39 ސްޓޭޓް މިނިސްޓަރުންނާއި 50 ޑެޕިއުޓީ މިނިސްޓަރުން ހަމަޖައްސަނީ

ކެބިނެޓު ބައްދަލުވުމެއްގައި ރައީސް: އެމަނިކުފާނުގެ ސަރުކާރަށް ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުން ހަމަޖައްސަން ނިންމާފައި ވަނީ ސަރުކާރުގައި ކޯލިޝަން ހިއްސާވާ ނިސްބަތުން. --ފޮޓޯ/ރައީސް އޮފީސް

ފަޒީނާ އަހުމަދު، މިހާރު

27 ނޮވެމްބަރ 2018 - 10:53

98 comments

ރައީސް އިބްރާހީމް މުހައްމަދު ސޯލިހްގެ ސަރުކާރަށް 39 ސްޓޭޓް މިނިސްޓަރުންނާއި 50 ޑެޕިއުޓީ މިނިސްޓަރުން ހަމަޖައްސަން ނިންމައިފި އެވެ.

ރަސްމީކޮށް މި އަދަދުތައް ރައީސް އޮފީހުން އަދި ހާމަ ނުކުރިއަސް، "މިހާރު" އަށް އެނގިފައިވާ ގޮތުގައި، ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުންނަށް އައްޔަން ކުރަން ބޭނުންވާ ބޭފުޅުންގެ ނަންތައް ހުށަހެޅުމަށް ޕާޓީތަކަށް، ރައީސް މިހާރު ވަނީ ފުރުސަތު ދެއްވައިފަ އެވެ. އަދި ވެރިކަން ކުރާ ކޯލިޝަންގައި ހިމެނޭ ބައެއް ޕާޓީތަކުން މިހާރު ވަނީ، އެ މަގާމްތަކަށް އައްޔަން ކުރަން ބޭނުންވާ ބޭފުޅުންގެ ނަންތައް ރައީސަށް ފޮނުވައިފަ އެވެ.

ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުން ވެސް އައްޔަން ކުރާ ގޮތަށް އޮތީ، ސަރުކާރުގައި ޕާޓީތައް ހިއްސާވާ ނިސްބަތުންނެވެ. އެއީ، އެމްޑީޕީ އަށް 40 ޕަސެންޓް، ޖުމްހޫރީ ޕާޓީ އަށް 25 ޕަސެންޓް، ކުރީގެ ރައީސް މައުމޫން އަބްދުލްގައްޔޫމަށް 20 ޕަސެންޓް އަދި އަދާލަތު ޕާޓީ އަށް 15 ޕަސެންޓެވެ.

ސްޓޭޓް/ޑެޕިއުޓީ މިނިސްޓަރުން ޕާޓީތަކަށް ބަހާލިގޮތް:

- އެމްޑީޕީ: 15 ސްޓޭޓް މިނިސްޓަރުންނާއި 20 ޑެޕިއުޓީ މިނިސްޓަރުން.

- ޖުމްހޫރީ ޕާޓީ: 10 ސްޓޭޓް މިނިސްޓަރުންނާއި 12 ޑެޕިއުޓީ މިނިސްޓަރުން.

- ރައީސް މައުމޫން: 8 ސްޓޭޓް މިނިސްޓަރުންނާއި 10 ޑެޕިއުޓީ މިނިސްޓަރުން.

- އަދާލަތު ޕާޓީ: 6 ސްޓޭޓް މިނިސްޓަރުންނާއި 8 ޑެޕިއުޓީ މިނިސްޓަރުން.

ރައީސްގެ ކެބިނެޓްގައި އެޓާނީ ޖެނެރަލްއާ އެކު 19 ވަޒީރުން ތިއްބަނީ ވެސް ކޯލިޝަން ސަރުކާރުގައި ޕާޓީތައް ހިއްސާވާ ނިސްބަތުންނެވެ.

ވެރިކަމުގެ ހުވާކުރެއްވުމުގެ ކުރިން އިންތިގާލީ މަރުހަލާގައި، އިންތިޚާބީ ރައީސްގެ ތަރުޖަމާން، މާރިޔާ އަހްމަދު ދީދީ ވިދާޅުވެފައިވާ ގޮތުގައި، މި ސަރުކާރުގެ އަމާޒަކަށް ވާނީ، ކުރީގެ ރައީސް އަބްދުﷲ ޔާމީންގެ ސަރުކާރަށް ވުރެ ސިޔާސީ މަގާމްތައް މަދުކުރުމެވެ. ފެންނަން ހުރި އަދަދުތަކަށް ބަލާއިރު، ނިމިގެން ދިޔަ ސަރުކާރުގައި ސިޔާސީ މަގާމްތަކުގެ އަދަދު 700 އަށް ވުރެ ގިނަވާނެ ކަމަށް ބެލެވޭ ކަމަށް މާރިޔާ ވަނީ ވިދާޅުވެފަ އެވެ.

