ކާޑުގެ ބާވަތްތައް ފެނުން ސަލާމަތް ކުރަން އެސްޓީއޯގެ މުވައްޒަފަކު މަސައްކަތްކުރަނީ
06 ޑިސެމްބަރ 2018 - 11:39
11 comments
މާލޭ އިއްޔެ ފެން ބޮޑުވެ، އެސްޓީއޯގެ ކާޑު ގުދަންތަކަށް ފެން ވަން ނަމަވެސް ކާޑުގެ ބާވަތްތައް ސަލާމަތް ކުރެވުނު ކަމަށް އެސްޓީއޯ އިން ރޭ ބުނެފި އެވެ.
އާ މެނޭޖިން ޑިރެކްޓަރު ހުސެއިން އަމްރު ކުރެއްވި ޓްވީޓެއްގައި ވިދާޅުވީ ކާޑުގެ ބާވަތްތައް ސަލާމަތްކުރެވުނީ ގުދަންތަކުގެ މުވައްޒަފުންގެ ހުށިޔާރުކަމުން ކަމަށެވެ.
އެސްޓީއޯ އިން ރާއްޖެއަށް އެތެރެކުރާ ފުށާއި ހަކުރާއި ހަނޑޫ ބަހައްޓާ ގުދަންތައް ހުންނަނީ މާލޭގައި އަބަދުވެސް އެންމެ ބޮޑަށް ފެން ބޮޑުވާ ސަރަހައްދުގަ އެވެ. ވާރޭ ވެހި ނުވަތަ އުދަ އެރުން ފަދަ ކަމެއްގައި ފެން ބޮޑުވެއްޖެ ނަމަ ގުދަންތަކަށް އޭގެ އަސަރުކުރެ އެވެ. އަދި ބައެއް ފަހަރަށް ކާޑުގެ ބާވަތްތަކަށް ވެސް ފެނުގެ އަސަރުކޮށްފައިވެ އެވެ.
އިއްޔެ މާލެއަށް ބޯކޮށް ވާރޭވެހި ފެންބޮޑުވެ، ބައެއް ގެތަކާއި ފިހާރަތަކަށް ފެން ވަދެ، ގެއްލުންތައް ލިބިފައިވެ އެވެ.
މި ހާދިސާގައި ހާލުގައި ޖެހުނު އާއިލާތަކަށް އެސްޓީއޯ އިން ވަނީ ކާބޯތަކެތީގެ އެހީ ވެސް ފޯރުކޮށްދީފަ އެވެ.
އެސްޓީއޯ ގުދަނަށް ފެން ވަދެފައި: ކާޑުގެ ބާވަތްތައް ސަލާމަތްކުރެވުނީ މުވައްޒަފުން ހުށިޔާރުކަމުން ކަމަށް އެ ކުންފުނިން ބުނޭ
އިއްޔެ މާލެއަށް ހުއްޓުމެއް ނެތި ހަތަރު ވަރަކަށް ގަޑިއިރު ބޯކޮށް ވާރޭވެހުނެވެ. އޭގެ ސަބަބުން ވެރިރަށް ހުއްޓުމަކަށް އަ އެވެ. ސިފައިންނާއި ފުލުހުންގެ އިތުރުން އާންމުން ވަރަށް ބޮޑު މަސައްކަތްތަކެއް އިއްޔެ އާއި ރޭ ކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކަކަ
06 December 2018
ހެހެހެހެހެ ހަމަ ރަނގަޅަށްތަ؟ ކުރީ ސަރުކާރުން ކަންކަން ކުރި ގޮތުން ކާޑުކޮޅެއް ސަލާމަތް ކުރެވޭވަރު ނުވިިއޭ ބުނަންވީމަ ކީކޭ ކަލޭ ތިކިިޔަނީ.
އެއްމިލިއަންދެރުފިޔާ
06 December 2018
އެސްޓީއޯ ގުދަންތައް ހުންނީ އިންސުއާ ކޮށްފަތަ؟
ރޯނުއެދުރު- އައްޑޫ ސިޓީ
06 December 2018
މާރަނގާ - އައްޑޫ ސިޓީ އަކީ ހުރިހާ ކަމެއް ދަންނަ ބޭކަލެއް!
ޢުސްމިން
06 December 2018
ޢައިޖީ އެމްއެޗު ގޮތައް އުސް ކޮއްލިނަމަ.
