ހިޔާލު ފާޅު ކުރުން ހުއްޓުވުމުގެ ބިލް ފާސް ނުކުރަން އެދި ނޫސްވެރިން މަޖިލިސް އިދާރާ ދޮށުގައި. --ފައިލް ފޮޓޯ: މިހާރު
15 ސެޕްޓެމްބަރ 2018 - 22:25
18 comments
އިދިކޮޅު ކޯލިޝަންގެ ސަރުކާރެއްގައި، އަބުރު ރައްކާތެރިކުރުުމުގެ ނަމުގައި އުފެއްދި ހިޔާލުފާޅުކުރުން ހުއްޓުވާ ގާނޫނު އުވާލައި ނޫސްވެރިކަމުގެ މިނިވަންކަން ކަށަވަރުކޮށްދޭނެ ކަމަށް ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) މިއަދު ވައުދުވެވަޑައިގެންފި އެވެ.
އަންނަ ހަފުތާގެ އާދިއްތަ ދުވަހު ބާއްވާ ރިޔާސީ އިންތިޚާބުގައި، އެމްޑީޕީގެ ޓިކެޓުގައި ވާދަކުރައްވާ އިބޫ ކުރެއްވި ޓްވީޓެއްގައި ވިދާޅުވީ އަބުރުގެ ގާނޫނު އުވާލައި ނޫސްވެރިކަމުގެ މިނިވަންކަމަށް ފަހި މާހައުލެއް ހޯދައިދިނުމާއެކު ވަގަށް ނަގާފައިވާ މިނިވަން ނޫހުގެ ނޫސްވެރިޔާ ރިލްވާން އަހުމަދާއި ބްލޮގަރު ޔާމީން ރަޝީދުގެ މަރުގެ މައްސަލަ އަލުން ތަހުގީގުކުރާނެ ކަމަށެވެ.
އޭނާ އެގޮތަށް އެ ވިދާޅުވީ، ނޫސްވެރިކަމުގެ މިނިވަންކަން ހޯދައިދިނުމަށް މަސައްކަތް ކުރަމުން އަންނަ ޖަމިއްޔާ، ރިޕޯޓާސް ވިތައުޓް ބޯޑާސް ކުރި ޓްވީޓަކަށް ޖަވާބު ދެއްވަމުންނެވެ. ރިޔާސީ އިންތިޚާބުގައި ވާދަކުރައްވާ ދެ ކެންޑިޑޭޓުން، ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީނާއި އިބޫ ޓެގް ކުރައްވައި އެ ޖަމިއްޔާއިން ކުރި ޓްވީޓުގައި ބުނީ އެ ދެ ބޭފުޅުން ތިން ކަމަކަށް ވައުދުވެވަޑައިގަންނަން ޖެހޭނެ ކަމަށެވެ.
I pledge to open investigations into journalist Ahmed Rilwan’s disappearance, Yameen Rasheed’s murder, repeal the anti defamation act and ensure press freedom. https://t.co/NSllWXagzj
— Ibrahim Mohamed Solih (@ibusolih) September 15, 2018
އިބޫގެ ޓްވީޓް
އެ ކަންކަމަކީ އަބުރުގެ ގާނޫނު އުވާލުމާއި ނޫސްވެރިންނާ ދެކޮޅަށް ފިޔަވަޅު އެޅި ފަރާތްތަކަށް ދައުވާ ކުރުމުުގެ އިތުރުން ރިލްވާނާއި ޔާމީންގެ މައްސަލަ އަލުން ތަހުގީގުކުރުމެވެ.
މީގެ ދެ އަހަރު ކުރިން، އޮގަސްޓް 9، 2016 ވަނަ އަހަރު އުފެއްދި އަބުރުގެ ގާނޫނަކީ މިނިވަން ނޫސްވެރިކަމަށް އޮތް ބޮޑު ބިރެއް ކަމަށް މީޑިއާތަކުން ދެކެ އެވެ. އެގޮތުން އެ ގާނޫނުގެ ދަށުން ރާއްޖެ ޓީވީ ބޮޑެތި އަދަދުތަކުން ޖޫރިމަނާކޮށްފައި ވެސް ވެ އެވެ.
