މޯލްޑިވިއަންގެ ބޯޓެއް: ދަތުރުތަކުގައި ލުއި ކާނާއެއް ދޭން ފަށަން ވަނީ ނިންމާފައި. -- ފޮޓޯ: މިހާރު
03 ޖެނުއަރީ 2019 - 15:29
42 comments
ގައުމީ އެއާލައިން "މޯލްޑިވިއަން"ގެ ދަތުރުތަކުގައި ދަތުރުވެރިންނަށް ކޮންމެވެސް ކަހަލަ ލުއި ކާނާއެއް ދޭން މަސަައްކަތް ކުރަމުން އަންނަ ކަމަށް އެ އެއާލައިން އިން ބުނެފި އެވެ.
މޯލްޑިވިއަން އޮޕަރޭޓްކުރާ ކުންފުނި އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު ޒިޒްވީ "މިހާރު" އަށް ވިދާޅުވީ ދަތުރުމަތީގައި ދޭ އެފަދަ ހިދުމަތްތަކަށް ހާއްސަ ޑިޕާޓްމަންޓެއް ވެސް މިހާރު އުފައްދާފައިވާ ކަމަށެވެ. އޭނާ ވިދާޅުވިގޮތުގައި ދަތުރުމަތީގައި "ސްނެކް" އެއް ނުވަތަ ލުއި ކާނާއެއް ދޭން، ކުރިއަށް އޮތް ހަތަރު މަހެއްހާ ދުވަހުގެ ތެރޭގައި ފެށޭ ވަރު ވާނެ އެވެ.
"އަޅުގަނޑުމެން މިހާރު މި ދެނީ ހަމަ އެކަނި ޖޫސް ނޫނީ ފެން. އެކަމަކު އަޅުގަނޑުމެން ކޮންމެވެސް ކަހަލަ ސްނެކެއް ދެވޭތޯ މި އުޅެނީ މިހާރު،" އޭނާ ވިދާޅުވި އެވެ.
ރިޒްވީ ވިދާޅުވީ ބޯޓުގައި ކާ އެއްޗެއް ވިސްނާއިރު ދަތުރުތައް ކުރުވުމަކީ، އެކަން ކުރަން ދަތިވާ ސަބަބެއް ކަމަށެވެ. އޭނާ ފާހަގަކުރެއްވި ގޮތުގައި ގިނައިން ކުރަނީ 30- 40 މިނެޓާ ދެމެދުގެ ދަތުރުތަކެވެ.
"އެކަހަލަ އުނދަގޫތަކެއް ވެސް އެބަހުރި. އެކަން ކުރާނެ ކޮންމެވެސް ގޮތެއް އަޅުގަނޑުމެން މި ބަލަނީ. ކުރިއަށް އޮތް ހަތަރު މަހެއްގެ ތެރޭގައި އަޅުގަނޑަށް ހީވަނީ ފެށޭ ވަރު ވާނެހެން،" ރިޒްވީ ވިދާޅުވި އެވެ.
މޯލްޑިިވިއަން ގެ އެތެރޭގެ އުދުހުން ތަކުގެ އަގު މި މަހުގެ 10 ވަނަ ދުވަހުން ހެޔޮކުރަން ނިންމައި އަގުތައް އިއްޔެ ވަނީ ނިންމައިފަ އެވެ. އެގޮތުން 25-30 ޕަސެންޓަށް އަގުތައް ވަނީ ދަށްކޮށްފަ އެވެ.
ރިޒްވީ ވިދާޅުވީ ޓިކެޓް އަގު ހެޔޮކުރީ ކުންފުނީގެ ބައެއް ހަރަދުތައް ކުޑަކޮށްގެން ކަމަށާއި އެހެންވެ ޓިކެޓްގެ އަގު ދަށްކުރުމަކުން، ހިދުމަތުގެ ފެންވަރު ދަށް ނުވާނެ ކަމަށެވެ. އޭގެ ބަދަލުގައި ބައެއް ހިދުމަތްތައް ކުރިއަށް ވުރެ ރަނގަޅުކުރަން އަމާޒު ހިފާފައިވާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓިކެޓް
05 January 2019
ބޭކާރު ޚަރަދުނުކޮށް ޓިކެޓް އަގު ހެޔޮ ކޮށްބަލަ. ކުރެވެން އޮތް ވަރަކަށް.
ބޭކާރު ޚަރަދެއް
04 January 2019
އެންމެ 30/40 މިނިޓުގެ ދަތުރެއްގައި ހަމަ އެންމެ ރަނގަޅީ ޖޫހާ ފެނާ ދިނުމެވެ. ބޭކާރު ޚަރަދު ކުރާނެ ކަމެއް ނެތެވެ.
