ރައީސް އިބްރާހިމް މުހައްމަދު ސޯލިހް، ދޫނިދޫ ޖަލުގެ ހާލަތު ބައްލަވާލައްވަނީ. --- ފޮޓޯ: ރައީސް އޮފީސް
22 ޑިސެމްބަރ 2018 - 14:30
ދޫނިދޫ ޖަލުގައި މީހުން ބަންދު ކުރުމުގެ ބަދަލުގައި އެ ރަށް ޕިކްނިކް އައިލެންޑެއްގެ ގޮތުގައި ހަދަން ރައްޔިތުންގެ މަޖިލީހުގެ ވިލިނގިލީ ދާއިރާގެ މެމްބަރު ސައުދު ހުސެއިން މިއަދު ގޮވާލައްވައިފި އެވެ.
ފުލުހުން ކުރާ ތަހުގީގުތަކާ ގުޅިގެން ތުހުމަތު ކުރެވޭ މީހުން ބަންދު ކުރުމަށް ހާއްސަ ދޫނިދޫ ޖަލު ހިމެނޭ ގޮތަށް ހުރިހާ ޖަލުތަކެއްގެ ހާލަތު ބެލުމަށް ހޯމް މިނިސްޓްރީން ވަނީ ކޮމިޝަނެއް އުފައްދައިފަ އެވެ. އަދި އެ ކޮމިޝަނަށް ހަތް މެމްބަރުން ހަމަޖައްސައި މަސައްކަތް ވަނީ ފަށައިފަ އެވެ.
ޖަލުތަކާއި ޕްރޯލްގެ ގާނޫނުގެ ދަށުން ތިން ބާވަތެއްގެ ޖަލު ރާއްޖޭގައި ހުރެ އެވެ. އެއީ ކަރެކްޝަނަލް ސާވިސް އިން ބަލަހައްޓަމުންދާ އާންމު ޖަލުތަކާއި ރިމާންޑް ޖަލުތަކުގެ އިތުރުން ފުލުހުންގެ ބެލުމުގެ ދަށުން މާލެ އާއި ރާއްޖޭގެ އެކި ރަށްރަށުގައި ހުންނަ ކަސްޓޯޑިއަލް ޖަލުތަކެވެ.
ވިލިނގިލީ ދާއިރާގެ މެންބަރު ސައުދުގެ ހުސައިންގެ ރައްޔިތުންގެ މަޖިލީހުގެ ގޮނޑީގެ މައްސަލާގައި ހުކުމް ކުރުމުގެ ޝަރީއަތުގެ މަޖިލީހަށް އޭނާ ސުޕްރީމް ކޯޓަށް ވަދެވަޑައިގަންނަވަނީ. -- ފޮޓޯ: ނިޝާން އަލީ/މިހާރު
Dhoonidhoo Holiday islandakah hedhun muhinmu. Thahugēgah bandhu kuranjehey hālath varah saaf, ehen namaves mi gaumuga amalu kuramun dhany radhun vidhālhuvymā bandhu koffa bahattā usoolu aa fadiyāru manikufān beynunfulhu vēma bandhu koffa bahattā usōlu! Mikan Islāh kuran jehey!1/2 https://t.co/2iTzKWSDoC
— Saud Hussain MP (@SaudVillingili) December 22, 2018
ސައުދު ކުރެއްވި ޓުވީޓު.
ސައުދު ކުރެއްވި ޓުވީޓެއްގައި ވިދާޅުވީ މި ގައުމުގައި އަމަލު ކުރަމުން ދަނީ "ރަދުން ވިދާޅުވީމަ" އާއި "ފަނޑިޔާރު މަނިކުފާނު" ބޭނުންވީމަ ބަންދުކޮށްފައި ބަހައްޓާ އުސޫލުން ކަމަށެވެ. އެހެންވެ، ދޫނިދޫ ޕިކްނިކް އައިލެންޑަކަށް ހެދުން މުހިންމު ކަމަށް ވެސް ސައުދު ވިދާޅުވި އެވެ.
ސައުދު ވިދާޅުވި ގޮތުގައި ދޫނިދު އަކީ ބަންދު ކުރަން ނުޖެހޭ އެތައް ރައްޔިތެއް ބަންދުކޮށްފައި ބަހައްޓައިގެން އެކި ގޮތްގޮތަށް ނާޖައިޒު ފައިދާ ބަޔަކު ހޯދަމުންދާ ރަށެއް ކަމަށެވެ. އެއީ ގައުމުގެ ޒުވާން ބޮޑު އާބާދީއެއް ބަންދުކޮށްގެން ހަލާކު ކުރަމުންދާ ރަށެއް ކަމަށް ވެސް ސައުދު ވިދާޅުވި އެވެ.
