17 ޑިސެމްބަރ 2018 - 21:35
22 comments
ވިހި ރަށެއްގެ ނަރުދަމާ ނިޒާމް ގާއިމް ކުރަން ކުރީގެ ސަރުކާރުން ސްރީލަންކާގެ ކުންފުންޏަކާ ހަވާލުކޮށްފައިވާ މަޝްރޫއުގެ އެއްބަސްވުން ބާތިލުކުރަން އެންޓި ކޮރަޕްޝަން ކޮމިޝަނުން ސަރުކާރަށް އަންގައިފި އެވެ.
އޭސީސީން މިއަދު ބުނީ ލަންކާގެ ހޭކާބް ޕަބްލިކް ލިމިޓެޑާ މި އަހަރު ކުރީކޮޅު ހަވާލުކުރި މަޝްރޫއުގެ އެއްބަސްވުން ބާތިލުކުރަން އެންގީ މިހާރު އޮތް ގޮތަށް މަޝްރޫއު ކުރިއަށް ގެންގޮސްފި ނަމަ ދައުލަތަށް ނުހަނު ބޮޑު ގެއްލުމެއް ވާނެތީ ކަމަށެވެ.
މި އަހަރުގެ ޖުލައިމަހު ހަވާލުކުރި އެ މަޝްރޫއުގެ ދަށުން ދޮޅު އަހަރުގެ ތެރޭގައި ނަރުދަމާ ގާއިމުކުރަން ހަމަޖެއްސި ރަށްތަކަކީ ހއ. މާރަންދޫ، ހއ. ވަށަފަރު، ހދ. ފިނޭ، ހދ. ވައިކަރަދޫ، ށ. ފޯކައިދޫ، ނ. މާފަރު، ނ. ޅޮހި، ރ. ކިނޮޅަސް، ބ. ކަމަދޫ، ބ. މާޅޮސް، ބ. ގޮއިދޫ، ޅ. އޮޅުވެލިފުށި، ކ. ގުޅި، އއ. ފެރިދޫ، ވ. ކެޔޮދޫ، އދ. ދިގުރަށް، ތ. ހިރިލަންދޫ، ގއ. ދެއްވަދޫ އަދި ގދ. ހޯނޑެއްދޫ އެވެ.
މަޝްރޫއުގެ އެއްބަސްވުން ބާތިލުކުރަން އޭސީސީން ރައީސް އޮފީހަށާއި ފިނޭންސް މިނިސްޓްރީއަށް އެންގީ ޖުމްލަ 12 މައްސަލައެއް ފާހަގަކޮށްފަ އެވެ. އެ ކޮމިޝަނުން ބުނީ ފާހަގަކޮށްފައިވާ ކަންތައްތައް އެގޮތަށް ކޮށްފއި ވަނީ ވަކި ފަރާތަކުން ނުވަތަ ފަރާތްތަކަކުން މަގާމުގެ ނުފޫޒު ނަހަމަގޮތުގައި ބޭނުންކޮށްގެން ނާޖާއިޒް ފައިދާއެއް ހޯދުމަށާއި ހޯދައިދިނުމުގެ ނިޔަތުގައި ވަކި ފަރާތަކާ ހަވާލުކުރަން ކަމަށް ބެލެވޭ ކަމަށެވެ.
ހޭކާބް ކުންފުންޏާ މަޝްރޫއު ހަވާލުކޮށްފައިވާ އަގަކީ 40 ރަށެއްގެ ނަރުދަމާ ގާއިމްކުރެވޭނެ އަގު ކަން ވެސް އޭސީސީން ފާހަގަކޮށްފައި ވެ އެވެ. އެ މަޝްރޫއު ހަވާލުކޮށްފައި ވަނީ ދައުލަތުގެ ކުންފުންޏެއް ކަމަށްވާ ފެނަކަ ކޯޕަރޭޝަނުގެ ނަމުގައި ލޯނެއް ނަގައިގެން ހިންގާ ގޮތަށް ކަމަށް ވާއިރު އެއީ ފެނަކަ ކޯޕަރޭޝަން ބަނގުރޫޓް ވާފަދަ މުއާމަލާތެއް ކަމަށް ވެސް ކޮމިޝަނުން ބުންޏެވެ.
