ވެލާނާ އެއާޕޯޓުގެ އާ ރަންވޭގައި ތާރު އެޅުމުގެ މަސައްކަތް ނިމިއްޖެ

ވެލާނާ އިންޓަނޭޝަނަލް އެއާޕޯޓުގެ އާ ރަންވޭގެ މެދުބައިގެ މަސައްކަތް ނިމިފައި. ފޮޓޯ: އެމްއޭސީއެލް

އަބްދުﷲ ޖަމީލު، މިހާރު

26 އޯގަސްޓް 2018 - 12:37

ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އާ ރަންވޭގައި ތާރު އެޅުމުގެ މަސައްކަތް މުޅިން ނިމިފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިއަދު ބުނެފި އެވެ.

އެއާބަސް އޭ 380 މަރުކާގެ ބޯޓު ވެސް ޖެއްސޭ ފެންވަރަށް ހަދާ ރަންވޭގައި މިހާތަނަށް ނުނިމި އޮތީ މެދު ބައި އެކަންޏެވެ. އެ ބައިގެ މަސައްކަތް ނުކުރެވި އޮތީ، އެ ތަނުގައި ހުރި ޓީއެމްއޭގެ ސީޕްލޭން ހެނގަރު އެހެން ސަރަހައްދަކަށް އަދި ބަދަލު ނުކުރެވޭތީ އެވެ. ރަންވޭ މެދުގައި ހުރި ހެނގަރު ބަދަލުކުރަން ޖެހެނީ އެއާޕޯޓުގެ އާ ސީޕްލޭން ޓާމިނަލް ކައިރީގަ އެވެ. އެ ހެނގަރުގެ މަސައްކަތް މިހާރު ވަނީ ނިމިފަ އެވެ.

އާ ރަންވޭގެ މެދުގައި ނުނިމި އޮތް ބައިގައި ސިމެންތި އާއި ހިލަވެލީގެ ފަށަލައިގެ މަސައްކަތް ފެށީ މިދިޔަ ޖުލައި މަހުގެ ފަހުކޮޅު އެވެ. އެ ތަނުގެ މަސައްކަތް ނިންމީ މިދިޔަ ހަފުތާގެ ތެރޭގަ އެވެ.

އެމްއޭސީއެލް އިން ކުރި ޓުވީޓެއްގައި ބުނީ، ހުވަފެން ހަގީތަކަށް ވެއްޖެ ކަމަށާއި ރަންވޭ މެދުބައިގެ ފަހު ތާރު ފަށަލަ އަޅައި ނިމިފައިވާ ކަމަށެވެ.

Dream come true; New runway mid section's final asphalt layer completed @VelanaAirport #VIAdevelopment pic.twitter.com/psJiL3DjEb
— MACL (@MACLmedia) August 25, 2018

އެމްއޭސީއެލްގެ އިސް އޮފިޝަލަކު މިއަދު ވިދާޅުވީ ރަންވޭގައި ތާރު އަޅައި ނިންމިއިރު، އެތަނުގައި މާކް ޖެހުމުގެ މަސައްކަތުގެ 70 ޕަސެންޓް ނިމިފައިވާ ކަމަށެވެ. އަދި ރަންވޭގައި ލައިޓް ވެސް ހަރުކޮށް ނިންމާފައިވާ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން މި މަސައްކަތް ކުރަނީ އަންނަ ސެޕްޓެމްބަރު ކުރީކޮޅު ޓެސްޓް ފްލައިޓްތައް [އާ ރަންވޭއަށް] ބޭއްވުމަށް. މިހާރު މިދަނީ ރަންވޭގެ އެންމެ ފަހުގެ ޓެސްޓްތައް ވެސް ހަދަމުން،" އޮފިޝަލް ވިދާޅުވި އެވެ.

އެމްއޭސީއެލް އިން ކުރިން ބުނީ އާ ރަންވޭގެ ތާރު އެޅުމުގެ މަސައްކަތްތަކާއި ރަންވޭގެ ލައިޓް ހަރުކުރުމާއި އެ ނޫން ވެސް ހުރިހާ މަސައްކަތެއް އަންނަ ބުރާސްފަތި ދުވަހުގެ ނިޔަލަށް ނިމޭނެ ކަމަށެވެ. އަދި އޭގެ ފަހުން އަންނަ މަހު ޓެސްޓް ފްލައިޓް ޖައްސަން ފެށޭނެ ކަމަށް ވެސް އެ ކުންފުނިން ބުންޏެވެ.

ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުންނަ، އެ ރަންވޭގެ ދެކުނު ކޮޅުގެ ފަހު ތާރު ފަށަލަ އެޅުމުގެ މަސައްކަތް މިދިޔަ ޖޫން މަހުގެ ފަހުކޮޅު ނިންމިއިރު، ރަންވޭގެ އުތުރު ކޮޅުގެ ފަހު ތާރު ފަށަލަ އަޅައި ނިންމީ މިދިޔަ ޖުލައި މަހުގެ މެދެއްހާ ހިސާބުގަ އެވެ.

އެއާބަސް އޭ 380ގެ މަތިންދާބޯޓު ޖެއްސޭ ފެންވަރަށް ރަންވޭ ހެދި ނަމަވެސް މިހާތަނަށް އެއްވެސް އެއާލައިނަކުން އެ ބޯޓު ޖައްސަން އެ ކުންފުންޏަށް އަންގާފައި ނެތް ކަމަށް ވެސް އެ ކުންފުނިން ބުންޏެވެ.

ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އާ ހަވާލުކޮށްގެން ކުރިއަށް ގެންދާ މަޝްރޫއުގެ ދަށުން، އާ ރަންވޭ ހަދަނީ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިގެންނެވެ. އެ މި ލޯނުގައި ރަންވޭގެ އިތުރުން 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 80،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ.

އެމްއޭސީއެލް ވީއައިއޭގެ އާ ރަންވޭގެ މަޝްރޫއު ވެލާނާ އިންޓަނޭޝަނަލް އެއާޕޯޓް ތަރައްގީގެ މަޝްރޫއުތައް

14 ކޮމެންޓް, 58 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންކޮކާ

26 August 2018

އަމިއްލަ އެދުން އިސްކޮށްގެން އުޅޭ މީހުންގެ ހިތުގައި ހާދަހައި ވޭނެއް އަޅާނޭދޯ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯމާފާނު

26 August 2018

އިންޑިއާއަށް ރާއްޖެ ވިއްކާނުލިޔަސް މިރާއްޖެ ތަރައްގީ ކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

26 August 2018

ސާބަހޭ ރައީސް ޔާމީން.ހުދްމުޙްތާރު ސަރުކާރުން ކުރި ވަރަށް ރަނގަޅުކަމެއް.ކޮންމެ ބަޔަކު އެއާޕޯޓެއް ނުލިބިގެން ވާހަކަ ދައްކާއިރު ބުނާނެ އެއާޕޯޓެއް ލިބިއްޖެނަމަ މުއްސަންދިކަން އެސަރަހައްދަކަށް ލިބޭނެއޭ.އެއާޕޯޓެއް އޮވެގެން ބަޔަކު މުއްސަންދިވާނެނަމަ މިހާރު އެންމެ ކުރީގަ ތިބޭނީ އައްޑުއަތޮޅުރައްޔަތުން.އެހެނީ އަހަރުމެން މަންމަގެ ބައްޕަމެން ޅައިރު އެބުނާ އެއާޕޯޓެއް ހަދައިފި.އަދިވެސް އައްޑޫއަތޮޅު އޮތީ ކުރިންއޮތް ފެންވަރުގަ.ކޮންމެ ބަޔަކުވެސް ޓީވީތަކަށްއަރާ މޮޅެތި ވާހަކަދައްކަނީ.މައިނޭޝަން މައި ފިއުޗާ އޭ މަގޭ އެކައުންޓޭ ކޮމާންޑޭ ކިޔަން ލަދުގަންނަންޖެހޭނެ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުންގާނު

26 August 2018

ކަލޭ ނުބެހޭ ކަމެއް ނޯވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

26 August 2018

މިހާރުވެސް މާލޭގަ ގިނައިން ވިޔަފާރިކުރަމުން ގެންދަނީ އައްޑޫ މީހުން. ކަލޭމެން ހިސާބަށް ވުރެ އަމިއްލަ އެދުން ބޮޑީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

27 August 2018

ހުންގާނު ކަލޭއަށް ކީއްތަ؟ މަށަށް ލިބިގެންވާ ހައްގެއްގެ ބޭނުން މަ މިކުރަނީ.މަހަށް އިނގޭ މަހަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިޕޭ

26 August 2018

ކޮބާފެނޭތަ؟ ފެނޭތަ؟ މިތަނުގެ ބޭނުން އިދިކޯޅޭމެން ވެސް ކުރާނެދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

