މިރޭ ބޭއްވި ނިއުސް ބްރީފިންގައި އެސްޓީއޯގެ އެމްޑީ އަމްރު ވާހަކަ ދައްކަވަނީ.---ފޮޓޯ: އަހުމަދު އަވްޝަން އިލްޔާސް/މިހާރު
07 މާޗް 2020 - 21:38
17 comments
ރާއްޖޭގައި މަސައްކަތް ކުރާ ބިދޭސީ ދެ މީހެއްގެ ގައިން ކޮވިޑް-19 މިރޭ ފެނުނު ނަމަވެސް މިއީ، އެކަމާ ހާސްވެ، ކޮންމެ ގެއެއްގެ ސިޓިން ރޫމް، ކާޑު ގުދަނަކަށް ހަދަންވީ ވަގުތެއް ނޫން ކަމަށް އެސްޓީއޯ އިން ދެންމެ ބުނެފި އެވެ.
އެސްޓީއޯ އާއި ފުލުހުން އަދި ސިފައިން ގުޅިގެން މިހާރު ކުރިއަށް ގެންދާ ޕްރެސް ބްރީފިންގައި އެސްޓީއޯގެ މެނޭޖިން ޑިރެކްޓަރު ހުސައިން އަމްރު ވިދާޅުވީ، ރައްޔިތުންނަށް ބޭނުންވާ ވަރަށް ކާޑުގެ ބާވަތްތައް އެބަހުރި ކަމަށެވެ. އަދި އާންމުކޮށް ހުސްނުވެ، ބަރާބަރަށް ކާޑުގެ ބާވަތްތައް ލިބެން ހުންނާނެ ކަމުގެ ޔަގީންކަން އަމްރު ދެއްވި އެވެ. އެހެންވެ، މިއީ ކޮންމެ ގެއެއް ވެސް ސިޓިން ރޫމަކަށް ބަދަލުކުރަންވީ ވަގުތު ނޫން ކަމަށް އޭނާ ވިދާޅުވި އެވެ.
"މި ވަގުތަކީ ކޮންމެ ގެ އެއްގެ ކޮޓަރި ކަންމަތީ ފިހާރައަކަށް ހަދަންޖެހޭ ވަގުތެއް ވެސް ނޫން. ހަމަ އާންމުކޮށް، ކައިބޮއެ އުޅުނީމާ އަޅުގަނޑަށް ހީވަނީ ހުރިހާ ބޭފުޅުންނަށް އެ ކަން ރަނގަޅަށް ކުރެވިދާނެހެން،" އަމްރު ވިދާޅުވި އެވެ.
އޭނާ ވިދާޅުވި ގޮތުގައި، ތިން މަސް ނުވަތަ ހަތަރު މަހަށް ބޭނުންވާ ކާޑުގެ ބާވަތްތައް ގޭގެ އަށް ވެއްދުމަކީ ހައްލެއް ނޫނެވެ.
"މި ވަގުތު ކޮންމެހެން އަތުގައި ހުރި ފައިސާ ކާޑަށް ނަގާފައި ގޮސް ގޭގައި ސްޓޮކް ކުރުމަކީ އެހާ މުހިންމު ކަމެއް ނޫން. މިއީ އަދި ޕެނިކަކަށް ގޮސް ބިރުވެރި ކަމުގައި އުޅެންވީ ވަގުތެއް ނޫން. މާލެ އިން ކާޑު ގަނެގެން ދޯންޏަށް ލައިގެން ރަށްރަަށަށް ގެންދެވޭނެ،" އަމްރު ވިދާޅުވި އެވެ.
މިރޭގެ ނިއުސް ބްރީފިންގައި އެސްޓީއޯގެ އެމްޑީ އަމްރު (މ) ވާހަކަ ދައްކަވާއިރު، ވައިސް ޗީފް އޮފް ޑިފެންސް ފޯސް އަބްދުއްރަހީމް (ކ) އަދި އެސިސްޓެންޓް ކޮމިޝަނާ އޮފް ޕޮލިސް އިސްމާއީލް ނަވީން އެ ނިއުސް ބްރީފިންގައި ބައިވެރިވެވަޑައިގަންނަވަނީ.---ފޮޓޯ: އަހުމަދު އަވްޝަން އިލްޔާސް/މިހާރު
އަމްރު ވިދާޅުވި ގޮތުގައި، އާންމުންނަށް ސެނިޓައިޒާ ވިއްކުން މިވަގުތަށް އެސްޓީއޯ އިން ވަނީ މަޑުޖައްސާލައިފަ އެވެ. ސަބަބަކީ އާންމުކޮށް ވިއްކަނީ ސިއްހީ ދާއިރާ އަށާއި އިންސްޓިޓިއުޝަނަށް ބޭނުންވާ ސެނިޓައިޒާ ކަމަށް ވާއިރު، އެ ވިއްކުން އާންމުކޮށް ހުޅުވާލައިފި ނަމަ ހުސްވެދާނެ ކަމަށް ގަބޫލު ކުރެއްވޭތީ ކަމަށެވެ. އެހެންވެ، އަމްރުގެ އެދިވަޑައިގަތުމަކީ ގެ އެއްގައި ވެއްޖިއްޔާ ސައިބޯނިލައިގެން އަތްދޮވުމެވެ.