Dhoonidhoo akee bandhu kuran nujehey ethah rayyitheh bandhu koffa bahattaigen eki eki goigothah naajaiz faidhaa bayaku hoadhamun dhaa rasheh adhi gaumuge zuvaan bodu aabaadhee eh bandhu kohggen halaaku kuramun dhaa rasheh! Dhoonidhoo ge operation huttaalumah govaalan. 2/2
— Saud Hussain MP (@SaudVillingili) December 22, 2018
ސައުދު ކުރެއްވި ޓުވީޓު.
"ދޫނިދޫގެ އޮޕަރޭޝަން ހުއްޓާލުމަށް ގޮވާލަން،" ސައުދު ކުރެއްވި ޓުވީޓެއްގައި ވިދާޅުވި އެވެ.
ރައްޔިތުންގެ މަޖިލީހުގެ މެމްބަރުކަމުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައި ވަނިކޮށް މަޖިލީހަށް ވަތް މައްސަލާގައި ސައުދު ވަނީ 29 ދުވަހު ދޫނިދޫގައި ހޭދަކުރައްވައިފަ އެވެ. ސައުދުގެ އެހެން ޓުވީޓެއްގައި ވަނީ ދޫނިދޫގައި ހޭދަކުރެއްވި ތަޖުރިބާ ވެސް ހިއްސާކޮށް ދެއްވައިފަ އެވެ.
Heki hoadhaigen thahugēgu koh prosecute kurun muhinmee. Dhoonidhooga Bandhu koffa 29 dhuvas, thahugeegah @PoliceMv in suwalu kurumah heydhavy 10 minute. Mi 10 minute ge beynumah 29 dhuvas Jaluge kuda golhēga bandhu kuranjehey sababaky kobāthoa?? Mi ee QA aa kameh!
— Saud Hussain MP (@SaudVillingili) December 22, 2018
ސައުދު ކުރެއްވި ޓުވީޓު.
ސައުދު ވިދާޅުވީ ދޫނިދޫގައި ބަންދުކޮށްފައި މަހެއްހާ ދުވަހު ބެހެއްޓި އިރު، ތަހުގީގަށް ސުވާލު ކުރަން ހޭދަވީ އެންމެ 10 މިނިޓު ކަމަށެވެ. އަދި 10 މިނިޓުގެ ބޭނުމަށް އެތައް ދުވަހެއް ވަންދެން ޖަލުގެ ކުޑަ ގޮޅީގައި ބަންދު ކުރަން ޖެހޭ ސަބަބަކީ ކޮބައިތޯ އޭނާ ސުވާލު އުފެއްދެވި އެވެ.
ސައުދު ކުރެއްވި ޓުވީޓުތަކުގެ ތަފްސީލް ދެއްވައި، އޭނާ "މިހާރު" އަށް މިއަދު ވިދާޅުވީ ކުދި ކުދި ކުށްތަކުގައި ހައްޔަރު ކުރާ ޒުވާނުން ދޫނިދޫ ޖަލުން ނުކުންނައިރު، އެމީހުން ތިބެނީ "ކޮންމެވެސް ގޭންގެއްގައި" ކަމަށެވެ. ދޫނިދޫ ޖަލަށް ދިއުމުގެ ސަބަބުން އެ ޒުވާނުން އިތުރަށް ގޯސްވާ ކަމަށް އޭނާ ވިދާޅުވި އެވެ.
"މަގުމަތީގައި މިއުޅޭ ކުދިން ކުޑަ ކުށެއް ކުރީމަ ޖަލަށް ގެންގޮސް އެހާ ގިނަ ދުވަހު އޮންނަން ޖެހުނީމަ ޖަލުން ބައްދަލުވާ އެހެން މީހުންގެ ފަރާތުން އެ ކުއްޖާ އަށް ނޭދެވޭ އަސަރު ކުރޭ،" ސައުދު ވިދާޅުވި އެވެ.
