ސައުދީ ވިސާ ފީ އަށް ބަދަލުތަކެއް، ހައްޖުގެ އަގު ބޮޑުވެދާނެ

ހައްޖު ކޯޕަރޭޝަންގެ ހަވާލުގައި މިދިޔަ އަހަރު އުމްރާ އަށް ދިޔަ ބަޔަކު އެއާޕޯޓުގައި. - ފޮޓޯ: ހައްޖު ކޯޕަރޭޝަން

ފަޒީނާ އަހުމަދު، މިހާރު

15 އޯގަސްޓް 2016 - 11:05

ހައްޖާއި އުމުރާ އަށް ދާ މީހުންގެ ވިސާ ފީ އަށް ސައުދީ އަރަބިއްޔާ އިން ގެނައި ބަދަލުތަކާ އެކު ހައްޖާއި އުމްރާގެ އަގު ބޮޑުވެދާނެ ކަމަށް ބެލެވެން ފަށައިފި އެވެ.

ސައުދީ އަރަބިއްޔާ އަށް އެއް ފަހަރަށް ވުރެ ގިނަ އިން އެތެރެވާ ނަމަ، ވިސާ ފީ އަގު ބޮޑުކުރަން މިދިޔަ އެ ގައުމުގެ ކެބިނެޓުން މިދިއަ ހޯމަދުވަހު ވަނީ ނިންމައިފަ އެވެ. އެކަމަކު ފުރަތަމަ ހައްޖާއި ފުރަތަމަ އުމްރާ އަށް ސައުދީ އަށް އެތެރެވާ މީހުންގެ ވިސާ ފީ ނަގާކަށް ނުނިންމަ އެވެ. އެމީހުންގެ ވިސާ ފީ ހަމަޖައްސަނީ ސައުދީ ސަރުކާރުންނެވެ.

އަގު ބޮޑުކުރި ވިސާ ފީ ނަގަނީ ކޮން ގައުމުތަކެއްގެ މީހުންގެ އަތުން ކަމެއް އަދި ނުނިންމަ އެވެ. ކެބިނެޓުން ނިންމާފައި ވަނީ ވިސާ ފީގައި ބައެއް ގައުމުތަކަށް އިސްތިސްނާ ދޭށެވެ،

ވިސާ ފީ އަށް ގެނައި ބަދަލުގެ ތަފްސީލް އަންނަ ހަފުތާގައި ހާމަކުރާނެ އެވެ.

ސައުދީގެ ބައެއް ވެބްސައިޓުތަކުގައި ބުނެފައިވާ ގޮތުގައި ފުރަަތަމަ ފަހަރު ފިޔަވައި ދެން އެތެރެވާ ނަމަ ހަ މަސް ދުވަހުގެ ވިސާ އަށް 3،000 ރިޔާލް (12،278ރ.) ދައްކަން ޖެހެ އެވެ. އެއް އަހަރު ދުވަހުގެ ވިސާ ފީ އަކީ 5،000 ރިޔާލް (20،464ރ.) އެވެ. އަދި ޓްރާންސިޓްކުރާ މީހުންގެ ވިސާ ފީގެ ގޮތުގައި 300 ރިޔާލް (1،227ރ.) ދައްކަން ޖެހެ އެވެ.

ރާއްޖެ އިން މީހުން ހައްޖަށް ގެންދާއިރު ހައްޖު ކޯޕަރޭޝަނާއި ކުންފުނިތަކުން ވެސް ބޮޑަށް އިސްކަންދެނީ އަލަށް ހައްޖަށް ދާ މީހުންނަށެވެ. މިގޮތަށް އަމަލުކުރިއަސް ބައެއް ފަހަރަށް މަހުރަމުންގެ ގޮތުގައި ދާ މީހުންގެ ތެރޭގައި ދެ ވަނަ ފަހަރަށް ހައްޖަށް ދާ މީހުން ވެސް ތިބެ އެވެ.

ހައްޖަށް އިސްކަން ދިނުމުގައި މި އުސޫލް ގެންގުޅުނަސް އުމްރާ އަށް ދިއުމުގައި އެފަދަ އުސޫލެއް ނުގެންގުޅެ އެވެ.

ރާއްޖެ އިން މި އަހަރު ހައްޖަށް ގެންދިއުމުގެ އަގު އުޅެނީ 70،000ރ. އިން ފެށިގެން 112،000ރ. ދެމެދު ގަ އެވެ. އުމްރާގެ އަގު އުޅެނީ 36،000ރ. އިން މަތީގަ އެވެ.

ސައުދީން އެކި ގައުމުތަކަށް، އެ ގައުމެއްގެ އާބާދީ އަށް ނިސްބަތްކޮށް ކަނޑައަޅާ ހައްޖު ކޯޓާގެ ދަށުން ރާއްޖެ އަށް ލިބެނީ 1،000 ޖާގަ އެވެ. އެކަމަކު މި އަހަރާއި މިދިޔަ އަހަރު ވެސް ރާއްޖެ އިން 2،000 މީހުން ހައްޖަށް ދިއުމުގެ ފުރުސަތު ސައުދީން ވަނީ ރާއްޖެ އަށް ދީފަ އެވެ.

