އިއްޔެ ވެހުނެ ވާރޭގައި މާލޭގެ ފެންބޮޑުވެފައިވާ މަގުތަކުގައި ބަޔަކު އެ މީހުންގެ ސައިކަލުތައް އަތުން ހިފައިގެން ގެންދަނީ -- ފޮޓޯ: މިހާރު
06 ޑިސެމްބަރ 2018 - 10:34
10 comments
އިއްޔެ މާލެއަށް ރިކޯޑް އަދަދަކަށް ވާރޭވެހުނު ކަމަށް މެޓް އޮފީހުން މިއަދު ބުނެފި އެވެ.
އިއްޔެ ހެނދުނު 8:00 އިން ފެށިގެން ރޭގަނޑު 8:00 އަށް މާލެއަށް މުޅިއަކު 223.5 މިލިމީޓަރުގެ ވާރޭ ވެހުނު ކަމަށް އެ އޮފީހުން ބުންޏެވެ. އެތަނުން ބުނީ އާންމުކޮށް މާލެއަށް އެންމެ ގިނައިން ވެސް 100 މިލިމީޓަރަށް ވުރެ ގިނައިން ވާރޭ ވެހިފައި ނުވާ ކަމަށެވެ.
މެޓް އޮފީހުގެ ތަފާސްހިސާބުތަބުކަން އެނގޭ ގޮތުގައި މީގެ ކުރިން މާލެ އަށް އެންމެ ގިނައިން ވާރޭ ވެހިފައި ވަނީ 11 ޑިސެމްބަރު، 1998 ގައި 200 މިލިމީޓަރަށެވެ. ނަމަވެސް ރާއްޖޭގެ ރަށަކަށް އެންމެ ބޯކޮށް ވާރޭ ވެހިފައި ވަނީ 24 ނޮވެމްބަރު، 2015 ގައި ކަމަށް ވެސް އެތަނުން ބުންޏެވެ. އެއީ ސ. ގަމަށް ވެހުނު 228.4 މިލިލީޓަރުގެ ވާރޭ އެވެ.
މާލޭގެ މަގުތަކުން ފެން ހިންދުމުގެ މަސައްކަތް އެމްއެންޑީއެފް އިން ކުރަނީ -- ފޮޓޯ: އަހްމަދު ނިޝާތު/މިހާރު
އިއްޔެ 11 ޖަހާކަން ހާއިރުން ފެށިގެން ހަވީރު ހަތަރެއް ޖަހަންދެން މާލެއަށް މެދުނުކެނޑި ވެހުނު ބޯ ވާރޭގެ ސަބަބުން މާލޭގެ މަގުތަކުގައި ވަރަށް ބޮޑަށް ފެންބޮޑުވެ، އާންމުންނާއި ވިޔަފާރިތަކަށް އެކިވަރުގެ ގެއްލުންތައް ވެފައި ވެއެވެ. އަދި މާލޭގެ މަގުތަކުގައި ޕާކުކޮށްފައިވާ ގިނަ އަދަދެއްގެ ސައިކަލު ފެންގަނޑާ އެކު އޮޔާ ގޮސް ބޮޑެތި ގެއްލުންތަކެއް ލިބިފައި ވެ އެވެ.
މާލޭގައި އިއްޔެ ފެންބޮޑުވި ހާދިސާ ކާރިސާއެއްގެ ގޮތުގައި ބަލައިގެން ޑިފެންސް މިނިސްޓްރީން ވަނީ ފެން ހިއްކުމުގެ މަސައްކަތާއި، ހާލުގައި ޖެހުނު މީހުންނަށް އެހީވުމުގެ ހަރަކާތްތައް ކުރިއަށް ގެންގޮސްފަ އެވެ. މި ހާދިސާގައި މުޅިއަކު 160 އާއިލާއަކަށް ވަނީ އަސަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
06 December 2018
ދެ އަކަމޭލު ކުޑަ ކުޑަ ތަންކޮޅެއް މީ.. އާދައިގެ ވިއްސާރަ އެއް ވެހިއްޖެއްޔާ މާލޭގަ ފެން ބޮޑުވޭ މިހާރު. މިތާ ފެން ހިންދަން ޕުރޮޖެކްޓު ހަދާ ފައިސާ ހަރަދު ކުރި އަދަދު ވެސް ނޭނގެ.. އެންމެ ފަހުން މީގެ ދެމަހެއް ކުރިން މުއިއްޒު ވެރިކަމުން ފައިބައިގެން ދާން ތައްޔާޜުވެފައި އޮއްވަވެސް ފެންބޮޑުވި. އެފަހަރު ވެސް ކޮންމެސް ތާކުތާކު ނުހެޖޭ ވާހަކައެއްދެއްކި...
