އެމްޑީޕީގެ ގައުމީ މަޖިލީހުގެ މިރޭގެ ބައްދަލުވުމުގައި ކުރީގެ ރައީސް މުހަންމަދު ނަޝީދު ވާހަކަފުޅު ދައްކަވަނީ -- ފޮޓޯ: ނިޝާން އަލީ/ މިހާރު
01 ޑިސެމްބަރ 2018 - 23:23
241 comments
އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި ހުރިހާ ދާއިރާއަކަށް ވާދަކުރަން އެމްޑީޕީން މިރޭ ނިންމައިފި އެވެ.
އެމްޑީޕީގެ ގައުމީ މަޖިލީހުގެ ޖަލްސާއިން އެގޮތަށް ފާސްކުރީ ކުރީގެ ރައީސް މުހައްމަދު ނަޝީދު ހުށަހެޅުއްވި ހުށަހެޅުމަކަށެވެ. މަޖިލީހުގެ 87 ދާއިރާއަށް ވާދަކުރަން ނަޝީދު ހުށަހެޅުއްވި އެ ހުށަހެޅުން ފާސްކުރީ ވޯޓުގައި ބައިވެރިވި 80 މެމްބަރުންގެ ތެރެއިން 79 މެމްބަރުންގެ ވޯޓުންނެވެ.
މިރޭގެ ޖަލްސާގައި ވާހަކަ ދައްކަވަމުން ނަޝީދު ވިދާޅުވީ މަޖިލީހުގެ ގޮނޑިތައް ބަހާނެ ގޮތަކާ ބެހޭގޮތުން ކޯލިޝަންގައި ދެން ތިއްބެވި ތިން ލީޑަރުންނާ އެކު ވަކިވަކިން ވެސް ބައްދަލުވުން ބޭއްވި ކަމަށާއި އެ ބޭފުޅުން ބޭނުންފުޅުވީ ކޯލިޝަން އެއްބަސްވުމުގައިވާ ގޮތަށް އެމްޑީޕީން 35 ގޮނޑިއަށް ވާދަކުރަން ކަމަށެވެ. އެކަމަކު އެ އަދަދަކީ އެމްޑީޕީއަށް އެކަށީގެންވާ އަދަދެއް ކަމަށް ގަބޫލުފުޅު ނުކުރެއްވޭތީ އެގޮތަށް އެމަނިކުފާނު އެއްބަސްވެ ވަޑައިނުގަތީ ކަމަށް ނަޝީދު ވިދާޅުވި އެވެ.
އެމްޑީޕީގެ ގައުމީ މަޖިލީހުގެ މިރޭގެ ބައްދަލުވުމުގައި ބައިވެރިވެ ވަޑައިގެންނެވި ބައެއް ބޭފުޅުން -- ފޮޓޯ: ނިޝާން އަލީ/ މިހާރު
"ޕާޓީގެ އޮފީހުގައި ހުރިހާ ޕާޓީތަކާ ވާހަކަ ދައްކައި، މަޝްވަރާ ކުރެވުނުއިރު ވެސް 35 ގޮނޑި ނޫން ގޮތަކަށް ޚާއްސަކޮށް ރައީސް މައުމޫންގެ ރިފޯމް މޫވްމަންޓަށާއި އަދި އަދާލަތު ޕާޓީއަށް އެއްބަސްވެއެއް ނުވެވުނު." ނަޝީދު ވިދާޅުވި އެވެ.
ނަޝީދު ވިދާޅުވި ގޮތުގައި އެމްޑީޕީގެ އެންމެ ބޮޑު އަމާޒަކީ މަޖިލީހުގެ ގިނަ ގޮނޑި ހޯދުން ނޫން ކަމަށާއި ރައީސް އިބްރާހިމް މުހައްމަދު ސޯލިހްގެ ސަރުކާރު ދެމެހެއްޓުމަކީ ވެސް އެންމެ ބޮޑަށް އެއް އަމާޒެއް ކަމަށެވެ. އެކަމަކު މާޗް މަހު އޮންނަ މަޖިލިސް އިންތިޚާބަށް ތައްޔާރުވުމަށްޓަކައި ވަގުތު ބޭނުންވާތީ އެމްޑީޕީން ވާދަ ކުރާނެ ގޮނޑިތައް މިރެއިން މިރެއަށް ކަނޑައަޅަންޖެހޭ ކަމަށް އެމަނިކުފާނު ވިދާޅުވި އެވެ.
