ރިޔާސ އިންތިހާބުގެ ކެމްޕޭނުގައި ސްރީލަންކާގައި ބޭއްވި ޖަލްސާއެއްގައި ރައީސް ނަޝީދު ވާހަކަފުޅު ދައްކަވަނީ
10 ޖެނުއަރީ 2019 - 23:22
29 comments
ރާއްޖޭގައި އަދިވެސް ހިނގަމުން މި އަންނަނީ 2008 ވަނަ އަހަރުގެ ރިޔާސީ އިންތިހާބަށް ވީ ވައުުދުތައް ކަމަށާއި ރާއްޖެ ބަދަލުވީ އެ ވައުދުތަކުން ކަމަށް ކުރީގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.
އޭޕްރިލް މަހު ބާއްވާ ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް އެމްޑީޕީގެ ކެންޑިޑޭޓުން ހޮވަން ބާއްވާ ޕްރައިމަރީގައި މަކުނުދޫ ދާއިރާއަށް ވާދަކުރައްވާ ޖެނިފާ މުސްތަފާގެ ކެމްޕޭން ފެށުމަށް ބޭއްވި ރަސްމިއްޔާތުގައި، 2008 ގެ ރިޔާސީ އިންތިހާބު ކާމިޔާބުކުރެއްވި ނަޝީދު ވިދާޅުވީ ރާއްޖެ ބަދަލުވީ މިހާރު މިއޮތް ޓެކްސްގެ ނިޒާމު ތައާރަފްކުރަން ވީ ވައުދުން ކަމަށެވެ. އިޖްތިމާއީ ރައްކާތެރިކަން ފޯރުކޮށްދެވުނީ ޓެކްސްގެ ނިޒާމުގެ ސަބަބުން ކަމަށް ވެސް އެމަނިކުފާނު ވިދާޅުވި އެވެ.
"ރައީސް އިބްރާހީމް މުހައްމަދު ސޯލިހްގެ ވައުދުތަކަކީ އަކުރުން އަކުރަށް، އިރާދަކުރެއްވިއްޔާ ރަނުން ރަނަށް އަޅުގަނޑުމެން ފުއްދާދޭނެ ވައުދުތަކެއް. އެމްޑީޕީއަކީ ވައުދުވާ ޕާޓީއެއް އަދި ވައުދު ފުއްދާ ޕާޓީއެއް. 2008 ވަނަ އަހަރުގެ ވައުދުތައް ހަގީގަތުގައި އަދިވެސް މިރާއްޖޭގައި ހިނގަމުން މިދަނީ،" ނަޝީދު ވިދާޅުވި އެވެ.
ޓެކްސްގެ ނިޒާމު ތައާރަފް ކުރުމަށް ވީ ވައުދު ފުއްދުމުން ރާއްޖެއަށް އައި ކުރިއެރުމާ ބެހޭ ގޮތުން ވާހަކަ ދައްކަވަމުން ރައީސް ނަޝީދު ވިދާޅުވީ އެމްޑީޕީގެ ފުރަތަމަ ސަރުކާރު ފެށި އިރު ރާއްޖޭގެ އާމްދަނީ ހަތަރު ފަސް ބިލިޔަން ރުފިޔާއަށް ނާރާ ކަމަށާއި ބަޖެޓަކީ ހަތް ބިލިޔަން ރުފިޔާ ކަމަށެވެ. ނަމަވެސް ޓެކްސްގެ ނިޒާމު ތައާރަފް ކުރުމުން މިހާރު ރާއްޖޭގެ ބަޖެޓަކީ 30 ބިލިޔަން ރުފިޔާ ކަމަށާއި ރާއްޖޭގެ ގައުމީ އުފެއްދުންތެރިކަން ހުރީ 77 ބިލިޔަން ރުފިޔާގައި ކަމަށް ވެސް އެމަނިކުފާނު ވިދާޅުވި އެވެ.
"ބޮލަކަށް ޖެހޭ މިންވަރު 12،000 ޑޮލަރު ފަހަނަ އަޅައި ހިނގައްޖެ. ދިވެހި ރާއްޖެއަކީ ނިކަމެތި ފަގީރު ގައުމެއް ނޫން،" ނަޝީދު ވިދާޅުވި އެވެ.
ރައީސް ނަޝީދުގެ ވެރިކަމުގައި ތައާރަފް ކުރެއްވި އެހެން ބައެއް ކަންކަމުގެ ވާހަކަވެސް އެމަނިކުފާނު ދެއްކެވި އެވެ. އެގޮތުން ލޯކަލް ޓޫރިޒަމްގެ ސަބަބުން ރަށްރަށަށް ލިބުނު ކުރި އެރުމުގެ ވާހަކަ ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުދާ
11 January 2019
އަދިވެސް މިއީ 2008
ލަމްޙާ
11 January 2019
އެތައް އަހަރެއް ވީއިރު ދިރާސާކޮށް ނުނިމުނު ޓެކްސް ނިޒާމު ތައާރަފުކުރި ރައީސް ނަޝީދަށް އިންކަމް ޓެކްސް ނެގުމަށް މަސައްކަތްކޮށް ދެއްވުމަށް ގޮވާލަން. މިރާއްޖޭގެ ނިކަމެތި ރައްޔިތުންނަށް ރަނގަޅުގޮތްތަކެއް ހޯދޭތޯ އަބަދު ބަލާ ރައީސްއެއް މިނޫނީ ނެތް
ވައުދު
11 January 2019
ވެރިޔާ މޮޔަފުޅުވީތޯ؟ ދެންމިފަހަރުވީ ވައުދު ފުއްދާނީ އަންނަ ދައުރުގުގަބާ؟
ގަރަހިތާ
11 January 2019
12،000 ޑޮލަރ ބޮލަކަށްޖެހޭއިރު އެ ރުފިޔާ އަތަކަށް ނުލިބޭ. ޝައްކެއްނެތް ގޯހެއް އެބައުޅޭ. މުއްސަތިންގެ އަތުން މިހާރަށްވުރެ ބޮޑު ޓެކްސްއެއް ނަގަންޖެހޭނެ. މަދު މީހުންގެ އަތުގައި ހެސްކިޔާފަ ލާރި އެބައޮތް، ގިނަ މީހުންނަކީ އަތްމަތި ދަތިބައެއް. މިއީ ދައުލަތުގެ މުއްްސަތިކަން ނަހަމަގޮތުގައި ބަހާފައިވުމުގެ ނަތީޖާ. ސުވާލަކީ ކިހިނެތްހޭ މުއްސަތިން ކޮންޓްރޯލް ކުރާނީ. މުއްސަތިން ކޮންޓްރޯލް ކުރެވިއްޖެނަމަ އެންމެން ހަމަހަމަވެގެންދާނެ.
