އަބްދުﷲ ސައީދާއި އަލީ ހަމީދަށް ކުރި ރިޝްވަތުގެ ދައުވާ ބާތިލްކޮށްފި

އަބްދުﷲ ސައީދާއި އަލީ ހަމީދު: އެ ދެ ބޭފުޅުންނަށް ކުރި ރިޝްވަތުގެ ދައުވާ މިއަދު ވަނީ ބާތިލް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

10 އޮކްޓޯބަރ 2018 - 17:50

ކުރީގެ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ކުރީގެ ފަނޑިޔާރު އަލީ ހަމީދުގެ މައްޗަށް ދައުލަތުން ކުރި ރިޝްވަތުގެ ދައުވާ ކްރިމިނަލް ކޯޓުން މިއަދު ބާތިލްކޮށްފި އެވެ.

މިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރާ ގުޅިގެން ހައްޔަރުކޮށް، އެކި ދައުވާތައް އުފުލާފައިވާ އަބްދުﷲ ސައީދާއި އަލީ ހަމީދަށް ރިޝްވަތުގެ ދައުވާ ދައުލަތުން ކުރީ އެ ދެ ބޭފުޅުންނާ ގުޅުން ހުރި ފަރާތްތަކަކުން މެލޭޝިއާ އިން ގަނެފައިވާ ފްލެޓްތަކަކަށް ވިލާ ކުންފުނިން ފައިސާ ދެއްކި ކަމަށް ބުނެ އެވެ. އެ މައްސަލައިގައި ކުރީގެ ޗީފް ޖުޑިޝަލް އެޑްމިނިސްޓްރޭޓާ ހަސަން ސައީދުގެ މައްޗަށް ވެސް ދައުލަތުން ކުރި އެވެ.

އަބްދުﷲ ސައީދާއި އަލީ ހަމީދުގެ އިތުރުން ހަސަން ސައީދަށް ކުރި އެ ދައުވާ ކްރިމިނަލް ކޯޓުން މިއަދު ބާތިލްކުރީ ހުށަހަޅާފައިވާ ހެކިތަކަށް މަދަނީ މިންގަނޑުން ބަލާއިރު އެ ދައުވާ ކުރިއަށް ގެންދެވެން ނެތުމުންނެވެ.

އެ ތިން ބޭފުޅުންނަށް ކުރި ދައުވާ ބާތިލް ކުރިއިރު، އެ ބޭފުޅުންނަށް ރިޝްވަތު ދިނުމުގެ ތުހުމަތުގައި ގާސިމް އިބްރާހިމްގެ ދަރިކަލުން ސިޔާދުގެ މައްޗަށް ކުރި ރިޝްވަތުގެ ދައުވާ ވެސް ކްރިމިނަލް ކޯޓުން މިއަދު ވަނީ ބާތިލްކޮށްފަ އެވެ. އެ ދައުވާ ވެސް ބާތިލްކުރީ އެ ތިން ބޭފުޅުންނަށް ރިޝްވަތު ދިނުމުގެ ގޮތުން، އެ ބޭފުޅުންނާ ގުޅުންހުރި ފަރާތްތަކުން ގަތް ފްލެޓްތަކަށް ވިލާއިން ފައިސާ ދެއްކި ކަން އެނގޭނެ ހެކި ދައުލަތުން ހުށަހަޅާފައި ނެތުމުންނެވެ.

އަބްދުﷲ ސައީދާއި އަލީ ހަމީދާއި ހަސަން ސައީދަށް ކުރި ރިޝްވަތުގެ ދައުވާ ބާތިލް ކުރިއިރު، އެ ބޭފުޅުން މިހާރު ވެސް ގެންދަވަނީ އެހެން މައްސަލަތަކެއްގައި ޖަލު ހުކުމް ތަންފީޒު ކުރަމުންނެވެ. އަބްދުﷲ ސައީދާއި އަލީ ހަމީދުގެ މައްޗަށް ދެ ދައުވާއެއް ސާބިތުވެ، ތިން އަހަރަށް ވުރެ ދިގު މުއްދަތުގެ ޖަލު ހުކުމެއް އައިސްފައިވާއިރު، ހަސަން ސައީދުގެ މައްޗަށް އެއް ދައުވާ ސާބިތުވެ ހަތަރު މަހާއި 24 ދުވަހުގެ ޖަލު ހުކުމެއް ވެސް ވަނީ އައިސްފަ އެވެ.

އަބްދުﷲ ސައީދާއި އަލީ ހަމީދުގެ މައްޗަށް ދައުލަތުން ޓެރަރިޒަމްގެ ދައުވާއެއް ވެސް ކުރެ އެވެ. އެކަމަކު އެ މައްސަލަ އަދި ނުނިމެ އެވެ.

ކުށްކުރުން ކްރިމިނަލް ކޯޓް ރިޝްވަތު ކުރީގެ ފަނޑިޔާރު އަލީ ހަމީދު ކުރީގެ އުއްތަމަ ފަނޑިޔާރު އަބްދުﷲ ސައީދު

10 ކޮމެންޓް, 107 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮލެޖް ބޯއީ

11 October 2018

ސުޕްރީމް ކޯޓު ފަނޑިޔާރުން ފެބްރުއަރީ 1 ގައި ކުރި އަމުރުގެ ބައިތައް ބަޔަކުން ދައުލަތުން އެދަނީ ތަންފީޒުކުރަމުން. މިހާރު އަދީބު ނޫން އެންމެންހެން ދޫކޮށްފި. ސުޕްރީމް ކޯޓުގެ އަމުރަކީ ރިޝްވަތު ނަގައިގެން ކުރިކަމަކަށް ސަރުކާރުން ބުނެ ފަނޑިޔާރުން ޖަލަށްލި. އެނދު ދަށުން ޑޮލަރު ދެއްކި. ފްލެޓު ގަތް ކިތާބީ ފޮރެންސިކް ހެކިދެއްކި. އެކަމަކު ދައުވާގެ ހެކި ބާތިލުވެއްޖެ. ފަނޑިޔާރުން ދެކެ ރުޅިއައިސްގެން ނުހައްގުން މަގާމު ގެއްލުވާލާ ބެންޗު ބަދަލުކުރަން ޖަލަށްލީ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

11 October 2018

ތިޔަހެން ވިއްޔާ މި ދެ ބޭފުޅުން ސުޕްރީމް ކޯޓުން ނެރެގެން ގެންދަން އަމުރުކުރި ބަޔަކާ، އެއަމުރު ތަންފީޒުކުރި ބަޔަކު އެތިބީ ކުއްވެރި ވެފައި ބާ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފާ ކްލޭން

10 October 2018

ދެން ކޮބާ ތި ދައުވާ ގައި ހިމެނޭ ޢެންމެން އެތައް ދުވަހަކަށް ޖަލުގަ ތަޅުވާ އެމީހުންނަށް ލިބުނު ދެރައާޢީ އަބުރަށް ހުތުރުވުން. ސަރުކާޜާށް މި ކަންކަމަށް ބަދަލު ދެވޭނެތޯ. ވަކިމީޙެއްގެ ފައިދާ އަށް ނުހައްޤުން ބަޔަކަށް ކިހާ ބޮޑު ދެރައެއް އެ ލިބުނީ.