ބްރިޖަށް ދާން އޮންނަ މަގުގައި ތާރު އަޅަނީ-- ފޮޓޯ: ހައުސިން މިނިސްޓްރީ
15 އޯގަސްޓް 2018 - 20:31
18 comments
މާލެ-ހުޅުލޭ ބްރިޖަށް ދަތުރުކުރާ މަގުތަކުގައި ތާރު އަޅަން މިއަދު ފަށައިފި އެވެ.
މާލޭގައި ހުންނަ ހުޅުމާލޭ ފެރީ ޓާމިނަލުން ފެށިގެން އިންޑަސްޓްރިއަލް ވިލެޖާ ހަމައަށް ތާރު އެޅުމުގެ މަސައްކަތް މިއަދު ހަވީރު ފެށީ ހުޅުމާލޭ ފެރީ ޓާމިނަލް ސަރަހައްދުންނެވެ. ހައުސިން މިނިސްޓްރީން ބުނީ މި މަސް ނިމެންވާއިރަށް އެ މަސައްކަތް އެއްކޮށް ނިންމާލެވޭނެ ކަމަށެވެ.
މިމަހު ފަހުކޮޅު ނުވަތަ އަންނަ މަސް ފެށޭ ހިސާބުގައި ބްރިޖު ހުޅުވުމަށް ނިންމާފައިވާއިރު މަގުތަކުގައި ތާރުއެޅުމުގެ މަސައްކަތް އޭގެ ކުރިން ނިންމުމަށް ވަނީ ކަނޑަޅައިފަ އެވެ. މިހާތަނަށް މާލޭގައި ތާރު އަޅައި ހަދާފައިވަނީ ބޮޑުތަކުރުފާނު މަގުން އިންޑަސްޓްރިއަލް ވިލެޖް ހިމެނޭ ސަރަހައްދާއި ކަޅޫތުއްކަލާ ކޮށީގެ ހުޅަނގުން އޮންނަ މަގުގެ އެއް ބައެވެ.
ބްރިޖަށް ދާން އޮންނަ މަގުގައި ތާރު އަޅަނީ-- ފޮޓޯ: ހައުސިން މިނިސްޓްރީ
ތާރު އެޅުމުގެ މަސައްކަތުގެ ދަށުން، މާލޭގެ އިރުމަތީ ފަރާތާއި ދެކުނު ފަރާތުން ބޮޑުތަކުރުފާނު މަގުގައި ހަތަރު ލޭން ހިމެނޭ ގޮތަށް 12 މީޓަރަށް ފުޅާކުރާނެ އެވެ. އެ މަގު ފުޅާކުރަނީ ބްރިޖަށް ދަތުރުކުރާ އުޅަނދުތައް ތޮއްޖެހުނު ނުދިނުމަށް ކަމަށް ހައުސިން މިނިސްޓްރީން ވަނީ ބުނެފަ އެވެ. ބްރިޖާ ގުޅޭ މަގުތައް ހެދުމުގެ މަޝްރޫއުގެ ދަށުން ބޮޑުތަކުރުފާނު މަގުގެ އުތުރުން، ހެންވޭރު ޕާކް ވަށައިގެންވާ ސަރަހައްދާއި ސެނަހިޔާ ހުންނަ މޫންލައިޓް ހިނގުމުން ފެށިގެން ހިތިގަސްމަގު (ހެންވޭރު ޕާކްގެ ހުޅަނގު އުތުރު ކަނުން ރާޅުގަނޑު ސަރަހައްދަށް ނުކުންނަ މަގު) ހެދުމަށް ވަނީ ނިންމާފަ އެވެ.
އެމަސައްކަތާއެކު، ތޮއްޖެހިފައިވާ މާލޭގެ ޓްރެފިކަށް ހައްލެއް އަންނާނެ ކަމަށްވެސް ހައުސިން މިނިސްޓްރީން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރިމަގު7
16 August 2018
އަސްލު ވާގޮތަކީ ހަމަ ހަޖަމް ނުވަނީ، ބުރިޖް ނިމޭތީ މޭކަރަނީ، އެންމެ ފުރަތަމަ ބުރިޖަށް އަރަން ދުއްވާ ގަންނާނީވެސް މި ބައިގަނޑު، ރާއްޖެ ތަރަށްގީ ވާލެއް ހަލުވިކަމުން ހަމަ ބޮލަށް ފެން އަރައިގެން އެއުޅެނީ
ޠަޔާޠީޞް
16 August 2018
ބުރިޖްނިމުމަކީ އަހަރެންގެވެސް އެދުމެއް. އަދި އެއީ ދިވެހި ރައްޔިތުންތަކަކަށް އޭގެ މަންފާ ކުރާނެ ކަމެއް. ނަމަވެސް މައްސަލައަކީ އިންތިހާއަށް ބޮޑު އަގުގައި އެކަން ކުރުވައި ސައިޑް ކަޓްނަންގަވާ ދިވެހިން ދަރުވާލިކަން. ހެޔޮގޮތުގައި ތިކަން ކުރިނަމަ ތިކަމާ ދެކޮޅަށް ވާހަކަ ދައްކާނެ މީހެއް ނުހުންނާނެ.
