ހުޅުމާލެއިން ވިއްކާ ގޯތި ގަންނަން ހައުސިން މިނިސްޓްރީގައި ކިއު ހަދާލާފައި.--ފޮޓޯ: ހުސެއިން ވަހީދު/ މިހާރު
11 އޮކްޓޯބަރ 2018 - 17:07
36 comments
ހުޅުމާލޭގެ ދެ ވަނަ ފިޔަވަހިން ގޯތި ވިއްކުމާ ދެކޮޅަށް، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ 169 މުވައްޒަފަކު ޕެޓިޝަނެއްގައި ސޮއިކޮށްފި އެވެ.
އެ ކުންފުނީގެ ބައެއް ވެރިން ވެސް ސޮއިކޮށްފައިވާ ޕެޓިޝަނުގައި މައިގަނޑު 19 ކަންބޮޑުވުމެއް ފާހަގަކޮށްފައިވެ އެވެ. އެޗްޑީސީގެ މުވައްޒަފުން ބުނީ، ހައުސިން މިނިސްޓްރީން މިހާރު ހަމަޖައްސާފައިވާ ގޮތަށް ގޯތި ވިއްކައިފިނަމަ އެ ކުންފުންޏަށް މާލީ ގޮތުން ގެއްލުންވާނެ ކަމަށެވެ.
ހައުސިން މިނިސްޓްރީން ވަނީ ހުޅުމާލޭގެ ދެ ވަނަ ފިޔަވަހިން 400 ގޯތި ވިއްކަން ނިންމައިފަ އެވެ. އެއީ 400،000 ރުފިޔާގެ މަގުން 1،000 އަކަފޫޓުގެ 400 ގޯއްޗެވެ. ނަމަވެސް އެޗްޑީސީގެ މުވައްޒަފުން ހެދި ޕެޓިޝަންގައި ބުނީ އެ އަގަކީ، ބިމުގެ އަގަށްވުރެ މާ ކުޑަ އަގެއް ކަމަށެވެ. އެ އަގުގައި ބިން ވިއްކުން ކުރިއަށްގެންގޮސްފި ނަމަ ކުންފުންޏަށް މާލީގޮތުން ބޮޑު ގެއްލުމަކާ ކުރިމަތިލާންޖެހޭނެ ކަމަށް ވެސް ބުންޏެވެ.
ހުޅުމާލެ އަކީ ވަރަށް ތަފްސީލުކޮށް ބޮޑު ޕްލޭނަކާއެކު ތަރައްގީކުރަމުން އަންނަ ރަށެއް ކަމަށާއި އެއްވެސް ޕްލޭނެއް ނެތި އަދި މާސްޓަ ޕްލޭނުގައި ކަނޑައަޅާފައިނުވާ 1000 އަކަފޫޓުގެ 400 ގޯތި ދޫކުރެވުމަކީ މުޅި ދެ ވަނަ ފިޔަވަހީީގެ އިިތުރުން ހުޅުމާލޭގެ ތަރައްގީގެ ޕްލޭން މުޅިން ބަދަލުވެގެންދާނެ ކަމެއް ކަން ފާހަގަކުރި އެވެ. އެ ކުންފުންޏަށް ކުރިއަށް އޮތް ތަނުގައި ލިބެންޖެހޭ އާމްދަނީ އެތައް ގުނައަކުން ދަށްވެ އޭގެ ނޭދެވޭ އަސަރު މާލީ ގޮތުން ކުންފުންޏަށް ކުރާނެ ކަމަށް ވެސް ޕެޓިޝަނުގައި ބުންޏެވެ.
"އެހެންކަމުން މަތީގައިވާ ކަންތައްތަކަށް ބެލުމަށްފަހު، ހުޅުމާލޭ ދެވަނަ ފިޔަވަހިން ވިއްކުމަށް ހަމަޖެހިފައިވާ ގޯތިތަކުގެ ހަމަ އަގު ކުންފުންޏަށް ލިބުމަކީ ވަރަށް މުހިއްމު ކަމެކެވެ. އަދި އެކަމަކީ މާކެޓީންއަށާއި ކަސްޓަމަރުންނަށް ވެސް އިތުރު ވަގުތު ވެސް ބޭނުންވާނެ ކަމަކަށްވާތީ މިކަން އަވަސް ގޮތަކަށް ނިންމުމުގެ ބަދަލުގައި މިކަމުން ނިކުންނާނެ ނަތީޖާއަށާއި ގެއްލުންތަކަށް ނުވިސްނައިފި ނަމަ މި ކުންފުންޏަށް އިއާދަނުކުރެވޭނެ ގެއްލުންތަކެއް ލިބޭނެކަމަށް ދެކެމެވެ،" ޕެޓިޝަންގައި ބުންޏެވެ.