އަމްރު ވިދާޅުވީ، އެސްޓީއޯ އިން މާސްކް ވިއްކުމުގައި ވެސް މިހާރު ކޮންޓްރޯލެއް ގެންގުޅޭ ކަމަށެވެ. އެހެން ނޫނީ އެކަކު އެތައް ހާސް މާސްކެއް ގަންނަމުންދާ ކަމަށް ތަޖުރިބާގެ އަލީގައި އޭނާ ވިދާޅުވި އެވެ.
"ޑޮކްޓަރުން ވެސް އަޅުގަނޑުމެންނަށް ލަފާ ދެއްވަނީ ބަލި ނުވާ މީހުން ނުޖެހެއޭ މާސްކް އަޅާކަށް. ބަލިވީމާ އަޅާ އެއްޗެކޭ މާސްކަކީ،" އަމްރު ވިދާޅުވި އެވެ.
އެކި ގައުމުތަކުގައި ހަލުވިކަމާ އެކު ފެތުރެމުންދާ ކޮވިޑް-19 އަށް ރާއްޖެ އިން ފުރަތަމަ ފަހަރަށް ޕޮޒިޓިވް ވީ ކުރެއްދޫ ރިސޯޓުގައި މަސައްކަތް ކުރާ ބިދޭސީ ދެ މީހެއް ކަމަށް، އެކަން އިއުލާން ކުރުމަށް މިރޭ ބޭއްވި ނިއުސް ކޮންފަރެންސްގައި ހެލްތު މިނިސްޓަރު އަބްދުﷲ އަމީން ވިދާޅުވި އެވެ. ޑަބްލިއުއެޗްއޯގެ މިންގަނޑާ އެއްގޮތަށް، އެ ދެ މީހުންގެ އިތުރު މައުލޫމާތެއް ސަރުކާރުން ހާމައެއް ނުކުރެ އެވެ.
ރެ އިން ފެށިގެން ކަރަންޓީނު ކޮށްފައިވާ ކުރެއްދޫ ރިސޯޓުގެ ބިދޭސީ ދެ މުވައްޒަފަކު ކޮވިޑް-19 އަށް ޕޮޒިޓިވް މިވީ، އެ ރިސޯޓަށް ޗުައްޓީ އަށް އައި އިޓަލީގެ ޓޫރިސްޓަކު އެނބުރި ދިޔަ ފަހުން، އޭނާ އެ ބައްޔަށް ޕޮޒިޓިވް ވެފައިވާކަން އަންގާފައި ވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަހުރަ
09 March 2020
ދިވެހިންވެސް "ޕެނިކު"ވޭތަ؟؟؟ މީގެ ކުރިއަކުން ދިވެހިން ޕެނިކު ވެގެން އުޅޭ ވާހަކައެއް އަޑެއް ނާހަން!!! މިކަހަލަ "ޖޯކު" ވާހަކަ ދެއްކީމަ އަންނަނީ ވަރުގަދަ ނުލަފާ ހިންޏެއް!!!! ދިވެހިން ޕެނިކުވަނީޔޯލަ!!! ??????????????????????????????????
ގައުމީ ލޯބީގާ
08 March 2020
ރައްރަށުން ކާޑް ހުސްވެގެން އުޅެނީ ކީއްވެގެންހޭ . އަޑު ފެތުރެނީ ރަށްރަށުގަ ކާޑްގެ ބާވަތްތަށް ހުސްވެގެން އުޅޭކަމަށް . ކާޑް ސްޓޮކްގަ ހުރުމުން ކޮބައިތަ މައްސަލައަކީ .
ދޮންދީދީ
08 March 2020
މިފަދަ ވަގުތުގައިވެސް ބޭނުންވަނީ ރައްޔިތުން ބޭގަރާރުކޮއްލުން އޮތަ. ރައްޔިތުންނާ މުހާތަބުކުރަން ނޭގޭކަމުގައިވާނަމަ . މައިތިރިވެގެން ހުރެބަލަ. ފަޅޮލޭ ނުކިޔާ
އެދުރުބޭގެ ދަރި
08 March 2020
އެއްވެސް މީހަކު ގޭގެ ސިޓިންރޫމް ކާޑު ގުދަނަކަށް ނުހަދާނެ. ވެރިޔަކަށް ވިޔަސް ތި ފާޑަށް ރައްޔިތުންނަށް މަލާމާތްކޮށް ބެވުމަކީ އެކަކަށްވެސް އޮތް ޙައްގެއް ނޫން. މި ޚުޠޫރަތްތެރި ދަނޑިވަޅު ރައްޔިތުންނާ މުޚާޠަބުކުރަންވީ އޯގާތެރިކޮށް.
