ސީ ލައިފް ގްލޯބަލް އިން ހުޅުމާލޭގައި އިމާރާތް ކުރުމަށް ނިންމާފައިވާ ފްލެޓްތަކުގެ ކުރެހުމެއް: އެހެން ހައުސިން ޔުނިޓްތަކެއްގެ އެއްބަސްވުމުގެ މައްސަލާގައި ސަރުކާރާ ދެކޮޅަށް ސީ ލައިފް އިން ވަނީ ދައުވާ ކޮށްފައި
29 ނޮވެމްބަރ 2018 - 17:01
18 comments
ސީ ލައިފް މޯލްޑިވްސްއާ އެކު ސަރުކާރުން ހެދި އެއްބަސްވުމެއް އުވާލި މައްސަލައިގައި ސަރުކާރުން ދޭން އެއްބަސްވި 12 މިލިއަން ޑޮލަރު (185 މިލިއަން ރުފިޔާ) ނުދީގެން އެ ފައިސާ ހޯދަން ސީ ލައިފް ކުންފުނިން ދައުލަތާ ދެކޮޅަށް ސިވިލް ކޯޓުގައި ދައުވާކޮށްފި އެވެ.
ސީ ލައިފް އަކީ ހުޅުމާލޭގައި ހައުސިން މަޝްރޫއުތަކެއް ހިންގުމާ ހަވާލުވެ އެކި މީހުން އަތުން އެޑްވާންސަށް ފައިސާ ނެގުމަށް ފަހު، އެޕާޓްމެންޓްތައް ނުނިންމައި އަދި ބައެއް މީހުންނަށް ފައިސާ އަނބުރާ ނުދިން މައްސަލައިގައި ހިމެނޭ ކުންފުންޏެވެ. ސީ ލައިފަށް ދެއްކި ފައިސާތައް އަނބުރާ ހޯދަން ގިނަ ބަޔަކު އެ ކުންފުންޏާ ދެކޮޅަށް ދައުވާ ކޮށްފައިވާއިރު، އެ މައްސަލަ ފުލުހުން ވެސް މިހާރު ދަނީ ބަލަމުންނެވެ.
ސީ ލައިފް އިން ދައުލަތާ ދެކޮޅަށް ދައުވާކުރީ އެމްޑީޕީގެ ވެރިކަމުގައި 80 ހައުސިން ޔުނިޓް އެޅުމަށް އެ ކުންފުންޏަށް ސަރުކާރުން ދިނުމަށް ފަހު، އެ އެއްބަސްވުން 2011 ގައި އުވައިލުމުން ބަދަލުގެ ގޮތުގައި އެ 12 މިލިއަން ޑޮލަރު ދިނުމަށް ސަރުކާރުން އެއްބަސްވެ، ސެޓްލްމަންޓް އެއްބަސްވުމެއް ހެދުމަށް ފަހު އެ ފައިސާ ނުދިން މައްސަލައިގަ އެވެ. ސީ ލައިފަށް 12 މިލިއަން ޑޮލަރު ދިނުމުގެ އެއްބަސްވުމުގައި ސަރުކާރުން ސޮއިކުރީ މިދިޔަ ފެބްރުއަރީ މަހު އެވެ.
ސީ ލައިފްގެ ވަކީލް ހަސަން ފަލާހް ވިދާޅުވީ ހައުސިން ޔުނިޓް އެޅުމުގެ އެއްބަސްވުން އުވައިލުމުގެ ސަބަބުން އެ ކުންފުންޏަށް ލިބުނު ގެއްލުން 40 މިލިއަން ޑޮލަރަށް އަރާ ކަމަށާއި އެ މައުލޫމާތުތައް ހައުސިން މިނިސްޓްރީއަށް ހުށަހެޅުމުން ދެ ފަރާތުން މަޝްވަރާ ކުރުމަށް ފަހު ގެއްލުމުގެ ބަދަލު 12 މިލިއަން ޑޮލަރަށް ހަމަޖައްސަން ދެ ފަރާތުން އެއްބަސްވީ ކަމަށެވެ. އަދި އެ މަޝްރޫއަށް ސީ ލައިފް އިން ތިން މިލިއަން ޑޮލަރު ޚަރަދުކުރި ކަމަށް ވެސް ފަލާހް ވިދާޅުވި އެވެ.
