ވިޔަފާރި / ވެލާނާ އިންޓަނޭޝަނަލް އެއާޕޯޓް

ވެލާނާ އެއާޕޯޓުގައި މާދަމާ ކޭއެފްސީ އާއި ޕިއްޒާ ހަޓް ހުޅުވަނީ

ވެލާނާ އިންޓަނޭޝަނަލް އެއާޕޯޓުގައި ފްރެންޗައިސް ރެސްޓޯރަންޓްތައް ހުޅުވާ ބިލްޑިން. މިތަނުގައި ހަތަރު ބްރޭންޑެއްގެ އައުޓްލެޓް މާދަމާ ހުޅުވާނެ. ފޮޓޯ: އެމްއޭސީއެލް

18 ސެޕްޓެމްބަރ 2018 - 22:08

14 comments

ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި އަލަށް ހެދި ވޯޓާ ފްރަންޓް ބިލްޑިންގްގައި މަޝްހޫރު ކޭއެފްސީ އާއި ޕިއްޒާ ހަޓާއި ކޮސްޓާ ކޮފީ އަދި ހާވެސްޓް މާކެޓް މާދަމާ ހަވީރު ހުޅުވާ ގޮތަށް ހަމަޖައްސައިފި އެވެ.

ގާތްގަނޑަކަށް 200 މީހުންގެ ޖާގަ ހިމެނޭ ފްރެންޗައިސް ރެސްޓޯރަންޓް ބިލްޑިންގްގައި ކޭއެފްސީ އާއި ޕިއްޒާ ހަޓްގެ އިތުރުން އިނގިރޭސި ވިލާތުގެ މަޝްހޫރު ކޮސްޓާ ކޮފީ އަދި ހާވެސްޓް މާކެޓް ވެސް ހުޅުވާނެ އެވެ. އެތަނުގައި އެ ބްރޭންޑްތަކުގެ ރެސްޓޯރަންޓްތައް ހުޅުވަން އިޓަލީގެ އެޗްއެމްއެސް ހޮސްޓް އިންޓަނޭޝަނަލްއާ އެކު އެމްއޭސީއެލް އިން ސޮއިކުރީ މިދިޔަ ޖެނުއަރީ 29 ގަ އެވެ.

އެޗްއެމްއެސް ހޮސްޓަކީ އެކި ގައުމުތަކުގެ އެއާޕޯޓްތަކާއި ހައިވޭތަކުގައި ކާބޯތަކެތި ވިއްކުމުގެ ހިދުމަތް ދިނުމުގައި މުޅި ދުނިޔެއަށް ވެސް މަޝްހޫރު ކުންފުންޏެކެވެ. އެގޮތުން ދުނިޔޭގެ 150 އެއާޕޯޓެއްގައި އެ ކުންފުނިން އަންނަނީ ކެފޭ، ރެސްޓޯރަންޓް ހިންގަމުންނެވެ.

އެމްއޭސީއެލްގެ އިސް އޮފިޝަލަކު ވިދާޅުވީ މިވަގުތު ހަތަރު ފްރެންޗައިސް ބްރޭންޑާއެކު އެ ބިލްޑިންގް ހުޅުވި ނަމަވެސް ފަހުން އެތަނުގައި މެލޭޝިއާގެ މަޝްހޫރު ސީކްރެޓް ރެސިޕީގެ ރެސްޓޯރަންޓެއް ވެސް ހުޅުވާ ގޮތަށް ހަަޖައްސާފައިވާ ކަމަށެވެ.

އެ އެއާޕޯޓަށް މީހުން އާއްމުކޮށް ފައިބާ ސަރަހައްދުގައި، އާ އެފްއެންޑްބީ އައުޓްލެޓުތަކެއް ހުޅުވަނީ ދެ ބުރިއަށް ހަދާފައިވާ ގާތްގަނޑަކަށް 14،000 އަކަފޫޓުގެ ބޮޑު އިމާރާތެއްގަ އެވެ. އެ އިމާރާތުގެ ތިރީގައި މާލެއާ ދެމެދު ދަތުރު ފެރީތަކަށް ހާއްސަ ޖެޓީތަކެއް ވެސް ހަދާފައިވެ އެވެ. ނަމަވެސް އެ ޖެޓީތައް ބޭނުންކުރަން ފަށާނެ ދުވަހެއް އެމްއޭސީއެލް އިން ނުބުނެ އެވެ.

އެއާޕޯޓުގައި ކޭއެފްސީ އާއި ޕިއްޒާ ހަޓް ހުޅުވާއިރު މާލޭގައި ވެސް ކޭއެފްސީ އާއި ޕިއްޒާ ހަޓްގެ އައުޓްލެޓްތަކެއް ލަންކާގެ ކުންފުންޏަކާ ދިވެހި ކުންފުންޏެއް ގުޅިގެން ދާދިފަހުން ހުޅުވާފައިވެ އެވެ.

