ކުޅުދުއްފުށި ހޮސްޕިޓަލްގައި އެޕޮއިންޓް ސިސްޓަމެއް ގާއިމް ކުރަނީ

ކުޅުދުއްފުށި ރީޖަނަލް ހޮސްޕިޓަލްގެ އެޕޮއިންޓް ސިސްޓަމް ވަރުގަދަ ކުރުމުގެ އެއްބަސްވުމުގައި ހެލްތު މިނިސްޓަރު އަމީން ދިރާގާ އެކު އިއްޔެ ސޮއިކުރައްވަނީ.---ފޮޓޯ: ހެލްތު މިނިސްޓްރީ

28 ޑިސެމްބަރ 2018 - 11:49

28 comments

ހދ. ކުޅުދުއްފުށި ހޮސްޕިޓަލްގައި އެޕޮއިންޓްމަންޓް ސިސްޓަމްގެ ޚިދުމަތް ފެށުމަށްޓަކައި އެތަނުގެ ޕީއޭބީއެކްސް ނުވަތަ ޓެލެފޯން ވިއުގަ ވަރުގަދަ ކުރުމަށް ހެލްތު މިނިސްޓްރީން އިއްޔެ ދިރާގާ ހަވާލުކޮށްފި އެވެ.

ޕީއޭބީއެކްސް ސިސްޓަމް ދެ މަސް ދުވަހުގެ ތެރޭގައި އަޕްގްރޭޑް ކޮށްދިނުމަށް ދިރާގުން އެއްބަސްވެފައި ވަނީ 332،628ރ. އަށެވެ. އެ އެއްބަސްވުމުގައި ހެލްތު މިނިސްޓަރު އަބްދުﷲ އަމީން އިއްޔެ ވަނީ ދިރާގާ އެކު ސޮއިކުރައްވައިފަ އެވެ.

Signing ceremony with @Dhiraagu for upgrading PABX to improve appointment system at #Kulhudhoofushi Regional Hospital #KRK @ameenex pic.twitter.com/giuydMrqeo
— Min of Health_mv (@MoH_mv) December 27, 2018

ކުޅުދުއްފުށި ހޮސްޕިޓަލަކީ މާލެ ފިޔަވައި އެންމެ ގިނަ މީހުން ޚިދުމަތް ހޯދަމުން އަންނަ ހޮސްޕިޓަލެވެ. ނަމަވެސް، އެތަނުގެ ޑޮކްޓަރުންނަށް ފޯނުން އެޕޮއިންޓްމަންޓް ހެއްދޭނެ ނިޒާމެއް މިހާތަނަށް ގާއިމް ކޮށްފައި ނުވާތީ ކައިރި ރަށްރަށުގެ މީހުންނަށް ޖެހެނީ ކަނޑު ދަތުރުކޮށްފައި ކުޅުދުއްފުއްޓަށް ގޮސް ޚިދުމަތް ހޯދުމަށެވެ. އެހެންވެ، މިއީ އުތުރު ސަރަހައްދުގައި ދިރިއުޅޭ އެތައް ހާސް ބަޔަކަށް ޒަމާނުއްސުރެ ކުރިމަތިވެފައިވާ ވަރަށް ބޮޑު ތަކުލީފެކެވެ.

ހެލްތު މިނިސްޓްރީން ބުނީ ޕީއޭބީއެކްސް އަޕްގްރޭޑަށް ފަހު ކުޅުދުއްފުށި ހޮސްޕިޓަލްގެ ފޯނުތައް ބިޒީ ނުވާނެ ކަމަށާއި ނެޓްވޯކް ވެސް ވަރުގަދަ ވާނެ ކަމަށެވެ. އަދި ވަރަށް ފަސޭހަކަމާ އެކު އެޕޮއިންޓްމަންޓް ހެދޭނެ ކަމަށް އެ މިނިސްޓްރީން ބުންޏެވެ. މީގެ އިތުރުން، ކޯލެއް މިސްވެއްޖެ ހިނދެއްގައި އެކަމުގެ އެލާޓް ލިބޭތީ އެކަމަށް ވެސް ސަމާލުވުމުގެ ފުރުސަތު ހޮސްޕިޓަލްގެ މުވައްޒަފުންނަށް ލިބޭނެ ކަމަށް ހެލްތު މިނިސްޓްރީން ބުނެ އެވެ.

"މި އަޕްގްރޭޑާ އެކު، ހޮސްޕިޓަލަށް ގުޅާއިރު، ޔޫޒާ ބިޒީ ވުމުގެ މައްސަލަ ހައްލުވާނެ. ހޮސްޕިޓަލްގެ ނެޓްވޯކް ވަރުގަދަވާނެ. ދިރާގާ އެކު މި އެއްބަސްވުމުގައި، ކުޅުދުއްފުށި ހޮސްޕިޓަލްގެ ފޯނުތައް ވެސް އައިޕީ ފޯނުތަކަށް ބަދަލުކުރާނެ. ކްލައުޑް ވޮއިސްގެ ޚިދުމަތް ލިބި ފޯނުކޯލްތައް މެނޭޖް ކުރުމުގައި ވަރަށް ބޮޑަށް ފަސޭހަ ވާނެ،" ހެލްތު މިނިސްޓްރީން ބުންޏެވެ.

