ރައްޔިތުންގެ މަޖިލީހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. ކައުންސިލްގެ މެމްބަރުންގެ އަދަދު މަދު ކުރަން ލޯކަލް ކައުންސިލްގެ ގާނޫނަށް ވަނީ އިސްލާހު ހުށަހަޅާފައި. - ފޮޓޯ: މަޖިލިސް
16 އޯގަސްޓް 2016 - 11:12
15 comments
ރަށު ކައުންސިލާއި އަތޮޅު ކައުންސިލްތަކުގެ މެމްބަރުންގެ އަދަދު މަދުކުރަން ސަރުކާރުގެ ފަރާތުން ލޯކަލް ކައުންސިލް އިންތިހާބުގެ ގާނޫނަށް މިއަދު އިސްލާހު ހުށަހަޅައިފި އެވެ.
ވިލިނގިލީ ދާއިރާގެ ޕީޕީއެމް މެމްބަރު ސައުދު ހުސެއިން ހުށަހެޅުއްވީ 3000 މީހުންނަށް ވުރެ މަދު އާބާދީއެއް ހިމެނޭ ކޮންމެ ރަށެއްގެ ރަށު ކައުންސިލަށް ތިން ކައުންސިލަރުން އިންތިހާބުކުރަން ޖެހޭ ގޮތަށެވެ.
ހަމައެއާއެކު 3000 މީހުންނަށްވުރެ ބޮޑު އާބާދީއެއް އޮންނަ ކޮންމެ ރަށެއްގެ ރަށު ކައުންސިލަށް އިންތިހާބު ކުރާނީ ފަސް ކައުންސިލަރުންގެ ގޮތުގައި ކަމަށް ވެސް ގާނޫނަށް ވަނީ އިސްލާހު ހުށަހަޅައިފަ އެވެ.
މީގެ އިތުރުން އަތޮޅު ކައުންސިލްގެ މެމްބަރުން އިންތިހާބު ކުރާއިރު، ދެ އިންތިހާބީ ދާއިރާއަށްވުރެ ގިނަ އިންތިހާބީ ދާއިރާ ހިމެނޭ އިދާރީ ދާއިރާތަކުން އެ އިދާރީ ދާއިރާއެއްގެ އަތޮޅު ކައުންސިލަކަށް އިންތިހާބުކުރާނީ ކޮންމެ އިންތިހާބީ ދާއިރާއަކުން އެއް ކައުންސިލަރު ކަމަށް ވެސް އިސްލާހުގައިވެ އެވެ.
އޭގެ އިތުރުން ދެ އިންތިހާބީ ދާއިރާ ހިމެނޭ އިދާރީ ދާއިރާތަކުން އެ އިދާރީ ދާއިރާއެއްގެ އަތޮޅު ކައުންސިލަށް އިންތިހާބުކުރާނީ މުޅި އަތޮޅުން އިންތިހާބުކުރެވޭ ތިން ކައުންސިލަރުން ކަމަށް އިސްލާހުގައިވެ އެވެ.
ލޯކަލް ކައުންސިލް އިންތިހާބުގެ ގާނޫނު މިހާރު ބުނާ ގޮތުން ބައެއް އާބާދީ ބޮޑެތި ބައެއް ރަށްރަށުގައި ފަހަކަށްވުރެ ގިނަ ކައުންސިލަރުން ތިއްބަވަ އެވެ. އަދި ބައެއް އަތޮޅު އަދި އަތޮޅު ކައުންސިލްތަކުގައި ފަހަކާއި ދިހައަކާ ދެމެދުގެ އަދަދަކަށް ކައުންސިލަރުން ތިއްބަވަ އެވެ.
