ރާއްޖެ ސާފުކުރުމުގެ ޕްރޮގްރާމުގައި ރައީސް ބައިވެރިވެވަޑައިގަންނަވަނީ.-- ފޮޓޯ: އަހުމަދު ނިޝާތު/ މިހާުރު
09 ޑިސެމްބަރ 2018 - 14:09
8 comments
މުޅި ރާއްޖެ ސާފުކުރުމަށް އިއްޔެ ހިންގި ޕްރޮގްރާމުގެ ތެރެއިން މާލޭ ސަރަހައްދުން އެކަނި ވެސް 20 ޓަނުގެ ޕްލާސްޓިކް ކުނި ނަގާފައިވާ ކަމަށް ވެމްކޯއިން މިއަދު ބުނެފި އެވެ.
އެ ކުންފުނިން ހިއްސާކުރި މައުލޫމާތުތަކަށް ބަލާއިރު، މާލެ އާއި ހުޅުމާލެ އަދި ވިލިނގިލިން ޖުމްލަ 195 ޓަނުގެ ކުނި ވަނީ ނަގައިފަ އެވެ.
ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ވޭސްޓް ކަލެކްޝަން މެނޭޖަރު މުހައްމަދު ޝާން ވިދާޅުވީ އެ ޕްލާސްޓިކުގެ ތެރެއިން އެންމެ ގިނައީ ހުސް ފެންފުޅި ކަމަށެވެ. އެ އެއްޗެހިތައް އެންމެ ގިނައިން ފެނުނީ އަތިރިމަތިން ކަމަށް ވިދާޅުވި އެވެ.
ވެމްކޯ އިން ވަނީ 20 ޓަނުގެ ޕްލާސްޓިކް ރިސައިކަލް ކުރުމަށްޓަކައި ޕާލޭ އާ ހަވާލުކުރަން ނިންމައިފަ އެވެ.
މާލެއިން އިއްޔެ ވަނީ އާއްމު ކުނީގެ ގޮތުގައި 118 ޓަނު އަދި ޕްލާސްޓިކުގެ ގޮތުގައި 11 ޓަނު ކުނި ހޮވައިފަ އެވެ. އޭގެ އިތުރުން ހުޅުމާލެއިން 34 ޓަނުގެ އާއްމު ކުންޏާއި ހަ ޓަނުގެ ޕްލާސްޓިކް ކުނި، ވިލިމާލެއިން 23 ޓަނުގެ އާއްމު ކުނި އަދި ތިން ޓަނުގެ ޕްލާސްޓިކް ކުނި ވަނީ ނަގައިފަ އެވެ.
އެންވަޔަރްމަންޓް މިނިސްޓްރީގެ ޑިރެކްޓާ ޖެނެރަލް މުހައްމަދު ޒާހިރު (މީމު ޒަވިޔަނި) "މިހާރު" އަށް ވިދާޅުވީ މާލެ ސަރަހައްދުން އެކަނި ނެގި ކުނިތަކުގެ ތެރެއިން 20 ޓަނުގެ ޕްލާސްޓިކް ފެނުމަކީ ވަރަށް ބޮޑު ކަންބޮޑުވުމެއް ކަމަށެވެ. އެއީ ހަމައެކަނި ސާފުކުރިއިރު ފެނުނު ޕްލާސްޓިކް ކަމަށާއި ގޭގައި ވެސް ގިނަ އަދަދެއްގެ ޕްލާސްޓިކް ހުންނާނެ ކަން އޭނާ ފާހަގަކުރެއްވި އެވެ.
ސަރުކާރުން އިއްޔެ ފެށި "ސާފު ރާއްޖެ، އަހަރެންގެ ވެސް ޒިންމާ" އަކީ ސިލްސިލާ ގޮތެއްގައި ކުރިއަށްގެންދަން ނިންމާފައިވާ ޕްރޮގްރާމެކެވެ. އެ ޕްރޮގްރާމަށް އެންމެން އެއްބާރުލުން ދެއްވުމަށް ރައީސް އިބްރާހިމް މުހައްމަދު ސޯލިހު ވަނީ އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޭކުބެ
10 December 2018
ޕްލާސްޓިކް ބޭރުކުރާ މީހުންނަށް ވިއްކާލަމާ!
