ކުރީގެ ޑިފެންސް މިނިސްޓަރު އާދަމް ޝަރީފް. --- ފޮޓޯ: މިހާރު
03 ޑިސެމްބަރ 2018 - 10:18
20 comments
ކުރީގެ ޑިފެންސް މިނިސްޓަރު އާދަމް ޝަރީފް އުމަރު ރައްޔިތުންގެ މަޖިލިހުގެ އިމްތިޔާޒް ކޮމިޓީއަށް ހާޒިރުކޮށް ސުވާލުކުރަން ބޭއްވި ބައްދަލުވުން، ލިޔެކިޔުންތަކެއް ނުލިބި ލަސްވުމުގެ ސަބަބުން، ރޭ ކެންސަލްކޮށްފި އެވެ. ކޮމިޓީ ކެންސަލް ކުރިއިރު، އާދަމް ޝަރީފް މަޖިލީހަށް ވެސް ވަޑައިގެންނެވި އެވެ.
އާދަމް ޝަރީފް މަޖިލީހުގެ ކޮމިޓީ އަށް ހާޒިރު ކުރަން ނިންމީ މިދިޔަ އަހަރުގެ ޖުލައި 24 ގައި މަޖިލީހުގެ މެމްބަރުންތަކެއް މަޖިލީހުގެ އިދާރާ އިން ގަދަކަމުން ނެރުނު މައްސަލައިގައި އެ ވަގުތު ފުލުހުންނާއި ސިފައިންގެ އިސް މަގާމުތަކުގައި ތިއްބެވި ބޭފުޅުން ހާޒިރު ކުރަން ފާސްކުރުމުންނެވެ.
ނަމަވެސް ރޭގެ ބައްދަލުވުން އޮތީ މީޑިއާ އަށް ސިއްރުކޮށްފަ އެވެ.
ކޮމިޓީގެ މެމްބަރަކު "މިހާރު" އަށް މިއަދު ވިދާޅުވީ އާދަމް ޝަރީފާ ސުވާލުނުކޮށް ބައްދަލުވުން ފަސްކުރީ، މަޖިލީހުން ލިބެން ޖެހޭ ލިޔެކިޔުންތަކަކާއި މިނިސްޓްރީތަކަކުން ލިބެން ޖެހޭ ލިޔެކިޔުންތަކެއް ނުލިބިގެން ކަމަށެވެ. ލިޔެކިޔުންތައް ލިބުމާ އެކު، އާދަމް ޝަރީފް އަލުން ކޮމިޓީ އަށް ހާޒިރު ކުރާނެ ކަމަށް އޭނާ ވިދާޅުވި އެވެ.
އާދަމް ޝަރީފް ވިދާޅުވީ އިމްތިޔާޒް ކޮމިޓީ އަށް ހުށަހެޅި މައްސަލަ އަށް ޖަވާބުދާރީވެވަޑައިގަތުމަށް ތައްޔާރަށް ހުންނެވި ކަމަށާއި އެ ދުވަހު ގާނޫނާ ހިލާފު ކަމެއް ކުރައްވާފައި ނުވާނެ ކަމަށެވެ. އަދި އެ ދުވަހުގެ ހާދިސާއާ ގުޅިގެން ޖަވާބު ނުދެވޭ ކަމެއް ނޯންނާނެ ކަމަށް ވެސް އޭނާ ވިދާޅުވި އެވެ.