ކެފޭ/ރެސްޓޯރެންޓް އެމްއޭސީއެލް އަވަސް ކާނާ ކޭއެފްސީ ޕިއްޒާ ހަޓް ވެލާނާ އިންޓަނޭޝަނަލް އެއާޕޯޓް

14 ކޮމެންޓް, 85 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏާދިހު

19 September 2018

ދުވާލަކު 300 އައްވުރެ ގިނައިން ލޯނޗުފަހަރު ވަންނަ އެއާޕޯޓު ފަޅުގަ ލޯންޗު ޕާކުކުރެވޭނެ ތަންތަނެއް ނުހަދާ މުޅިޖުމުލަ 9 ޖެޓީ ކިހެނެއް ވާނި ބޭރު ތޮށި ޖެޓީ ލާފަ ހަދާދީ ވަރައްނމއުދަގަޫ ވީމަ މި ބުނެލި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާހު

19 September 2018

ޢެމްްއޭސިީއެލް އައް މިހާރު މާލެ އަތޮލުގެ ރިސޯޓު ތައް ގިނަކަމުން ކަނޑު އުލަދު ވަރައްގިނަ ހެޔޮނުވާނެ ރަނގަަލު ފެންވަރަކައް ބޭރު ތޮށި ލޯނޗުފަހަރު އެޅޭގޮތައް ހަދާދީބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް

19 September 2018

ރަށްރަށުން އަންނަ އާދައިގެ ނިކަމެތިމީހުންނަށް ލުއި އަގެއްގައި ކާލެވޭނެ ތަނެއް ޑޮމެސްޓިކް އެއަރޕޯޓު ކައިރިން ބޭނުންވެއެވެ. މުއްސަނދީންނަށް ތަންތަން ހުރުން އެއީ މައްސަލަ އެއް ނޫނެވެ. ރަށްރަށުން ބޭސް ފަރުވާ އަށް އަންނަ އާދައިގެ މީހުންވެސް ގިނައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙްމް

19 September 2018

ހުޅުމާލެ ކުދިން ދެން ކޭއެފްސީ ކާން ދާނީ އެއާރޕޯޓަށް. ކޮސްޓާ ކޮފީ ސަޅި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންކަލޯ

19 September 2018

މި ފެންނަނީ އިކޮނމިިސްޓްގެ މޮޅުކަން.....ކުރިން މިތަނަށް ވިޔފާރިކުރަން އަންނާނެ ބަޔަކު ނުވެގެން ބިޒްނަސް ކުރާމީހުން ގެންނަން ޖެހުނީ ގަދަކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް

19 September 2018

ކޭ އެފް ސީ އާއި ޕިއްޒާ ހަޓް ފަދަ ތަންތަނުގެ އަޑިގަ އުޅެނީ ލަންކާ މީހުނާއި ސަރުކާރުގެ ބޮޑުންނެވެ. ހުރިހާ ފައިސާ އެއް ރާއްޖެއިން ބޭރަށާއި ބޮޑުންގެ ޖީބަށެވެ. ރައްޔިތުން އެތަންތަނުން ކައިފަ ފައިސާ ދައްކަން ވީއެވެ، ރާއްޖެ އަށް ޖަންކް ފުޑް އާއްމު ވެއްޖެއެވެ. އޭގެ ސަބަބުން ޖެހޭ ބޮޑެތި ބަލިތައް ވެސް ގިނަ ވެއްޖެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިއްލޭ

19 September 2018

ތި ބިލްޑިންގ އަސްލު ބޭކާރުވާނީ އާ އިންޓަރނޭޝަނަލް ޓާމިނަލް އެޅީމަ. އެއީ އޭރުން ޑޮމެސްޓިކް ޓާމިނަލް ބަދަލުވާނީ މިހާރު ބޭނުންކުރާ އިންޓަރނޭޝަނަލް ޓާމިނަލްއަށް ކަމަށްވާތީ. ޓާމިނަލް ތެރޭގަ ކާތަންތަން ހުރީމަ ބަޔަކުނުދާނެ ތިތަނަކަށް. ބޮޑަށް ލަފާކުރެވެނީ ތި ކޭއެފްސީ ތަންތަން އާ ޓާމިނަލްއަށް ބަދަލުކުރާނެ ކަމަށް. އޭރުން ތިބިލްޑިންގ ބޭކާރުވީ. (ޕްލޭން ނުކޮށް ކަންތައް ކުރަންޏާ ވާނީ އެހެން.)