ސައުދު ވިދާޅުވި ގޮތުގައި، ކުށްތަކުގެ ތުހުމަތުގައި މީހުން ދޫނިދޫގައި ބަންދު ކުރަނީ މާލޭގައި ހުންނަ އަތޮޅުވެހީގައި ޖާގަ ވެސް ހުއްޓަ އެވެ. އެހެންވެ، ރައީސް އިބްރާހިމް މުހައްމަދު ސޯލިހްގެ ސަރުކާރުން ދޫނިދޫގައި މީހުން ބަންދު ކުރުން ހުއްޓާލަން ޖެހޭ ކަމަށް ވެސް އޭނާ ވިދާޅުވި އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ސޭކުބެ
23 December 2018
ހަގީގަތަކީ މިއަދު މާލޭގެ ރައްޔިތުން ގޮސްލާނެ ފަޅުރަށެއްވެސް މާލެ އަތޮޅުގަނެތްކަން. މިދިވެހި ޤައުމުގެ ގުދުރަތީ ރީތިކަން ތަޖްރިބާކޮއްލުމުގެ ފުރުސަތު ދިވެހިންނަށް ގެއްލިގެން ގޮސްފަވާކަން. ފޭދޫ ފިނޮޅާ ކުޑަބަނޑޮސްވެސް އެންމެ ފަހުން ވިއްކާލީ. ދިވެހި މީހާ މިއަދު މިދާންޖެހެނީ މޫދަށް އެރިލަންވެސް ބޮޑުއަގުދައްކައިގެން. އަޅުގަޑު ބޭނުންވަނީ ފޭދޫ ފިނޮޅާ ، ކުޑަ ބަނޑޮހާ އަދި ދޫނިދޫވެސް ފަޅު ރައްރަށުގެ ގޮތުގަ ހަމަޖެއްސުން
ދީދީ
23 December 2018
ޏޫހުގެ ފަލަސުރުހީއައް މިވެސް އެރީތަ. ދެން ކުއްވެރިން ބައްތިއްބަނީ ސައުދުގެ ގޭގައިތޯ. ޥަހިދުއްދީން ކުޑަބަންޑޮސް ކަޓުވާލި ގޮތް ކިޔައިދިނިއްޔާ މާބުއްދިވެރި ވާނެ
އަބުލްބަރކާ
23 December 2018
އަޅުގަނޑަށް ފެންނަނީ ހުޅުމާލޭގައި ހައިސެކިޔުރިޓީ ޖަލެއް ހަދާ ތުހުމަތުގައި ޕޮލިސްބަންދު ކުރާމީހުންނަށް އެތާގަޢި ބައީތިއްބަން
ނިލޯ
23 December 2018
ކުޑަ ކުށެއް....؟؟ ތި ބުނާ ކުޑަ ކުށަކީ ކޮބާތަ؟؟؟؟؟؟
ޖޯކަރު
23 December 2018
ސައުދު އަށް އިހްސާސްވެސް ނުވާވަރުގެ ކަންކަން ކޮށްލަން ކެރޭ ރަނގަޅު ޒުވާނުން ދޫނިދޫގަ ތިބެނީ...މިތާންގަ މިއުޅޭ ބަސްއަހާ ކުދިން ދޫނިދޫ ގޮޅީގަ ނޫޅޭ.....އޭގެން މީހެއްގެ ދިފާއީ ލޯޔަރަކަށް ގޮސް އަހާލަންބާ ކުރި ކަމެއްތޯ ނުކުރާ ކަމެއްތޯ؟؟؟ ކުރި ކަމެކޭ ބުނެފިއްޔާ ދިފާއު ކުރާނަންތޯ؟؟؟؟ ގޯސް މީހުންގެ ދިފާއުގަ ނުނިކުމެބަލަ...
ކާލާދޭއް
23 December 2018
ގޯސް މީހަކަސް ރަގަޅު މީހަކަސް ކޮންމެވެސް ބަޔަކު ދިފާއުގައި ނުކުންނަންޖެހޭނެ. ގޮތް ނިންމާނީ ފަޑިޔާރުން.
.ކުށްވެރީން
23 December 2018
.ދެން ކުށްވެރީން ބަންދު ކުރަންވީ ތިނަދޫގާތޯ؟!!!!!!!!!!!!!!!!!!!!!!!!!!!!
6987
22 December 2018
އެރަށް ދީ އޭނަރިސޯޓެއް ހަދަން
މޯޑް
22 December 2018
ދޫނިދޫ ޖަލުގެ މައްސަލަ އެއް ނޫން މިއުޅެނީކީ. ސިސްޓަމް ރަގަޅު ކުރަންވީ. މުޅިއަކުން ދޮގު ވާހަކަ އެއް ނޫން ސައުދު އެބުނަނީ. ކުދިކުދި މައސަލަ ތަކުގަ ވެސް ހައްޔރު ކޮށްފަ ސުވާލް ކޮށްނުލާ އެބަބާތިއްބާ
56778
22 December 2018
ޝަރީއަތްތަށް އަވަހަށް ނިމޭނަމަ ތި ދޫނިދޫ ޖަލެއްގެ ބޭނުމެއް ނުޖެހޭނެ. ޝަރީއަތަކާނުލާ އެބަ ހައްޔަރުކޮށް ހިފަހައްޓާ ތިންމަސް ހަމަސް ވަންދެން. ވެރިމީމީހާގެ ވެރިކަން ހިފެހެއްޓުމަށްޓަކާ އެކަން އެގޮތަށް ކުރަނީ. ވ. ސަލާމް ދޫނިދޫ ޖަލަށް
އަލީރާޖާ
22 December 2018
ތިޔައީ ބުރިޖުގައި އެކްސިޑެންޓު ހިގާތީ ބުރިޖުން ދަތުރު ކުރުން ހުއްޓާލާ އެތަން ކުޑަކުދިންގެ ބާތުޑޭ ޕާޓީ ބާއްވާ ތަނަކަށް ބަދަލު ކުރުން ކަހަލަ ކަމެއް.