ރައްޔިތުންގެ މަޖިލީހުގެ މެމްބަރުން މަޖިލީހަށް ވަނުމަށް ވަޑައިގަތުމާއި ގުޅިގެން ފުލުހުންނާއި ދެމެދު ހިނގި ކުރިމަތިލުން.---މިހާރު ފޮޓޯ: ހުސެއިން ވަހީދު
އޭނާ ވިދާޅުވި ގޮތުގައި، އެ ދުވަހު ހިނގައިިދިޔަ ކަންކަމުގައި ބައިވެރިވެވަޑައިގެންނެވި ގިނަ މެމްބަރުންތަކެއް ކޮމިޓީގައި ތިއްބަވައިގެން މައްސަލަ ބެއްލެވުމަކީ މަސްލަހަތު ފުށުއަރާ ކަމެކެވެ. އަސްކަރީ ގޮތުން އުސޫލާ ހިލާފަށް ކަމެއް ކޮށްފި ނަމަ، އެކަމެއް ބަލަން ޖެހޭނީ ސިފައިންގެ ތެރޭގައި ކަމަށް ވެސް އޭނާ ވިދާޅުވި އެވެ.
އާދަމް ޝަރީފް ވިދާޅުވީ އެ ދުވަހު މަޖިލީހުގެ ސަލާމަތީ ކަންކަން ވަރުގަދަ ކުރީ މަޖިލީހުގެ އިދާރާ އިން ފޮނުވި ސިޓީއަކާ ގުޅިގެން ކަމަށެވެ. އެގޮތުން، އެ ސިޓީގައި މަޖިލީހުގެ ތެރޭގަ އާއި ބޭރުގައި ހަމަނުޖެހުން ހިންގަން އުޅޭ ކަމުގެ މައުލޫމާތު މަޖިލީހުގެ އިދާރާ އިން ދިން ކަމަށް އޭނާ ވިދާޅުވި އެވެ.
"އަޅުގަނޑުމެން ގާނޫނާ ހިލާފަށް ނުވަތަ އިންސާނީ ކަރާމާތަށް އުނިކަމެއް އަންނަ އަމުރެއް ނުކުރަން. ސިފައިން އެ ދުވަހު ހިންގި ކަންކަމާ ގުޅިގެން މައްސަލައެއް ހުށަހަޅާފައި ނެތް. ހުށަހެޅި ނަމަ، އެކަން އަޅުގަނޑުމެން ބަލާނަން،" އާދަމް ޝަރީފް ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން އިދިކޮޅު މެމްބަރުން ހުއްޓުވަން ސިފައިންނާއި ފުލުހުން ބޭނުންކުރަން ފެށީ ރައްޔިތުންގެ މަޖިލިހުގެ މެޖޯރިޓީ ގެއްލުނު ހިސާބުންނެވެ.
އޭރު ޕީޕީއެމްގެ 12 މެމްބަރަކު، ރައްޔިތުންގެ މަޖިލިހުގެ އޭރުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މަައްސަލާގައި ސޮއިކުރެއްވުމާ އެކު، ޔާމީންގެ ބާރުގެ ދަށުން މަޖިލިސް ގާތްގަނޑަކަށް އޮތީ ގޮސްފަ އެވެ. އެކަމަކު މަސީހުގެ މައްސަލަ އެޖެންޑާނުކޮށް ބޭރުކުރީ އެވެ. އިދިކޮޅު މެމްބަރުން ޖުލައި 24 ވަނަ ދުވަހު މަޖިލިހަށް ވަންނަން ދިޔައީ އެކަމާ ހިތްހަމަނުޖެހިގެނެވެ.
އެ މެމްބަރުންނަށް ސިފައިންނާއި ފުލުހުން ހުރަސްއެޅި އިރު ޕޮލިސް ކޮމިޝަނަރުގެ މަގާމުގައި ހުންނެވީ ހުސެއިން އަރީފެވެ. ޗީފް އޮފް ޑިފެންސް ފޯސްގެ މަގާމުގައި ހުންނެވީ މިހާރު ވެސް އެ މަގާމުގައި ހުންނެވި މޭޖާ ޖެނެރަލް އަހުމަދު ޝިޔާމެވެ. ޑިފެންސް މިނިސްޓަރަކީ އާދަމް ޝަރީފެވެ.