ބަދަލުގެ ގޮތުގައި ދޭން އެއްބަސްވި ފައިސާ ހޯދަން ސީލައިފުން ދައުލަތާ ދެކޮޅަށް ދައުވާ ކުރިއިރު، ސަރުކާރުން އޭރު ވަނީ ސެޓްލްމަންޓް އެއްބަސްވުމެއްގައި އެއްވެސް ފަރާތަކާ އެކު ސޮއި ނުކުރާ ކަމަށް ބުނެ އެކަން ދޮގުކޮށްފަ އެވެ.
ސީ ލައިފް އިން ހުޅުމާލޭގައި އަޅަން އެއްބަސްވި ހައުސިން ޔުނިޓްތަކަށް އެޑްވާންސް ފައިސާ އަތުލުމަށް ފަހު އެތަންތަނުގެ މަސައްކަތް ނުނިމި އަދި އެޑްވާންސް ފައިސާ ވެސް އަނބުރާ ނުދިން މައްސަލާގައި ގިނަ ބަޔަކު އެ ކުންފުންޏާ ދެކޮޅަށް ދައުވާ ކުރާއިރު، އެކަމުގައި ހައުސިން ޑިވެލޮޕްމަންޓާއި އިކޮނޮމިކް މިނިސްޓްރީން ފިޔަވަޅު ނޭޅި ކަމަށް ބުނެ އެ ދެ އިދާރާއާ ދެކޮޅަށް ވެސް ގިނަ ބަޔަކު ވަނީ ދައުވާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިސާދެއްކިމީހެއް
30 November 2018
ސީލައިފްގެ ވެރިން ދީފާހުރި ނަންބަރުތަކުން މިއުޅެނީ އެމީހުނާ ނުގުޅިގެން. އެހެންކަމުން ސީލައިފްގެ ވަކީލުގެ ފޯނުނަމްބަރު ދީބަލަ.
ކިތާބު
30 November 2018
އެ މަޝްރޫއަށް ސީ ލައިފް އިން 3 މިލިއަން ޑޮލަރު ޚަރަދުކުރި. ލިބުނު ގެއްލުން 40 މިލިއަން ޑޮލަރަށް އަރާ. ބަދަލު 12 މިލިއަން ޑޮލަރަށް ހަމަޖައްސަން ދެ ފަރާތުން އެއްބަސްވި. ގަބޫލު ކުރާބަޔަކުވެސް އުޅޭނެ.
އަލީގ
30 November 2018
ރައްޔިތުންގެ ފައިސާ ކާލަން ވަރައް ފަސޭހަ ގޮތެއްދޯ. ގާތް ކުންފުންޏަކާއެކު އެގްރީމެންޓެއް ހަދާފަ ދުވަސްކޮޅެއްފަހުން އެއުވާލާފަ އެމީހުންނައް އެއްވެސް ކަމެއް ކުރަން ނުޖެހި ބަދަލުގެ ގޮތުގަ ބޮޑުސިންގާ ފައިސާ ގަނޑެއް އެމީހުންނައް ދިނުން ދެން ތިމާއައް އޭގެން ބައެއްއެޅުން.
ހުސެންހ
30 November 2018
އެއްބަސްވުން ހެދީ 2009ގަ، އޮވާލީ 2011ގަ. ސެޓްލްމަންޓް ހަދާ ބަދަލެއްގަގޮތުގަ 12މިލިޔަން ދޭން އެއްބަސްވީ 2011ގެ ފަހުކޮޅު. މަސައްކަތް މިކުރަނީ ޔާމިންގެ ސަރުކާރައް ފޫކަނޑާލާ އެއްބަސްވުން ހެދި ތާރީހާ، އޮވާލިތާރީހާ، ބަދަލުދޭން އެއްބަސްވި ވީމީހުންގެ ބޮލުން މިކަންނަގާ އެހެންބަޔެއްގެ ބޮލުގަ މިކަން އަޅުވަން.
