ބްރިޖް ހެދި ޗައިނާ މީހުން މިޔަރު ބޭނި ކަމަށް ބުނާ މައްސަލަ އެ ކުންފުނިން ބަލަނީ

ސީސީސީސީ މުވައްޒަފުން ދިރިއުޅޭ ކުއާޓަރުގައި މިޔަރުގެ ބައިތަކެއް ހިއްކަން އަޅާފައި: ރާއްޖޭގެ ކަނޑުގެ ދިރުންތަކަށް ގެއްލުން ލިބޭނެ އެއްވެސް ކަމެއް ބަލައިނުގަންނާނެ ކަމަށް އެ ކުންފުނިން ބުނޭ -- މިހާރު ފައިލް ފޮޓޯ

ހަސަން މުހައްމަދު، މިހާރު

22 އޮކްޓޯބަރ 2018 - 13:22

14 comments

ސިނަމާލޭ ބްރިޖު ހެދި ޗައިނާ ކޮމިނިއުކޭޝަން އެންޑް ކޮންސްޓްރަކްޝަން ކޮމްޕެނީ (ސީސީސީސީ)ގެ މުވައްޒަފުން، އެ ސަރަހައްދުން މިޔަރު ބޭނި ކަމަށް ބުނާ މައްސަލައެއް އެ ކުންފުނިން ތަހުގީގު ކުރަން ފަށައިފި އެވެ.

ސީސީސީސީގެ މުވައްޒަފުންތަކެއް މިޔަރު އުރަހަ އަދި މިޔަރުގެ ބައެއް ބައިތައް އެ މީހުން ދިރިއުޅޭ ކުއާޓަރުގައި އަވީލާފައި ހުރި ފޮޓޯތަކެއް ސޯޝަލް މީޑިއާގައި ވަނީ އާންމުވެފަ އެވެ.

ސީސީސީސީގެ އޮޕަރޭޓިން މެނޭޖަރު ވަންގް ޗާއޯ މިއަދު ނެރުއްވި ބަޔާނެއްގައި އެކަމާ ގުޅޭ ގޮތުން ވިދާޅުވެފައި ވަނީ އެ މައްސަލަ މިހާރު އެ ކުންފުނިން ތަހުގީގު ކުރަން ފަށާފައިވާ ކަމަށެވެ.

"މި ކުންފުނީގެ ބައެއް މުވައްޒަފުން މިޔަރު ބާނާފައިވާ ކަމަށް ސޯޝަލް މީޑިއާގައި ދެކެވޭ ވާހަކަތައް މިހާރު މި އަންނަނީ ތަހުގީގު ކުރަމުން،" އޭނާ ވިދާޅުވެފައިވެ އެވެ.

ރާއްޖޭގެ ގާނޫނުތަކަށް އެ ކުންފުނީގެ މުވައްޒަފުން އަހުލުވެރި ކުރުމުގެ މަސައްކަތްތަކެއް ކުރިއަށް ގެންދާ ކަމަށް ވެސް ވަންގް ޗާއޯ ވިދާޅުވެފައިވެ އެވެ.

"މިޔަރު ބޭނުމަކީ ރާއްޖޭގެ ގާނޫނުތަކުން މަނާ ކަމެއްކަން، ބްރިޖުގައި މަސައްކަތް ކުރާ ހުރިހާ މުވައްޒަފުންނަށް ވެސް މިހާރު އަޅުގަނޑުމެން ވާނީ އަންގާފައި. އަދި ރާއްޖޭގެ ގާނޫނުތަކަށް އަޅުގަނޑުމެންގެ މުވައްޒަފުން އަހުލުވެރި ކުރުވުމުގެ މަސައްކަތްތައް ކުރިއަށް ގެންދާނެ ވާހަކަ ވެސް ދަންނަވަން،" އެ ބަޔާނުގައިވެ އެވެ.

