އިބޫ މިއަދު ހޯޑެއްދު އަށް ވަޑައިގަތުމުން، އެ ރަށުގެ އަންހެނަކު އިބޫގެ ކަރުގައި މާފައްޗެއް އަޅުވަނީ. - ފޮޓޯ: އެމްޑީޕީ
03 ސެޕްޓެމްބަރ 2018 - 19:13
15 comments
ހުވަދު އަތޮޅުން އިދިކޮޅު ކޯލިޝަނަށް ބޮޑު ތާއީދެއް އޮތް ކަމަށާއި އިދިކޮޅު ކޯލިޝަނުން "ކުރަހާ މަންޒަރުގައި" ހުވަދު އަތޮޅުގެ ރައްޔިތުން "ކުލަ" ޖައްސާފައިވާ ކަމަށް ކޯލިޝަންގެ ރިޔާސީ ކެންޑިޑޭޓު އިބްރާހިމް މުހައްމަދު ސޯލިހް (އިބޫ) މިރޭ ވިދާޅުވެއްޖެ އެވެ.
ގއ. އަދި ގދ. އަތޮޅުގެ ރަށްތަކަށް އިބޫ ކުރައްވަމުން ގެންދަވާ ދަތުރުގައި އެންމެ ފަހު މަންޒިލެއްގެ ގޮތުގައި ގއ. މަޑަވެއްޔަށް ވަޑައިގެން، އެ ރަށުގައި ތިބި އިދިކޮޅު ސަޕޯޓަރުންނާ ބައްދަލު ކުރައްވައި އިބޫ ވިދާޅުވީ މުޅި ހުވަދު އަތޮޅުން ފެންނަމުން ދަނީ އުންމީދީ މަންޒަރުތަކެއް ކަމަށެވެ. އެގޮތުން ހުރިހާ ރަށެއްގެ ރައްޔިތުން ތިބީ ކޯލިޝަނާ އެކީގައި ރިޔާސީ އިންތިހާބު ކާމިޔާބު ކުރަން އަތުގުޅާލައިގެން ކަމަށް އިބޫ ވިދާޅުވި އެވެ.
އިބޫ މިއަދު ހޯޑެއްދު އަށް ވަޑައިގަތުމުން، އެ ރަށު މީހުން އޭނާ އަށް ހޫނު މަރުހަބާއެއް ދަންނަވަނީ. - ފޮޓޯ: އެމްޑީޕީ
"އަޅުގަނޑުމެން މި ކުރަހާ މަންޒަރުގައި މި އަތޮޅުން ކުލަ ޖައްސައިފި. ރީނދުލާއި ރަތާއި ފެއްސާއި ފިޔާތޮށި ކުލައިން ރީތި މަންޒަރެއްގެ ގޮތުގައި ދައްކައިފި. ދެން އޮތީ އެހެން އަތޮޅުތައް. މި އަތޮޅުން ތި ދައްކައިދިން މަންޒަރާ އެކީގައި ރާއްޖޭގެ އެކިކަންކޮޅުތަކުން ވެސް އެ މަންޒަރު ފެންނާނެ،" އިބޫ ވިދާޅުވި އެވެ.
"އެ މަންޒަރު ފުރިހަމަ ވެގެން ރީތި ފޮޓޯއެއްގެ ގޮތުގައި ފެނިގެންދާނެ."
މަޑަވެލީގައި ދެއްކެވި ވާހަކަ އިބޫ ނިންމަވާލެއްވީ މިފަހަރުގެ ރިޔާސީ އިންތިހާބަށް ހާއްސަކޮށްގެން، ހުވަދު އަތޮޅުގެ ރައްޔިތުންތަކެއް ހެދި ލަވައިގެ ކަޑިއަކުންނެވެ.
އިބޫ ވިދާޅުވި ލަވައިގެ ކަޑިއަކީ "އަހެނެ މިކެލެ ބަދަލެ ކެރެންނާ" އެވެ.
މަޑަވެއްޔަށް ވަޑައިގަތުމުގެ ކުރިން، ގދ. ހޯޑެއްދޫގައި އިދިކޮޅު ކޯލިޝަންގެ ދެ ޖަގަހައެއް ހުޅުއްވައި ދެއްވުމަށް ފަހު އިދިކޮޅު ސަޕޯޓަރުންނާ ބައްދަލު ކުރައްވައި އިބޫ ވިދާޅުވީ އިދިކޮޅު ވެރިކަމެއްގައި ރާއްޖެ ތަރައްގީ ކުރާނީ ކޮރަޕްޝަނާ ނުލައި ކަމަށެވެ. އަދި ހުވަދު އަތޮޅު ތަރައްގީ ކުރުމުގެ ބޮޑު ތަސައްވުރެއް އިދިކޮޅު ކޯލިޝަންގައި އެބައޮތް ކަމަށާއި އެކަން ފުރިހަމަވެގެންދާނެ ކަމަށް ވެސް އިބޫ ވިދާޅުވި އެވެ.