ސައޫދީ އަރަބިއްޔާ ހައްޖު އިސްލާމިކް މިނިސްޓްރީ ހައްޖު ކޯޓާ ހައްޖު ގްރޫޕްތައް އުމްރާ

10 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިޔު4ގައްދޫ

15 August 2016

އަތުގައި ފައިސާ ގިނަވީމާ، އެއްފަހަރަށްވުރެ ގިނައިން ޙައްޖަށް ދިއުމަށްވުރެ، އެފައިސާ ޔަތީމު ކުދިންނަށާއި، މިސްކީނުންނާއި، ފަޤީރުންނާއި އަދި އެނޫނަސް ތައުލީމު އުގެނުން ފަދަ ރަނގަޅު ކަންކަމަށް ޚަރަދުކޮށް އޭގެ ދަރުމަ ތިމާއަށް ލިބުމަށް އެދި ނިޔަތްގަނެގެން ދުނިޔޭގައި ސުލްޙަވެރިކޮށް އުޅުން މާ ހެޔޮކަން ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަ

15 August 2016

ސައުދީން ހައްޖުރެވިންނާއި އުމްރާއަށް ދާމީހުންގެ ރައްކާތެރިކަމާއި ދެ ހަރަމް ފުޅު ބެލެހެއްޓުމާއި އެދެ ހަރަމަށް ޒިޔާރަތްކުރާ މީހުންގެ ބޭނުންތަކަށް ފަސޭހަވާނެ ގޮތަށް ހަމަޖައްސާދެމުންދާ ޚިދުމަތްތަކާއި ހިލޭ ހައްޖު އުމްރާއަށް ދޭ ފުރުސަތުތަކާއި މިގޮތަށް ހުރި އެތައްކަމެއް ހަނދާންކޮށްފައި ޚިޔާލްފާޅުކުރައްވާށެވެ. ރާއްޖެއަށްވެސް ސައުދީން އަހަރަކު އެތައް ފުރުސަތެއްދޭނޫންތޯއެވެ. ހައްޖާއި އުމްރާއަށް ދެވޭނެ ފެންވަރުނެތް މީހުންނަށް އެފުރުސަތުތައް ދިނުން ކީއްތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސޫރު

15 August 2016

ތެލުގެ އަގު ހެޔޮވީމައި ދެން ހައްޖުގެ އަގު ބޮޑުކޮއްގެންތާ ސައުދު އާއިލާއަށް ދުނިޔޭގައި މަޖާ ނެގޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައްލަންބެ

15 August 2016

ސައޫދު އާއިލާގެ އަގުބޮޑު ދިރިއުޅުން ފޫބައްދަން އެބަޖެހޭ އިތުރުގޮތްތަށް ހޯދަން...އާއިލާ ގެ ގިނަމީހުން ދިރިއުޅެނީ އެމެރިކާ އާއި ހުޅަގުނގެ މުއްސަސި ޤައުމުތަކުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

15 August 2016

މައްކާ މަދީނާ އަކީ ސައުދީ ސަރުކާރުގެ މިލުކެއްނޫން. އެންމެހާ މުސްލިމުންގެ ބިމެއް އެއީ. ތިޔަހާ ބޮޑު ވިސާ ފީ އެއް ނެގުމަކީ ގަބޫލްކުރެވޭނެ ކަމެއްނޫން. މި ވެރިން ތެލުން މުއްސަދިކަން ދެއްވީމާވެސް ދަހިވެތިކަމެއް ނުފިލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނަސީރު

15 August 2016

އެހެންތަ؟ އެހެންވިއްޔާ، ދިވެހި ރާއްޖެ އަކީ ހުރިހާ އެންމެންގެ ތަނެއް. ކޮންމެ މީހަކު އައިސް ވަޒަން ވެރިވެ އުޅެންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައްލޯ

15 August 2016

މިވެސް ދެން މާސް ޓުއަރިޒަމް، އެ ނޫން އެކައްޗެއްވެސް ނޫން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާ

15 August 2016

ތަފްސީލް ބައްލަވާލައްވާ. http://english.astroawani.com/world-news/saudi-raises-hajj-and-umrah-fees-effective-oct-2-113559

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޑްވޭ

15 August 2016

އެއްފަހަރަށް ވުރެން ގިނަ ފަހަރު ސައުދީ އަށް ހައްޖަށް ދާނަމަ ވިސާފީ އެއް ނަގަން ޖެހޭނެއެވެ. ސައުދީ އެެރެބިޔާ އަކީ އަރަބު ގައުމު ތަކަށް ވަރަށް ބޮޑަށް އެހީތެރިވާ ގައުމެކެވެ. މިހާރުވެސް ޔަމަންގެ އަހުލީ ހަނގުރާމަ އެ ނިމުމަކަށް ގެންނަނީ އެއީ ސައުދީން ދޭ ވައިގެ ހަމަލާ ތަކުގެ ސަބަބުންނެވެ. ސައުދީ އެރެބިޔާ އަކީ ރާއްޖެ އަށް ވެސް ވަރަށް އެހީތެރިވާ ވަރަށް ރަނގަޅު ގައުމެކެވެ. ހައްޖަށް ދާ އަގު ބޮޑު ވިޔަސް ހައްޖަށް ދާން ޖެހޭނީ ކުޅަދާނަކަން ލިބިގެންވާ މީހުންނެވެ. އެކުޅަދާނަ ކަން ލިބިގެންވާ މީހުން ނެތިއްޖެނަމަ ނުދާނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

15 August 2016

ރާއްޖެއިން ހައްޖަށްދާމީހުންގެ ތެރޭގައި ގިނައީ އަލަށްދާމީހުންނޭ؟ އަޅުގަނޑުދަންނަން ބައެއް ކޮންމެ އަހަރަކު ނުވަތަ ދެއަހަރުން އެއްއަހަރު ހައްޖަށްދާ މީހުން އުޅޭ އާއިލާތައްވެސް. ރަގަޅަށް ސްޓަޑީއެއްހަދާބަލަ ރާއްޖެއަށް ލިބިފައިވާ ކޯޓާގެ ތެރެއިން ކިތައްމީހުންތޯ އަލަށް ދަނީ. ކިތައްމީހުންތޯ މަޙްރަމުންގެ ގޮތުގައި ދަނީ؟