ސަރުކާރު ކޯލިޝަންގެ އަޣުލަބިއްޔަތު އޮންނަ އިމްތިޔާޒް ކޮމިޓީ އަށް އިންތި ހުށަހެޅުއްވި މައްސަލައިގައި ބުނެފައި ވަނީ އެ ދުވަހު މެމްބަރުން މަޖިލީހަށް ވަންނަވަން މަސައްކަތް ކުރެއްވުމުން އެސްއޯ ފުލުހުންނާއި ސިފައިން އެ މެމްބަރުންގެ ގަޔަށް އަތްލައި، މެމްބަރުންގެ ލޮލަށް ޕެޕާ ސްޕްރޭ ޖަހާފައިވާ ކަމަށެވެ. އަދި މެމްބަރުން މަޖިލީހުގެ އިދާރާ އިން ބޭރުކޮށްލީ "ދަމައި ކޫއްތާފައި" ކަމަށް އެ މައްސަލައިގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
03 December 2018
ފިނިފެންމާ ދޯނި ގޮވައިގެން ގައުމަށް ލިބުނީ ބޮޑު ނަސްރެއްކަމުގަ މިނިސްޓަރު ދިދާޅުވި.އެހެންތާ ބުނާނީ އެޑިއުކޭޝަން މިނިސްޓްރީގެ ސްޓޭޓް މިނިސްޓަރގެ މަގާމުން ގައުމުގެ ޑިފެންސް މިނިސްޓްރުގެ މަގާމަށް އާދެވުން އެއީ ކިހާބޮޑު ފުޅާ ނަސްރެއް ތޯ!!އެހެންވީމަ މިނިސްޓަރާ ސުވާލުކުރަން ޖެހޭނެ.ވ.ވެދުން
ދުޅަހެޔޮ
03 December 2018
އެންމެ ފިޑި އެއް މިނިސްޓަރު މިއީ. ކޮންމެ ކަމެއްކޮއްފަވެސް އަނެކަކާގެ ބޮލުގަ އެޅުވޭތޯ. އެޑިއުކޭޝަން މިނިސްޓްރީގެ ސްޓޭޓް މިނިސްޓަރގެ މަގާމުގައި ހުރި ނަމަ މާރީތިވީސް. ބޮޑު ފަޅިން ކާން ހަދާއިގެން ލަނޑުލިބުނީ. ދެންވެސް ޖޭޕީ އަށް ސޮއި ކުރަން އަވަހަށް ފެނޭ. ހެހެހެ...
ފަޅުވެރިން
03 December 2018
ބަދަލުހިފުމުގެ އޮއިވަރެއްގައި ތިގޮތަށް މީހުންނާ އަޅައިގަނެގެން އުޅުމުން އެނގެނީ އައު ސަރުކާރުގެ ނުފޯރާކަން! ސަރުކާރުގެ ފޯކަސް ގެއްލިފައިވާކަން! ޙަޤީޤަތުގައި ތިމާމެން ފޯކަސް ކުރަންވީ ކަންކަމާ މެދު ފޯކަސް ކުރުމުގެ ޤާބިލުކަމެއް ނެތްކަން!!
ޢަބްދުﷲނާފިޒް
04 December 2018
ބަލަގަ ފަޅުވެރިން، އެކުރަން އުޅޭކަން ނުކޮށް ދޫކޮށްލިއަސް ބުނާނެ ފޯކަސް ގެއްލިފައޭ، ކޮންމެހެންވެސް ކުރަން ޖެހޭ ކަމެއް އެއީ، ޖަރީމާ ހިންގި މީހުނާ ވައްކަން ކުރި މީހުންގެ މައްސަލަތައް ބަލަން ޖެހޭ އެހެން އެއްކަމެއް ނުކުރިއަސް، އެއީ ރައްޔިތުން ބޭނުންވާނެ ވަރަށް މުހިއްމު ކަމެއް، ވެރިކަމަށް އަންނަ ކޮންމެ ބަޔަކު ރައްޔިތުންގެ ތިޖޫރި ފޫދުއްވާލީމަ ބޮޑުވަރިހަމަ ވެގެން ތިބެގެން ނުވާނެ، އެކަމެއް ބަލަން ޖެހޭނެ.