ހޯޑެއްދޫ ބަޔަކު، އިބޫ އަށް މަރުހަބާ ދަންނަވަން ނުކުމެފައި. - ފޮޓޯ: އެމްޑީޕީ
އެގޮތުން ހުވަ އަތޮޅު ތަރައްގީ ކުރާނެ ސިޔާސަތުތަކެއް އެކުލަވާލާފައިވާއިރު، އޭގެ ތެރޭގައި އެއާޕޯޓާއި ބަނދަރާއި ބޯހިޔާވަހިކަން ހޯދައިދީ، މަސްވެރިކަމާއި ދަނޑުވެރިކަމާއި ތައުލީމާއި ސިއްހީ ހިދުމަތް ތަރައްގީ ކުރުން ހިމެނޭ ކަމަށް ވެސް އިބޫ ވިދާޅުވި އެވެ.
މަޑަވެލީގައި އިބޫ ވަނީ ގއ. އަދި ގދ. އަތޮޅަށް ފެއްޓެވި ހަތަރު ދުވަހުގެ ދަތުރު ފުރިހަމަކަމާއެކު ކުރިއަށް ގެންދިއުމަށް އެހީތެރިވި ހުރިހާ އެންމެންނަށް ޝުކުރު އަދާކުރައްވައިފަ އެވެ. އަދި ގއ. އަދި ގދ. އަތޮޅުގައި މަސައްކަތް ކުރާ ފުލުހުންގެ ފަރާތުން ބޮޑު އެއްބާރުލުމެއް ލިބުނު ކަން އިބޫ ފާހަގަ ކުރެއްވި އެވެ.
އިބޫ މިއަދު ހޯޑެއްދޫ އަދި މަޑަވެއްޔަށް ވަޑައިގަތުމުން، އިދިކޮޅު ސަޕޯޓަރުން ވަނީ އޭނާ އަށް ހޫނު މަރުހަބާއެއް ދަންނަވައިފަ އެވެ. ގއ. އަދި ގދ. އަތޮޅުގެ މީހުން ދިރިއުޅޭ ހުރިހާ ރަށަކަށް އިބޫ ކުރެއްވި ދަތުރު ނިންމަވާލެއްވުމަށް ފަހު މިރޭ މާލެ ވަޑައިގަންނަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޮޓްޔޫ
04 September 2018
ތިގޮތަށް ރައީސް ވަހީދު އަށް ވެސް ވީ.. ތިހެން ސަލާން ކުރަންދާނެ ބައިވަރު މީހުން.. އެންމެންވެސް ވޯޓު ދޭނަމޭ ބުނާނެ. އެކަމް ލިބޭނީ އެންމެ %25 ގެ ވޯޓު..
ހަސަން ޒަކީ
04 September 2018
ޢެމްޑީޕީ ވެރިކަމިގައި އިޙްމާލްވި ރަށްރަށުން އިޙްލާސްތެރިކަން ލިބުމަކީ އަދި ތާއީދު އޮތުމެއް ނޫން!
އަލް އަޚް
04 September 2018
ދިވެހިން އިދިކޮޅޭމޭންނަށް ނޫނެކޭ 23/09 ގައި ބުނާނެ!
އެޑްމުންޑޯ
04 September 2018
އެމްޑީޕީގެ ވެރިކަމުގައި އެންމެ ބޮޑަށް އިހުމާލުވީ ހުވަދު އަތޮޅަށް ، ހުވަދު އަތޮޅުގެ އެއްވެސް ރަށެއްގެ ތަރައގީ އަށް ކޮށްދެވުނު އެއްވެސް ކަމެެްއްފެންނާކަށް ނެތް
ސުހާނާ
04 September 2018
އެމް.ޑީ.ޕީ އަށް ހީވަނީތަ ގދ. ކޮންމެ ރަށަކަށްގޮސް އެހެން ރަށްތަކުން މީހުންގެނެސް ހައެއްކަ ކެނާ ތޮށިގަނޑު މަތީ ރީނދޫ ކުލަޖައްސާލައިގެން ތިބީމަ ވޯޓް ހެން މިހާރު ވަރަށް ސާފުކޮށް އެނގޭނެ ގދ. އިން ތާއީދު ނެތްކަން. އެހެންވެ ކިޔާނެ ދަައްކާނެ ވާހަކައެއް ނެތީމަ ތިއުޅެނީ ދުނިޔެއިން ބޭރަށް ވެސް ފޮނުވާލަން.