ރާއްޖޭގެ ކަނޑުގެ ދިރުންތަކަށް ގެއްލުންވާނެ ފަދަ އެއްވެސް ކަމަކަށް ސީސީސީސީ އިން އެއްބާރުލުން ނުދޭނެ ކަމަށާއި އެފަދަ ކަމެއް ބަލައިނުގަންނާނެ ކަމަށް ވެސް ވަންގް ޗާއޯ ވިދާޅުވެފައިވެ އެވެ.

"ރާއްޖޭގެ ގުދުރަތީ ރީތިކަމަށް ދުނިޔޭގެ އެންމެންގެ ތައުރީފު ވެސް ލިބޭ. ރާއްޖޭގެ ކަނޑުގައި ރީތި މުރަކައިގެ އިތުރުން މިޔަރާއި ކޯމަހާއި ވެލާ އުޅޭ. މި ތަކެތި ހަލާކުވާނެ ފަދަ ނުވަތަ މި ތަކެއްޗަށް ގެއްލުންވެދާނެ ފަދަ އެއްވެސް ކަމެއް މި ކުންފުނިން ބަލައެއް ނުގަންނާނެ،" އޭނާ ވިދާޅުވެފައިވެ އެވެ.

ސީސީސީސީ މުވައްޒަފުން ދިރިއުޅޭ ކުއާޓަރުގައި މިޔަރުގެ ބައިތަކެއް އަވީލާފައި ހުރި ފޮޓޯތައް ސޯޝަލް މީޑިއާގައި އާންމުވެފައި ވަނީ މިދިޔަ ބުރާސްފަތި ދުވަހެވެ. އެއާއެކު އެ މައްސަލަ ތަހުގީގު ކުރުމަށް ގިނަ ބަޔަކު ވަނީ ސަރުކާރަށް ގޮވާލައިފަ އެވެ.

މިޔަރު ސީސީސީސީ ސެކަންޑް ހާބަ އިންޖިނިއަރިން ޗައިނާ ރާއްޖެ-ޗައިނާ ތިމާވެށި

14 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދާމޫ

23 October 2018

މިހާރު ވެއްޖެ ކޮންމެވެސް ގޮތަކުން ދިވެހިން ނިކުމެވެސް ތި މިޔަރުތައް ކޮންޓްރޯލް ކުރަން ! މޫދުން އެހެން ވައްތަރެއްގެ މަހެއް ބޭނުމަކީ ދަތިކަމަކަށް ވެއްޖެ! އެ ސިޔާސަތު ރިވައިޒް ކޮށްގެންވެސް ތި މިޔަރުތައް ކޮންޓްރޯލް ކުރަންވެއްޖެ! ބޯވާދިލަމަހެއް ބުޅީގައި ގަތަސް މިޔަރެއް ނޫނީ ނަގާކަށް ލާހިކެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުނާނާ

23 October 2018

ސީ ސީ މީހުނެއްނޫން އެކަނި..ރާއްޖެތެރޭ ރަށްރަށުގަވެސް މިހާރު މިޔަރު ބާނައިގެން ކައި… މިކަން ސަރުކާރަށް ބެލޭނެތަ؟ ނުބެލޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސޭ

23 October 2018

ރަނގަޅު. ދެން އެމްޑީޕީން ބަލަންވީ ތިޔަ ޕާރޓީގެ މަޖިލިސް މެމްބަރު އަދި އެކްޓިވިސްޓް އީވާ އާ އޭނާގެ ފެމިލީން ޗުއްޓީ ދަތުރުގައި ކުޑަ މިޔަރެއް ހިފާ އެއާ އެއްކޮށް ފޮޓޯ ނަގާ، ހިންގި ޖަރީމާ. ދިވެހި ފުލުހުންވެސް މިމައްސަލަ ބަލަން ޖެހޭ. ޗައިނާގެ ކުންފުނިން މިޔަރަށް އިންސާފު ހޯދަދޭން ކުރާ މަސައްކަތް އެމްޑީޕީއަށް ނުވުމަކީ ލަދުގަންނަން ޖެހޭ ވަރުގެ ކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނޫ

22 October 2018

ބަލާނެ ކަމެއްނެތް. އެއޮތީ ފެންނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

