19 އޯގަސްޓް 2018 - 11:22
8 comments
ހދ. ކުޅުދުއްފުށީގައި އެއާޕޯޓް އެޅުމަށް ހުސްކުރަން ޖެހޭ 18 ގެއެއްގެ ތެރެއިން 12 ގެއެއް ހުސްކުރަން އެއްބަސްވެފައިވާ ކަމަށް ރީޖަނަލް އެއާޕޯޓްސް އިން މިއަދު ބުނެފި އެވެ.
އެއާޕޯޓް އެޅުމަށް އެ ރަށު މޫދުން ހަ ހެކްޓަރު އަދި ކުޅިން ނުވަ ހެކްޓަރުގެ ބިން ހިއްކާފައިވާއިރު ރަންވޭ އަޅައި ޓާމިނަލްގެ މަސައްކަތް ފެށެން އޮތީ އެ ސަރަހައްދުގައި ހުރި ބައެއް ގެތައް ނަގައިގެންނެވެ. އެ ގެތަކުގެ ބަދަލުގައި އާ ގެތަކެއް އަޅަން ކުޅުދުއްފުށިން ބިމާއި ފައިސާ ދޭން ސަރުކާރުން ނިންމާފައިވީ ނަމަވެސް ބަދަލުގެ ގޮތުގައި ދޭން ބުނާ އަގާ މެދު ބައެއް ގެތަކުގެ ވެރިންނާ އެކު އެއްބަސްވުމަކަށް އަދި ނާދެވެ އެވެ.
ރީޖަނަލް އެއާޕޯޓްސްގެ ޑިރެކްޓަރު ޖެނެރަލް ސާމީ އަގީލް ވިދާޅުވީ އެއްބަސްވުމަކަށް އާދެވިފައިވާ 12 ގެއެއްގެ ކަންކަން ނިންމުމަށް ކޯޓަށް ހުށަހަޅާފައިވާ ކަމަށެވެ. ބާކީ ހުރި ފަސް ގެއެއްގެ ވެރިންނާ އެކު މަޝްރަވާ ކުރަމުން އަންނަ ކަމަށާއި އެކަން ވެސް ވަރަށް އަވަހަށް ހަމަޖެހޭނެ ކަމަށް ސާމީ ވިދާޅުވި އެވެ.
Nagan jehey gethakuge massalaagai Kulhudhuffushi airport ge masahkathah huras elhifai!
The most trusted news source in the Maldives
Mihaaru
ގެތައް ނުނެގި ކުޅުދުއްފުށީ އެއާޕޯޓްގެ މަސައްކަތައް ހުރަސް އެޅުން--
"އަޅުގަނޑުމެން މިބަލަނީ އީދު ބަންދަށް ފަހު ގެތައް ހުސްކުރުމުގެ ކަންކަން ކުރެވޭނެ ކަމަށް. އެ ގެތައް ހުސް ނުކުރެވިގެން މަސައްކަތަކަށް މަޑުޖެހުމެއް ނާދޭ،" ސާމީ ވިދާޅުވި އެވެ.
ހުސް ކުރަން އެއްބަސްވި 12 ގޭގެ ބަދަލުގައި ދޭން ނިމި ބިމާއި ބަދަލުގެ ގޮތުގައި ދޭ ފައިސާގެ ތަފްސީލެއް ސާމީ ނުދެއްވަ އެވެ.
"މިހާރު" އަށް އެނގިފައިވާ ގޮތުގައި ސަރުކާރުން ހުށައަޅަނީ ގެއަކަށް 400،000-800،000ރ. އާ ދެމެދުގެ އަގެއް ދޭށެވެ. އެކަމަކު ގެތަކުގެ ވެރިން ބުނަނީ އެ އަގުގައި މިހާރު ގެއެއް ނޭޅޭނެ ކަމަށެވެ.
ކުޅުދުއްފުށީ ކައުންސިލްގެ ނައިބް ރައީސް އަލީ ހާޝިމް ވިދާޅުވިގޮތުގައި ބަދަލުގެ ގޮތުގައި ބިން ދޭ ސަރަހައްދާއި އެހެނިހެން އެއްވެސް ތަފްސީލެއް ކައުންސިލާ ހިއްސާކޮށްފައެއް ނުވެ އެވެ. އެ ކައުންސިލްގެ ނިންމުމަކީ ގެތައް ހުސްކުރެވޭނީ ހަމަ އަގުދީގެންނެވެ.