ޥިސްނާ
10 December 2018
ޙަގީގަތުގަ ގައުމު އެންމެ ހަޑިކުރާ ބަޔަކީ ބަންގާޅީން، އެކަމު އެމީހުން ނުލާވެސް ވާކަށް ނެތް، ހުރިހާ ދިވެހިން މިތިބީ ކަންނެތްވެފަ ސިޔާސީވެފަ، ޕާޓޭވެފަ، ދުޅައިންނަށްވެފަ، ޒުވާފިރިހެންކުދިން އަންހެންވެފަ، ޒުވާން އަންހެންކުދިން ފެޝަނަށްގޮސް ހުސްވެފަ، ރަނގަޅުކުރަންވީ މިކަންތަށްތަށް ފުރަތަމަ
ބީޖޭޕީ
10 December 2018
01 ލައިފް ފެން: ހެޕީ މާކެޓް -02 ތާޒަ ފެން: އެމްޑަލިއެސްސީ އައި ޗަންޕާ އުޗް -03 ބޮނަކުއާ ފެން: ކޮކާކޯލާ (ޔުނިވާސަލް) މިވެރިން ހީކުރަނީ އެއީ އެއުރެއްގެ ކަމެންހެ އެއްމެންގެ ފަރުލީޖިންމާ ނުނެގޭތީ ވއކަވެ؟
ނަން
09 December 2018
ސިންގަލް ޔޫސް ޕުލާސްޓިކު އުވައެއް ނުލެވޭނެއެވެ. ސަބަބަކީ؛ -01 ލައިފް ފެން: ހެޕީ މާކެޓް -02 ތާޒަ ފެން: އެމްޑަލިއެސްސީ އައި ޗަންޕާ އުޗް -03 ބޮނަކުއާ ފެން: ކޮކާކޯލާ (ޔުނިވާސަލް) މިއީ ބޮޑެތި ވިޔަފާރި ވެރިން ހިއްސާވާ މަސްލަހަތު ހުރި ވިޔަފާރިއެކެވެ. މިފަދަ ފުލާސްޓިކު ފުޅީ ފެންމަނާކޮށް ޕަބްލިކް ފެން އިސްކޫރު ބަހައްޓަ ބަލާށެވެ. ރަތްޔިތުންނަށް ބިއްލޫރި ނުވަތަ ދަނގަޑު ފެން ފުޅި ރިޔޫސް ކުރާގޮތަށް ބޭނުން ކުރަން މަޖުބޫރު ކުރުވަން ނުކެރޭނެއެވެ. ކެރޭނެބާ!!!!
09 December 2018
މަގު މައްޗަށް ކުނި އަޅާ ފަރާތްތަކުން މި ކަހަލަ ނާތަހުޒީބީ ނެދެވޭ އަމަލުތަށް ކުރުމުން ދުރުހެލި ވާންވެއްޖެ. ސާފުވީމަ ރީތިވާނީ ހުރިހާ މީހުންނަށް. މާލެ މިހާރު ކުނިގޮޑަކަށް ހަދައިފި. ކުރިން މާލެ އޮންނަނީ މިހިނެތް ނޫން، މިހާ ގޮޑުކޮށް ގޭކައިރީގަޔާ މަގުމަތީގަ ކުނި ބަހައްޓާފަ އެއް ނޫން. ޝުކުރިއްޔާ ސަރުކާރު. މަގު މައްޗަށް ކުނިއެޅުން ހުއްޓުވަން ޖެހޭނެ، މި ކަމަށް ވަރަށް ރަގަޅު ހައްލެއް ބޭނުން.
ހާސަރު
09 December 2018
ކުނިއެޅުން ހުއްޓުވަން ހެދިފަ ހުރި ގާނޫންތައް ތަންފީޒްކުރަންވީ . ފުލުހުންނަށް އެކަނި ނުވާނަމަ ކޮމިއުނިޓީ އިނިސްޕެކްޓަރުން ތައާރަފް ކޮށްގެން ވެސް ގާނޫން ހިންގަން އެބަޖެހޭ އޭރުން މިކަން ހުއްޓޭނީ. އިއްޔެ ސާފުކުރީ މިއަދު މަގުތައް ބަލާލަބަލަ އޮތްގޮތް. ޗާންދަނީމަގުގައި ހުރި ހުރިހާ އެލެކްޓްރިކް ބޮކޮސްތަކުގެ މަތި މިއަދު އެހެރީ ފުރާލާފަ!
ޟަފާ
09 December 2018
މާލޭ،ހުޅުމާލެ ގައި ހުރި ކެފޭތަކުން ގިނަ ފުލާސްޓިކް ފުޅި ކޮންމެ ދުވަހަަކު އުކާލާނެ.މި ކަމަށް ހައްލު ހޯދަން ޖެހޭ.
ފިކުރީ ހަނގުރާމަ
09 December 2018
ދާއިމީ ހައްލެއް ތިކަމަށް ބޭނުންނަމަ ފުޅި ހޮވާފަ މެޑަލް ޖެހުން ހުއްޓާލާފަ އެ ފުޅި މާރުކޭޓަށް އެތެރެވާ މިންވަރު މަދުވާނޭ ސިޔާސަތު ހަދާބަލަ...ސިންގަލް ޔޫސް ޕްލާސްޓިކް ގަތުން ޑިސްކަރޭޖް ކޮށްބަލަ...އަދި ރީޔޫސަބަލް ފުޅި އަދި ކޮތަޅު އަތްފޯރާ ފަށަށް ތިރިކޮށްބަލަ....