ސައުދު ވަނީ ކައުންސިލް އިންތިހާބުގެ ގާނޫނުގެ ދެ މާއްދާއެއް އުވާލުމަށް ވެސް ހުށަހަޅުއްވައިފަ އެވެ. އެއީ 10،000 މީހުންނަށް ވުރެ ގިނަ މީހުންގެ އާބާދީއެއް އޮންނަ ކޮންމެ ރަށެއްގެ ރަށު ކައުންސިލަށް ނުވަ މެމްބަރުން އިންތިހާބުކުރަން ޖެހޭ ގޮތަށް އޮތް އޮތުމާއި ފުވައްމުލަކުގެ ކޮންމެ އަވަށެއްގައި ހިމެނޭ ރަށު ކައުންސިލަށް ތިން މެމްބަރުން އިންތިހާބުކުރަން ޖެހޭ ގޮތަށް އޮތް އޮތުން އުނިކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައްޤު ބަސް
16 August 2016
ރަށު ކައުންސިލު އުވާލާ ކުރިންއޮންގޮތަށް ބ.ކ. ކަތީބެއް ބެހެއްޓީމަ މާރަގަޅު ކަުންސިލުން އެވަޒީފާގައި އުޅޭނީ ލިބޭ ފައިސާކޮޅަށް ރަށުތަރައްޤީ އަކަށް އެއްވެސް ކަމެއްނުކުރެ ގިނަ އިން އުޅޭނީ އޮފީސްގަނޑީގައި ސައިހޮޓާ ދޮށުގައި ސީޔާސީވެގެން .ރަށަކަށް އަދި ރައްޔިތަކަށްވެސް އެމީހުންގެ ފަރާތުން އެއްވެސް ކަމެއް ނުކޮށްދެ، ގިނައިން އުޅޭނީ މަސްބޭނުމާއި ދަތުރު ދިޔުމާއި ގޮޑުދޮށުގައި ބަތްކައްކާކުޅެން ވޯޓު ހޯދަން ރައްޔިތުން ފެންނާނީ ހޮވުނީމަ އެހިސާބުން ނިމުނި ފެންނަކަމަކަށްވެސް ގިނަ ކައުންސިލަރުން ނަހަދަ. ކައުންސލަރުން ތެރޭގައިވެސް އޮންނަނީ އެކަކު އަނެކަކު ޒުވާބުކުރުންމާއި ދޭތެރެ ޖެއްސުއްން. ކަތީބުން މާ ދަތިހާލުގައި ރަށްރަށުގައި ތަރައްޤީއަށް މަސައްކަތްކުރި ސާބަސް އޭރުގެ ހުރިހާ ކަތިބުންނަށް
އަހްމަދު
16 August 2016
ކިހިނެތްމިވީ. ސަރުކާރަށްބާރުބޮޑުކަން އިގެނޖެހޭނީ މިއަދަކު ނޫން. ކުރީ މަޖްލިހުން ފާސްކޮށް އެއިރުގެ ސަރުކާރަށްޖެއްސުމަށްކުރި ކޮނމެ ކަމެއް މިދަނީ ބަދަލުކުރަމުން. ާވިސްނާބަޔަކަށް އިގެންޖެހޭ މެމްބަރުންގ އިޚްލާޞްތެރި ކަންނެތްކަން ކޮންމެ ބަޔަކު މި އިސްކުރަނީ އަމިއްލަ އެދުން ފުދޭގޮތެްއް. އެބަޔެއްގެ ޕާރޓީއަށް ފއިދާވާގޮތް ޥިސްނަވާ މެމްބަރުން ހޮވުމަށް ވޯޓ ލުނަށްވުރެ ރަގަޅީ ނުލުން. ތެދުވެރި ކަމެއް ނެތް. ޢިޚްލާޞްތެރިކަމެއްނެތް. ޢަމިއްލައެދުން........
މެންޓަލިސްޓް
16 August 2016
ފުރަތަމަ ރައްޔަތުންގެ މަޖިލިސްގެ މެންބަރުންއަދަދު މަދުކުރަންވީ ،،، އާބާދީގެ ނިސްބަތުން މިހާގިނަ ރައްޔަތުންގެ މަޖިލިސް މެންބަރުން ތިބިގައުމެއް ދުނިއަކުނޯންނާނެ ، އަނެއްކޮޅުން ރައްޔަތުން ތަފްސީލްކުރާބައެއްވެސް ނޫންހަގީގަތުގައި ، އެމީހުން އެނބުރޭނީ ޕާޓީން ބުނާގޮތަކަށް ، ތިމަންނާގެ ޖީބު އެންމެބޮޑޫވާގޮތަކަށް ،،، ވަރަސްސަލާމް
އާދަމް
16 August 2016
ކައުންސިލްގެ ދައުރު 5 އަހަރަށް ނުހެދުނީތީ ހާދަ ހިތާމަ ކުރަމޭ
ނުހާ
16 August 2016
ތިމާ ފެހުނުއިލޮށި ގަނޑު ތިމާ ލޮލަށް ތިއޮތީހެރިފާ
މާލެމީހާ
16 August 2016
ބާރެއް ނެތް ބަޔަކަށް ހަރަދު ކުރުމުގެ ބޭނުމެއްނެތް، ކައުންސިލްތައް އުވާލަން ފެނޭ.
