ވިޔަފާރި / ވީއައިއޭގެ އާ ރަންވޭގެ މަޝްރޫއު

ފަސް ދުވަހުގެ ތެރޭ 83 ޕްރައިވެޓް ޖެޓް ޖައްސައިފި

ވެލާނާ އިންޓަނޭޝަނަލް އެއަޕޯޓް ރަންވޭ ސަރަހައްދުގައި ގިނަ އަދަދެއްގެ ފްލައިޓްތައް ޕާކުކޮށްފައި

ފާތިމަތު ޝަނާ މުހައްމަދު، މިހާރު

31 ޑިސެމްބަރ 2018 - 11:30

10 comments

މިދިޔަ ފަސް ދުވަހުގެ ތެރޭގައި ވެލާނާ އިންޓަނޭޝަަލް އެއާޕޯޓަށް 83 ޕްރައިވެޓް ޖެޓް ޖައްސައިފި އެވެ.

މޯލްޑިވްސް އެއަޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ކޯޕަރޭޓް ކޮމިއުކޭޝަންގެ ޖެނެރަލް މެނޭޖަ ހަސަން އަރީފު ވިދާޅުވީ، މި މަހުގެ 25 އިން މިއަދުގެ ނިޔަލަށް ޕްރައިވެޓް 83 ޖެޓް ޖައްސާފައިވާ ކަމަށެވެ. މިދިޔަ އަހަރުގެ މި މުއްދަތުގައި ޖެއްސީ 55 ޕްރައިވެޓް ޖެޓް ކަމަށް އޭނާ ވިދާޅުވި އެވެ.

މި ދުވަސްވަރު އެއަޕޯޓުގެ ދަތުރުތަކަށް ވަރަށް ބާރު ބޮޑުވެފައިވާ ކަމަށާއި ކޮންމެ ދުވަހު ފަސިންޖަރުން އިތުރުވާ ކަމަށް އޭނާ ވިދާޅުވި އެވެ. އެއާޕޯޓަށް ބާރު ބޮޑުވި ނަމަވެސް އޮޕަރޭޝަންގެ ކަންކަން ކުރަނީ ފަސިންޖަރުންނަށް ދަތިނުވާނެ ގޮތަށް ކަމަށް އޭނާ ވިދާޅުވި އެވެ. އަދި ފަސިންޖަރުންނަށް ހިދުމަތް ދިނުމުގައި އެއާޕޯޓުގެ މުވައްޒަފުން މި ދުވަސްވަރު ވަރަށް ބުރަކޮށް މަސައްކަތްކުރަމުން އަންނަ ކަމަށް ހަސަން ވިދާޅުވި އެވެ.

ވެލާނާ އިންޓަނޭޝަނަލް އެއަޕޯޓުގައި ކިޔު ހަދާއިގެން ގިނަ އަދަދެއްގެ ދަތުރުވެރިން

ހަސަން ވިދާޅުވީ، އެއާޕޯޓަށް އަންނަ ބޯޓުތަކުގެ އަދަދު އިތުރުވުމުގެ ސަބަބުން، ވައިގެ ތެރޭގައި ބައެއް ފްލައިޓްތައް ހޯލްޑު ކުރަންޖެހޭ ކަމަށެވެ. ކުރިއަށް އޮތް ހަފުތާއެއްހާ ދުވަހުގެ ނިޔަލަށް އެއާޕޯޓުގެ ޓްރެފިކް ބާރު ބޮޑުވާނެ ކަމަށް އޭނާ ވިދާޅުވި އެވެ.

ކްރިސްމަސް އާއި އާ އަހަރާ ދިމާކޮށް ރާއްޖެއަށް ޒިޔާރަތްކުރާ ޓޫރިސްޓުން އިތުރުވެފައިވާ އިރު މިމަހުގެ 23 ވަނަ ދުވަހަކީ އެއަޕޯޓުގެ ރެކޯޑް ދުވަހެކެވެ. އެއާޕޯޓަށް ޖެއްސި އަދި ފުރި ފްލައިޓްތަކުގެ އަދަދު 729 އަށް އަރަ އެވެ. މީގެ ކުރިން ވީއައިއޭގެ ރެކޯޑް އަދަދެއްގެ ދަތުރުގެ މުއާމަލާތް ހިންގާފައި ވަނީ 644 އެއާޕޯޓް ޓްރެފިކް މޫވްމެންޓް (އޭޓީއެމް) އާ އެކު މި އަހަރުގެ ޖެނުއަރީ މަހު އެވެ.

