ޑރ. ޝަހީމް އަލީ ސައީދު: ވިދާޅުވަނީ ކަޅުވަކަރު މިސްކިތް ބަހައްޓަނީ އިސްލާމީ މަރުކަޒު ދޮރުމަތީގައި ކަމަށް -- މިހާރު ފައިލް ފޮޓޯ
05 ޖެނުއަރީ 2019 - 16:07
61 comments
އިސްލާމީ މަރުކަޒުގެ ކުރިމަތީގައި، ތާރީޚީ ކަޅުވަކަރު މިސްކިތް ބެހެއްޓުމަކީ ރަނގަޅު ކަމެއް ނޫން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
އެކަމަކު އެތަނުގައި ކަޅުވަކަރު މިސްކިތް ބަހައްޓަން އޭނާ ދެކޮޅުހައްދަވަނީ، ނަމާދުކުރާ ގޮތަށް އެ މިސްކިތް ރާވާ ނަމަ އެވެ.
ކުރީގެ ސަލްޓަން ޕާކްގެ އިރުދެކުނު ކަންމަތީގައި ވިންޓާ ޕާކެއް ހަދަން ރައީސް އަބްދުﷲ ޔާމީންގެ ސަރުކާރުން ރޫޅާލި ކަޅުވަކަރު މިސްކިތް އަލުން ބަހައްޓާ ތަނާ މެދު، ޔާމީންގެ ރަނިންމޭޓަކަށް ހުންނެވި، ޝަހީމް ވިދާޅުވީ އެހެން މިސްކިތެއްގެ ދޮރުމަތީ މިސްކިތެއް އެޅުމަކީ ހުއްދަ ކަމެއް ނޫން ކަމަށެވެ.
ދިރާގުގެ ހެޑް އޮފީސް ކުރިން ހުރީ ރާއްޖޭގެ އެންމެ ބޮޑު މިސްކިތް އިސްލާމީ މަރުކަޒުގެ ކުރިމަތީގަ އެވެ.
"އެއީ ދީނީ ގޮތުން ބަލާއިރު އިލްމުވެރިން ބަހުސް ކޮށްފައިވާ މައްސަލައެއް. މިސްކިތެއްގެ ދޮރުމަތީ މިސްކިތެއް އެޅުން ކީރިތި ރަސޫލާގެ ހަޔާތްޕުޅުގައި ވަނީ މަނާކުރައްވާފައި،" ޝަހީމް އޭނާގެ ފޭސްބުކް ޕޭޖްގައި ލިއުއްވި ވިދާޅުވި އެވެ.
"ކަޅުވަކަރު މިސްކިތް ބަހައްޓަނީ އެތަނުގައި ނަމާދު ނުކުރެވޭ ގޮތަށް ކަމަށްވާ ނަމަ އަދި ތަރައްގީގެ ގޮތުން ހުންނަ އިމާރާތެއްގެ ގޮތުން ނަމަ އެތަނުގައި ބެހެއްޓުން އެންމެ ރަނގަޅު."
ކަޅުވަކަރު މިސްކިތް ކުރިން ވެސް ހުރީ އިސްލާމީ މަރުކަޒާ ވަރަށް ކައިރީގަ އެވެ. އަދި އިސްލާމީ މަރުކަޒަށް ވުރެ ދަރުމަވަންތަ މިސްކިތާ އެތަން އޭރު ކައިރި އެވެ. އެކަމަކު މިހާރު އެ މިސްކިތް އަލުން ބަހައްޓަން އެ އުޅެނީ އިސްލާމީ މަރުކަޒުގެ ސީދާ ދޮރުމައްޗަށް ވާ ގޮތަށެވެ.
ދިރާގުގެ ކުރީގެ ހެޑް އޮފީސް ހުރި ތަން ސާފުކޮށް މިހާރު ބޭނުންކުރަނީ ޕާކިން ޒޯނެއްގެ ގޮތުގަ އެވެ. އެތަނުގައި ކަޅުވަކަރު މިސްކިތް ބަހައްޓަން ނިންމީ އެކަމާ ގުޅޭ ތަޖުރިބާކާރުންނާއި އާންމުންގެ ހިޔާލު ހޯދުމަށް ފަހު ކެބިނެޓުންނެވެ.
