ކެމްޕޭންގެ ފަހު ދަތުރުގައި އިބޫ އާއި ފައިސަލް ފުވައްމުލަކާއި އައްޑު އަށް

މި ހަފުތާގައި ކާށިދު އަށް ކުރެއްވި ދަތުރުގައި އިބޫ އާއި ފައިސަލް: ފުވައްމުލަކާއި އައްޑު އަކީ ކެމްޕޭންގެ އެންމެ ފަހު މަންޒިލް. --ފޮޓޯ: އެމްޑީޕީ

ފަޒީނާ އަހުމަދު، މިހާރު

19 ސެޕްޓެމްބަރ 2018 - 10:50

11 comments

އަންނަ އާދިއްތަ ދުވަހު އޮންނަ ރިޔާސީ އިންތިޚާބަށް އިދިކޮޅު ޕާޓީތަކުން ކުރާ ކެމްޕޭންގެ ފަހު މަންޒިލެއްގެ ގޮތުގައި، ރިޔާސީ ކެންޑިޑޭޓު އިބްރާހިމް މުހައްމަދު ސޯލިހް (އިބޫ) އާއި ފައިސަލް ނަސީމް ފުވައްމުލަކާއި އައްޑު އަށް މިއަދު ހަވީރު ވަޑައިގަންނަވާނެ އެވެ.

ރިޔާސީ ކެންޑިޑޭޓު ކަމުގެ ޓިކެޓާ ހަވާލުވެވަޑައިގެން، ދެ ބޭފުޅުންގެ ކެމްޕޭން މިދިޔަ ޖުލައި މަހުގެ 13 ގައި ފެއްޓެވީ ވެސް މި ދެ ސިޓީންނެވެ.

އިބޫ އާއި ފައިސަލް ފުވައްމުލަކަށް މިއަދު ވަޑައިގެން ސަޕޯޓަރުންނާ ބައްދަލުކުރައްވައި އެ ރަށުގައި މިރޭ ބާއްވާ ބޮޑު ޖަލްސާގައި ބައިވެރިވެވަޑައިގަންނަވާނެ އެވެ. މި ޖަލްސާގައި، އިންތިޚާބަށް އެކުގައި މަސައްކަތް ކުރާ އިދިކޮޅު ޕާޓީތަކުގެ އިސް ބޭފުޅުން ވެސް ބައިވެރިވެވަޑައިގަންނަވާނެ އެވެ.

އިބޫ އާއި ފައިސަލް އައްޑު އަށް ވަޑައިގަންނަވާނީ މާދަމާ އެވެ. އެ ރަށުގައި ވެސް ކެމްޕޭން ނިންމުމުގެ ޖަލްސާއެއް ބާއްވާނެ އެވެ.

ޅ. ނައިފަރުގައި ބޭއްވި ޖަލްސާގައި އިދިކޮޅު ޕާޓީތަކުގެ ސަޕޯޓަރުން ބައިވެރިވަނީ. --. ފޮޓޯ: އެމްޑީޕީ

އިދިކޮޅު ޕާޓީތަކުގެ ކެމްޕޭންގައި އިބޫ އާއި ފައިސަލް ވަނީ ރާއްޖޭގެ މީހުން ދިރިއުޅޭ 187 ރަށަށް ވަޑައިގެންފަ އެވެ. ދެ ބޭފުޅުންނަށް ރަށްތައް ބައްސަވާލައްވައިގެން ރައްޔިތުންނާ ބައްދަލުކުރަން ވަޑައިގަތްއިރު، ބައެއް ރަށްތަކަށް އެކުގައި ވެސް ވަޑައިގަތެވެ.

މި ކެމްޕޭންގައި އިބޫ ވަނީ، 153 ރަށަށް ވަޑައިގެންފަ އެވެ. އެއް ދުވަހުގެ ތެރޭގައި އެންމެ ގިނަ އަދަދަކަށް ވަޑައިގަތީ ނުވަ ރަށަށެވެ.

އިންތިޚާބުގެ ވޯޓަށް ކުޑަތަންވެފައިވުމާ އެކު އިދިކޮޅު ޕާޓީތަކާއި ވެރިކަން ކުރާ ޕީޕީއެމުން ވެސް އަންނަނީ ފޯރިގަދަ ހަރަކާތްތައް ބާއްވަމުންނެވެ. ދެބައި މީހުން ވެސް ތިބީ މި އިންތިޚާބު ކާމިޔާބު ވާނެ ކަމުގެ އުއްމީދުގަ އެވެ.