މި މަހުގެ 23 ވަނަ ދުވަހު އެމްއޭސީއެލުން ވަނީ 21،992 ފަސިންޖަރުންނަށް ހިދުމަތް ދީފަ އެވެ. އޭގެ ތެރޭގައި 17،723 ބައިނަލްއަގުވާމީ ދަތުރުވެރިންނާއި 4،269 އެތެރޭގެ ދަތުރުވެރިން ހިމެނެ އެވެ. އަދި ސީޕްލޭންތަކުން 5،500 މީހުން ދަތުރުކުރި އެވެ.

އެއާޕޯޓު ފުރި ބާރު ބޮޑުވެފައިވާ އިރު މިދުވަސްވަރަކީ ރާއްޖެއަށް އަންނަ ޓޫރިންސްޓުން ވެސް އިތުރު ދުވަސްވަރެކެވެ. އެގޮތުން ގިނަ ރިސޯޓްތަކާއި ގެސްޓްހައުސްތަކެއް ހިންގަމުންދަނީ ފުލް އޮކިއުޕެންސީގަ އެވެ.

ޕްރައިވެޓް ޖެޓް އެއާޕޯޓް އާ ޓާމިނަލް ވީއައިއޭގެ އާ ރަންވޭގެ މަޝްރޫއު ވެލާނާ އިންޓަނޭޝަނަލް އެއާޕޯޓް ވައިގެ ދަތުރުފަތުރު

10 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެންދެރި

31 December 2018

ޕްރައިވެޓް ޖެޓް ޖައްސާފަ އޮންނަ ގަޑިތައް މަދުކޮށް ވަކި ބަޔަކު ޖީބައް އެތައް ހާސް ޑޮލަރެއް ލާވާހަކަ އަކީ އިވޭ އަޑެކެވެ. މިއީ ތެދަކަށް ވެދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހޫ

31 December 2018

މޮޅުވެފަ ތިވާހަކަ ދައްކާ އިރު އެތެރޭގެ އުދުހުންތަކަށް ހާދަހާ ދައްޗޭ! އިއްޔެވެސް ހަނިމާދޫން މާލެ އައި ފްލައިޓެއް 45 މިނެޓް އެއަރޕޯޓު މަތީ އުދުހެން އޮންނަން ޖެހުނު.. ޓްރެފިކް ބޯ ކަމުންނޯ! އެހެންވީމަ، ލޯކަލް ފްލައިޓްތަކަށް ޖާގަ ދެވެނީ އިންޓަރނޭޝަނަލް ފްލައިޓްތަކާއި ޕްރައިވެޓް ޖެޓްތަކަށް ވަގުތު ދީފަ ވަގުތެއް ބާކީ ވިއްޔާހެން ހީވަނީ. ޖާގަ ހޯދާފަ އެއް ނޫންތަ ފުރަނީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Haruge

31 December 2018

ވެލާނާ އިންޓަރނޭޝަލް އެއަރޕޯރޓް ތަރައްޤީކުރުމަށް ނަގާފަވާ ލޯނު ގިނަވެގެން 5 އަހަރުތެރޭ ނިންމޭނެ. ޅޯނުދެއްކުންލަސްނުކޮއްދައްކާނިންމާތި. ޢިންޑިޔާ އަށް ނުއަގުގަ ވިއްކާލާނީކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޜެންދޫ

31 December 2018

5 އަހިރުގެ ވެރިކަން ނިމިއްޖެ....އަދި ކޮނެނުނިމެ. އޭ.ޑީ.ބީ ، ޗިއިނާ ، ސައުދީން ލޯނުނަގާފަ ޓީވީއަށް އަރާފަ އެވާހަކަދެއްކި.......ކޯބާ އެފައިސާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޔާމީނު

31 December 2018

އެއަރޕޯޓުގެ ޕާސްޕޯޓު ކޮންޓްރޯލް އޭރިއާގައި އިންނަނީ ބަރާބަރު 4 ފާހާނާ އަންހެނުންނަށް. މީހުންތައް ފުރިބާރުވެފައި، ކުދިކުދި ކަންކަން ކަމަށް ހީވިޔަސް މީ ރާއްޖެއާއި މެދު ވަރަށް ގޯސްކޮށް ދެކޭނެ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުލް

31 December 2018

އަސްލުވެސް. ވަރަށް ކަންބޮޑުވާ ކަމެއް. ބޮޑެތި ކިއުތަކުގަ ފާޚާނައަށް ވަންނަން ތިބެންޖެހުމަކީ ތަރައްޤީ ނޫންކަން އަންގައިދޭ ކަމެއް. ލަގްޒަރީ ތަނެއް ގޮތުގަ ޓުއަރިސްޓުން ރާއްޖެއާއި މެދު ދެކޭ ގޮތް ބަދަލުވާނެ.