ފޮސްކަލޯ
04 January 2019
މުޅި ދަތުރުގައި ފުލައިޓް ކޭޓަރިންގ ހަރަދު 2 ޖޫސްޕެކެޓް 18ރ. މުޅިޖުމްލަ ޖޫހުގެހަރަދު 36ރ. ދެން ބޮނަކުއާ ދެފެންފުޅި 14ރ. 50ރ. މުޅި އިންފުލައިޓްކޭޓަރިންގ. ފޮސްކަލޯ އަންނަނީ ހޮޑު ކުދިން ޖޫސްތަށި ބަހާގަޑި އެއީވެސް ކުދިތަށީގެ ދެބައިކުޅަ ދެބައި ނުވަތަ ތޯލާއެއް. ދެން މެޓާބަހަންފަށާ. ދިވެހިން އަންނަނީ ރުޅި ތިތަނުގެ ނަން އަޑުއިވުނަސް. އައިޝާ ފިލައިފި ދެރުފިޔާ އަގުހެޔޮކޮށްފަ އައްޑޫ ސެކްޓާއިން. ޢައްޑޫ މީހުން ބޮލަށް ޗިޕް.
އަހު
04 January 2019
ރާއްޖޭގައި ބަޖެޓް އެއާލައިންގެ ހިދުމަތް ދޭންވީ. ޔޫރަޕުގަ 15 ޑޮލަރަށް ދަތުރުކުރެވޭ އެއާލައިންތަށް ހުންނައިރު
ޑީޕިކާ
04 January 2019
ތިއުޅެނީ ބަނގު ރޫޓުވާން... ބަލަންތިބޭތި... ބޯކޮޅުވައްތަށް
ޅިޔަނާ
04 January 2019
ކާނޭ ބޯނޭ ނުކިޔާ ހަމައަގަށް ޓިކެޓު ތިރިކޮށްދީ. ހަމައެކަނި ކްރެޑިޓަށް ބޮޑެތި ސިޔާސީމީހހުންނާ އެ މީހުންގެ އާއިލާތަކަށް ދަތުރު ކޮށްދިނުމުގެ ހަޑި ތާރީހެއް އޮތް ކުންފުންޏެއް ގޮތުގައި އޮތް އޮތުން ބަދަލުކޮށް ދިވެހިންގެ ކުންފުން އާދައިގެ މީހާއަށްވެސް ފައިދާވާ ގޮތަށް ކުންފުނި ބަދަލްކޮށްދީ
ޙަސަން އަޙްމަދު
03 January 2019
ހަނިމާދޫ އެއަރޕޯޓު ހުޅުވީއްސުރެ އަހަރެން މަތިން ދަތުރު ކުރަމުން މި އަންނަނީ. އެއަރމޯލްޑިވްސް ގެ ނަމުގައި ގައުމީ އެއަރލައިން ދުއްވި އިރެއް ވެސް ދިޔަ. ނޫކުލައިގެ ދިގުހެދުމުގައި ތިބި ކުދިން މާ ރީތި. ތިޔަ ބުނާ ސްނެކް ވެސް ދިން. މެޓާ ވެސް ބެހި. ވާހަކަ ދައްކާ ގޮތުން ހީވަނީ ދުވަހަކު ނުކުރާ ކަމެއް ފަށަން ވިސްނަނީއޭ. ބަލަގަ ކުރު ދަތުރުގަ ޖޫސްތަށި ބަހާލެވޭ އިރު އެޔާ އެކީ ތިޔަ ބުނާ ސްނެކެއް ދޭނެ ވަގުތެއް ނުވާން ޖެހޭ ސަބަބެއް ނެތް. ހަމަޖެހޭ ވާހަކަ ދައްކާ.
ވިލްސް
03 January 2019
އަދި ކިރިޔާ؟ އޯކޭ ދެން ތިވަރުވެސް ވީކަން
މުށިމަސް
03 January 2019
ދިވެހިން ބޭނުންވާނީ 200 ރުފިޔާއަށް އައްޑޫ ދެކޮޅު ޓިކެޓާ، 300 ރުފިޔާ އަރާވަރު ކެއުން ގަނޑަކާ. އެވެސް އެވަގުތަކު ލިބެން ނެތް އެތި ބޭނުންވާނީ.
176509
03 January 2019
ތި ސްނެކް ބޭނުންނުވާ މީހުންނަށް ޓިކެޓު ހޮޔޮ ވާނެތޯ