ނާއިލާ
04 September 2018
މަތީތައުލީމެއް ހޯދަން ބޭނުމިއްޔާ މިޖެހެނީ ދުނިޔެ އަޅާ ދާން އިބޫ އާހެދި ލަދުން ވެސް ގަނޭ.
ޝަހީދު
04 September 2018
އިބޫއަށް ތާއީދު ނެތްކަމާއި ވިލިގިލީގައި ބޭއްވި ޖަލްސާއަކީވެސް މުޅި ހުވަދޫ އަތޮޅުގައި އަތްފުނާ އެޅުވުމުން ނެރެވުނު މީސްކޮޅުކަން ޚުދު އިބޫއަށް އެނގިވަޑައިގަންނަވާ ޙާލުގައި ޕާޓީގެ ބޭފުޅުންނަށް އަދި އަމިއްލަ ނަފްސަށް އޮޅުވާލައްވަން ތިޔަ އުޅުއްވަނީ ނަޝީދުގެ އައިޑިއޮލޮޖީގެ ދަށުން އެބޭފުޅާ އަންގަވައިގެންތޯއެވެ! އަޅުގަނޑު ލަދުން ބޯފަޅައިގެންދާ ވަރުވެއްޖެ ތިޔަ ފާޓު ފުޅާ ކޯލިޝަނުގެ މަދު މީސްކޮޅު ފެނުމުން! ކިތަންމެ ވަރަކަށް އިތުރުފުޅު ހައްދަވައިގެން ތިމަން މަނިކުފާނަށް ތާއީދު އެބައޮތޭ ވިދާޅުވިޔަސް އެކަން ތިޔަ ޕާޓީގެ ބޭފުޅުންވެސް ޤަބޫލުފުޅެއް ނުކުރައްވާނެއެވެ. މަނިކުފާނު 19 ދުވަސް ފަހުން ބަލިޤަބޫލުފުޅު ކުރައްވާނެކަމަށް އުއްމީދު ކުރަމެވެ.
ރާއްޖެ
04 September 2018
ރާއްޖޭގައި މިހާރު މިއޮތީ ތައުލީމީ ޒުވާން ޖީލެއް. ވެރިއަކަށް އިންތިހާބު ކުރަން މި ޖެހެނީ ރޯނުއެނދުރެއް.
ރޮކެޓް ސައިންސް
03 September 2018
ހުވަދުއަތޮޅާ ހިސާބަށް އަންނައިރު %50 %50 އޮތަސް ހުވަދު އަތޮޅުން ގޮސް އައްޑޫ ސިޓިއަށް ނިންމާއިރު %65 %45 ގެ ފަރަގަކަށް ޔާނު ފަހަތަށް ފޮނުވާލެވޭނެކަން ޔަގީން އެބަވެއެވެ. ލާމުން އުތުރު މީހުން ކިޔަނީ ހުވަދު އަތޮޅާ ހިސާބަށް ދިޔުމުގެ ކުރިން އަތުނުޖެހޭވަރަށް ދުރަށް ޔާނު ފޭކޮއްލާނެކަމަށެވެ. މުޅި ރާއްޖޭގެ ހިސާބުތަކަށް ބަލާފަ %70 ވުރެ ބޮޑުތަނުން ޔާނު ބަލިވާތަން އެބަފެނެއެވެ. ޔާނު މޮޅުވާނެ ހަމަ އޮތީ އެންމެ ގޮތެކެވެ އެއީ %120 މީހިން މިފަހަރު ވޯޓުލުމެވެ. އެހެން ވެސް ވެދާނެތާއެވެ. މިދިޔަ ރިޔާސީ އިންތިހާބުގައި ވެސް %97.2 މީހުން ވޯޓު ލާފަ ވިއްޔާ އެއޮތީ. ކާކު ބުއްދި ގަބޫލުކުރާނީއެކަން. ހިސާބުތަކުން ދައްކާގޮތުން ވޯޓު ފޮށި ނުބަހައްޓާ ގައުމުތަކުގައި އެކަނިވެސް އެބައުޅޭ ވޯޅުލުމުގެ ހައްގު ލިބިގެނަވާ %7 މީހުން. ރާއްޖޭގައި އަުޅޭ މީހުންގެ ތެރެއިން ކިހާމީހުންނެއް ވޯޓު ނާޅާތިބޭނެ. އެކަމަކުވެސް 97.2 ޕަސެންޓޯ ބަޔަކު މޮޔަވެދާނެ ނުން
ގާހިރާ
04 September 2018
ހަމަ ހިލާ އެކަށްޗެއް ޔާމިނުއަށް ހެދުނަކަ ނުދޭނެއެވެ. މިމަހު 21 ވާ ހުކުރުދުވަހަ ރާއްޖެއިން އެކަން ފެނިގެން ދާނެއެވެ.
