އިބޫ މިއަދު ވ. ކެޔޮދު އަށް ވަޑައިގެން، އިދިކޮޅު ސަޕޯޓަރުންނާ ސަލާމް ކުރައްވަނީ. - ފޮޓޯ: އެމްޑީޕީ
16 ސެޕްޓެމްބަރ 2018 - 19:41
23 comments
އިދިކޮޅު އިއްތިހާދަށް ވެރިކަން ލިބިއްޖެ ނަމަ ވ. އަތޮޅުގައި ހިމެނޭ ބައެއް ރަށްތަކުގެ ބިން ހިއްކައި ގޯތި ދޫކުރުމަށް އެ އިއްތިހާދުގެ ރިޔާސީ ކެންޑިޑޭޓު އަދި އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) މިއަދު ވައުދުވެވަޑައިގެންފި އެވެ.
އަންނަ އާދިއްތަ ދުވަހު ބާއްވާ ރިޔާސީ އިންތިހާބުގެ ކެމްޕެއިނުގައި ވ. ރަކީދޫ، ވ. ކެޔޮދޫ، ވ. ފުލިދޫ، ވ. ފެލިދޫ އަދި ވ. ތިނަދު އަށް ވަޑައިގެން، އިދިކޮޅު ވެރިކަމެއްގައި އެ ރަށްތައް ތަރައްގީ ކުރުމަށް ގެންގުޅުއްވާނެ ސިޔާސަތުތައް އިބޫ މިއަދު ހާމަކުރެއްވި އެވެ. ހާއްސަކޮށް، ކެޔޮދޫ އާއި ފުލިދު އަކީ ބިމުގެ ދަތިކަން އޮތް ޜަށެއްކަން ފާހަގަ ކުރައްވައި އިބޫ ވަނީ އެ ދެ ރަށުގެ ބިން ހިއްކުމަށް ވައުދުވެވަޑައިގެންފަ އެވެ. އަދި ބޯހިޔާވަހިކަން ބޭނުންވާ މީހުންނަށް ގޯތި ދިނުމަކީ ވެސް އޭނާގެ ވައުދެކެވެ.
އިބޫ މިއަދު ވ. ރަކީދޫގައި ތިބި އިދިކޮޅު ސަޕޯޓަރުންނާ ސަލާމް ކުރައްވަނީ-.ފޮޓޯ: އެމްޑީޕީ
ރާއްޖޭގައި އެންމެ ކުޑަ އާބާދީއެއް އޮންނަ ވ. އަތޮޅުގައި ހުންނަވައި އިބޫ ވަނީ އިދިކޮޅު އިއްތިހާދުގެ ވެރިކަމެއްގައި އެ ސަރަހައްދުގައި ދަތުރު ދިއުމަށް ހާއްސަ ރަށެއް ހަމަޖައްސަން ވެސް ވައުދުވެވަޑައިގެންފަ އެވެ.
ފަސް ރަށުގައި ދެއްކެވި ވާހަކަތައް މައިގަނޑު ގޮތެއްގައި އަމާޒު ކުރެއްވީ، އެ ރަށްރަށަށް ބޭނުންވާ އަސާސީ ހިދުމަތްތައް ފޯރުކޮށްދިނުމާ ގުޅޭ ގޮތުންނެވެ. އެގޮތުން، ގިނަ ރަށްރަށުގައި އެ ހިދުމަތް ނުލިބިވާ ކަން ފާހަގަކުރެއްވި އެވެ. ވ. އަތޮޅުގެ ރަށްތަކުގައި ދިރިއުޅޭ މީހުންނަށް ފެންވަރު ރަނގަޅު ތައުލީމާއި ސިއްހީ ނިޒާމާއި ފުރިހަމަ ދަތުރުފަތުރުގެ ނިޒާމެއް ގާއިމުކޮށް ދެއްވާނެ ކަމަށް އިބޫ ވިދާޅުވި އެވެ.
ވ. އަތޮޅުގެ ރަށްތަކަކީ ގެސްޓް ހައުސްގެ ވިޔަފާރި ފުޅާ ދާއިރާއެއްގައި ކުރަމުން އަންނަ ރަށްތަކެއްކަން ފާހަގަ ކުރައްވައި އިބޫ ވިދާޅުވީ، އިދިކޮޅު އިއްތިހާދުގެ ވެރިކަމެއްގައި އެ ވިޔަފާރު އިތުރަށް ފުޅާކޮށްދެއްވާނެ ކަމަށެވެ. އެގޮތުން، ގެސްޓް ހައުސް ހެދުމަށް ބޭނުންވާ ލޯނު ފޯރުކޮށް ދޭނެ ކަމަށް އޭނާ ވިދާޅުވި އެވެ. ގޯތީގައި އިމާރާތް ކުރުމަށް ބޭނުންވާ ލޯނު ލިބޭނެ މަގުކޮށައި ދެއްވުމަށް އިބޫ ވައުދުވެވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕިކެޓް
17 September 2018
ހާދަ ވަނދު ވައުދޭ ތިވަނީ...އެއްވެސް ވިސްނުމެއް އެއްވެސް ދިރާސާއެއްކޮށްފައެއް ނުވޭ ރަށްތަކަށް އަރާއިރު. ރައްޔިތުން ކައިރީ ނުވެ ހުރީ ކޮންކަމެއްތޯ އަހާލާފަ އެމީހުން ބުނާ އެއްޗަކަށް ހިތްހަމަޖައްސާލަދޭން އެއްޗެކޭ ބުނާފަދަ.