އެމްޑީޕީ ފުވައްމުލައް އައްޑޫ އިދިކޮޅު ފަރާތްތައް ރައީސް އިބްރާހިމް މުހައްމަދު ސޯލިހް ނައިބު ރައީސް ފައިސަލް ނަސީމް

11 ކޮމެންޓް, 170 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓަރުންގެ ސިޓީ / އައްޑޫ ސިޓީ

19 September 2018

ކޮޅުމަޑުލުންއައްޑުއަށް އަހަރުމެންނަކީ “ލާމަރުކަޒީ ބާރުވެރިކަންދީފިނަމަ” އަމިއްލަވަންތަކަމާއިއެކު އިޤްތިސޯދާއި، ތައުލީމާއި، ސިއްހަތާއި، ފަންނުވެރި މީހުންބިނާކުރެވޭނެ ހުރިހާވަސީލަތަކާއިޤާބިލްކަންލިބިވައިވާ ބައެއްކަން ﷲ މިންވަރުފުޅާއިއެކު 5 އަހަރުންދައްކާ ނަމޫނާބަޔަކަށް ވާނަން. . . ކޮޅުމަޑުލު، ހުވަދޫ، މުލައް އަދި އައްޑޫ އެއްބައެއްގެ ގޮތުގައި “ވަތަނީ ރޫޙުގައި” ކުރިއަރައިގެން ދިއުމަށް އަހަރުމެންނަށް “ލާމަރުކަޒީބާރުވެރިކަން” ނޫންއެއްޗެއް ބޭނުމެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއީ އައްޑޫގެ ތަރައްގީގެ ފަހަރު

19 September 2018

އައްޑޫ އޮތީ މިހަރު ތަރައްގީއަށް ޕާޓީފިކުރު ދޫކޮއްފަ ތަރައްގީ ބޭނުމީ އޭ380ބޯޓު ޖެއްސޭނީ އެވަރުގެ ރަންވޭއެ ގަންއެއާރޕޯޓުގަ އަޅައިގެން އެކަންކުރާނެ ކަމަށް ރައީސް ރޭގައެބަނީ އެވާހަކަ އަހަރެމެން ޔަގީންކުރަން ކުރާނެކަން. އައްޑޫ ބުރިޖުން ގުޅާލާނެކަން ރައީސްވަނީ ބުނެފަ އެކަން އަހަރެމެން ޔަގީންކޮއްފިން އެހެންވީމަ މިފަހަރު ޕާޓީފިކުރެ އެއްފަރާތް ކޮއްފަ ތަރައްގީގެ ބައިވެރިވާން އައްޑޫ ނިންމައިފި. ޖަޒީރާގަ ނުތިބެވިގެން އައްޑޫ މިހުރިހާދުވަހު ޝަކުވާކުރީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަހފގ

19 September 2018

ރޯމަހެއް ހެން ތެޅެން ފަށައިފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމަންކަލޯ

19 September 2018

ކަލޯމެން ބޭއްވި ޖަލްސާއަކީ އަސްލެއްނުން. އަދިވެސް ލަދުގަންނައްވީ ތަނެއްގައި މިހުންނައް މަލާމާތް ކިރެވޭތޯ ބަލާބަލަ..މަހިތައްއަރާ މިވެރިން ލަދުގަން ނާނީ ކީއްވީމައި ބާއޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްޓީ

19 September 2018

ރައީސް ޔާމީން އަށް މިސެޕްޓެމބާރ މަހު 23 ގަ ބާއްވާ އިންތިޙާބުން ފެއިލްވާނެކަމުގެ އަލާމާތަކީ އެމަނިކްފާނަކީ ރައްޔިތުންގެ ވޭނާއި އިޙްސާސް އެެއޮގަތަކަށްވެސް އެގިވަޑައިގަންނަވާ ބޭފުޅަކަށް ނުވާކަން! އިރާދަ ކުރެއްވިއްޔާ މިޤައުމުގެ ހުންގާނުގައި ކޮންމެބޭފުޅަކު ހުރި ކަމުގައި ވިޔަސް މިޤައުމުދާނީ ކުރިއަށް! ޔާމީންގެ ސަރުކާރަށް ނޫނެކޭ ބުނަންޖެހޭ! ޤަައުމަށް ހެޔޮއެދޭ ހުރިހާ ބޭފުޅުން ބަދަލަކަށް ވޯޓްދޭނެ ކަމާއި މެދު އެއްވެސް ޝައްކެތް ނެތް. އިންޝާ ﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޅަބެއްޔާ

19 September 2018

ވީޕީ ނަގާނީ އައްޑޫންނޭ ކިޔާފައި ދޯކާދީ، ކެންޕޭން މެނެޖަރގަޑުކަން ވެސް އެންމެފަހުން ނެގީއެއްނުން! ދެން ކޮންމެ ހެން އައްޑޫ އަށް އެމްޑީޕީ ކެންޑިޑޭޑޭޓް އަންނާނެކަމެއްނެތް! ތިކިޔާ ކޯލިޝަންގެ ކެންޑިޑޭޓަކީ ޤާނޫނަށް އެގޭއެއްޗެއްނޫން! އެހެންކިޔައިގެން ތިޔަ އުޅެނީ ރައްޔިތުންނަށް އޮޅުވާލަން! ކެތްމަދުވެފައި މިތިބީ ރޭގައި ޔާމީނު ބުނި އޭ380 ގެ ބޯޓުގައި އިރާދަފުޅުން ޔާމީނު ހޮވާފައި ސެލިބްރޭޝަންއަށް މާލެއަށްދާން ތައްޔާރުވެގެން! ޔާމީނު ބުނާކަމެއްވިއްޔާކުރާނެ