17 އޮކްޓޯބަރ 2018 - 20:29
24 comments
ރައީސް އަބްދުﷲ ޔާމީނަށް ރިޔާސީ އިންތިޚާބު ކާމިޔާބުކޮށް ދިނުމަށް ކުރި ކެމްޕޭނަށް، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ހުޅުމާލޭ މަގުތަކުގައި ޕީޕީއެމްގެ ދިދަ އާއި ބެނާ ދެމުމަށް ޖެހި ހޮޅިތައް ހުޅުމާލެއިން ބޭރު ކުރަން އުޅެނިކޮށް މިއަދު ފުލުހުން އެކަން ހުއްޓުވައިފި އެވެ.
ފުލުހުންގެ މީޑިއާ އޮފިޝަލް ވިދާޅުވީ އެޗްޑީސީގެ ހޮޅިތަކެއް ދޯންޏަކަށް އަރުވައިގެން ގެންދަން އުޅޭ ކަމުގެ މައުލޫމާތު ލިބުމާ ގުޅިގެން އެކަން ހުއްޓުވައި ތަހުގީގު ކުރަމުން އަންނަ ކަމަށެވެ. އިތުރު ތަފްސީލެއް ނުދެއްވަ އެވެ.
ސޯޝަލް މީޑިއާގައި އާއްމުވެފައިވާ ފޮޓޯތަކުން ފެންނަގޮތުގައި ފުލުހުން އެކަން ހުއްޓުވިއިރު ހުޅުމާލޭގައި އެފްއެސްއެމްއިން ހިންގާ ޕެޓްރޯލް ޝެޑާ ދިމާލު ބަނދަރަށް ގިނަ އަދަދެއްގެ ހޮޅި ޖަމާކޮށްފައި ހުއްޓެވެ. އަދި މުދާ އުފުލާ ދޯންޏަކަށް ބައެއް ހޮޅި ހުރީ އަރުވާފަ އެވެ.
އެޗްޑީސީގެ ހޮޅިތަކެއް ހުޅުމާލެއިން ބޭރު ކުރަނިކޮށް ހުއްޓުވާފައި-- ޓްވިޓާ ފޮޓޯ: ނިޝާރު އިބްރާހިމް
އެ ކަމާ ގުޅިގެން އެޗްޑީސީގެ ބަހެއް ވަނީ ލިބޭގޮތްނުވެފަ އެވެ. އެހެންކަމުން އެ ހޮޅިތައް ގެންދަނީ ކޮންތާކަށް ކަމެއް ނޭނގެ އެވެ.
ރައީސް ޔާމީންގެ ކެމްޕެއިނަށް ގަވައިދާ ހިލާފަށް އެޗްޑީސީން މިލިއަނުން ހަރަދު ކުރިކަން ވަނީ ފަޅާ އަރާފަ އެވެ. އެމައްސަލަ އޭސީސީ އާއި އެޗްޑީސީން ބަލަން ފަށާފައިވަނިކޮށް ހެކިތައް ނައްތާލުމަށް މަސައްކަތް ކުރާކަމަށް މިއަދު ވަނީ އަޑުފެތުރިފަ އެވެ.
އެ ކުންފުންޏަށް ލިބިފައިވާ މާލީ ގެއްލުމުގެ ސަބަބުން ހުޅުމާލެއިން 1،000 އަކަފޫޓުގެ 400 ގޯއްޗެއް ވިއްކުމަށް ވަނީ ނިންމާފަ އެވެ.
ރައީސް ޔާމީންގެ ކެމްޕޭންގައި، ހުޅުމާލޭގައި މައި ޖަގަހައެއްގެ ގޮތުގައި އެޗްޑީސީން އިމާރާތް ކުރަމުން އަންނަ ޕްރީ ސްކޫލް ބޭނުން ކޮށްފައިވާ އިރު، މިލިއަނުން ފައިސާ ހޭދަކުރި ކަން ވެސް އެ ކުންފުނީގެ ލިޔެކިޔުންތަކުން ވަނީ ފަޅާއަރައިފަ އެވެ. ސިޔާސީ ޕާޓީއެއްގެ ހަރަކާތްތަކަށް، ނުވަތަ ކެންޑިޑޭޓެއްގެ ކެމްޕޭނަށް ވިޔަސް ދައުލަތުގެ ބަޖެޓުން ހޭދަކޮށް، މުދަލާއި ވަސީލަތްތައް ބޭނުން ކުރުމަކީ ކޮރަޕްޝަންގެ އަމަލެކެވެ. މިދިޔަ މަހު 23 ގައި ބޭއްވި ރިޔާސީ އިންތިޚާބުގެ ކެމްޕޭންގައި ރައީސް ޔާމީނަށް ތާއީދު ހޯދަން، އެޗްޑީސީގެ ވަސީލަތްތައް ބޭނުންކުރުމުގެ އިތުރުން މުވައްޒަފުން ލައްވައި ވެސް ވަނީ މަސައްކަތް ކުރުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
18 October 2018
އަޅެ ތިޔަ ހޮޅިކޮޅު ހެޔޮ އަގެއްގައި މަށައް ވިއްކާލަ ދީބަލަ
މަޒް
18 October 2018
ހުޅުމީދޫގައި ވެސް 400 ވަރަކަށް ހޮޅި ޖަހަފަ ހުރި.
ރިޔާސީ ނީލަން
18 October 2018
ބޮޑެތި ގިނަ ރަށްރަށުގަ ތިކަން ހުރީ ތިހެން.
