18 ސެޕްޓެމްބަރ 2018 - 17:50
ރައީސް އަބްދުﷲ ޔާމީންގެ އަބުރަފުޅަށް އަރައިގަތް ކަމަށް ބުނެ އިދިކޮޅު އެމްޑީޕީއާ ދެކޮޅަށް އެ މަނިކުފާނުގެ ފަރާތްޕުޅުން ހައި ކޯޓަށް ހުށަހެޅި މައްސަލަ އެ ކޯޓުން ބަލައިނުގަނެ އިއްޔެ ބޭރުކޮށްލައިފި އެވެ.
ރައީސް ޔާމީންގެ އަބުރަފުޅަށް އަރައިގަތުމަކީ އެ މަނިކުފާނުގެ އިންތިޚާބީ ހައްގަކަށް އަރައިގަތުން ކަމަށް ބުނެ، އެކަމާ މެދު ފިޔަވަޅު އަޅައިދިނުމަށް އެދި ހައި ކޯޓަށް ހުށަހެޅި މައްސަލަ ބަލައިނުގަތް ނަމަވެސް، ރައީސް ޔާމީންގެ ވަކީލުންނާ ނުގުޅޭތީ، އެކަމުގެ އިތުރު ތަފްސީލެއް ނުލިބެ އެވެ.
އެނގިފައިވާ ގޮތުގައި ހައި ކޯޓުން އިއްޔެ ވަނީ އެ މައްސަލަ ބަލައިގަނެވެން ނެތްކަން އަންގައި ލިޔުމުން ޖަވާބު ދީފަ އެވެ.
އެ މައްސަލަ ރައީސް ޔާމީންގެ ފަރާތްޕުޅުން ކޯޓަށް ހުށަހެޅީ، އުތުރު ކޮރެއާ އާއި ރާއްޖޭގެ ކުންފުންޏަކާ ދެމެދު ހިންގާފައިވާ ކަމަށް ތުހުމަތުކުރާ ތެލުގެ ވަގު ވިޔަފާރީގެ މުއާމަލާތާ ރައީސް ޔާމީނާ ގުޅުން އޮތް ކަމަށް ތުހުމަތުކޮށް، އިދިކޮޅު އެމްޑީޕީން ތައްޔާރުކޮށް މި މަހުގެ ތިން ވަނަ ދުވަހު ނެރުނު ރިޕޯޓުގެ މައުލޫމާތު ހިއްސާ ކުރުމަށް އެމްޑީޕީގެ ޗެއާޕާސަން ހަސަން ލަތީފާއި ސެކްރެޓަރީ ޖެނެރަލް އަނަސް އަބްދުއްސައްތާރު އެ ދުވަހު ނޫސްވެރިންގެ ބައްދަލުވުމުގައި ދެއްކެވި ވާހަކަތަކާ ގުޅިގެންނެވެ.
Raees Yamin ge aburaa behunu massala Civil Court in balaigenfi
The most trusted news source in the Maldives
Mihaaru
އަބުރުގެ މައްސަލަ ސިވިލް ކޯޓުން ބަލައިގަތުން
އެ މައްސަލައާ ގުޅިގެން ރައީސް ޔާމީން ވަނީ އަބުރުގެ މައްސަލައެއް ވެސް ސިވިލް ކޯޓަށް ހުށަހަޅުއްވައިފަ އެވެ. އެ މައްސަލަ ވަނީ އެ ކޯޓަށް ބަލައިގެންފަ އެވެ.