ދުޅަހެޔޮ
03 December 2018
މީނަ އާއި މީނަގެ އަންހެނުންނަކީ ވަރަށް ކޮރަޕްޓް މީހެއް. އެޑިޔުކޭޝަން ދާއިރާ ތަޢައްޔަރު ކުރި ބޮޑުންތަކުތެރޭން އެންމެ ނުބައި ރޯލް ކުޅުނީ މިދެމީހުން، މެޑަމް ގެ އޮފީސް ތެރެއިންވެސް. އެޑިޔުކޭޝަން ދާއިރާއިން އުފެދުނު ބައެއް އަދި މުޅި އެޑިޔުކޭޝަން ދާއިރާއަށް ލިބުނު ހުތުރެއް. މިފަދަ ނުބައި މީހުން ކިބައިން މިޤައުމު ސަލާމަތް ކުރައްވާދޭނވެ.
ދަތްނެތްކުއްޖާ
03 December 2018
ޤާނޫނަށް ފައިން އަރާ ތިމާމެން ބޭނުން ހާގޮތަކަށް ޤާނޫނު ހަދާ ތިމާމެން ބޭނުންވެއްޖެ ހާލަތެއްގައި ސްޕްރިމް ކޯޓުގެ ފުރާލުން ޓިނު ނަގައި އެތާގައި ތިއްބަވާ ފަނޑިޔާރުން ކުޑަކަކޫ ޖައްސުވާ އަނިޔާ ކުރުމަށްފަހު އެވެރިން ހައްޔަރު ކޮއް ދެން މި ބުނަނީ މިކަންކަމީ ޤާނޫނާއި ހެދިފައި ހުރި ޤަވާޢިދުގެ ތެރެއިންނޭ މިބުނި ކަންކަން ކޮއްފައި މިހުރީ. ތިމަމެން ޤާނޫނާއި ޤަވާއިދާއި ޙިލާފް ވެފައެއް ނުވަމުއޭ. މަނިކުފާނެވެ. ހެކިތަކާއި ޤަރީނާ އެހެރީއެވެ. އޮތީ ކުޑަ ގޮލިއެވެ.
ސޭޓުގެ އަނބިމީހާގެ ފިރިމީހާ
03 December 2018
ޚަބަރުތައް ދައްކާގޮތުން މަޖިލީހުގެރައީސް އުޅުއްވަވަނީ އަނބިކަނބަލުންއަރިހުގައި އައްޑޫގަ ތިއްތިގުޑުވުމާއި، ދަޅަދެއްކުމާއިއެކު އަމިއްލަބާލީހަށް ކަފަގެނުވޭތޯއެވެ! މަޖިލީހުގެ ނާއިބްރައީސް ނުފެނެއެވެ. ކޮންފަދަކޮނުމެއް ކޮންނަނީބާވައެވެ؟ ޖަލްސާތަކުގެ ރިޔާސަތުބަލަހައްޓަވަނީ ދުވަސްވީ މެންބަރެކެވެ. މިފަދަކަމެއް ހިނގާއިރު މަޖިލީހުގެ ޙާލަކީ މިއެެވެ. ތިލެޔެކިއުންތައް ނުލިބެންވީސަބަބެއްނުވިސްނެއެވެ. މައްސަލަ އެހެންގޮތަކަށް އެނބުރެންއުޅޭހެން އެބަހީވެއެވެ.
އިބްޝާ .