އެ އަދަދު މަދުކޮށް، ސިޔާސީ މަގާމްތަކަށް ކުރާ ހޭދަ ވެސް 16 ޕަސެންޓަށް ދަށް ކުރަން ރައީސް ނިންމާފައިވާ ކަމަށް މާރިޔާ ވަނީ ވިދާޅުވެފަ އެވެ.

ދިވެހި ސަރުކާރު ރައީސް އިބްރާހިމް މުހައްމަދު ސޯލިހް ސްޓޭޓް މިނިސްޓަރުން ޑެޕިއުޓީ މިނިސްޓަރުން ސިޔާސީ މަގާމުތައް

98 ކޮމެންޓް, 255 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހްމަދު

29 November 2018

މިހާރު ވެސް ތިކޯލިޝަންގެ ކެބިނެޓަށްއައްޔަންކޮއްފާތިބިމީހުން ކުރީސަރުކާރަށްވުރެއްމާގިނަ ތީހަމަ މަތިބަރުސަރުކާރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަހަހަހަ

28 November 2018

ލާރިގަނޑު ގާތް މީހުނަށް ދޭނޭ ގޮތެއް ނޭގިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޑޭ

28 November 2018

ތިޔާ ދަނީ ތޮޅިޔަކައްނޫން، ވެރިކަން ދަމަހައްޓަން ކޮންމެހެން ކުރަން ޖެހޭކަމެއްވީމަ ކުރަން މަޖުބޫރުވެގެން ތިޔާ އުޅެނީ،މަންޒަރު ވަރައް ސާފް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަޝްމަލީ

28 November 2018

ތިޔަ ސުޓޭޓް އަދި ޑެޕިއުޓީންގެ ޖުމްލަ މުސާރަ މަހަކު 3.5 މިލިޔަން ރުފިޔާއައް އަރާނެ. އަދި އަހަރަކު 42.72 މިލިޔަން ހަމައެކަނި މިމީހުންގެ މުސާރަތަކާއި އިނާޔަތްތަކައް އަރާނެ. މިއީ ހުސް ސިޔާސީ މަގާމު. މީގެ ތެރޭގައި ގިނަވާނީ ސިޔާސީ އަނގަތަޅުވާފަ ޓައި އަޅައިގެން ގެޔައްދާ މީހުން. އަދި ވަޒީފާއައް ހޮވާނީ ތައުލީމީ ނުވަތަ އެކުސްޕީރިއަންސުގެ ބަދަލުގަ ސިޔާސީ ލޯޔަލްޓީ އައް ބަލާފަ. މި ފައިސާ ހައްގުވޭތަ މިގޮތައް ޚަރަދުކުރަން.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިކަނޑާ

27 November 2018

މިވެސް ބަޔަކު މަރުދީގެން ވޯޓުލައިގެން ހޮވި ސަރުކާރެއް ވިއްޔަދޯ! އަންތަރީސް ވާވަރުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޖިދު

27 November 2018

ކުރީ ސަރުކާރުގައި ތިބި އަދަދު ނޭނގިއެއް ނުހުންނާނެ. މުސާރަދެނީ ފިނޭންސުން ދޯ! އެހެން ނޫނަސް ރަޢިސް އޮފީހުގައި ވެސް މި މައުލޫމާތު ހުންނާނެ. 700 އަށްވުރެ ގިނަވާނޭ ކިޔައިގެން އަނގަ ތެޅުވިދާނެ. މިއީ ފެންނަން ހުންނަ ހަގީގަތް. މިކަމުގައިވެސް މަކަރު. ދެން މިވަރު ފުކެއް ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުގެ

27 November 2018

އެންމެ ރަންގަޅުވާނީ ލޯބޯފިއްސައިގެން ވޯޓް ހޯދަން ދުވުނު މީހުން ބާކީ ކޮއްފަ ފިނި ކޮޓަރިތަކުގަ އުޅުނު މީހުންނައް ބަހާލީމަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކްސްފައިސާ

27 November 2018

ކުރީ ސަރުކާރުގަ ތިބި ހަގީގީ އަދަދެއް ނޭނގުމަކީ ދިވެހި ނޫސްވެރިން އަދި ދިވެހި ރައްޔިތުންގެ ވެސް ފެއިލިޔާއެއް. މިފަހަރު ތަންކޮޅެއް ރަނގަޅަށް މި މައުލޫމާތު ރައްޔިތުންނަށް ފެންނަން ހުންނާނެހެން ސަރުކާރުން ނޫނީ ނޫސްވެރިން ވިޔަސް ހަދާލާނެކަމަށް އުއްމީދުކުރަން.