ކަޅުވަކަރު މިސްކިތަކީ ތަފާތު ކުރެހުން އަޅައި ފާރުތައް ހިރިގަލުން ހަދާފައި ހުރި ކުޑަކުޑަ މިސްކިތެކެވެ. މި މިސްކިތުގައި ހިރިގަލުން ބިންވަޅުނަގައި ލިޔެވިފައިވާ ލިޔުމަކުން އެނގޭ ގޮތުގައި މިސްކިތް ބިނާކުރީ އައްސުލްތާން ހަސަން ނޫރައްދީން އިސްކަންދަރުގެ ރަސްކަމުގެ 10 ވަނަ އަހަރުގަ އެވެ. މި ރަދުން ރަސްކަން ކުރެއްވީ 1779 އިން 1799 އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުލައި
06 January 2019
ކަޅުވަކަރު މިސްކިތް ނޫން ކަމެއްދެން މިސަރުކާރުގަ ނެތީތަ؟ މިސްކިތް ހުޅުމާލޭ ހެރިޓޭޖް ޕާކްގަ ބެހެއްޓުން ހަމަ އެންމެ ރަނގަޅީ
ގަބުރުސިޓީ
06 January 2019
މިސްކިތް ނެގިއިރު ޝަހީމު ކޮބާ؟ މާފަންނު ގަބުރުސްތާނުން ގަބުރު ނެގިއިރު ށަހީމު ކޮބާ؟
ހަމަބުއްދި
06 January 2019
ﷲ ލޯދެއްވީ ބަލަން .. ކަންފަތް އަޑުއަހަން .. ނޭފަތް ވަސްބަލަން ..އަގަދެއްވީ ކާން ..ދޫ ވާހަކަދައްކަން .. އަތް އެއްޗެހީގަ ހިފުމާ އިހްސާސްކުރުމަށް .. ފައި ހިގާބިނގާވެ އުޅުމްށް ..މިހުރިހާ ގުނަވަންތައް ހަމަމަގުގަ ބެހެއްޓުމަށް ސިކުނޑި ދެއްވި ﷲގެ ކުޅަދުންވަންތަކަމާއެވެ ..މި މަތިވެރި ނިއުމަތްތަކަށް ޝުކުރުކުރާ ބައެއްނަމަ މިސްކިތް ނަގާހޫރާލި ދުވަހު އަގައިންނުބުނެ ، އެމިސްކިތް ބަހައްޓަން އުޅޭތީ މިފާޑަށް ހުތްޖަތް ނުދެއްކީސް .. ދައްކާނަމަ އެއީ ކަންދެއްކުން .
ފޮނިޓައްޕު ހަސަނު
06 January 2019
މީނަމީ ދެންކާކު އަނގަ ފޫޅާކުރަން. އެމިސްކިތް ނެގިއިރު މީނައޮތީ ނިދާފަތަ؟
ސީދި
06 January 2019
އަޅެދެން ދަލުބޭރުން ނުޖެހި ރަށުތެރޭން އެހެންކަމަކާ އުޅެބަލަ....
އަބްދުއްالله
06 January 2019
އެތަނުގައި ކުރިން މިސްކިތެއް ހުރި. ނަމަކީ ޓަކިބޭ މިސްކިތް. އިސްލާން މަރުކަޒު ތިޔަ ހުރިތަނުގައި ހަމަ އެއިރު ދެ މިސްކިތް ހުރި. ދެކުނު ފަރާތުގައި ހުރި މިސްކިތަށް ކިޔުނީ އެތެރެކޮއިލު މިސްކިތް. އުތުރު ފަރާތުގައި ހުރީ ގަސްދޮށު މިސްކިތް. މާލޭ ހުކުރު މިސްކިތުގެ ސީދާ ކުރިމަތީގައިވެސް މިސްކިތެއް ހުރި. އެއީ މެދުޒިޔާރަތް މިސްކިތް. ހުކުރުމިސްކިތުގެ އުތުރުން ރައީސް އޮފީސް ހުންނަ ތަނުގައިވެސް މިސްކިތެއް ހުރި. އެއީ އަތްކަނޑާ މިސްކިތް.
ތިމާވެށި
06 January 2019
ޒިޔާރަތައް ނަދުރުވެސް ބުނީމެވެ. އެކަންދިނީ ގޮތުން ހުއްދަ ކަމަކަށް ނުވާނެކަން އެނގުނީމަ އެކަން ކުރުން ހުއްޓާލީއެވެ.
އަބްދުއްالله
06 January 2019
ތިމާވެށި، މެދުޒިޔާރަތް މިސްކިތަކީ ޒިޔާރަތެއް ނޫން. އެއީ މިސްކިތެއް. އެމިސްކިތަށް އެހެން ކިޔުނީ މެދުޒިޔާރަތާއި ޖެހިގެން ހުންނާތީ. މެދުޒިޔާރަތް ކައިރީގަ ހުންނަ ގެއަކަށް ކިޔާ މެދުޒިޔާރަތްދޮށުގެ. އެއީވެސް ޒިޔާރަތެއް ނޫން. އެއީ ގެއެއް.
އިލްހާމް އަހުމަދު
06 January 2019
ޑރ. ޝަހީމްގެފަތުވާ އަކީ އަޅުގަނޑު ގަބޫލުކުރާ ފަތުވާއެއް. އިލްމުވެރިންގެ ތެރެއިން ގުރުއާން ބަޔާންކޮށް ދިނުމުގައި އެހެން އިލްމުވެރިންނާއި އަޅާ ބަލާއިރު އެންމެ ރަނގަޅު އެއްބޭފުޅެއް މީ.
ނެކްސްޓް
06 January 2019
ނަގާފަބެހެއްޓިތަން ރަގަޅުތަ؟
ަިަދީދީ
06 January 2019
މީނައަށް އެތަން ނެގުން އޯކޭ ދޯ؟
ފަހީމާއިބުރޭ
06 January 2019
ކަޅުވަކަރު މިސްކިތް އަޅަންވީ ހެންވޭރު ބޯޅަދަނޑުގެ ދެކެނުނުން މިއޮންނަ ( ކުރީގެ ޑެންޓަލް ހިންގި އިމާރާތް / ބޭރުގެ ޓީޗަރުން ބޭތިއްބި ޢިމާރާތް/ މިހާރު ބިލިއާޑް ކުޅޭ ތަނެއް ހުރި ތަނުގައި ) މިއީ އަޅުގަނޑުގެ ޚިޔާލެވެ.