22 October 2018

2‫00 މިލިޔަނުން ޖޫރިމަނާ ކޮށްލާ އޭރުން ބުރިޖުގެ ލާރި ހަމަވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފުގެ ދަރި ކުމާރު

22 October 2018

ހާދަބައިވަރު ސީސީތަކެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫޖިން ޓާއޯ

22 October 2018

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗީޗީޗީޗީ

22 October 2018

ގާނޫނައި ހިލާފު ކަމެށް ކޮއްފިނަމަ ތަހުގީގު ކުރަން ޖެހޭނީ ފުލުހުން. ސީސީސީސީ އެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއިރާ

23 October 2018

ޤާނޫނާއި ޚިލާފުވާ ކޮންމެ ފަހަރަކު ފުލުހުން ތަހްގީގެއް ނުކުރާނެ. ގާނޫނު ކިޔަވައިގެން ގާނޫނީ ވާހަކަ ދައްކާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

22 October 2018

މިޔަރު ބާނަންޖެހެނީ....... ދިވެހިރާއްޖޭގެ ކަނޑުތަކުގައި މިޔަރު ގިނަވެ މަސްބާނަން ބޮޑު އުނދަގުލަކަށް ވެއްޖެ...... ބައެއް ދުވަހު ވަދު މަސްވެރިކަމުގައި ނިކުމެ 10 ވަރަކަށް މަސް ގަނެފައި އެކަތިވެސް ނުލިބޭ..... ހުރިހާ އެއްޗެއް ބުޅި އާއި ވަދު އެއްކޮށް މިޔަރު ކާލަނީ.......މިއީ ހަގީގަތުގައި ތެދެއް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސދަސދ

22 October 2018

ބަޅަކު ބުންޏަސް ތެދެއް ވިއްޔާ ވާނީ ތެދަކަށް. މިހާރު މިޔަރު މާގިނަވެއްޖެ. ތިމާވެއްޓާއި ހޮޅުއައްޓަށް ބެލިޔަސް ތަންކޮޅެއް ބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންބާ

22 October 2018

އަހަރަކު 100 މިލިއަން މިޔަރު މަރާ. ކަލޭ ހިތުން ދިވަހިން ވެގެން 100،000 މިޔަރު ބޭނިޔަސް ތި ކިޔާ "މަާ ގިނަ" މައްސަލަ ހައްލު ވާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

22 October 2018

އަންބާ މިއީ ވަރަށް ފަސޭހަވާނެ ކަމެއް......މިޔަރު އުރަހަ އަކީ އަގުބޮޑު އެއްޗަކަށް ވެފައި މިޔަރު ބާނަން ހުއްދަ ލިބުމުން މަސްވެރިން ކުޑަ ދުވަސްކޮޅެއް ވާއިރަށް މިޔަރު މަދުކޮށްފާނެ.........މިހާރު މައްސަލައަކީ އަކީ މާގިނަވުން.... އެހެންގޮތަކަށް ބުނާނަމަ މިހާރު މިވަނީ މިޔަރު ހިމާޔަތް ކުރުމުގެ ސަބަބުން ގިނަވެ ކަނޑުގެ ބެލެންސް ގެއްލިފައި....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީބީ ބުފޭ

22 October 2018

އަދި މިވެސް ސީސީސީސީ އިން ދޯ މި ކުރަނީ.. ސަރުކާރު ހަމަ ކަހާތަން ހިރުވާވެސް ނުލާ.. ޕާޓީ މީހުން 2 ގަޑިން 2 ގަޑިން ނިއުސް ކޮންފަރެންސް ދީފަ ޕީއެސް އެމުން "ސަރުކާރު ހިންގާ މައި ޕާރޓީގެ ނިއުސް ކޮންފަރެންސް" އޭ ކިޔާފަ ލައިވްކޮށް، ނުފިލާނެޔޭ ނުފިލާނެޔޭ ގޮވީމަ މިމީހުނަށް ދެން ހިދުމަތް ކުރެވުނީ.. ކޮން މައި ޕާރޓީއެއް ތަ؟