ގޯތި ވިއްކުމާ ދެކޮޅަށް އެޗްޑީސީގެ މުވައްޒަފުންތަކެއް ޕެޓިޝަނެއް ހެދިިއިރު، ހައުސިން މިނިސްޓްރީން ވަނީ ގޯތި ވިއްކިމާ ގުޅުންހުރި މަސައްކަތްތައް އެޗްޑީސީއާ ހަވާލުކޮށްފަ އެވެ. ނަމަވެސް އެ ކުންފުނިން މިހާތަނަށް އެކަމާ ބެހޭގޮތުން ވާހަކައެއް ނުދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްމަނާސިކް
12 October 2018
ޔާނު ހާދަ ގަދައޭ، އެއްބަޔަކު ނެރެގެން ބަހަމުންދާއެއްޗެއް އަނެއްބަޔަކު ނެރެގެން މި ހުއްޓުވަނީ، މަގުސަދަކީ ވޯޓު ނުދިނީތީ ގަނަ ތަޅުވާ އަދަބު ދިނުން، ގޯއްޗެއްވެސް ނޫން މީނަ ދޭނީ،
ގޯތި ބޭނުން
11 October 2018
ކަލޭމެންނާ ކޮންބެހޭ ކަމެއް؟ ތީ މާދަމާވެސް ވަޒީފާއިން ވަކިކޮށްފިނަމަ ދެއަތްތަޅާލާފައި ދާންޖެހޭ ބައެއް! ނަމަ ނަމަ އާދައިގެމީހަކަށް ފައިދާހުރިކަމެއް ވިޔަނުދޭތި!
އެންމެވެސްބޭނުން
12 October 2018
ތިބުނާ އާދައިގެ މީހާއަށް ތިތަން ލިބޭނަމަ އެއްވެސް މައްސަލައެއްނެތް. މައްސަލަޔަކީ އަދައިގެމީހާގެނަމުގަ މިނިސްޓަރ ލިސްޓަށް ގޯތީލިބޭތީ
Ahusan
11 October 2018
އެޗްޑީސީ މުއަޒަފުންނަށް ފްލެޓް ދޭން އަމީން ކޮންސްޓަރަކްޝަނާ ހަވާލު ކޮއްގެން އެބަ ހަދާ 15000 އަކަފޫޓްގެ 14 ބުރިގެ 4 އިމާރާތް ،އަދި ޕޮރޮޖެޓް، ބިން ކުޔަށްދީ ވިއްކައިގެން ވެސް އެބައި މީހުންނަށް ނުސީދާ މަންފާ ލިބޭ ގޮތަށް މިކަން އޮންނަނީ. މިފަހަރު ގުރުއަތުން ބިން ކޮޅު އާދައިގެ ރައިޔަތު މީހާ ލިބޭ ގޮތަށް ނިއްމުމުން ހަޖަމް ނުވެ.
ހުސޭނުބޭ
11 October 2018
މާސްޓަރ ޕްލޭންގައި ރެޑްވޭވްއަށް ތިޔަ ބުނާ ނުއަގުގައި ކިތައް ބިން ދޭން އެބައޮތް ހެއްޔެވެ? ކިތައް ފިހާރަޢާއި, ގުދަނާއި, ރެސްޓޯރަންޓާއި, ފެކްޓަރީއަޅަން ބިން ނުއަގުގައި ދީފިން ހެއްޔެވެ? ނިކަމެތި ރައްޔިތުންނަށް ބިންކޮޅެއް ދޭންވީމާ ބޮޑެތި ޕެޓިޝަން ހަދައިގެން ފޮރުއްޕާކަށް ނެތެވެ. ކުންފުނި މިހާރު ތިޔަ އޮތީ ބަނގުރޫޓް ނުވެހެއްޔެވެ?
ފޫހި
11 October 2018
ބިންވިއްކުން އޯކޭ އެކަމަކު ހައުސިން މިނިސްޓްރީގެ ނިޔަތެއް ރަނގަޅެއްނޫން. ތިޔަ ހަތަރުސަތޭކަ ގޯތިވިއްކިއަސް ދަތިހާލުގައި އުޅޭ އެންމެންނަށް އުފާވެރިކަމެއް ނުދެވޭނެ. ވިއްކަންޏާ ބިމެއްނެތް ކޮންމެ އާއިލާއަކަށް މަންމަ ބައްޕަ ދަރިން ހިމެނޭގޮތުން އެއްބިން ދީބަލަ. އޭރުން ތަފާތުނުކުރެވޭނީ. އެހެންނޫނީ. ތިޔަ ނަސީބުން ބިންލިބޭމީހުން މުއްސަދިވާނެ.
މުރާސިލް
11 October 2018
މީ ސިޔާސީ ވޯޓެއް ނޫނެވެ. ހުޅުމާލެއިން ގޯތި ވިއްކަން ފެނޭތޯ ނުވަތަ ނޫންތޯ އެޗްޑީސީގެ މުއައްޒަފުން ޕެޓިޝަން ހަދާކަށް ނުޖެހެއެެވެ. ފެންވަރު އޮޅިގެން ނޫޅޭށެވެ.
ނހރއޕނ
11 October 2018
މާސްޓަރ ޕުލޭން އަކީ މުއްސަނދީންނަށް ބިން ވިއްކައިގެން ފުލެޓުއަޅާފަ ރައްޔިތުން ފެލައިގެން ލާރި ހޯދުން.
