ކްރިމިނަލް ކޯޓުގެ އިސްގާޒީ ކަމަށް ބާރީ، ސިވިލް ކޯޓުގެ އިސްގާޒީ ކަމަށް އަބްދުﷲ

ގާޒީ ބާރީ އުއްތަމަ ފަނޑިޔާރު ސައީދާ އެކު: ބާރީ މިހާތަނަށް ހުންނެވީ ވަގުތީ ގޮތުން ކޯޓު ހިންގުމާ ހަވާލުވެ-- ފޮޓޯ/ޑީޖޭއޭ

04 އޯގަސްޓް 2016 - 10:20

ކްރިމިނަލް ކޯޓުގެ އިސްގާޒީ ކަމަށް އަބްދުލްބާރީ ޔޫސުފް ހަމަޖައްސައި، ސިވިލް ކޯޓުގެ އިސްގާޒީ ކަމަށް އަބްދުﷲ އަލީ ހަމަޖައްސަން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.

އެ ކޮމިޝަނުން ބުނީ ބާރީ އާއި އަބްދުﷲ އިސްގާޒީ ކަމަށް އައްޔަންކުރަން ނިންމީ އިސްގާޒީން ހަމަޖައްސަން އެކުލަވަައިލި ކޮމެޓީން ކަނޑައަޅާފައިވާ ކްރައިޓީރިއާއިން މާކްސް ދީ އަދި އިންޓަވިއު ކުރުމަށް ފަހު، ކޮމިޝަންގެ މެމްބަރުންގެ އިއްތިފާގުން ކަމަށެވެ.

ގާޒީ އަބްދުﷲ: އޭނާ ވެސް މިއަދާ ހަމައަށް ހުންނެވީ ވަގުތީ ގޮތުން ކޯޓު ހިންގުމާ ހަވާލުވެ --ފޮޓޯ/މިހާރު

ބާރީ އާއި އަބްދުﷲ ވެސް މިއަދާ ހަމައަށް ތިއްބެވީ ވަގުތީ ގޮތުން އެ ދެ ކޯޓު ހިންގެވުމާ ހަވާލުވެގެންނެވެ. ކްރިމިނަލް ކޯޓު ހިންގުމާ ބާރީ ހަވާލުވީ އެ ކޯޓުގެެ އިސްގާޒީއަކަށް ކުރިން ހުންނެވި އަބްދުﷲ މުހައްމަދު ފެމިލީ ކޯޓަށް ބަދަލު ކުރުމުންނެވެ.

ސިވިލް ކޯޓުގެ އިސްގާޒީއަކަށް ކުރިން ހުންނެވި ގާޒީ އަލީ ރަޝީދު ހުސައިން ވަނީ އަމިއްލައަށް އެދިގެން ޑްރަގް ކޯޓަށް ބަދަލުވެ ވަޑައިގެންފަ އެވެ. ނަމަވެސް ޑްރަގް ކޯޓު އުފެދުނު ފަހުން އެތަނުގައި މިހާތަނަށް އިސް ގާޒީއެއް ނުހުންނަވަ އެވެ.

ސިވިލް ކޯޓް ކްރިމިނަލް ކޯޓް ފަނޑިޔާރުން ޖުޑީޝަލް ސާވިސް ކޮމިޝަން ފަނޑިޔާރުން އައްޔަންކުރުން ފަނޑިޔާރު އަބުދުލް ބާރީ

20 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢާޅި

05 August 2016

ބާރީއަށް މަރުޙަބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖިތު

04 August 2016

އަނެއްހެން ބާރީ ރަގަޅުވާނެ، މިބުނި އެއްޗެއް އިގިއްޖެދޯ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫކެޓް

04 August 2016

މިކަހަލަ ހަބަރެއް ލިޔާއިރު، ގާޒިންގެ ތައުލީމީ ފެންވަރާއި ތަޖުރިބާގެ ފެންވަރު ލިޔެލުން ދެން އެއީ މާބޮޑު ބުރައަކީތަ؟ ނޫނީ ނަޒާހަތްތެރިކަމަށް އަރައިގަނެވިދާނެތީ މިހާރު މާބޮޑައް މީހާރު ގެ ނޫސްވެރިން ބިރުގަތީތަ؟