ފާތިމާޒީނަތިއްޔާ
17 September 2018
މަހާ ޖައްރާފާއިންތޯ ހިއްކާނީ؟؟؟ ހަމަ އަހާލީ. މަހާ ޖައްރާފާ ވެސް ބައްލަވައިގަތީ ރައީސް ޔާމީންގެ ވެރިކަމުގަ !! ދެންއަތްޖަހާ
ރޯޒްސް
17 September 2018
ހާދަ ޖެނެރިކް ވައުދު ތަކެކޭ ދޯ؟ ހުރިހާ އެނެމެންނަށް ބޯހިޔާވަހިކަން ހޯދާދޭންނަން"؟ "ހުރިހާ އެންމެންނަށް ބޯފެން؟ ލ. އަތޮޅުގައި ބިން ހިއްކާނަން؟؟؟؟؟ އެހެންތާ ވާނީ އިބޫއަކީ އަސްލު ލީޑަރެއް ނޫން ވިއްޔަ.. ތަރއްގީއަށް ކަމެއް ކުރާނެ ފުރަސަތެއް ނުލިބޭނެ.. ތަޅާފޮޅުމުގައި ފުރަތަމ ދެ އަހަރު! އެމްޑީޕީ ބައިބައިވެގެން ދެން އޮތް 3 އަހަރު!!!
އިއްބެ...
17 September 2018
މިފަހަރު 1✔️ ޔަޤީން إِنْ شَاءَ ٱللَٰه
ހޮޓްކިންގ
17 September 2018
ވ. އަތޮޅަކީ އެންމެ އާބާދީ ކުޑަ އަތޮޅު. މީހުން ދިރި އުޅޭނެ ބިން ފުރިގެން އެއަތޮޅުގެ މީހުން ނޫޅޭ. އެއަތޮޅަށްވުރެން އާބާދީ ބޮޑު ބިންފުރިވާ ރަށްތައް ހިމެނޭ އަތޮޅުތައް އެބަހުރި. އެވާހަކަ ނުދައްކައި މިކަހަލަ ތާކުން ތާކު ނުޖެހޭ ވާހަކަ ދެއްކުން އެބަޖެހޭ ތަންކޮޅެއް ހޭޖެހޭބަޔަކު ހުއްޓުވަން.
ޒީނާ
17 September 2018
ޖަޒީރާ ރާއްޖޭގައި ބިން ހިއްކައިގެން ނުވާނެ. ފަޅުތައް ހަލާކު ނުކުރޭ...
ދާރާ
17 September 2018
ވަރަށް ސަޅި
ޝޮކްތެރަޕީ
17 September 2018
ޔާމިން އެއޮތީ ބިންހިއްކާ އެއްޗެގެނެސްފަ ހުރިހާއަތޮޅެއްގެ ފަޅުހިއްކަން..
މުހައްމާ
17 September 2018
އެއްވެސް ވިސްނުމެއްނެތި މިނޫނީ ވާހަކަ ދައްކާ މީހަކު ނެތް. މީނަޔަށް ދޭ ވޯޓަކީ ޤަުމުގެ ހަލާކަށް ދޭ ވޯޓެއް
ވ.ބޮޑުމޮހޮރާ
17 September 2018
ވ.އަތޮޅު އެއްކޮށް ކައިރީގައި ތިޔޮއް މާ މާމިގިއްޔަށް ބަދަލުކުރަން ފެނޭ. މާމިގިލި ފަޅު ހިއްކައިގެންވިޔަސް. ސަރަހައްދުގެ ހަބަކަށް މިހާރުވެސް އަދި ފަހުންވެސް އަދި ފަހުންވެސް ވާނީ މާމިގިލި.
ވާވު
17 September 2018
މާ މިނގިއްޔޭ؟ ތިޔައީ އާދަމުގެ ދަރިން ދިރިއުޅެން ހެޔޮވާ ޒާތަކަށް އޮންނަ ތަނެއް ނޫން..ތިނޫން އެހެން ކޮްނމެ ތަނަކަށް ގޮސްފާނަން ހާއްސަކޮށް ހއ، ހދ. އައްޑޫ ކަހަލަ އާބާދީ ބޮޑު ތަނނަކަށް
ރީތި މޫސަ
16 September 2018
ކޮންޖައްރާފަކުންބާ ފަޅުހިއްކާނީ؟
ބޮސްކާލިސް
17 September 2018
ބޮސްކާލިސް.. ބަލަ ތިޔަ މަހާޖައްރާފެއް ބަންނަން 555 މިލޔަނު އޭގެ މެއިންޓެއިނެސް ހަރަދަށް ދުވާލަކު 180000 ރުފިޔާ، ކިތަށް ފަޅު ހިއްކޭނެ ތޯ ހެޑޭކެއް ނެތި؟ ބޮސްކާލިސް އިން ހިއްކޅަެއް މާ އަވަސް ތި ޖައްރަފަށް 2 ދުވަހުން ހެކްޓަރެއް އެންމެ އަވަހަށްވެސް ބޮސްކާލިސް އިން 4 ހެކްޓަރު ހިއްކާ ދުވާލަކު، އެމްޑީޕީ ވެރިކަމުގަ އެކަން އޮތީ ދައްކާފަ
ޫފުލިދޫ
16 September 2018
ކޮންފޮންަޏެއް ކަނޑާކަށް! ޥެރިކަންލިބޭއިރަ ބައިގަޏޑުއުޅޭނީ ވެރިކަމާހިފަން!