އުނބުށެން
18 October 2018
މުޅި ހުޅުމާލެއާއި ރާއްޖޭގެ އެކި ކަންކޮޅުތަކުގައި ޖެހި ތިކަހަލަ ހޮޅީގެ ޢަދަދަށް ބަލާއިރު ތިޔައީ ހީވަނީ އެންމެ މީހެއްގެ އަތުގައި ހޭކިލީ އެތިކޮޅެއް ހެންނެވެ. އެކިމީހުން އެކިދިމާލުން ދަމައި ކައި މިހާރުވާނީ ބޮޑުބައި ހުސްކޮށްފައެވެ.
ސަޓޯ ދި ރޮޑިރިގޯ
18 October 2018
މިގައުމްގެސަލާމަތާއި ރައްޔިތުންގެ ސަލާމަތާއި ގައުމުގ މުދަލާއި ފައިސާއާއި މިހުރިހާކަމެއްކުރުމަށް މާތްﷲ ގަންދީ ހުވާކޮއްގެންތިބިސިފައިންނާއި ފުލުހުންކޮބާތޯ؟ގައުމްދެކެލޯބިވާ އަދި ކުރިހުވާމަތީގަތިބިނަމަ މިހާރުންމިހާރަށް ޔާމީނު ހިފާހައްޔަރުކުރީސް
ކުލުނުޖ
18 October 2018
ޔާމީނަކީ އިހުލާސްތެރިއެއް އެޗް ޑީ ސީން ކަރަދުކުރިކަމެއް ޔާމީނަކަށް ނޭގެ
ބަޑިތަކުރު
18 October 2018
އެހެންވިއްޔާ އެތާނގެ ބޮޑަކަށް ހުރި ސައިމަން އެންމެފަހު ވަގުތު ބަދަލުކުރީ ކާކު ހެއްޔެވެ. ކުރިން ހުރި މީހާލައްވާ ނުކުރެވޭނެ ކަންކަން ކުރަން އިލެކްޝަންނާއި އެޗްޑީސީ ފަދަ ތަންތަނުގެ އެންމެ އިސްވެރިޔާ ބަދަލުކުރިކަން ނުދަންނަ މީހަކު އުޅޭހެއްޔެވެ. އެހެންވިއްޔާ އަބުދުﷲ ޤާޟީ ހައްޔަރުކުރިކަން އަންނިއަކަށްވެސް ނޭނގޭނެއެވެ.
ކުޑަކަތީބު
18 October 2018
އެއް ކޮންޓެއިނާ ބޭރުކޮށްލާފަ އަނެއް ކޮންޓެއިނާ ބަލާ މިއަދު އެބަ އާދެޔޯ!
ލޯޔަލް މެންކު / ޗެނަލް ސާދަ
18 October 2018
މިނޫންހަމަ އެއްކަމެއްނެތް. ދެންމިކިޔަނި ތިމަންގެބަލިފަޔަކީ މީހުންގެސިކުނޑި ދަސްނުވުމޭ. ބަލަދަސްކުރަން އުޅުނީއެހެންކަމެކޭ. އެކަން ނިކަންރަނގަޅަށް ދަސްވެފަހުރިކަން މިހިރައެނގެނި.
ށިޔަތު
18 October 2018
އަނެއްކާ މަބުނަންޖެހޭނެދޯ ތި ހޮޅިވާހަކަވެސްބަލަންއަންގިލަމުންނޭ މިގެންދަނީ
އަހުސަން
18 October 2018
ވަޒީފާގައިތިބެ ތަން އިސްލާހުނުކޮށް މަގުމަތިން ނުވަތަ ކޯޓަކުން އިސްލާހު ނުކުރެވޭނެ. ހުޅުމާލޭގައި ތިބި އެމްޑީޕީ ކުދިންވެސް މާބޮޑަށް ކަންތަށް ބޮޑުކުރަނީ އެޗްޑީސީ ދަވާލަން އެކުދިންވެސް ބޭނުންވާތީ ކުރިޔަށް އޮތްތާގައި މަގާމް ހޯދަން. ދެރަ ކަމަކީ އެމްޑީޕީ އަށް ނިސްބަތްވާ އެއްވެސް މީހަކު އަތުގައި ގްރޭޑް 7 އިން ފާސްވި ކަރުދާސްކޮޅުވެސް ނެތް.
ަވަންނާށި އަފީފު
18 October 2018
މަނިކުފާނުގެ ބައްޕާފުޅު އަތުގައިވެސް 7 ގެ ފާސް ނެތް!
އަހަންމަދާ
18 October 2018
ތިޔަ ބުނާ މޮޅު ފާސް ނަގައިގެން ތިބި މީހުން ކަންކުރިގޮތް އެއޮތީ ފެންނަށް ދެން ކިހިނެ ހަދާނީ. ފާސް ނެތް އިހްލާސްތެރިއެއް މާ ރަނގަޅޭ މޮޅު ފާސް އޮތް ވަގަކަށް ވުރެ އެހެންނޫންތޯ.
މިކިޔަނީ
17 October 2018
ހުއްޓާނުލާ މިކިޔަނީ މިވާހަކައެވެ. ތިޔަ ތަނުގައި ވަގުތުން ހައްޔަރު ކުރަން ޖެހޭ ބަޔަކު އެބަތިއްބެވެ. ނޫންނަމަ, އިޔާދަ ނުކުރޭވަރުގެ ގެއްލުމެއް ލިބޭނެއެވެ. އޯޑިޓްވެސް ކުރުމުގެ ކުރިން ފުރަތަމަ ޖެހީ ނޫހުގައެވެ. ކޯޓް އަމުރުތައް ފިލީ ހެއްޔެވެ? ގައުމުގެ ހަރުމުދާތައް ބަޔަކު ހަފުސް ކުރަމުން އެކިތަަންތަނުގައި ދަނީއެވެ. އަޅާނުލާ ތިއްބަވަނީތޯއެވެ?