"މި މަސައްކަތް ހަވާލުކުރުމަށް ނިންމާފައިވާ އަގުގެ ވަކިވަކި ރަށްރަށަށް ސްރީލަންކާގެ ކުންފުނިން ހުށަހަޅާފައިވާ އަގުތަކާއި މި މަޝްރޫޢުގެ ޢަމަލީ މަސައްކަތްކުރާނެ ފަރާތްކަމަށް ކަނޑައަޅާފައިވާ ކުންފުނިން (އެހެން ކުންފުންޏެއް) ދިވެހިރާއްޖޭގައި ކޮށްފައިވާ އަދި ކުރަމުންދާ ނަރުދަމާގެ ނިޒާމު ގާއިމްކުރުމުގެ މަޝްރޫއުތަކުގެ އަގުތަކާ އަޅާކިޔާއިރު 20 ރަށުގެ ނަރުދަމާގެ މަޝްރޫޢުގެ ވަކިވަކި ރަށްރަށަށް ހުށަހަޅާފައިވާ އަގުތަކަކީ އާދަޔާ ޚިލާފަށް ބޮޑު އަގުތަކެއްކަން ފާހަގަކުރެވޭ،" އޭސީސީން މިއަދު އާއްމު ކުރި ބަޔާނުގައި ބުނެފައި ވެ އެވެ.
ހޭކާބް ކުންފުންޏަށް ވިހި ރަށުގައި ނަރުދަމާ އެޅުމުގެ މަސަައްކަތް ހަވާލުކުރީ 53 މިލިއަން ޑޮލަރަށެެވެ. އެއީ ގާތްގަނޑަކަށް 866 މިލިއަން ދިވެހި ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕާންޕޮތި
18 December 2018
އީއައޭ ވެސް ނަހަދާ އަދި
ތިމާވެށި
18 December 2018
ކޮރަޕްޝަނޭ ކިޔާ ފަ އަގަފުޅާކޮށް ވާހަކަ ދައްކާ ސަރުކާރު ބަދަލު ވިއިރު އަދި ވެސް އެއްވެސް މީހެއްގެ މައްސަލަ ނުބެލެވެއެވެ. ހެކި އެހެރީ ފެންނާށެވެ. ސިޔާސީ ޑިލް އެވެ.
މަސީހު
18 December 2018
ވެރިކަމުގެ ޓާމް ހަމަވަން ދެމަހެއްހާދުވަހަށް ވީމަ ކޮން އެއްބަސްވުންތަކެއް ހަދަންވީ. އަސްލު ވޮއިޑް އިނީޝިއޯ.
ބަންޗު
18 December 2018
އަނެއްކާވެސް އިންޑިއާއައް ޕުރިޖެކްޓުތަކެއް ދޭންވީދޯ.. ލަންކާމީހުން އަތުން ނަގާފަ.
