ނަޝީދާއި އިމްރާން އަދި ނާޒިމްގެ މައްސަލަ ސުޕްރީމް ކޯޓަށް ބަލައިގެންފި

(ކ-ވ) ޝައިހް އިމްރާން، ނާޒިމް އަދި ނަޝީދު

މުއިއްޒު އިބްރާހިމް، މިހާރު

29 އޮކްޓޯބަރ 2018 - 18:24

ކުރީގެ ރައީސް މުހައްމަދު ނަޝީދާއި އަދާލަތު ޕާޓީގެ ރައީސް ޝައިހް އިމްރާން އަބްދުﷲ އަދި ރައްޔިތުންގެ މަޖިލީހުގެ ދިއްގަރު ދާއިރާގެ ކުރީގެ މެމްބަރު އަހުމަދު ނާޒިމްގެ ޖަލު ހުކުމް މުރާޖައާ ކޮށްދިނުމަށް އެދި ސުޕްރީމް ކޯޓަށް ހުށަހެޅި މައްސަލަތައް ބަލައިގަތުމަށް އެ ކޯޓުން މިރޭ ނިންމައިފި އެވެ.

މި ތިން މައްސަލައިގެ ތެރެއިން ނަޝީދުގެ މައްސަލަ މުރާޖައާ ކޮށްދިނުމަށް އެދިވަޑައިގެން ސުޕްރީމް ކޯޓަށް ހުށަހެޅީ ޕްރޮސެކިއުޓާ ޖެނެރަލްގެ ފަރާތުންނެވެ. އިމްރާނާއި ނާޒިމްގެ މައްސަލަ މުރާޖައާ ކޮށްދިނުމަށް އެދިވަޑައިގެން ރާއްޖޭގެ އެންމެ މަތީ ކޯޓަށް ހުށަހެޅުއްވީ އެ ދެ ބޭފުޅުން އަމިއްލަ އަށެވެ.

ކްރިމިނަލް ކޯޓުގެ އިސްގާޒީ އަބްދުﷲ މުހައްމަދު ގާނޫނާ ޚިލާފަށް ބަންދުކުރި މައްސަލާގައި ކުރީގެ ރައީސް މުހައްމަދު ނަޝީދުގެ މައްޗަށް އިއްވާފައިވަނީ 13 އަހަރުގެ ޖަލު ހުކުމެކެވެ. އިމްރާންގެ މައްޗަށް ޓެރަރިޒަމްގެ ކުށުގައި އިއްވާފައިވަނީ 12 އަހަރުގެ ޖަލު ހުކުމެކެވެ. އަދި މަކަރާއި ހީލަތް ހެދުމުގެ ކުށުގައި ރައްޔިތުންގެ މަޖިލީހުގެ ކުރީގެ ނައިބު ރައީސް ނާޒިމްގެ މައްޗަށް އިއްވާފައިވަނީ 25 އަހަރުގެ ޖަލު ހުކުމެކެވެ.

އެ ތިން މައްސަލަ ވެސް ރިވިއު ކުރުމަށް ހުށަހަޅާފައިވާ ސަބަބުތަކަށް ބަލައި، އެ މައްސަލަތައް ހުށަހެޅުމުގެ ހުއްދަ ދިނުމަށް ނިންމާފައިވާ ކަމަށް ސުޕްރީމް ކޯޓުން މިރޭ ބުންޏެވެ.

ނަޝީދަށް ކްރިމިނަލް ކޯޓުން އިއްވި ޖަލު ހުކުމަށް ސުޕްރީމް ކޯޓުން 2016 ގައި އޮތީ ތާއީދުކޮށްފަ އެވެ. އަދި އިމްރާނަށް ކްރިމިނަލް ކޯޓުން އިއްވި ޖަލު ހުކުމަށް ހައި ކޯޓުން ތާއީދު ކުރުމުން އެ މައްސަލަ އިމްރާންގެ ފަރާތުން ކުރިން ސުޕްރީމް ކޯޓަށް ހުށަހެޅުމުން އެ މައްސަލަ ބަލައި ނުގަތުމަށް އެ ކޯޓުން ކުރިން އޮތީ ނިންމައިފަ އެވެ.