ޒިޔާނާ
04 September 2018
ސެޕްޓެމްބަރ 23 ބަލަން ތިބެމޭ ކަލޭމެން ހީކުރާހެން ނުވާނެ. ފުރަތަމަ ބަދަލަކަށް މިހާރު އަނިޔާ ވެރިކަން. އަނިޔާއޭ ކިޔަން ލަދު ކޮބާ ސިވިލް ސާރވިސް މުވައްޒަފުން ވަޒީފާ އިން ވަކިކޮށް މުސާރަކުޑަކުރިއިރު ކަލޭމެން ހީކުރީތަ އަހަރެމެން ހިތުން އެހަނދާންތައް ފިލާދިޔަހެން ވަޒީފާގެ ބިރުން ނުކެވި ނުނިދި ކިތައް ދުވަހުން އުޅެންޖެހުނު ކޮބާ އަނިޔާ އަކީ ކަލޭމެން ވާހަކަ ނުދައްކާތިބޭ. އަނިޔާއަކީ މީ ނަފްސާނީ ގޮތުްންނާއި މާލީ ގޮތުން އިންސާނާ ބަލިކުރުން.
ހޯޑެއްދޫ އާދަންބެއްޔާ
03 September 2018
ހުވަދު އަތޮޅު ރައްޔިތުންނަކީ އަޅައިދޭ ތާރު ކޮޅަކުން... ހަދަައިދޭ ޕާރކަކުން... ވޯޓް ދޭނެ ބައެއް ނޫން... ހުވަދު އަތޮޅު ރައްޔިތުންނަށް ހައްގުވާ މިންވަރު ހުވަދު އަތޮޅު ރައްޔިތުން ހޯދާނެ... އެވަރިހަމަ ކޮންމެ ވެރިކަމެއް އޮތަސް... “ އަހަރި މިކަލެ ބަދަލެ ކެރަންނާ “ ދެން އަތްޖަހާ...
ވިސްނާލާ
03 September 2018
ހުވަދުއަތޮޅު މީހުންނަކީ ޖީބަށްލާ އެތިކޮޅަށް ވޯޓުވިއްކާމީހުން. އެހެންދޯތިބުނީ.. ހުވަދުއަތޮޅުމީހުންނަ ހައްގުވާ މިންވަރަކީ ކޮބާ. އެވަރުބުނެދީ.. އެހެން އަތޮޅުތަކަށް ހައްގުނުވާ މިންވަރަށް ހައްގުވާކަމަށް ދައުވާކުރާ ދެއަތޮޅުމިއޮންނަނީ އެއީ އައްޑުއަތޮޅާ ހުވަދުއަތޮޅު.. މުޅުދިވެހި ދައުލަތުގެ ރައްޔިތުންނާ ތަފާތު ބާރެއްގެ ބައެއްމީ.. ތާރީޙުން ފެންނަނީ ގައުމަށް އެއްމެބޮޑު ގައްދާރުންއުފެދުނީ މިދެއަތޮޅުން.. ތާރީޙުންފެންނަނީ ގައުމުގެ ދިފާއުގަ ގުރުބާނީއްވީ އުތުރުގެ ރައްޔިތުން.. ޝަކުވާމަދުވެފަ ކެތްތެރިވެފަ ވަފާތެރިވެފަ ޝުކުރުވެރިވަނީ އުތުރުގެމީހުން.. ދެންއޮތީ ވެރިކަން ވެރިކަންވަނީ ﷲއަށް.. ﷲގެރުހިވޮޑިގެންވާ ފަރާތަށް ﷲވެރިކަންދެއްވާނެ.. ޔާﷲއެމީހަކީ ރޔާމީންކަމުގަ ލައްވާށި. އާމީން.
މަރީ
03 September 2018
މާތް ﷲ ގެ އިރާދަ ފުޅާއި އެކު “އަހަރި މިކަލެ ބަދަލެ ބަދަލެ ކެރަންނާ” މިއީ މުޅި ހުވަދު އަތޮޅުގެ 90 ޕަސެންޓް ރައްޔިތުންގެ ބަސް..