"އަޅުގަނޑެއް ނުދެކެން އަޅުގަނޑުމެންނަށް ގިނަ ގޮނޑި ލިބޭނީ 87 ގޮނޑިއަށް ވާދަކުރީމާ ކަމަކަށް. އެހެން ނަމަވެސް މި ޕާޓީގެ އެންމެ ބޮޑު މަސްލަހަތު ހިމެނިފައި އޮތީ 87 ގޮނޑިއަށް ވާދަކުރަން ކަމަށް މި މަޖިލީހުން އަޅުގަނޑަށް ފެންނާތީވެ އަޅުގަނޑަށް ވެސް ތާއީދު ކުރަނީ 87 ގޮނޑިއަށް އަޅުގަނޑުމެން ވާދަކުރަން،" ނަޝީދު ވިދާޅުވި އެވެ.
އެމްޑީޕީގެ ގައުމީ މަޖިލީހުގެ މިރޭގެ ބައްދަލުވުމުގައި ބައިވެރިވެ ވަޑައިގެންނެވި ބައެއް ބޭފުޅުން -- ފޮޓޯ: ނިޝާން އަލީ/ މިހާރު
މިރޭގެ ޖަލްސާގައި ވާހަކަ ދެއްކި ގިނަ މެމްބަރުން ވެސް ވާހަކަ ދެއްކީ މަޖިލީހުގެ ގޮނޑިތައް ބަހާނެ ގޮތަކާ މެދު އެއްބަސް ނުވެވޭ ނަމަ، ހުރިހާ ދާއިރާއަކަށް އެމްޑީޕީން ވާދަ ކުރުމަށެވެ. ޕާޓީގެ އާންމު މެމްބަރުންގެ ޚިޔާލުތަކަށް ބެލުމެއް ނެތި، ކޯލިޝަން މެދުވެރިކޮށް ގޮނޑިތައް ޕާޓީތަކަށް ބެހުމަަށް ތާއީދު ނުކުރެވޭނެ ކަމަށް ގައުމީ މަޖިލީހުގެ ގިނަ މެމްބަރުން ވާހަކަ ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި ދަރި
02 December 2018
ހީއްލަތްތެރި މީހުންގެ ހީލަތްތެރިކަމުން މިޤައުމު ސަލާމަތް ކުރައްވާށި، އަދި އެފަދަ މީހުންގެ ނުބައި ރޭވުންތައް ބާތިލް ކުރައްވާށި. އާމީން.
ޝިޔާމު/ހުޅުދޫ/ޔޫއޭއީ
02 December 2018
އަޅުގަނޑުގެ މައްސަލައެއްނެތް ރެނދު ލިޔަކަސް އަޅުގަނޑުވެސް ގަބޫލުކުރަން މ.ބަގީޗާގެ އޮނަރަބުލް މުހައްމަދު ޝިހާބު ރޭގައި ވިދާޅުވި މުހިއްމު އިބުރަތްތެރި ބަސްފުޅު..މާޒީއަށް ބަލަންޖެހޭ ހިސްޓުރީ އޮޅުވައެއްނުލެވޭނެ.. އެމް ޑީ ޕީ ނިކުމެ އެތިބީ އިބޫގެ ސަރުކާރު ނެގެހެއްޓުމަށް.. ކޯލިޝަނުގައި ތިޔަ ތިއްބެވި ބޭފުޅުންގެ މާޒީ ޔޫޓިއުބުތަކުގައި މިއަދުވެސް އެހެރީ ފެންނަން. އިބޫގެ ވެރިކަން ދެމެހެއްޓުމމުގައި ރާއްޖެއޮތީ.ވޭތވެދިޔަ 850 އަހަރުގެހިސްޓުރީގެ ރެކޯރޑުޠޯހިރުބޭފ
ދޮންހަސަންބެ
02 December 2018
މުނާފިގުން ގެ އާދައަކީ ވައުދެއްވެ އަހުދެއްކުރެވިއްޖެނަމަ އެއާ ޚިލާފުވުން.. ނަޝީދު އަކީ 2008 ވެސް ވީ އެއްބަސްވުމާއި ޚިލާފުވިމީހެއް. ރައްޔިތުން ހޭލާ ނަޝިދު ގެ ރޭވުމަކީ މީގެ ކުރިން އިންޑިއާ އެކު ހަދާފައިވާ އިންޑިއާ ސިފައިން ޜާއްޖޭގައި ބޭތިއްބުމައް ވި އެއްބަސްވުން ދަމަހައްޓާ ޜާއްޖޭގެ އުތުރާ ދެކުނުގައި އިންޑިއާ ގެ ސިފައިން 50 އަހރައް ތިބޭވޭނެ މަގުތަނވަސްކުރުން. މިކަމއް އިންޑިއާ އިން ދަނީ ހަރަދު ކުރަމުން..