މަކަރާއި ހީލަތް ހެދުމުގެ ކުށުގައި ކުރީގެ މެމްބަރު ނާޒިމްގެ މައްޗަށް ދަށު ކޯޓާއި ހައި ކޯޓުން ވެސް ކުށް ސާބިތު ނުވެ އޮއްވައި އޭނާ 25 އަހަރަށް ޖަލަށް ލާން 2015 ގައި ހުކުމްކުރީ ސުޕްރީމް ކޯޓުންނެވެ.

އެ ތިން ބޭފުޅުންގެ ތެރެއިން ނަޝީދާއި ނާޒިމް މި ވަގުތު ތިއްބެވީ އަމިއްލަ އަށް އަރުވާލެވިގެން ރާއްޖެއިން ބޭރުގަ އެވެ. އެކަމަކު އަންނަ ބުރާސްފަތި ދުވަހު ރާއްޖެ ވަޑައިގަތުމަށް ނަޝީދު މިހާރު ވަނީ ނިންމަވައިފަ އެވެ. އިމްރާން މިވަގުތު ހުންނެވީ ގޭ ބަންދުގަ އެވެ.

ސުޕްރީމް ކޯޓް ރައީސް މުހައްމަދު ނަޝީދު އަހުމަދު ނާޒިމް އިމްރާން އަބްދުﷲ، ހޯމް މިނިސްޓަރު ޕްރޮސެކިއުޓާ ޖެނެރަލް ޕީޖީ އޮފީސް އައިޝަތު ބިޝާމް

28 ކޮމެންޓް, 90 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރުބެ

30 October 2018

ނާޒިމްގެ މައްސަލައާއި ނަޝީދުގެ މައްސަލަ އަދި އިމްރާނާއި ކާނަލް ނާޒިމުގެ މައްސަލަތަކަކީ ތަފާތު މައްސަލަތަކެއް، ޖަންގިޔާ ނާޒިމުގެ މައްސަލައެއީ ވަކި މައްސަލައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަމީހާ

30 October 2018

މިތާނގަ މިތިބީ ޑިމޮކްރަސީގެ ބާނީ އާއި ދީނީގޮތުން ހައްދު ފަހަނަ އަޅާފައިވާ މީހަކާއި ރާއްޖޭގަ މިހާތަނަށް އުފެދުނު އެންމެ ބޮޑު އެއް ވަގު ކަމަށް ބުނާ މީހެކެވެ. މިއެންމެން އެއް ކެޓަގަރީ އެއްގައި ބަލަގަންނަ ބައެއްގެ ނަޒާޙަތްތެރިކަންވެގެންދާނީ އިންސާނިއްޔަތަށް ވުރެންވެސް މަތިން ނަޒާޙަތްތެރިވެ އިޚްލާސްތެރި ވެފައިވާ ބަޔަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއްތަ

30 October 2018

ރާއްޖޭގެ ފަޑިޔާރުގެ ހުރިފެންވަރު ރައްޔިތުންނަށް ހާމަވެގެން ހިގައްޖެއް. ފަޑިޔާރުން މުސާރަ ނައްގަވަމުން ދިޔައީ ދައުލަތަށް ރައްޔިތުންގެ ދައްކަމުން ދިޔަޓެކުސް ފައިސާއިން. ކުރިން ކުރިހުކުމްތައް އަލުން މުރާޖާކޮއް އަލުން ބަލުން ބަލަމުން ތިޔަދަނީ ބޭކާރުގޮތުގައި ވަގުތާއި ފައިސާ ބޭނުންކޮއްގެން. ތިހަޑިނުހަދާވަރުގެ ޒިއްމާދާރު ބަޔަކު އެބަޖެހޭ ތިތަނަށްލާން. ރައްޔިތުން ބޭނުންވަނީ އިންސާފުން އަވަސްކޮއް ޝަރީއަތްކުރާތަން ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާނު

30 October 2018

ހުމާމް ގެ މައްސަލަ ވައްދާނެ މީހަކު ނުވިދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަބުނީ

30 October 2018

ގައުމަކީ ރައްޔިތުން ރައްޔިތުން ނެތިއްޔާ ގައުމެއް ނޯއްނާނެ، ގާނޫނު އަސާސީ ޔަކީ ރައްޔިތުން އަމިއްލަ ޔައް ހަދާ އެއައް އެއްބަސްވެވޭ އެއްބަސް ވުމެއް، ގާނޫނު ތަކަކީ އެއްމެނަށް ރަނގަޅަކަށް ހަދާ އެއްޗެއް، މިހުރިހާ ކަމަކަށް ބަލާ އިރު އެގައުމެއްގެ ރައްޔިތުން ގަބޫލު ނުކުރާ ހުކުމެއް އެއީ ހުކުމަކަށް ނުވޭ ނުވަތަ އެ ހުކުމަކަށް ގާނޫނީ ހައިސިއްޔަތެއް ނުލިބޭ، އެތަންފީޒު ކުރަނީވެސް ރައްޔިތުން އަދި އެގަބޫލު ކުރަންތިބީވެސް ރައްޔިތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯނިބެ

29 October 2018

ކޯޓުތަކަށް ނުފޫޒު ފޯރުވަނީ ކޮންބައެއްކަން ރައްޔިތުންނަށް ވަރަށް ސާފުވެއްޖެ... މިގައުމު މަކަރުވެރިންގެ ކިބައިން ސަލާމަތް ކުރައްވާނދޭ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

29 October 2018

މޮޅު މީހުންނަށް މޮޅު ގޮތެވެ. ދެރަމީހުންނަށް ދެރަ ގޮތެވެ. މިއީ ކޮން އިންސާފެއް އޮތް ޤައުމެއް ހެއްޔެވެ؟ މިބުނާ އިންސާފުވެރި ރައްޔިތުންގެ ހައްޤުތައް ހިމާޔަތްކޮށްދޭ ޑިމަކުރަސީއަކީ މިއީ ހެއްޔެވެ؟ ޖަލުގައި އޮތް ނިކަމެތި މީހާގެ މަތިން ހަނދާން ހުރި ސިޔާސީ ވެރިއަކު ނެތެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީޙާ

29 October 2018

ކޮންމެގޮތެއް ގާވެސް އިންސާފު ލިބެން ޖެހޭ މީހަކައް އިންސާފު ލިބެން ޖެހޭ ވަކިމީހަކު ބެލުމެއްނެތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮފޫ

29 October 2018

މިއީ ދުނިޔޭގެ 7 އަޖައިބުން އަޖައިބެއް... ވަކި ބަޔަކު ނާޖާއިޒުކޮށް ކަންކުރުމުން ބަރީއަވެވުން .. މިއީ ވެގެންވާނެ ގޮތެއްނޫން.. މިކަމާ އިލްމީ ގޮތުންވެސް ނޫސްވެރިން ބަހުސް ތިލަކޮށް މަޝްވަރާ ސާފުކޮށްދޭންޖެހޭ.. ހަމަ އެހެންމެ ވެރިކަމެއް ފެށިގެން އަންނައިރު އިތުބާރު ގެއްލިދިއުމަށް މަގުފަހިވެވިގެން ނުވާނެ... މިއީ ވެރިކަމަށް ހަސަދަލާ ވިހެލުން.. ސޯލިހުބޭ މިކަމަށް ވިސްނަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޤީރުކަލޯ!

29 October 2018

ހާދަދެރަ ހިތާމަހުރި ކަމެކޭ! އަންނިއަކީ ބޮޑެތި ކުށްތަކެއް ކޮށްފަ ހުރި މީހެއް! އެކަމަކު ރައްޔިތުންނަށް އޮޅުވައި ލިއަސް ތީފުކެއް ބޮޑުވަރު! ކާނަލް ނާޒިމު އާއި ތޮލްޙަތުގެ ވަސްވެސް ނެތީތަ! ސިޔާސީ ލީޑަރުންނަށް ނުވާތީ! އެހެންވީމާ ތިދޫކޮށްލާ މީހުން ތިދޫކުރަނީ ކުށެއް ނެތިގެނެއްނޫންތާ ލީޑަރުންނަށްވާތީ! އެހެންވީއިރު ޔާމީނުވެސް ސަލާމަތް ވާނެތާ! ތިއޮތް އިންސާފެއްތާދޯ!!!