އަހްމަދުބޭ
11 October 2018
ބަލަރާއްޖެތެރޭގެ ރަށްރަށުގަވެސް ބިންހިއްކަނީ ރައްޔިތުނގެލާރީގަ ކީއްވެބާ އެބިންތައް ބޮޑުއަގުގަނުވިއްކައި ހިލޭދޫކުރަނީ މާލޭމީހުންނަށް ބޮޑުއަގުގަ ބިންވިއްކަންޖެހޭސަބަބެއް މާލޭގެރައްޔިތުންނަށް ސާފުކޮށްދޭންއެބަޖެހޭ
ދަފްތަރު
11 October 2018
ނޭގެ އަދި މިއޮއް ދަފުތަރެއް މިކަމާއި ހެދި މާލޭ ރައްޔިތަކަށް ބިންކޮޅެއް ލިބެނީކީއެއް ނޫނޭ، މި ދަފުތަރު މީހުންނަށް އެމީހެއްގެ ރަށުންވެސް ހިލޭ ގޯތި ލިބޭ، އެކަމަކު މާލޭ މީހަކަށް ރާއްޖެތެރެއިން ރަށަކުންވެސް ބިމެއް ލިބެނީކީއެއްނޫން. އަސްލު މިޢީ އެއްގާގަޑުން ދެ ދޫނިމަރާލީ، މާލޭ ރައްޔިތުން ޔާމީނަށް ވޯޓު ނުދިނީމަ ގަނަތަޅުވަނީ، ދެން ހާބަރު ކަޑައަށް ވިޔަފާރި ނުވާތީ އެކަން ހަމަޖައްސާލީ.
ބލވރކމ
11 October 2018
އެޗްޑީސީ މުވައްޒަފުންނަށް ފުރަތަމަ ހެދި ފުލެޓުތަކުން ފުލެޓު ބެހިއިރު ވަރަށް ފައިދާވި އެހެންނޫންތޯ؟ މާދަމާ ވެސް އަކަފޫޓެއް 100 ރުފިޔާއަށް އެޗްޑީސީ މުވައްޒަފުންނަށް ވިއްކާގޮތަށް ހެދީމަ ރަނގަޅު ވާނެ. އޭރުން މާލީގޮތުން ދެކޮޅު ކީއްތޯ ހަތަރުކޮޅުވެސް ޖެހޭނެ.
އެލްނީނޯ
11 October 2018
ހުޅުމާލެ އަކީ ދިވެހި ހުރިހާ ރައްޔިތުންގެ އުއްމީދާއި ގުޅިފައިވާ ސިޓީއެއް. ރައްޔިތުންގެ ލާރިން ހިއްކާފައިވާ ބިމުން 400 ގޯތި ވަކިބަޔަކަށް ދިނުމާއިއަހަރެން ދެކޮޅު. ހަމައެކަނި މާލޭ ރައްޔިތުންނާއި ދަފްތަރުގައި ޖެހިފައިވާ މީހުންނަށް ހުޅުމާލެއިން ނުއަގުގައި ބިން ވިއްކައި، ހުޅުމާލޭގެ ބިން ހުސްކޮށްލުމަކީ ރާއްޖެތެރޭ ރައްޔިތުން ނިކަމެތިކޮށް، ކުލީގެ އަޅުންގޮތުގައި ހަދަން ހިންގާ ބޮޑު ޖަރީމާއެއް. މިކަން ހުއްޓާލުމަށް ސަރުކާރަށް މިހާރުން މިހާރަށް ގޮވާލަން.
ސިދުގީ
11 October 2018
އެލްނީނޯ ތިހުރީ ކެޓްރީނާ އަރާައެއްނުންދޯ!ރައްޔިތުންގެ ލާރިންހިއްކާފަ ރައްޔިތުންނައް ދެނީވެސް.ގައުމުގެ ހުރިހާ ރައްޔިތުންނަކައް ނުދެވޭނެކަން ކުޑަކުއްޖަކަސްވެސް އިނގޭނެ، ދެން ރައްރަށުގަދިރި އުޅޭ ދިވެހިރައްޔިރުންނައް ކޮންއަގެއްގަދޭތީތޯ އެބޭފުޅުން އެނަންގަވަނީ؟އެހެންނޫނީ ތިދެކެނީ މާލޭ ރައްވެހިންނަކީ ފަނިފަކުސާކަމައްތަ؟ހަމަހޭގަހުންނަވާ.ވަރައް ސަލާން
ޖަލީލު
12 October 2018
ބަލަގަ ތިޔަބުނާ ދަފުތަރުގަ ތިބީ ތިޔަބުނާ ރާއްޖެ ތެރޭ މީހުން، މާލޭގެ ރައްޔިތުންނެއް ނޫން، ރައްރަށުގެރައްޔިތުން ނަށް 4000 އަކަފޫޓްއިން ލިބިފައިހުރި ބިންތައް ފަޅުކޮށްފައި މާލޭއައިސް ތިބެންވަނީ މާލޭ މީހުންގެ ހައްގު ކޮބާ، މިހާރުން މިހާރަށް ދަފްތަރު އޮވާލަން ގޮވާލަން