26 August 2018

ރޭގަ ވިލާޓީވީގެ ފަސްމަންޒަރު ޕްރޮގްރާމް ގައި ވާހަކަ ދެެއްކީ މީހަކު ކިޔަނީ ޔާމީން ކުރާކަމެއް ނުފެނެޔޯ ރަށްރަށުގަ ނަރުދަމާ ނެތޯ ބޯފެންނެތޯ ރައްޔަތުން ތިބީ އަދިވެސް ހާލަގުޔޯ، މަހިތަށްއެރި މީހުންގެ ހިތުގަ ހަސަދަވެރިކަން އުފެދުނަސް މީ ބޮޑުވަރު! ޔާމީންގެ ހުރިހާކަމެއް ރަނގަޅު ނޫނަސް 5 އަހަރުތެރޭ ތަރައްގީގެ ގިނަކަންތައްތަކެއް ގައިމު ޔާމީނު ކޮށްފި! ފަސްމަންޒަރުގަ ވާހަކަ ދެއްކީ ކުރީގެ ކޮންމެސް ރައީސެއްގެ އެޑްވައިޒަރެކޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހަނބު

26 August 2018

އިންޑިއާ ފިއްތިވަރަކަށް ފިތިގެން ތިބުން މާޒީ..ހުރި ވަސީލަތްތަކާއިއެކު ކުރިޔަށް ދިވެހިރައްޔިތުން..ފާޑުކިޔާ މީހުނަށް އިނގެނީ މޮޅުގޮތް އަނގައިން ކިޔަން..އެއްވެސްކަމެއް ކުރުމުގެ ގާބިލް ކަމެއްނެތް..ހުޅުޖަހާ ސުންނާފަތިކުރުމުގެ ގާބިލްކަންހުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުހާން

26 August 2018

ހަމަހުވާ މަ ޔާމީންއަށް ވޯޓްދޭނީ..އިބޫ ހުސްފޮނި ކަނޑަނީ ނަޝީދުއެކޭ އެއްފަދައިން..ތަރައްގީ އިތުރު ހަރުފަތެއް އެއަރޕޯޓް.. ބްރިޖް.ހޮސްޕިޓަލް..މީ ކޮންމެ މީހަކަށް ވާނެ ކަންކަމެއްނޫން..އެއްމެ 5އަހަރުން އެއްމެބޮޑު ޝަކުވާތަކަށް ހައްލު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލްމިން

26 August 2018

މައުމޫން އިރުގައި ބާލިދީ އެއަރޕޯޓްއޭ ކިޔާ ނެގި އެމްޑީޕީން..އެމް.ޑީޕީ ވެރިކަމުގައި އެހެންއޮވެ ބޭރުމީހުނަށް ވިއްކާލީ..ޑޮލަރހޯދަން ރައްޔިތުންނާއި ވިޔަފާރިވެރިންނަށް ދަތިވެގެން 20ރއަށް ޑޮލަރގެ އަގު މަތިވި.. ޔާމީންގެ ތަރައްގީއަށް މަރްހަބާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

26 August 2018

މާތް ﷲއަށް ޝުކުރު ހުއްޓެވެ. ދިވެހިޤައުމުގެ އިޤްތިސާދީ ކުރިމަގު ބައްޓަން ކުރުމުގެ ނާރެސް މިއަންނަނީ ފުޅާވަމުންނެވެ. މިއީ ޤައުމުދެކެ ލޯބިވާ ވެރިއެއްގެ ހިންގުންތެރިކަމާއި ވިސްނުން ތޫނުކަމުގެ މަންފާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

26 August 2018

މިއޭ މަބުނާ ވާހަކައަކީ. ޖމރ އަށް މިތަން ދީގެން ޤައުމީވަންތަ ދިވެހިންނަން ލިބެމުން ދިޔަގެއްލުން މިވަނީ ހުއްޓުވިފައި. އަދު ދިވެހިންނަށް ލިބިފައި މިވަނީ ކޮންފަދަ އުފަލެއްތޯއެވެ. ބަލަ ޢަބްދުﷲ ޔާމީން ވެރިކަމުގައި ހުއްޓަސް ނެތަސް އެތަނަށް ފުލައިޓް ޖެއްސިޔަސް ނުޖެއްސިޔަސް ޢަބްދުﷲ ޔާމީނަކަށް ވަރިހަމަ ނޫންހެއްޔެވެ. އެހެނަސް އެތަން އެވަނީ އެންމެހައި ދިވެހިންގެ އެތައް ޤުރުބާނީއަކާއެކު ނިންމާފައެވެ. އިންޑިޔާ ބައެއް މީހުން ރުޅިއަންނަ ސަބަބަކީ މިއީއެވެ. އިންޑިޔާ ބައެއްމީހުން ބޭނުންވަނީ ދިވެހިން އެމީހުންގެ އަޅުންނަށް ހަދާށެވެ. ދިވެހިންގެ ބަޔަކު މިފަހުން އެގޮތަށް ކަންކުރަން މަގު ފަހިކޮށްދިނެވެ. ނަމަވެސް އެއަށްވުރެ ދިވެހިންގެ ނަސީބު ގަދައެވެ.