ރިލްވާން ގެއްލުނުތާ ހަތަރު އަހަރު ވީއިރު އޭނާ އަށް ވީ ގޮތެއް އަދިވެސް ވީ ނޭނގެ އެވެ. ނަމަވެސް އޭނާ ގަދަކަމުން ފޮރުވި ކަމުގެ ދައުވާ ދެ މީހަކަށް ކުރިއަސް އެ މީހުންގެ މައްޗަށް އެ ކުށް ސާބިތުނުވާ ކަމަށް ކްރިމިނަލް ކޯޓުން ވަނީ މިދިޔަ މަހުގެ ދެ ވަނަ ދުވަހު ހުކުމްކޮށްފަ އެވެ.
ބްލޮގަރު ޔާމީން މަރާލި މައްސަލައިގައި ހަތް މީހަކަށް ވަނީ ދައުވާކޮށްފަ އެވެ. އެ މައްސަލައިގެ އަޑުއެހުންތައް ކްރިމިނަލް ކޯޓުގައި ފެށިކަމުގައި ވިއަސް ޝަރީއަތް ސިއްރުކޮށްގެން ގެންދާތީ އާއިލާއިން ވަނީ ކަންބޮޑުވުން ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
16 September 2018
ނޫސްވެރިކަމުގެ މިނިވަންކަން ކަށަވަރުކޮށްދިނަސް، އަބުރުގެ ގާނޫނު އުވާލައިގެން ނުވާނެ. އޭރުން އެކުރެވުނީ ހަޔާތުގާ ކުރެވޭނެ އެންމެ މޮޔަކަންތައް.
ކަންނައްބާ
16 September 2018
އާ އޭރުން ދޯ ރާ ޓީވީ ބޭނުންގޮތަކަށް ބޭނުން މީހެއްގެ އަބުރު ކަތިލަމުން ދުވެހެދޭނީ! ގާނޫނޫ އަސާސީ ވެސް ތިޔަހެން ގޮސް އުވާނުލާތި އިނގޭ
ަސދަސދ
16 September 2018
އެހެންވީމާ އަނެއްކާވެސް އައްނިގެ ވެރިކަން ތަކުރާރު ވަނީ ތާ ؟ ހަމައެއް ލަމައެއް ނެތި ބޭނުން އެއްޗެއް ލިޔަން އަޅުގަނޑު ހިތެއް ނޭދޭ
ކަޕޫރު
16 September 2018
ވައްކަން ކުރާމީހެއްގެ އަބުރު ރީއްޗެއް ނޫން. ވައްކަން ކުރެވޭ މީހާ ހުއްޓެވެން ވާނެ. އަދި ދައުލަތުގެ ހަޒާނާއިން ވައްކަން ކުރާ މީހާ އިގުމަކީ ރައްޔިތުންގެ ހައްޤެއް. ވެރިމީހާގެ އަނިޔާވެރިކަމާއި ދެކޮޅަށް ބަހެއް ބުނުމަކީ ދީނުގައި ނަހީ ކުރެއްވިފައިވާ ކަމެއް ނޫން. ނަމަވެސް އެއީ ބާރު ލިބިގެންވާ ކަމެއް. އަދި ބިރު ފަހަނައަޅައި ދާންވީ ކަމެއްގެ ގޮތުގައި އިސްލާމް ދީނުގައިވޭ. މީ ދޮގެއް ކަމުގައި ވަނީނަމަ ނިކަން ބުނެބަލަ.