އަލީތަކުރު
02 December 2018
މަށަށް މަށަށް !
އާންމު
02 December 2018
4 ލީޑަރުން ހަދާއެއްޗެއް ހެދިޔަސް އިބޫއަށް 5 އަހަރު ދެނިކޮށް މަށަށް ނިމުނީ. ވެރިކަން ވައްޓަން ނޫޅެ އަންބޮޑި ބޮޑުކުރަން ހުރިހާ ޕާޓީއަކުންވެސް ކުރަންބޭނުންވާކަމެއް ކުރޭ.
ޤާދިރު
02 December 2018
ވައުދެއް ކޮށްފިނަމަ އެ ވައުދަކާ ޚިލާފުވާނެ. އަމާނާތަކާ ޙަވާލުވެއްޖެނަމަ ޚިޔާނާތްވާނެ. ވާހަކައެއް ދައްކާނަމަ ހަދާނީ ހުސްދޮގު. މި ފަދަ މުނާފިގު ބަޔަކު އިސްކޮށްތިބި ޕާޓީއަކަށް ދުވަހަކު ވެސް އިތުބާރު ކުރަން ވާނެތަ؟
ދާދޭ
02 December 2018
ރައީސް ނަޝީދެއް ބޭނުންނުވާނެ ގަދަކަން ދެއްކުން ނޫން އެހެންކަމެއް. ހީކުރައްވަނީ ތިމާނޫން އެހެން މީހަކަށް އެއްޗެއް ނުވިސްނޭނެކަމަށް. ރާއްޖެއާދެވޭނެ ގޮތް ހޯދުމުގެ ނިޔަތުގައި ހެދި އެއްބަސްވުމަކާ ވައްތަރީ. އެކަން ފުރިހަމަވުމުން ދެން އެފެށީ ބާރުދައްކަން. ހީކުރައްވަނީ ލައްކައެކޭ ދޮތަ؟
އީމަން
02 December 2018
ނަޝީދު އަކީ އަމިއްލަ އެދުމުން ފޯވެ ތަތްތެޅިފަ ހުރި މީހެކެވެ.
ވަހީދު
02 December 2018
2014 ގައި ޕޕމ އަށް ސުޕާ މެޖޯރިޓީ ލިބުނީމަ އިގުނެއްނު ހެދި ގޮތް. މޑޕ އަކަށް ވެސް ސުޕާ އެއް ލިބިގެން ނުވާނެ. ނުލިބޭނެ
ގރހލ
02 December 2018
މައުމޫން ސޮއިނުކުރީ ސަރުކާރާއި މަޖިލީހުގެ 25 ޕަރސެންޓް ނުދީގެން. މި ގޮތަށް ޖޭޕީއަށް ތި ބުނާ ވަރު ދީފާ އެމްޑީޕީއަށް ނެތެއްނު އެއްޗެއް. ވީމާ 60 އަށް ލުން އޯކޭ. ބާކީ ހުރި ހުރިހާ ގޮނޑިއެއް ތިޔަ ޕާޓީތަކަށް ނެގުމަށް އެމްޑީޕީ މެންބަރުން މަސައްކަތް ކުރާނެ. ހިތްވަރު ހުރި ބައެއް. އެކުގައި ކުރިއަށް ދިއުން ވަރަށް މުހިއްމު.