Bodethi thuhumathuthakakaaeku Raess Yaminge masalaeh ACC ah
The most trusted news source in the Maldives
Mihaaru
ރައީސްގެ ޔާމީންގެ މައްސަލަ އޭސީސީއަށް ހުށަހެޅުން
އަންނަ އާދިއްތަ ދުވަހު ބާއްވާ ރިޔާސީ އިންތިޚާބުގައި ދެ ވަނަ ދައުރަކަށް ކުރިމަތިލައްވާފައިވާ ރައީސް ޔާމީންގެ ވަކީލުންގެ ޓީމުގައި ހިމެނިވަޑައިގަންނަވާ، ހައި ކޯޓުގެ ކުރީގެ ފަނޑިޔާރު އައްބާސް ޝަރީފް ކުރިން ވިދާޅުވެފައި ވަނީ ކޯޓަށް ހުށަހެޅި މައްސަލައިގައި، އަބުރު ގެއްލުމުގެ މާލީ ބަދަލު ހޯދުމަށް ވަކި އަދަދެއް ކަނޑައަޅާފައި ނުވާނެ ކަމަށެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
މުހައްމަދު ބ
20 September 2018
މިއީ ދަޅަދައްކަން ކުރާ ކަމެއް، ހަޤީގަތެއް ނޫން.
ސައިޚް
20 September 2018
ވޯޓުން ބަލިވެއްޖެއްޔާ އިލެކްސަން ކެންސަލްކުރަން ޖެހި މޮޅު މަޅިއެއްދޯ.
ކަންބޮޑުވެފައި
20 September 2018
މިވާހަކަ ދެއްކުމުން ރައީސް ޔާމިންގެ ހިތައް ހާދަ ތަދުވޭދޯ؟
ފިރުޓޭ
19 September 2018
މީ ކޯޓުތަކުގެ ހިނގާ ކަންކަމާ ތިމާ އާ އެއްވެސް ގުޅުމެއް ނުވާކަން ދައްކަންވެގެން ކުޅެގެން އުޅޭ ޑްރާމާއެއް! މި މީހުން ހީކުރަނީ އަހަރުމެން އެންމެންގެ ހުންނަނީ ކާށިކޭ އުނބެއް ކަމަށް؟
ޢަބުރުފުޅު 18/09/19
19 September 2018
ހީވަނީ އެބަހުރިހެން އަޑިނުބައެއް ތީގަ..! މިހާތަނައް އޭނަ ބުނުއްވާކަމެއް ބުނާ ގޮތައް ފިޔަވާ ހިނގާފައެއް ނެތް...ޢަބުރުފުޅު އަމިލައަށް ގަރާރު ފާސްކޮއް އަމިއްލަ މީހާ ހުށަ އަޅާ މައްސަލަ ބަލައިނުގަންނަންޔާމު ތީ ވަރައް މަޖާ ކަމެއް ލޮލް....
ހަސަނު
18 September 2018
ރަނގަޅަކަށް ކަމެއް ކުރާނެ ކަމަކަށް އެކަކުވެސް ގަބޫލެއް ނުކުރޭ... ޜަނގަޅު ހެންހީވާ ކަންކަން ކުރާނީ އެކަމުގެ ފަހަތުގާ ފޮރުވިފާ ކޮންމެސް ގޯހެއް އޮވެގެން.. މީ ރާއްޖޭ ރައްޔިތުން ގަބޫލުކުރާގޮތް...
ހަރުބޯ
18 September 2018
ޔާމީނު ރައީސްކަމަށް ކުރިމަތިލާފަ ވަނީ ދޫވެހި ޔާމީނު ހައިސިއްޔަތުން ރައީސުލް ޖުމްހޫރިއްޔާގެ ހައިސިއްޔަތަކުންނެއް ނޫން
މަންނާނު
18 September 2018
ތިމީހާގެ އަބުރަށްޓަކައި މުޅިބައިތުލްމާލު އެދެންވީނު ނާ އެހެންނާ
ޢަބްދުﷲނާފިޒް
18 September 2018
ރައީސް ޔާމީން ހުށަހެޅުއްވި މައްސަލަ ހައި ކޯޓަށް ބަލައެއްނުގަތް، އަސްތަޣުފިރުﷲ މިރޭ މީ އެހެންވީމަ ބޮޑު ރެއެއްތާ، މިހެން މިބުނީ ހައިކޯޓު ފުރާޅުގަ ހުރި ޓިނަށް ވެދާނެގޮތެއް ނޭގޭތީވެ.
ޕޮއްޕަޓު ލާލު
18 September 2018
ހުށަހެޅި މައްސަލާއިގެ ގާނޫނީ އިޖުރާތުތަށް އޮޅޭ ގޮތަށް ހުރީ؟