ހައިޓް
16 September 2018
ކަލޯ...... ކުށް ކުރޫމާ އެމީހާ ބޭޒާރު ކުރުމެއް ނީވެ. އޭނާއަށް އޮންނަނީ ހައްގު އަދަބޭ. އޭނާ ރަށުމެދަށް ނެރެ ފަޟީޙަްތ ކުރުމެއް ނެތޭ. ވަކަން ކުރިޔަސް
އިސްތަފާ
16 September 2018
އެއްބަޔަކަށް އަބުރަކީ އެއްވެސް އެއްވެސް އެއްޗެއް ނޫނެވެ. ނަމަވެސް އެއީ ވަރަށް މުޑުދާރުބައެއްގެ ފިކުރެކެވެ. ނަމަވެސް އިސްލާމް ދީނުގައިވެސް އަބުރަކީ އެއެއްޗަކަށް ވަރަށް ޚާއްސަ އަހަންމިއްޔަތެއް ދެއްވާފައިވާ އެއްޗެއްވެސް މެއެވެ.
އަލީ ހަމީދު
16 September 2018
މީސްމީހުންގެ އަބުރާ ބެހުމަކީ އިސްލާމް ދީނުގައި ޙަރާމްކަމެއް. އިސްލާމް ދީނުގައި ޙަރާމް ކަންތައް ހުއްދަކުރުމަކީ ކަލޭމެން ކުރަން ބޭނުން ކަންތައްކަން މާކުރިންވެސް އެނގޭ. ފުރަތަމަވެސް ތިއޮތީ ފޭލްވެފަ މީހުންގެ އަބުރު ކަތިލުމަށް އުޅޭމީހަކަށް ވޯޓުދޭކަށް ނެތިން
ގަޑިޔަ ގަޑިޔަ
16 September 2018
ސުބާހާނަﷲ. ދިވެހިރައްޖެ ހަލާުކުވެ ނިމިއްޖެ. އިންސާނުންގެ އިއްޒަތުން ނަފްސަކީ އެއްވެސް އެއްޗެއް ނުވެ ހިގައްޖެ. ކިޔާނެ އެއްޗެއް ކިޔަންވި ހެޔޮ ނުކުރިޔަސ. ހުރި ހިތާމެއެއްގެ ބޮޑު ކަމާ. ހައްދަވާ ބޮޑު ކުރެއްވި ރަސްކަލާކޯ. މިފަދަ މީހުން ރާއްޖެގެ ވެރިކަމާ ދުރު ކުރައްވާނދޭ
ހައިޓް
16 September 2018
އާމީން
2111
17 September 2018
އާމީން
ހޮޓްކިންގ
16 September 2018
އެމްޑީޕީގެ ކުރިމަތީގައި ކާކުގެ އަބުރެއްތޯ އޮތީ. އެނގޭ ކަމަކީ 3 އަހަރުގެ ވެރިކަން ކުރި އިރުއާއި ވެރިކަން ވެއްޓިގެން ދެން ފާއިތުވީ 2 އަހަރުވެސް މީހުން އަބުރު ކަތިލައި ކުނި ފުޅަ މަގުތަކުގައިވެސް ގޮވަމުން ގެންދިޔަކަން. އަހަރެމެން ބޭނުމެއްނޫން ދިވެހި މުޖުތަމަޢުން އެދަރަޖައަށް ދާކަން. އެއީ އެމްޑީޕީގެ ސިފަ.
ގޫފީ
16 September 2018
ގައުމު ހިންދެމިލަ ނުދޭތި...
ނޫސް ބަލާމީހާ
16 September 2018
ޤާނޫނު އުވާނުލައި ޤާނޫނު އިޞްލާޙް ކުރައްވަންވީ. ޔާމީންގެ ދިފާޢުގައި ހެދި ޤާނޫނެއް ތިޔައީ . ތިޔަ ޤާނޫނުގެދަށުން 13 ގެ އަބުރު ތަކުގެ ދައުވާތައް ކުރަންވެސް ފެނޭ .