ ގައުމު ކަރަޕްޝަނުން ދުރައްދާށެވެ.
އަހުމަދު އިބްރާހިމް
13 August 2018
އިންސާނުންގެ ލޭ ގެރިއަކަށްޓަކައި ގުރުބާން ކުރާ ބަޔަކު ތިވާހަކަ ދައްކަން ވަރަށް ތާހިރު
ހޮޓްކިންގ
13 August 2018
މޯދީއަކީ އަހަރެމެން މުސްލިމުން ބަލައިގަންނަ ވެރިއެއްނޫން. ފެށުނީއްސުރެން އިންޑިއާގެ މުސްލިމުންނަށް އަނިޔާވެރިވި މީހަކު މުސްލިމު ގައުމަކަށް ހެވެއްނޭދޭނެ. އޭނާގެ ވެރިކަމުގައި އިންޑިއާވަނީ ރޭޕް ކުރުމުގައި ހައްދު ފަހަނައަޅާފައި. ގެރި ހިމާޔަތް ކުރުމުގެ ބޭނުމުގައި ކުށެއްނެތް އެތައް މުސްލިމުންނެއް އެދަނީ މަރަމުން. އިންޑިއާގެ މުސްލިމުންނަށް މިއަށްވުރެން ދަތި އުނދަގޫ ދުވަސްތަކެއް ނާދޭ. އެހާވެސް އަނިޔާވެރި ހިންދޫ، ގެރިބޮޑުވަޒީރެއް އެއީ. މިގައުމާ ދެން ނުކުޅެވޭނެ.