ރަސީ
08 March 2020
ކާޑު ގިނައިން ގަންނަނީ ތިބޭފުޅުންނަށް އިތުބާރު ނުކުރެވޭތީ. ތިބޭފުޅުންނާ ތިބޭފުޅުންގެ އައުވާނުން ތިބޭނީ ކައިގެން ވަރުޖެހިގެން. މިކަމަށް ތައްޔާރޭ ކިޔާ ގޮވަމުން ދުވިއިރު މާސްކެއްހާމިންވަރު ވެސް މިރާއްޖެއިން ނުލިބޭ އިނގޭތޯ؟
އިބިރިހިންބެއްޔާ
08 March 2020
ފެންވަރު. ބުނެވޭނީ ސިކުޑިފޯރާހިސާބުގެ ވާހަކަ.
ަުބަހުރުވަ
08 March 2020
މިއީ ދައުލަތުގެ ބޮޑު ކުންފުންޏެއްގެ އެމް.ޑީ އަކަށް އެއްވެސް ވަރަކަށް ކުފޫ ހަމަވާ މީހެއްނޫން. ބަލާބަލަ އެހެރަ ބަހުރުވައެއް. ތިޔަ ފާޑަށް ބަހުރުވަ ގެންގުޅޭއިރު ތިޔަ މިޚާތަބު ކުރަނީ ރައްޔިތުންނާއޭ. ހަނދާން ނައްތާނުލާ.
އޮނަރަބްލް އަފީފު ދީދީ
08 March 2020
މާލޭގައިހުރި ކެމިކަލް ގުދަނެއްގައި އަލިފާންރޯވި ޙާދިސާގައި ވަގުތުން ވަގުތަށް ސަރުކާރުގެ ސަމާލުކަމަށް އެކަން އައިސް ބަޖެޓަށް އަތްކޮށްޕާފައި ފައިސާނަގާ ބިޔަގުދަނެއް ތިލަފުށީގައި ހެދި. # އެކަމަކު ޤައުމުގެ މިނިވަންކަމަށް 70 އަހަރު ވާން އުޅޭއިރު ތުރާކުނުން އައްޑޫއަށް ދިރިއުޅޭމީހާ މެންދުރު ކައްކާނެ ހަނޑޫކޮޅުވެސް މިހުންނަނީ މާލޭގައި ޖަމާކޮށް ބަހައްޓާފައި. # އަމްރުމެން ލަދެއް ހުރިނަމަ ރައްޔަތުންނަށް ނިސްބަތްކޮށް ތިކަހަލަ ވާހަކަ ނުދައްކާނެ.
އޮނަރަބްލް އަފީފު ދީދީ
08 March 2020
ސަރުކާރުތަކުން ރައްޔަތުންނާއިމެދު އިހްމާލުވާނަމަ ރައްޔަތުން އެފަދަސަރުކާރުތަކަށް އިތުބާރެއްނުކުރާނެ. އެއީ އިންސާނީ ތޮބީއަށް އިގޭތޯ. # ތުރާކުނުން އައްޑޫސިޓީއަށް އެތައް ރަށެއްގައި މީހުން ދިރިއުޅޭއިރު މިއަދާއި ހަމައަށްވެސް އެސްޓީއޯގެ ކާޑާއި ތެޔޮ ރައްކާކުރާނެ ވަސީލަތް މާލެނޫން ތަނެއްގައި ޤާއިމްކޮށްފައިނެތް. # ރާއްޖޭގައި ނަމެއްގައި އޮންނަ ބައިނަލް އަޤުވާމީ 3 އެއަރޕޯޓް އޮތްކަމުގައިވިޔަސް އެކަށީގެންވާ އަދަދަކަށް ޖެޓްފިއުލް ސްތޯރޭޖެއް ހުރީވެސް މާލޭގައި.
ރެރެރެރ
08 March 2020
ޒީރޯ ޓޮަލަރެންސްގެ ދަށުން ދުވަހަކު މަލްޓިމިލިއަން ޑޮލަރުގެ ކުންފުންޏެއްގެ ބޭރުންވެސް ނުހިގާ އެންޑީޕީ ހަރުގެ މީހުން ލީމާ ކުންފުނީ ބަގުރޫޓު ވެދެތޭ! ވާﷲ އަޢޫލަމް