ބޮޑު ބަންޑާރަ
11 January 2019
ކޮންފަދަ ބޮޑުކަމެއްދެންމީ. މިދުނިޔޭގައި މިހިނގަނީ މުޅިންވެސް މަގޭ ޚިޔާލުތައް. ކަންކަން ވިސްނެމުންދަނީ ވަރަށް މަދުބަޔަކަށް. މިހާރުގެ ޓްރަމްޕަށްވެސް އަދި އޮބާމާވެސް އެކުރީ މަކުރަން ހުރި ކަންކަން. އެކަން އެމީހުންނަށެވެސް މީގެ ކުރިން ނުވިސްނޭނެ.
ރަދީފުގެ ދަރި ކުމާރު
11 January 2019
ކިހިނެއް އެއްވައުދަކަށްވާނީ. ނަޝީދު ބުނީ އަނެއްދިވެހިރާއްޖެ ގެނަސްދޭނަމޭ. އެކަމަކު އިބޫދައްކަނީ ޖަޒީރާއްޖެއެއްގެ ވާހަކަ. ސުވަލަކީ އަނެއްރާއްޖެއާ ޖަޒީރާރާއްޖެއާ މީ އެއްތަނެއްތޯ.
ވެދާނެ
11 January 2019
ހަމައެކަނި ރީބްރޭންޑްކޮށްފަ ނެރުނީ...
ތިމާވެށި
11 January 2019
މަޖްލިސް ކާމިޔާބު ކޮށް ވެރި ކަމުން އިބޫ ބާލަން މަސައްކަތް ކުރާ މީހެކެވެ. މީނަ އަށް އިތުބާރެއް ނުކުރެވެއެވެ.
ޑރ.ނަޒުނާ އަހުމަދު/ހިތަދޫ/ޔޫކޭ
11 January 2019
މަނިކު ފާނުއަށް ތާއިދުކުރުމުގެ ސަވަބުން އައްޑުވަނީ ބާކީކޮށްފައި.އައްޑު މީހުނައް މިހާރު އެކަން ރިއަލައިޒް އެބަވޭ. މަނިކުފާނު ތިޔަ ހީކުރައްވާފަދަ ސޯފުޓު ބޭފުޅެއްނޫން މިއަދުގެ ރައީސަކީ.. ވަރައް ގޮތުގައި ހުންނާނެ ބޭފުޅެއް. މަނިކުފާނަށް ޚާއްސަކޮށްގެން ހިތަދޫގައި ދައުލަތުގެ ނިޝާން ހަރުކޮށް އައްޑޫގައި އަމިއްލަ އެދުމަށް އުޅޭ މަދުބަޔަކު ކުރަމުންދާ ކަންތައް ތަކުގެ ސަވަބުން 1960ގެ ހަސަދައާއި ނަފުރަތު!!.މިސަރުކާރުންއެއްވެސްހަރުދަނާޕޯސްޓެއްނުދިނީ އެހެންވެ.
ކަނޑުބޭރި
11 January 2019
2008 ގެ ވެރިކަން ހިނގަން އަދި ރަނގަޅަށް ނުފަށާ. އެވެރިކަން އަލުން ފަށާނެ މެޖޯރިޓީ ލިބުނީމަ ދެއްތޮ؟ އޭރުން ޑޮލަރުވެސް ނުލިބޭނެ. ހުވާ މިބުނީ މިހިރީވާ މޮޔަ ސޮރެއް މިރާއްޖެއަށް ފާވެފަ!
ޕޮކަޑިމޭން
11 January 2019
ރާއްޖެ ބަދަލުވީކީ މިހާރު މިއޮތް ޓެކްސްގެ ނިޒާމުގެ ސަބަބުބްނެއްނޫބް، ރައްޔިތުން އަތުން ނަގާ ހުރިހާ ޓެކްސްއެއް އެއްކޮށްލައި މަހެއްގެ މަޗަށް ޖެހޭވަރުން ބަހާލިޔަސް ރާއްޖޭގެ ރިސޯޓަކަށް މަހެއްގެ މައްޗަށް ވަންނަ އެތައް ހާސް ޑޮލަރާ އެއްވަރު ނުވާނެ، ދިވެހިންގެ ބޮލަކަށް ޖެހޭ ނިސްބަތް 12000 ޑޮލަރު ފަހަނައަޅާ ގޮއްސިއޭ ބުނިއިރު މިއުޅެނީ އަނގަޔާ އަތާ ދިމާނުވެގެން