އީދުކަޅުބެ
06 December 2018
ސ.ގަމަށް 228.4 މިލިމީޓަރުގެ ވާރޭ ވެހުނުއިރު، ގަމުގައި ފެންބޮޑުނުވެ، މާލެއަށް 223 މިލިމީޓަރުގެ ވާރޭ ވެހުމުން ފެންބޮޑުވި ބޮޑުވުމާމެދު، ކަމާބެހޭފަރާތްތަކުން ރަނގަޅަށް ވިސްނާ ދިރާސާކޮށް، މުސްތަޤުބަލުގައި މިފަދަ ކާރިސާތަކުން ރައްކާތެރިވެވޭނެގޮތަކަށް ރަށްރަށުގެ މަގުތައް ހެދުމަށް އިލްތިމާސްކުރަމެވެ.
އަހްމަދު މާހިރު
06 December 2018
ދެން ނަސީދައް ދަންނަވާ ދުނިޔެ ހޫނު ވެގެން އަޅުގަނޑު މެންނަށް މިހެން ވަނީއޭ ވަޑައިގެންނެވި ކޮންފުރަންސްގަ ވިދާޅުވެދެއްވާށޭ އަދި ބޮޑެތި ގައުމުތަކުން ލާރިކޮޅެއް ދޭނަމޭ ބުނީމަ އަވަހަށް ސޮއި ކުރައްވާފަ ވަޑައިގަންނަވާށޭ
ތާރީޚް
06 December 2018
ތާރީޚު އިޢާދަވީ..އެކަމަކު ކުޑަ ޓްވިސްޓަކާއެކު. 5 ޑިސެމްބަރު 2014 ގައި ދިވެހިން ކުރިމަތިލީ ފެނުގެ ޝޯޓޭޖަކާ. ނަމަވެސް އިއްޔެ (އޭގެ ސީދާ 4 އަހަރު ފަހުން) ވާރޭ ވެހި ކޮންޓްރޯލް ކުރަން ދަތިވާ ހިސާބަށް ހާލަތު ދިޔަތަން ފެނިގެންދިޔަ. މިކަމުން ދިވެހިން އިބްރަތް ހާސިލް ކުރަންޖެހޭ. ފެނަކީ ނިޢުމަތެއް. ފެން އިސްރާފް ނުކުރައްވާ. ރަޙްމަތުގެ ވާރޭ ވެހޭ ހިނދުގައި ޙަމްދުކުރައްވާ. އަދި ރައްކާތެރިކަމާއި ސަލާމަތްކަން ދެއްވުން އެދި ﷲއަށް ދުޢާ ދަންނަވާ!
އަލީ_
06 December 2018
ރަހްމަތުގެ ވާރޭ. އޭގެ ބޭނުން ކުރަން އިގޭނަމަ.
ފޮސްކަލޯ
06 December 2018
މާލެސްލަމްއަށް ވެހުނުވާރޭވަނީ ކަނޑިންމައިންބޭރުކޮށްފައިވާތީ ތިމާވެށީގެ އައްޕަވަނީ ހިތާމަކޮށް ރޮއި ދެރަވެފައެވެ.
ސޯލިހު
06 December 2018
ނުވާނެއެހެނެއް. ކުޑަ ފެންފުޅިއެއްގަ ވެސް ހުރޭ 500 މިލިމީޓަރު. އެވަރު ފޮދެއް ވެހިގެން މުޅި މާލެ ފެނުއަޑިއަށް ދިޔައީ؟
ފޮސްކަލޯ
06 December 2018
އެފެންފުޅި މާލެވަރު ސްލަމްއަކަށް ބަދަލުކޮށްފިއްޔާމު ވާނެ ވަރު އިހްސާސް ކޮށްލެއްވުމުން ދާހަވާނެކަމަށް ހީކޮށް އުފާކުރަމެވެ. ސަލާމް ތިމާވެށީ އައްޕަ އެލެކްސްގެ ފަރާތުން
ނޭގޭ
06 December 2018
ތަންދޮރު ނޭގޭހާލުގަ ހުރެބަލަ މައިތިރިވެގެން،
މިލިމިޓަރް
06 December 2018
މިލި ލިޓަރް އަދި މިލިމިޓަރް ގެ ތަފާތު ދަސްކުރުން އެދެން.