ޙައްޤު
16 August 2018
ޠަޔާޠީޞްއަށް މިޕްރޮޖެކްޓް އަގުބޮޑުވި ގޮތެއް ނުވިސްނުނު. ބްރިޖްގެ މަސައްކަތަށް 200 މިލިއަން ޑޮލަރު ޚަރަދުވާ އިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ. 72 މިލިއަން ޑޮލަރަކީ ޗައިނާގެ ލޯނު އެހީ. ސަރުކާރުން މިވަގުތު ޚަރަދުކުރީ 12 މިލިއަން ޑޮލަރު. ބަޔަކު ޚަރަދުކުޑަކޮށް ކުރެވޭނެކަމަށް ބުނުމަކުން ނުފުދޭ. އެހެންނަމަ މިގައުމުގެ ހުރިހާކަމެއް ބަލަހައްޓަން 2 ލެޕްޓޮޕް ފުދޭނެ. ތޯތޯ ވާހަކައަށް ހެއްލުނަސް ބޮޑުވަރު. ތިމާގެ އަމިއްލަ ސިކުނޑި ވެސް ބޭނުންކުރަން އެބަޖެހޭ.
ހުއްބުލް ވަތަން
16 August 2018
މި ކަމާ ހިތާމަކޮއް ރުޅިއައިއްސަ މިތިބީ އިންޑިޔާ ކުދިންތަ؟
ހަސަނު
16 August 2018
ފުޅާ ރިންގް ރޯޑެއް މާލެ ވަށާ ލުން އެއީ ރަނގަޅު ކަމެއް.. އަދި މީގެ އިތުރުން މާލޭގެ މެދު ތެރެއިން ބައެއް ގޯތި ދައުލަތަށް ނަގައިގެން ނަމަވެސް ފުޅާ މަގުތަކެއް ހެދުން މުހިންމު...
ކަންބޮނޑި
16 August 2018
ތަރައްޤީ ޔަޤީން. ކޮރަޕްޝަންވެސް ޔަޤީން. ހުރިހާ އެންމެންވެސް ބުނާނެ ކޮރަޕްޝަނޭ. އެކަމަކު ކޮންމެ ވެރިކަމެއްގައިވެސް އެބައުޅޭ އެއްބައެއް ސިޔާސީ ގޮތުން އެނބުރޭ. މިމީހުން ގެ ކޮރަޕްޓުކަން ހަމަދަނީ ބާރައް ކުރިއަށް. މައްސަލައަކީ ޕާޓީ ބަދަލުކޮށްލީމާ ކޮރަޕްޝަނާއި ފަސާދަ ފުހެވިގެން ދާތީ. ތަރައްޤީ ވާންވީ ފަރުދީ ލެވަލްގައި. ތަރައްޤީ ވާންވީ ޢަޤީދާ، ތަރައްޤީ ވާންވީ އިންސާނާ!
ބާޔޫ
15 August 2018
ދެން ޖެހޭނީ ތާރު ކަނޑަން ދޯ.. ކޭބަލް އެއް ވަޅުލަންޔާމު
ގެދާނޯމޮސް
15 August 2018
އެކަލާނގެއީ، ގަލަމުން ލިޔަން އުނގަންނައިދެއްވި ރަސްކަލާނގެއެވެ. އަދި އިންސާނާއަށް އޭނާ ނުދަންނަ ކަންތައް، އެކަލާނގެ އުނގަންނައިދެއްވިއެވެ. ޔާމީން އަކީ އެކަނލާންގެ އެބޭފުޅާއައް ދެއްވި ހިކުމަތްތަކުގެ ބޭނުން ހިފުމުގެ ބަސީބު ލިބިގެންހުންނެވި ބޭފުޅެކެވެ،
ހަސަނިކު
15 August 2018
ހާބަރު ކައިރީ ތާރުއަޅަން 5 މަސް. އެދުވަސް ކޮޅުބުނި ތާރު އެޅުމަކީ ބޮޑުކަމެކޭ، ދުވަސް ނަގާކަމެކޭ. އެކަމަކު މިހާރު 24 ގަޑިއިރުތެރޭ އެވަރު 6 މަގުގައި އަޅާލެވެ. އަހަރުމެން ހަަމަ ގައިމު އަޑެއްނާހަން މިހާރު އަޅާމަގުތަކުގައި ތާރުއަޅަން މާވަރުގަދަ މެޝިނުތަކެއް ގެނައި ވާހަކަވެސް.
މޮހޮނުުު132
16 August 2018
ބަލަ ކުރިން މެޝިންތައް ގެނައިމަ ދެން ގެންނާކަށް ނުޖެހޭނެއެއްނު
ހުއްބުލް ވަތަން
16 August 2018
ބްރޯ، ޕްރެކްޓިސް މޭކްސް ޕާފެކްޓް!
މާލޭ މީހާ
15 August 2018
މިޔައް ކީކޭބާ އިދިކޮޅު ފަރާތް ތަކުން ކިޔާނީ.
ޝޮކްތެރަޕީ
15 August 2018
އެމްޑީޕި މީހުންނަކީ ފަސާދަވެރިބައެއް.
ބުރިޖު ބުރިޖު ހުސް ބުރިޖު
15 August 2018
ތާރާ ގުޅޭ މަގުތަކުގައި ބުރިޖު ނާޅާތަ؟
ޢަލިބިޔާއްކަލޯ
15 August 2018
ބުރިޖު ބުރިޖު ހުސް ބުރިޖު މެންނަކަށް ހަޖަމެއްނުވާނެ ތިހިރަ ބޮޑެތި މަޟްރޫއުތަކެތް
ދަލޭކަ
15 August 2018
ހަޖަމިއްޔާ ޕްލީޒް.
އާތު
15 August 2018
ސްވިމިންގ ޓުރެކް ކުރިމަތީ ބުރިޖެއް އެޅުން މުހިންމު - އެތަނަށް ފަތަންދާ ކުދިން މަގު ހުރަސްކުރަން.
ސްވިމިންގ
16 August 2018
ސްވިމިންގ ޓްރެކް ހުޅުމާލެއަށް ބަދަލުކުރަންވީ. ދެދުވަހުން އެއްދުވަހު ދަރި ބަލިވާތީ މިއުޅެނީ ފަތަން ގޮސްގެން....