ހިކިހިކި ކުއްޖާ
18 December 2018
ލަންކާއަށް ވުރެން އިންޑިއާގެ އަގު ހެޔޮވާނެ ހުރިހާ އެއްޗެއްވެސް އަދި ކޮލިޓީވެސް ވާނެ
ބަދީއު
18 December 2018
އެއްޗެކޭ ކިޔާފަ އިންޑިއާއައް މަޝްރޫއު ދޭން ތިއުޅެނީ.. އަދި ބުނަންތަ ނަރުދަމާ އެއްރަށުގައި އަޅާ އަގުގައި އަނެއް ރަށެއްގައި ނޭޅޭނެ.. އެއީ އަޅާ ހޮޅި ނެޓްވޯކުގެ ދިގުމިން ތަފާތުވާތީ އާއި ހަދަންޖެހޭ ޕަމްޕު ސުޓޭޝަންގެ އަދަދު އެއްރަށުން އަނެއް ރަށައް ވަރައް ބިޑޮައް ތަފާތުވާތީ. އަދި ފަހުން އެންވަރަމެންޓުން ކަނޑައެޅި މިންގަނޑުތަކައް އަޅާނަމަ ކޮންމެ ރަށެއްގައި ސުވޭޖް ޓުރީޓްމަންޓު ޕުލާންޓު ހަދަން ޖެހޭ. އަދި އެކި ރައްރަށުގައި އަޅަން ޖެހޭ ސީ އައުޓްފޯލް ތަފާތު
ލާމުހިތަދޫ
18 December 2018
އެއްވެސް އިންސާފެއް ނެތް ގޮތެއް ގައި ކުއްލި އަކަށް ކުރި ކަމެކެވެ.ނިކަން ބަލާބަލާށެވެ. ލާމު އަތޮޅުގައި ވެސް ނަރުދަމާ ނެތް ކުދި އާބާދީގެ ދެތިން ރަށް އެބަ އޮތެވެ. އެކަމަކު އުތުރުން ފެށިގެން ތ.އަތޮޅާ ހަމައަށް ކޮންނެ އަތޮޅަކުން ވެސް ރަށެއް ދެރަށެއް މި ނަޝްރޫގައި ހިމަނާފައި ތާއަތޮޅާ ހަމައަށް ގޮސްފައި ކުއްލިއަކަށް ލާމު އަތޮޅު މަތިން ލާފައި އެދިޔައީ ގއ އަތޮޅަށެވެ.ކޮންފަދަ ނުފޫޒަކުން ހިނގި ބޭއިންސާފު ކަމެއް ބާއެވެ.
އަޒްލީ
18 December 2018
ލާމު މީހުން ޖެހޭނީ ހަނޑަސް ބުރި ބޭނުންކުރާށޯ އިބޫގެ ސަރުކާރުގަ.
Haruge
18 December 2018
866 މިލިޔަން ރުފިޔާ ސަލާމަތްވީ ބަޖެޓް ސަޕޯޓަން އަނެއްކާވެސް އިންޑިޔާއިން 1600 މިލިޔަން ލޯނު ނަގާ. ތި 20 ރަށުގެ ނަރުދަމާ ޑަބްލިޔޫ ކޮންސްޓްރަކްޝަނާ ޙަވާލުކޮއްގެން ވެސް ކުރިޔަށްއޮތް 10 އަހަރު ތެރޭގައި ހެދޭތޯބަލާތި.
ވާލުސޮރު
18 December 2018
މީ ސަރުކާރަށް ޖެއްސުންކުރުމުގެ ސިއާސަތުގެދަށުން ހިނގާ ކަމަކާ ހާދަ ވައްތަރޭ! މިއޮއް ހުރިހާ ދުވަހު އަޑެއް ބަޑެއް ނީވުނީ ކީއްވެބާ،؟
މިސްރާބު
18 December 2018
އޭސީ ސީ ނިދާފަ ތޯ މިއޮތްހާ ދުވަހު؟
ކއވ343
18 December 2018
ބާތިލްކޮއްފަ ތިކަން އެއްކޮއް ނުކޮއް ދޫކޮއްލައިފިނަމަ ރައްޔިތުންނައް އެތައްގެއްލުމަކައްވާނީ.... އޯހް ދެން އިންޑިޔާގެ ފެންވަރު ދައް ކޮމްޕެނީއަކައްދީ ވަރަށް އަގުހެޔޮވާނެ... ރާއްޖޭގެ އެމްޓީސީއިން ފަޅުތައް ހިއްކުމާއި ބަނދަރުތައް ހަދާހެން ނަރުދަމާ ހެދުމުގެ ގާބިލުކަން ހޯދައިދެނިކޮއް މާގިނަ އަހަރުތަކެއްނުވެ ރާއްޖޭގެ ހުރިހައި ރަށެއްގެ ނަރުދަމާ ހަދަައި ނިންމާލެވިދާނެ...