މާރަނގާ - އައްޑޫ ސިޓީ
06 December 2018
ހެޔޮނުވާނެ. އަމްރު ކުރީގެ އެމްޑީންގެ ގައިގަހުރި ނުބައިއާދަ ވާރުތަ ނުކޮށް ޙަޤީގަތަށް ރުޖޫއަވޭ. “ތިޔަގުދަނަކީ ފޫޑް ސޭފްޓީ ސްޓެންޑަރޑް ރިކުއަރމެންޓަށް ނުވަތަ އެފަދައެންމެ ދަށްފަންތީގެ ގައިޑްލައިނަށްވެސްނުފެތޭ ބަކަރިކޮށްޓަކަށްވުރެންވެސް ހާލުދެރަތަނެއް” އިގޭތޯ. * * ދެކުނާއި އުތުރަށް ބޭނުންވާ ކާޑް އެސަރަހައްދުގައި ގުދަންކުރެވޭނެ ވަސީލަތް ޤާއިމްކޮށް މާލޭގެ ރައްޔިތުންނަށް ބޭނުންވާ ކާޑް މާލޭގައި ރައްކާކުރޭ. އެއީ ކަންކުރާންޖެހޭގޮތް. މިކަންކަން ބަދަލުކުރޭ.
ވަގުކަލޭގެ
06 December 2018
އަވަހަށް 5 ފޫޓް އުސްކޮށް ތަޅުން އަޅާފަ ކާޑްތައް ބަހައްޓާ..
މާރަނގާ - އައްޑޫ ސިޓީ
06 December 2018
ދައުލަތުން ކާޑް އެތެރެކުރުމަށް އެސްޓީއޯއަށް ކުރާ ސަބްސިޑައިޒް ރިވައިކޮށް ރާއްޖޭގެ އާބާދީ ބެހިފައިވާގޮތަށްބަލާ މާލެ ، އައްޑޫ އަދި ކުޅުދުއްފުށި ބަނދަރަށް އެސްޓީއޯއިން އިމްޕޯޓް ކުރާ ހަނޑޫ ހަކުރު ފުށަށް އެސަރަހައްދެއްގެ ރެޖިސްޓްރީ އާބާދީއަށްބަލާ ސަބްސިޑައިޒު ކުރަންޖެހޭ. * * އެސްޓީއޯ ކާޑް ގަތުމަށް ބިޑަށް ހުޅުވާލަންޖެހޭނީ ދެކުނާއި އުތުރު އަދި މާލޭ ޕޯޓްތަކަށް ކާޑް ގެނެސްދޭނެ އަގު ހުށަހެޅުމަށް. މުޅި ރާއްޖެއަށް ބޭނުންވާ ކާޑް މާލެ ގެންނާކަށް ނުޖެހޭ.
ފޮސްކަލޯ
06 December 2018
ފެނުގަނުޖެހުނަސް އަސަރުކުރާނެ ކަމަށް ތަޖުރިބާކާރުންބުނެއުޅެނީ...ތަނުގެތެރެއަށް ފެންވަދެ ފާރަށާއި ޕެލެޓްތަކަށް ފެންވަދެ އެވަޕްރޭޝަނުން އަސަރުކުރާނެކަމަށް ތަޖުރިބާކާރުން ފޮސްކަލޯ ކައިރީބުނެއުޅޭ.
ފޮސްފިނ
06 December 2018
ފޮސްކަލޯ ކައެ ހާދާ މޮޅޭ.
އލީ12
06 December 2018
މުވައްޒަފުން ވަގުތުން ފެންގަނޑު ބޯލި ކަމަށް ވަނީ ދޯ؟ ލަދުނުގަނެ ބުނެބަލަ ރައީސް ޔާމީން ތިކަހަލަ ކަންކަމަށްވެސް ހައްލުހޯދާފަ ހުރި ކަމަށް... ލަދުން ބޯހަލާކު....ލޮލް
ހަކީމް
06 December 2018
އެއީ ތެދެއް އެފެންނަ ޕެލެޓް ތަށް ގަތީ އެބޭފުޅާފެ އަމިއްލަ ޖީބުން ޙަރަދު ކޮއްގެން. މމޕރސ ގެ އެއްމެ ލޯލާރިއެއްވެސް އެޔަކު ނުހުމެނޭނެ.