ކުޅުދުއްފުށި ރީޖަނަލް ހޮސްޕިޓަލްގެ އެޕޮއިންޓް ސިސްޓަމް ވަރުގަދަ ކުރުމުގެ އެއްބަސްވުމުގައި ހެލްތު މިނިސްޓަރު އަމީން ދިރާގާ އެކު އިއްޔެ ސޮއިކުރެއްވުމަށް ފަހު އެއްބަސްވުން ބަދަލުކުރައްވަނީ.---ފޮޓޯ: ހެލްތު މިނިސްޓްރީ

މިއީ މާލެ ފިޔަވައި އެހެން ރަށެއްގެ ހޮސްޕިޓަލްގައި ޕީއޭބީއެކްސް ސިސްޓަމްގެ މިފަދަ އަޕްގްރޭޑެއް ގެންނަ ފުރަތަމަ ފަހަރު ކަމަށް ވެ އެވެ.

ހެލްތު މިނިސްޓަރު އަމީން ވަނީ މިދިޔަ ހަފުތާ ބަންދުގައި ކުޅުދުއްފުއްޓަށް ވަޑައިގެން އެ ރަށު ހޮސްޕިޓަލްގެ ހާލަތު އޮޅުން ފިލުއްވައިފަ އެވެ.

ދިރާގު ކުޅުދުއްފުށި ހޮސްޕިޓަލް އަބްދުﷲ އަމީން، ކުރީގެ ހެލްތު މިނިސްޓަރު ސިއްހީ ޚިދުމަތް ސިއްހަތު ހދ. ކުޅުދުއްފުށި

28 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތިވާހަކަ ޖެހޭނެ

30 December 2018

ވަރަށް މޮޅުކަމެއް ތިވާހަކަ ޖެހޭނެ ކޮންމެހެންވެސް ނޫހުގަ ޖަހަން، ހޭހުސްވެފަބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗުލްބުލީ

29 December 2018

މިފެންނަނީ ކޮރަޕުޝަން އާލާވާތަން. މިޑީލުގައި ކޮރަޕްޝަން ހިމެނޭމިންވަރު މިދާއިރާގައި މަސައްކަތް ކޮށްއުޅޭ ގިނަބަޔަކަށް ވިސްނޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރައިޝާ، ހެލްތު ވޯކަރު

29 December 2018

ތިމާ ހިއްސާ ކުރާ ކޮންމެ ހިޔާލެއްވެސް އެހާ ފަސޭހައިން ފެތުރޭ ޒަމާނެއްގައި، އެކަން ކުރަންވާނީ ޒިންމާދާރުކޮށް ރައްޔިތުންނަށް މަންފާވާގޮތަށް. މިއީ ހެލްތު މިނިސްޓްރީއިން ބިޑަށް ހުށަހަޅައިގެން އެތައް ކުންފުންޏެއް ވާދަކޮށް ދިރާގުން ކާމިޔާބުކުރި ބިޑެއް. އަދި މިއީ ހަމައެކަނި ހެލްތު މިނިސްޓްރީއަށް އިނގޭ ހަގީގަތެއްވެސް ނޫން، މިއީ އެންމެންނަށް އިނގޭ ކަމެއް. އެހެންވީމަ ފަރުދީ ޒިންމާ ރަނގަޅަށް އަދާކުރައްވާ ޗުލްބުލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްނިމް

29 December 2018

މިވަރު ކަމެއްގައިވެސް ހަމަ މިނިސްޓަރުތޯ ސޮއިކުރައްވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުކޮއި

29 December 2018

މީވެސް ހަބަރެއްތަ.. 100ދުވަހުގެ ވައުދެއްދޯ..ހަހަހަހަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިގަރު އަމީރު

28 December 2018

ހޮސްޕިޓަލެއްގައި އެއާކޯން ހަރުކުރުމަކީ ކުޑަކަމަކަށް ވެދާނެ ބައެއް މީހުންނަށް.. އެކަމަކު ވިހައިގެންގޮސް ވޯޑުގައި އޮންނަ މައި މީހާއާއި ދަރިފުޅަށް އިނގޭނީ ހޫނު ޖަނަރޭޓަރެއް ކަހަލަ ތަނެއްގައި އޮންނަންވީމަ ވާ އުދަގޫ.. އަދި ހަމަ އެ ގޮތަށް ކަނޑުހުރަސްކޮށް އެޕޮއިންޓެމަންޓް ހައްދަންދާ ނިކަމެތި ރައްޔިތުމީހާއަށް އިނގޭނީ އޭގައި ހުރި ދަތިތައްވެސް.. މިއީ ހަމަ ވަރަށް މުހިންމު ކަންތައް.. މި ކަންތަކަށް މިނިސްޓަރު ތިޔަ ދެއްވާ އިސްކަން ވަރަށް ބޮޑަށް ބަލައިގަންނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯ ޓު ޕާރޓީ

28 December 2018

މި ސަރުކާރުގެ އެންމެ ހީވާގި، މުރާލި، ހިންގުންތެރި، ކަމަށްކަމޭހިތާ، އަވަހަށް ހައްލުހޯދައިދޭ، ގިނަކަންކަން ކޮށްދޭ އެންމެ ޚިދުމަތްތެރި މިނިސްޓަރު. ގައުމާއިގެން ކުރިއަށް.