ޞބޒޒ
29 November 2018
ލަދުހަޔާތުގެ ކަންފުޅެއަވެސްބެތޭ ދޯ މިސީލައިފްގެ. ކަލޭމެން ބްކިންގ ފީ އޭކިޔާފަ ނެގި ފައިސާތައްދައްކަބަލަ ފުރަތަމަ
ހައިރާން
29 November 2018
ކަލޯ އެތާފޮލެޓް އަޅާނަމޭ ކިޔާ އެތާ ފްލެޓް ނޭޅީމައި އެވާނީ ސަރުކާރުގެ މައްސަލަޔަކަށްތަ ދެން 100 އަހަރުވަންދެންވެސް އެތާ ފްލެޓްގަނޑު އެޅޭނެކަމަށް ސަރުކާރުން ތިބެންވީތަ..ތިޔަތަންނަތން މިވީހައި ހުރިހާ ސަރުކާރެއްގައިވެސް ނުއެޅުނު އަދިވެސް ސަރުކާރުންތަ ސީލައިފަށް ފައިސާ ދޭންޖެހެނީ .. ކަލޯމެންއަތުން 3 މިލިޔަންޑޮލަރު ހަރަދުވީ އެބިންތަކުގެ ވަށައިގެން ބާޓިނުޖަހަންތަ..
ހަކީމް
29 November 2018
ޔާމީނު ސަރުކާރުން ވެއްޓެމުން ދިޔައިރު ޖަހާފަ ހުންނަ މަޅި ...
މަޅި
30 November 2018
މި ކުންފުނީގެ ފަހަތުގަ ހުރިމީހާ އެނގޭމީހުން މި ޤައުމުގަ އެބަތިބި. ތީހަމަ ރަނގަޅަށްވެސް ޖަހާފައޮތް މަޅިއެއްކަން ވެސް އެބައިމީހުންނަށް އެނގޭނެ. އެޑްވާންސަށް ނެގި ލާރިތައް ގެޔަށް ގެނައިމަ ބައްޕައެއް ނާހާ ތިއީ ކޮންތާކުންގެނައި ލާރިއެއްތޯއެއް. އިތުރަށް މަސައްކަތެއްނުކޮށް އެޑީލުން އިތުރަށް ލާރިކެވޭނެގޮތް ކިޔައިދިނީ.
ހުއްބުލް ގަލަން
29 November 2018
ކޮބާތަ މިވެރިން ފްލެޓް އަޅާާނަމޭކިޔާފަ ރައްޔިތުންގެ އަތުން އެޑްވާންސްކޮށް ކައްވާލި ލާރިގަނޑު. އަދިވެސް މިވެރިންނަށްތަ ލާރިދޭންޖެހެނީ. ކިހާބޮޑު ނުހުރުއްޕާނެއްމީދެން.
ހުވާ
29 November 2018
ބައްޔެއް ނުން ދެން މި. ފާޑު ފާޑު ކުންފުނި ހަދައިގެން ކަންކަން ކުރާނެ ކަމަށޤ ބުނެ ސަރުކާރުން އެއްބަސްވުން ހަދައި ދެން ދުވަސްކޮޅެއް ފަހުން އެއްބަސްވުން ބާޠިލްކޮށް އެއްކަލަ ކުންފުންޏަށް ސަރުކާރުން ގެއްލުމުގެ ބދަލުގެ ނަމގައި ފައިސާބޮނޑީވަރެއް ހޯޑަން މީ ހަމަ ސަތޭކައިގެ ވިޔަފާޜިއެއް. އެންމެން މިކަމެއްނުން ކުރަންވީ. ހެޔޮނުުވާނެ ވަގުންގެ ކިބައިން މިގަުމު ސަލާޟަތްކޮށްދޭނެ ބަޔަކު ބޭނުން. ބައިތުލްމާލަށް ތިހެންހަދަން ހެޔޮނުވާނެ. އެތަކެއް ރައްޔިތުންގެ ހައްގު
އުމަރުބެ
29 November 2018
ގައުމަށް ހިޔާނާތްތެރިވި މީހުން ގޮވައިގެން ދައުވާނުކުރާތީ ހިޔާނާތްވި މީހުން މިނިވަންވެ ސަރުކާރާ ދެކޮޅަށް ދައުވާކުރަން އެފެށީ، ދެން ފެންނާނީ އެމީހުން އެކުވެގެން ޕާޓީހަދައިގެން ގޭންގުތަށް އެއްކޮށްލައިގެން ހިޔާނާތްވި ފައިސާއަށް ސަރުކާރުގެ ވެރިން ގަންނަތަން، އަދި މަޖިލިހުގެ މެޖޯރިޓީ ގަންނަތަން