ހުއްބުލްވަޠަން
16 August 2016
ކައުންސިލަރުން އިންތިޚާބު ކުރަން އުޅުނު ދުވަސްވަރުގައި ތިކަން ތިހެން ކުރަން އުޅުނު. އެކަން އޭރުގެ ބައެއް މީހުން ސަރުކާރަށް ޖެއްސުން ކުރަން ތިވަރަށް މީހުން އިންތިޚާބު ކުރަން ފާސް ކުރީ. ތިމާ ފޭހުނު އިލޮށި ތިމާގެ ލޮލަށް އައިތަން މި ފެންނަނީ!
ދިއްދޫ މީހާ
16 August 2016
ވ.ރަނގަޅު ހުށަހެޅުމެއް. ހުރިހާ ޕާޓީއަކުންވެސް ތާއިދު ކުރައްވާނެކަމަށް ހީކުރަން
ބޮކުބާޑު
16 August 2016
ތިޔައީ ކުރަން ވަރަށް ލަސްވެފަ ވާކަމެއް. ނޭގޭ ބަޔަކު ކޮށްފަވާ މަސައްކަތަކުން ގައުމަށް ކުރާ ނޭދެވޭ އަސަރު ވަރަށް ބޮޑުކޮށް ފެންނަމުންދޭ. ޕޮރޮޑަކްޓިވްއެއް ނޫން. ރަށްރަށަށާއި އަތޮޅުތެރެއަށް ލިބެންޖެހޭ ކުރިއެރުން ލިބިގެން ގޮސްފަކަނެތް. ފެންވަރުނެތް ކައުންސިލަރުން ވަރަށް ގިނަ. މީހުން މަދުކޮށް ތައުލީމާއި ތަޖްރިބާހުރި މީހުން ލެވެން އެބަޖެހޭ. ރަގަޅު މުސާރައެއް ކަނޑަ އެޅެންވާނެ. ނަޒާހަތްތެރިކަމާއި އެކު މަސްއޫލިއްޔަތު އުފުލޭ ވަރުގެ މުސާރައެއް ކައުންސިލަރުންނަށް ދެވެންޖެހޭ. ކައުންސިލަރުންނަކީ ވަކިޕާޓީއަކަށް ނުވަތަ ރައީސުލްޖުމްހޫރިއްޔާއަށް ޚިދުމަތް ކުރާބަޔަކަށް ވެގެން ނުވާނެ. ތިބާގެ އަތޮޅަށާއި ރަށަށް އަދި ކިއެއްތަ މުޅިގައުމަށް ކުރިއެރުން ހޯދާދިނުމަށް މަސައްކަތަ ކުރާ ބަޔަކަށް ކައުންސިލަރުން ވާން އެބަޖެހޭޭ.
ޝާމް
16 August 2016
ހަގީގަތަކީ 5 ކައުންސިލުންތިބި ގިނަ ރަށްރަށުގައި މަސައްކަތްކުރަނީ ހަމައެކަނި ކައުންސިލްގެ ރައީސް ދެންތިބި 4 ކައުންސިލަރުން ސޮއިކޮށްފައި ދަނީ މަހަށް ނޫނީ ގޭގައި ތިބެނީ. ބައެއް މީހުން ރަށުގެ މަސްލަހަތު ނަގާލުމުގައި ރަސްމީގަޑީގެ ބޭނުން ކުރަނީ. ސުވާލަކީ ކުރީގެ ކަތީބުންވެސް ބޭކާރުނުކޮށް ރަށުއޮފީސްގައި ގެންގުޅުނުގޮތަށް ކައުންސިލަރުންތައްވެސް ގެންގުޅޭނީތޯ. 5 ކައުންސިލަރުންނަށް ހަމައެކަނި މުސާރައަށްވެސް މަހަކު ބައިލައްކައަށްވުރެ ގިނަ ރުފިޔާ ކޮންމެ ރަށަކަށްއެބަ ހޭދަވޭ. މިއީ ހަމަ ރައްޔިތުންގެ ޓެކްސް ފައިސާ.