03 December 2018
ގާސިމަށް ތިމައްސަލަ ސިއްރުކުރުމުގެ އެއްވެސް ހައްޤެއް ނޯންނާނެ .. މީ އެއްމެމަތީ ދަރަޖައިގަ އެތައްހާސް ރައްޔިތުންގެ ހައްގުތަކާ ގުޅިފައިވާ ކަމެއް .. 60000 ރައްޔިތުން ގޮވާލަމުން ދަނީ ސިފައިންނާ ފުލުހުންގެތޭން ބަޔަކު ، ގޮތްކުޑަކަމާ ލަދުހަޔާތް ކުޑަކަން ކުރިޔަށް ނެރެ ،، އަހަރެންގެ އިއްޒަތަށާ ޝަރަރަށް ނުލާހިކު އަނިޔާދީ ފައިން އަރާ ޗިސްކުރި މައްސަލަ ވީހާވެސް ހާމަކަން ބޮޑުކޮށް ބަލާ .. ސާބިތުވާ ފަރާތްތަކަށް އެއްމެމަތީ އަދަބުދިނުމަށް ..
ނުކިޔަވާ
03 December 2018
އެމްޑީޕީންނަކީ އަބަދުވެސް ލިޔެކިއުމެއްނެތް ކަންކަމުގަހިފާ ހަޅޭލަވާބަޔެއް، 800 މިލިޔަން ޑޮލަރޭވެސްކި މައުމޫނުގެ ވެރިކަމުގަ، އެކަމަކު މިމީހުންވެިކަމަށް އައިސްބެލިއިރު އެވެސް ހެއްކެއްނެތި ގޮވިހާގޮވެލިތަކެއް ރައްޔިތުންގެ ތާއިދުހޯދަން!
ެެމްގގގގގ
04 December 2018
އައިސް ބަލަން ވީ އިރަށް ލިޔެކިޔުން ނައްތާލީމަ ލިޔެކިޔުން ހުންނާނެތަ
ސަރުކާނު
03 December 2018
ދަމާ ކޫއްތާފާ ނެރެންޖެހުނީމާ ދަމާ ކޫއްތާފަވެސް ނެރޭނެ. އަދި މަޖިލީހަސް ވަދެ ގަދަފައި ވިއްދާފައި ޝަރީޢަތުގެ މަޖިލީހަށް ފިލާތިބިއިރު އެކަންވެސް އެގޮތަސް ދިޔަނޫންތޯ؟
ޜާކަނި މަސް ކޭ
03 December 2018
މަޖިލީހަން ކޮންމެހެނަކުން ފުލުހުންނާ ސިފާން ވަންނާކަން ނުޖެހޭ،ތީ ރާންޖޭގެ ގާނޫނު ހަދާމަޖިލިސް ތީ ހަތިއާރު ހިފާގެން ތިބި މެންބަރުން ތަކެން ނޫންވިއާ، ސިފާން،ޕޮލިހުން މެންބަރުން ގެ ލޮލަން ﷲހުމާން ކުރެންވި ގުނަވަނަކަން ލޮލަން ޕެޕާސުޕުރޭޖަހާކަން.ޕޮލިހުން ،ސިފާން ފަހަކަން އައިސް ކުރަމުން ގެންދާ ގާނޫނާ ހިލާފު ކަން ތަައް،އަދި ގާނޫނާ ހިލާފު އަމުރުތަން ހެމީހުނަން ލިބޭ ފައިދާގަޑަކަންވަނީ ހަރާންކޯރުވެފަ،ބަގާވާ ކުރީމަ ވެސް ފުލެޓު.ލީބޭ.ބާގީ ނާޒިމް.ބާގީ ގާސިމް
ބައޯކަލޯ
03 December 2018
އެންމެންގެ ލޯމަތިން އެހެރަފެންނަ މަންޒަރއަކުން އާދަމްޝަރީފް ދޮގުތުހުމަތެއް ކުރިޔަސް އެޔޮއްތީ ހަމަރަނގަޅަށް ހެކިފެންނަން.
ޗިއްލޫ
03 December 2018
ނަޝީދު އެންމެންގެ ކުރިމަތިން ގާޒީ ވަގަށް ނެގީވެސް އެކަމަކު އެވެސް ކޯޓުން އޮޅުވާލި އެއީ ވަގަށްނެގީނޫންކަމަށް!