ކުޅުދުއްފުށީގައި އެއާޕޯޓެއް އެޅުމަކީ ރައީސް އަބްދުﷲ ޔާމީން 2013 ގެ އިންތިހާބުގައި ވެވަޑައިގެންނެވި ވައުދެކެވެ. އެކަމަކު ދައުރު ނިމެން ތިން މަހަށް ވީއިރު އެއާޕޯޓްގެ މަސައްކަތް ނިމޭނެ ދުވަހެއް އަދި ނޭނގެ އެވެ. މަޝްރޫއުގެ ބޮޑު ބައެއްގެ މަސައްކަތް އަދި ނުވެސް ފެށެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޖީތު
19 August 2018
ސަރުކާރުން 4 ކޮޓަރީގެ ފްލެޓެއް ރައްޔިތުންނަށް ވިއްކަންވީމާ 4 މިލިއަން ރުފީޔާއަށް. ރައްޔިތެއްގެ 4 ކޮޓަރީގެ ގެއެއް ސަރުކާރަށް ނަގަންވީމާ ބަދަލަކަށް 4 ލައްކަ ރުފިޔާ؟ ހާދަހާ މޮޅު އިންސާފެކޭ ދެއްތޯ؟
ސާބަހޭ
19 August 2018
ރަށުން މީހުން ފައިބައިގެން ނަމަވެސް އެއަރޕޯޓް އެޅޭތޯ ބަލާތި... ހަހަހަހަހަހަހަހަ
ރަސް
19 August 2018
ކުރިންވެސް ގޮތް ދޫކުރިނަމަ މިހާރު އެއަޕޯޓު އައް ފުލައިޓު ޖައްސާނެ
ޑަސްޓު
19 August 2018
ރަށުގެ ތަރައްޤީ އަށް ރަށުގެ ރައްޔިތުންގެ ކުރިމަގަށް ކުރާ އެއްވެސް ކަމެއްގައި ހުރަސް އެޅުމަކީ ރަށާ ރަށުގެ ރައްޔިތުން ދެކެ ލޯބި ވާ ބައެއްކަމަށް ގަބޫލެއް ނުކުރެވޭނެ.ކޮންމެ ގޮތެއްވިޔަސް އިނދިކޮޅު ބޭފުޅުން ތިކަން ވިޔަނުދިނު މައްޓަކައި ކުރެވެންއޮތް ހުރިހާ މަސައްކަތެއް ކުރާނެ.މީއެއްވެސް ޝައްކެއް އޮތްކަމެއް ނޫން.ދެރަކަމަކީ ނޭޅިއްޖިއްޔާ އިނދިކޮޅު މީހުން އުފާކޮށް ބޮނޑިބަތް ކައްކާއިރު ރަށުގެ ރައްޔިތުންނަށް ހުރިހާ ގެއްލުމަކާ ދެރައެއް.ކުޅުދުއްފުށީ ރައްޔިތުން ވިސްނާތި،އިނދިކޮޅަކު ނެތް ތިބޭފުޅުންނަށް ހެޔޮއެދޭ އެކަކުވެސް. ރައީސް ޔާމީން 2018 އިންޝާ ﷲ.
މޫސަ123
19 August 2018
އިދިކޮޅަށް ކާމިޔާބު ވާނެ ކަލޭމެން ކިތަންމެވަރަކަށް ތެޅުނަސް އަދި އޭރަށް ކަލެއަށްވެސް "ބިރަކާނުލާ މަޖާކުރެވޭނެ"
ވަގުކަލޭގެ
19 August 2018
މަ ރޔާމީންއަށް ތާއީދު ނުކުރިޔަސް.. ތަރައްޤީ މިޤައުމަށް ގެނެސްދިން ކަމަށް އެއްބަސްވަން.. އަދި ކުޅުދުއްފުށީ އެއަރޕޯޓްގެ ވައުދު ގެތަކުގެ މައްސަލަ ހައްލުވިނަމަ މިހާރު ދެން ނިމިފަކަންނޭނގެ ހުންނާނީ..
ސދފސ
19 August 2018
އަގުދޭންޖެހުމަކީ ކައުންސިލްގެ ނިންމުމެއްނޫން. ޤާނޫނު އަސާސީން ކަށަވަރުކޮށްދީފައިވާކަމެއް، ސަރުކާރުން ކުރަމުންދަނީ އެގޮތުގެ މަތިން.
ބަލާބޮޑު
19 August 2018
ކައުންސިލްތަކަކީ ފިތުނަކުރަން އުފައްދާފަހުރި ތަންތަން. ދެން ސަރުކާރުން އެއާރޕޯޓް ނޭޅީއޭ ބުނުމުގެ މާނައެއްނެތް.. ގަސްދުގަ ހުއްޓުވަން ކުރެވުނުކަމެކުރަނީ އިދިކޮޅުން..